大仔大女媽媽會 今日: 0 | 主題: 177860

積分: 12312

2024年龍年勳章

421^#

發表於 06-11-9 15:09 |只看該作者

Re: 彥媽與你 BB 讀書/學習交流站

fostermak:

你話等考小一個時先大包圍都未遲,我仲諗住而家報幼稚園部署好晒
==> 我會suggest 你咁係唔想你咁快就俾太大壓力自己 only, 事實上讀邊間幼稚園真係唔係太大影響 (at this stage), BB 6 歲以前家長對佢既 influence 仲可以好大, 亦較易 mould, 所以只要唔係揾著間 "賊船"比佢 (即係d peers 極冇品, 家長又極 non-civilized 個d ), 咁都唔太大問題既...

再者, 依家d幼稚園就算係人地話最深個d 都係好多時係玩呀, 食呀咁架喇...唔係真係"深"就好似操兵咁既, 先唔好比人嚇親, 因此, 點都好, 呢3 年幼稚園都係 honeymoon time...好好地等佢嘆吓喇...升小一你地就知....

小一之後係佢 value system + learning motives build up 既關鍵時期, 所以一間"好"既小學遠比一間"好"既幼稚園嚟得更重要...

在我....當年都係, 考幼稚園都係平常心, 反而考小學我既部署就會更多喇...

點都好..考即管去考你心儀既, 多人爭都冇所謂, 但只係想你抱住考到最好, 考唔到都唔係太大問題, 小學仲有 one more chance ar ma...

你咁多fans,幾時會搞個飯局或茶

私人傳訊

klwy

積分: 1239

422^#

發表於 06-11-9 17:47 |只看該作者

Re: 彥媽與你 BB 讀書/學習交流站

彥彥媽咪,

我要冒住比你打冇溫書的險代朋友問呢個問題.(如果之前有提請提示)

朋友話假設讀完禮賢私小(在深水埗), 到升中時想讀回阿公的中學, 會跟深水埗的校網派位定住址校網派?

如上面答案是跟住址, 假設家住天水圍, 想入九龍城中學校網, 為求搏多個機會, 咁咪好似升小學咁<做法>又要借地址或搬屋做定住址證明?

謝謝啊!
呢排少發表, 但我仍有密密追看, 你放心, 我地唔會嫌你長氣, 只怕你手軟唔打啫, 你有訓話, 一定追睇.

辛苦哂.

私人傳訊

bbmama-cl

積分: 317

423^#

發表於 06-11-10 09:31 |只看該作者

Re: 彥媽與你 BB 讀書/學習交流站

彥媽,
多謝你的意見.
很想一睹你的風采, 飯局可否預埋我? (謝師宴)

私人傳訊

reginefhk

積分: 4284

424^#

發表於 06-11-10 16:12 |只看該作者

Re: 彥媽與你 BB 讀書/學習交流站

今日都未見彥媽上來...
不如等彥媽定個時間和地點, 然後開個 topic 報名啦!

私人傳訊

積分: 12312

2024年龍年勳章

425^#

發表於 06-11-10 18:37 |只看該作者

Re: 彥媽與你 BB 讀書/學習交流站

klwy:

係呀....要打你...

真係冇溫書噃...

不過彥媽"哦"完都會答既....

朋友話假設讀完禮賢私小(在深水埗), 到升中時想讀回阿公的中學, 會跟深水埗的校網派位定住址校網派?
==>中學派位係跟小學校址既, 所以以禮賢小學計, 佢係屬"深水步"區...所以派都係深水步d學校...唔係九龍城...

如上面答案是跟住址, 假設家住天水圍, 想入九龍城中學校網, 為求搏多個機會, 咁咪好似升小學咁<做法>又要借地址或搬屋做定住址證明?
==>so 呢條唔駛答喇~~ :wink: :wink:

私人傳訊

evan01

洋房

積分: 482

426^#

發表於 06-11-10 22:06 |只看該作者

Re: 彥媽與你 BB 讀書/學習交流站

Hello 彥媽

我新加入的
請指點一下
我小兒現就讀幼稚園(國際班)k1
現在計劃將來升本地傳統小學
使吾使k2轉返(主流班)

:-) 我愛這個家

私人傳訊

klwy

積分: 1239

427^#

發表於 06-11-11 19:00 |只看該作者

Re: 彥媽與你 BB 讀書/學習交流站

彥彥媽咪:

幾時都話彥媽最好人, 最抵錫.

thank you very much.
唔怪之得成日話小學校網咁重要啦.
我又蠢又理解得慢, 真係辛苦哂彥媽

私人傳訊

BigPig

積分: 446

428^#

發表於 06-11-11 23:04 |只看該作者

Re: 彥媽與你 BB 讀書/學習交流站

咁藍田觀塘既小學校網好唔好?
迦南幼稚園又如何?

私人傳訊

ypoons

男爵府

積分: 9577

2018復活節勳章開心吸收勳章 hashtag影視迷勳章親子王國15週年勳章

429^#

發表於 06-11-13 19:13 |只看該作者

Re: 彥媽與你:BB 讀書/學習交流站 (答問區)

Hi 彥彥媽咪,

我係你粉絲, 我唔係0604媽咪, 之前偶然發現哩個topic, 已經睇晒四十幾版, 我想問下你既意見:-
我個仔04年12尾出世, 到而家為止佢都係識講好少野 (但佢係明我地講野), 所以我一心俾佢做大仔, 報左蘇浙幼兒班, 已經收左, 出年九月開學. 因我buy佢普通話教學. 所以車程約一小時都應該會去返 (唯有當親子時間), 但近排很多朋友話應該返k1 repeat k1 好D, 因佢一路都有返開playgroup, D反應都唔差. 驚佢係幼兒班做大仔會悶, 又少D野學. D人又話到出年佢講野會好好多. 攪到我心大心細.所以想你俾D意見我. 謝謝.

私人傳訊

fish1406

洋房

積分: 107

430^#

發表於 06-11-14 00:56 |只看該作者

Re: 彥媽與你 BB 讀書/學習交流站

彥彥媽咪:
多謝你比的意見!
我宜家都仲了解緊台灣既教育,我想再一段時間,我先至有我小寶貝既教育計劃^^!
點都好啦,先多謝你的意見,有你的意見我先大約有了一點想法.
謝謝你

私人傳訊

積分: 12312

2024年龍年勳章

431^#

發表於 06-11-14 09:51 |只看該作者

Re: 彥媽與你 BB 讀書/學習交流站

Dear all....morning...

Sorry 遲左覆...呢排行程緊密左d..所以打唔切....不過一定覆...等等...嘻嘻...

To : evan01:

你小朋友既然讀得國際班..但又想讀番主流小學....唔...有d奇怪, 因為讀得國際班既, 多數都會循番呢條路行, 若你又唔係打算俾佢升國際小學, 咁又好似冇必要讀國際班丫..你係唔係諗住國際班可以 drill 多d小朋友既語文先有此決定..??

If yes, 咁我又可以話....若你打算入讀番主流小學, 咁又意義不大喇..因為九成 HK 小學都係中文小學....咁除非你俾小朋友考到一間真正既英文小學喇... (e.g. DBSPD), otherwise 佢幼稚園學左既語文響冇乜 follow up (e.g. Putonghua) 既情況下都唔會留得低幾多....咁當然, 讀國際班係好...學多幾樣野, 只係我認為若最後打算都係讀番主流小學, 咁就有d waste la...讀普通幼稚園已得咁解...

但..你仍可 continue to study 國際班既, 但要多留意佢地既方程進度喇..因為若佢地太側重於活動教學的話就怕會第日升小學時較辛苦了...

私人傳訊

積分: 12312

2024年龍年勳章

432^#

發表於 06-11-14 09:59 |只看該作者

Re: 彥媽與你 BB 讀書/學習交流站

BigPig:

咁藍田觀塘既小學校網好唔好?
==> 成個九龍區以九龍城係最好既小學網, 因為區多最多 Band 1 school and 英中添....其次係沙田區....others 就一般, 因為得一兩間係較勁既咁囉..但當中出色既"地區名校" (Band 2 ar gum) 都唔少既...

迦南幼稚園又如何?
==>我一向都唔太欣賞d私營幼稚園既, 因為好多時佢地都係好 customer-driven, e.g. 客仔多, 學費多就"服務"好d, 客仔少就老師都要做多d野維皮, 設施又減d, etc...同我眼中"教育"既理念有 conflict, 又為左要將來客源多, 多數都會教得深d...etc...咁第日畢業生考到勁學校先可以有 reference 再收生架嘛...etc...so 我覺佢似 run a business 多過辦教育咁喇...所以唔會係我首選...

但係都係個句....一定有d私營既都係好既, 即係等於團體搞既都有壞既一樣, so it all depends 個間學校個辦學人 la...

私人傳訊

evan01

洋房

積分: 482

433^#

發表於 06-11-14 20:07 |只看該作者

Re: 彥媽與你 BB 讀書/學習交流站

謝謝你的回應!
我想他英文好一點
但
你的觀點好值得參考
感謝!

:-) 我愛這個家

私人傳訊

zoechan2005

積分: 4913

434^#

發表於 06-11-15 15:20 |只看該作者

Re: 彥媽與你 BB 讀書/學習交流站

彥媽:
原本打咗好多嘢,按了esc唔見晒!
多謝你無私的付出,我係你fans!

我家住粉嶺,有以下心水:
粉嶺浸信會呂明才:本區名校,夠近,唔駛禁早起身,已交留位費
火炭樂基:外籍老師教,打好英文底,因我英文一般!婆婆住附近,將來也可能讀沙田津小!
培正和宣道:質素高,有機會升原校小學,要靠老公送到九龍塘轉校車,可行嗎?因怕搭校車耐會危險!
讀樂基也有津貼,所以都想考慮!
如讀非牟利都要加一筆上英文班,計埋津貼其實差唔多,而且因本人與老公都係大學生,但英文都係無信心,所以想囡囡打好基礎!
請給意見!
你點教彥仔英文?三個ok嗎?好否好辛苦?

私人傳訊

積分: 12312

2024年龍年勳章

435^#

發表於 06-11-16 08:23 |只看該作者

Re: 彥媽與你:BB 讀書/學習交流站 (答問區)

ypoons:

我有少少唔明...你話~~
"但近排很多朋友話應該返k1 repeat k1 好D,"
==>咩意思...??

即係話俾佢讀多年 K1? 依家你仔仔係九月讀 K1, right? Then 再俾佢 next year (2008) 再 study K1?

==> If yes, 都冇問題丫.....悶...唔會既...呵呵...幼稚園都係玩多 (尤其 K1) 細路有成班人陪佢玩就唔會悶喇..相反佢到時大d, 好多野易做到d...then 成功感都多d喇...

==>不過...我反而諗....你俾佢過海返蘇浙...只係為佢有普通話教...? 若係咁...我又睇唔到係太值得喇..因為 (1) 除非第日你俾佢升既小學都係普通話教學為主, (2) 屋企中有人又係以普通話為日常溝通語言, otherwise 一般依家d主流小學普通話堂都係一堂起, 兩堂止, 若係咁....第日仔仔上到小學都係俾番大半先生架喇...

==>所以, 我反而會響早期主力 train up one basic language (e.g. English) then 上到小學....再輔以 external courses in PTG (你個仔 if study one year later, then 係大仔, 學野應可更快)...並且同佢講 at home...then 效果唔差得過依家讀個幾年... esp 你依家要長途跋涉, 我就唔太認為值得了..

私人傳訊

積分: 12312

2024年龍年勳章

436^#

發表於 06-11-16 08:34 |只看該作者

Re: 彥媽與你 BB 讀書/學習交流站

zoechan2005:

Welcome.....

To answer your questions:

粉嶺浸信會呂明才:本區名校,夠近,唔駛禁早起身,已交留位費
==>既係地區名校, 自有佢出色之處...咁佢叻係乜呢...佢地叻既野又係唔係你想要既野丫...係既就唔差噃...

火炭樂基:外籍老師教,打好英文底,因我英文一般!婆婆住附近,將來也可能讀沙田津小!
==> 兩件事, 第日"也可能讀沙田津小"係因為有婆婆沙田地址 only, 同讀唔讀樂基無關....另...講外籍老師教, 好多幼稚園都有....係多d定少d關係, 若學校 travel time not too long, 又有婆婆幫手睇, then 都可以考慮, 但正如我講....揾一間英文既幼稚園"打好個底"呢點我都唔反對, 但我更睇重作為父母如何協助 build a "continuous learning environment" - 呢點對將來可以真正 master English 隨心所欲地係更重要, so dun put this responsibility only to the teachers ar...

培正和宣道:質素高,有機會升原校小學,要靠老公送到九龍塘轉校車,可行嗎?因怕搭校車耐會危險!
==>先 give 你 info...培正係有直升小學, 仲係 100% 包收, 不過佢係中文教學....英文係的而且確唔夠d典型英文小學多 (even though 佢都真係唔係差....) 不過讀得, 要預左輔以多d呢方面既協助..

==> 宣幼係唔包直升宣小的, 要考既...仲係 so far 收番 less than 30% of 宣幼學生 only, 不過係好過連直屬小學都冇個d幼稚園咁架咋 wor....兩者中, 宣小英文係較多同深...

==> 純睇你 type 既 message here, it seems that you prefer your girl to have more training in English? Then in that case, I wonder if you would like PC....

要靠老公送到九龍塘轉校車,可行嗎?
==> 兩間學校都有校車既...呢樣又唔駛 worry...time taken is not too long la....

如讀非牟利都要加一筆上英文班,計埋津貼其實差唔多,而且因本人與老公都係大學生,但英文都係無信心,所以想囡囡打好基礎!
==> 俾我又反而咁睇....若你兩公婆平時未必可以響屋企 support 到小朋友最多, 咁反而可以諗諗俾佢上一間唔係太差既幼稚園 (都有英文教既), 價錢平d d, 而另外將"慳"番黎個 budget 俾佢另下上一d專注性d既英文班 (e.g. I will recommend, e.g. Phonics, spelling, etc) 反而可以另佢響課餘時間都一樣接觸到英文, 咁都唔差 bor...cos language learning is continuous learning ar ma...

(not yet finished...will add some more later.....need to work now sin....)

私人傳訊

Nic_ma

積分: 385

437^#

發表於 06-11-16 12:16 |只看該作者

Re: 彥媽與你 BB 讀書/學習交流站

Hi 彥媽：
您好！我地現住青衣，bb於2005年10月尾出世，青衣啟思已收左bb讀07年幼兒班，但我仍會繼續留意其他的幼兒園報名。想請問你對以下青衣區幼兒園的意見：
1. 學之園
2. 啟思
3. 宏褔

問過學之園，佢地話9月開課要足2歲，就算到10尾亦未必有位插班。其實我都不算是十分喜歡學之園，但離我家最近，bb不用乘車，加上有native English Teacher，似乎英文的水平都不錯。至於啟思，校園比較大，但曾聽聞比較自由，不知對日後升學會否不利？請指點一下。

私人傳訊

BigPig

積分: 446

438^#

發表於 06-11-16 14:11 |只看該作者

Re: 彥媽與你 BB 讀書/學習交流站

迦南又轉制, 唔係私營. 會唔會好d.
其實只係諗一係就活動教學-啟思, 一係迦南. 而第時會揀傳統小學, 所以諗迦南可能好d.

彥彥媽咪寫道:
BigPig:

咁藍田觀塘既小學校網好唔好?
==> 成個九龍區以九龍城係最好既小學網, 因為區多最多 Band 1 school and 英中添....其次係沙田區....others 就一般, 因為得一兩間係較勁既咁囉..但當中出色既"地區名校" (Band 2 ar gum) 都唔少既...

迦南幼稚園又如何?
==>我一向都唔太欣賞d私營幼稚園既, 因為好多時佢地都係好 customer-driven, e.g. 客仔多, 學費多就"服務"好d, 客仔少就老師都要做多d野維皮, 設施又減d, etc...同我眼中"教育"既理念有 conflict, 又為左要將來客源多, 多數都會教得深d...etc...咁第日畢業生考到勁學校先可以有 reference 再收生架嘛...etc...so 我覺佢似 run a business 多過辦教育咁喇...所以唔會係我首選...

但係都係個句....一定有d私營既都係好既, 即係等於團體搞既都有壞既一樣, so it all depends 個間學校個辦學人 la...

私人傳訊

ypoons

男爵府

積分: 9577

2018復活節勳章開心吸收勳章 hashtag影視迷勳章親子王國15週年勳章

439^#

發表於 06-11-16 15:50 |只看該作者

Re: 彥媽與你:BB 讀書/學習交流站 (答問區)

Hi 彥彥媽咪,
唔該晒你既意見．　其實我同佢報個ｄ全部都係九月ｐｒｅ－ｎｕｒｓｅｒｙ，但近排很多朋友都話應該返k1 repeat k1 好ｄ（ｉｎｓｔｅａｄ　ｏｆ返ｐｒｅ－ｎｕｒｓｅｒｙ再升ｋ１．因為出年九月佢已經兩歲九個月．　所以想問下你既意見．　至於返唔返蘇浙，　我真係要詳細諗諗．　不過好在仲有時間．
我都有諗過語言唔用就俾番晒老師既問題，但屋企無人同佢講英文＆普通話，所以我都覺得好煩惱．ｔｈａｎｋｓ．　

私人傳訊

mom2006