hugoma2015 發表於 18-8-8 18:20 
凰權，我做小白鼠先。費事好似脫身咁，一邊睇一邊鬧。
好難講架喎，好似扶搖咁，最初真係廿幾集都幾OK，點知去到三十二就係click咗喺度，之後見好多網友話後面悶到七彩，要飛住睇。
好似早排個個話BB來了好睇，我幾分鐘就頂唔住，嘈到我頭痛。出面個個話延禧好睇，我真係唔得閒開，亦冇咩意慾開。較早前煲完一千零一夜，煲埋鄧倫另一套因為遇見你，嘩，呢D真係過下日晨就好，唔好認真睇，劇情狗血不特止，真係當觀眾白痴低能架，不過鄧倫我幾睇好，樣唔係靚仔果種，但笑容好陽光，同埋都有演技，唱歌都唔錯，上爸爸去那兒，佢果種暖男格圈咗好多粉，見佢同小朋友做對手戲幾投入，浸番咁上下應該可以幾紅，而家佢好多後生女粉絲。
你睇凰權記得上嚟講下，等我未睇都心裡有素。
講起一路睇一路鬧，幾年前最經典就係步步驚情，真係垃圾到呢，個個都係因為步步驚心至開同捱到睇晒，不過咁，係就係劇本唔得，狗血低能，加上演員得兩三個頂住，演技都救唔到劇本嘅缺失，但成套戲都唔算拖，我未至於要飛住睇，套戲失敗在眼高手低，故事原本構思唔錯，應該有驚喜，但一來唔拍得穿越，變成有D情節拍完冇辦法剪完可以接到，二來編劇分開兩個，前面果個舖排好嘅後面接唔到，而且劇情前後不一致，人物性格太反覆，睇到觀眾以為自己精神分裂。
花旗太太生活在花旗國，留意時差，你問我未必即時答到。
發表於 
返回列表
