大仔大女媽媽會 今日: 0 | 主題: 177861

積分: 12319

2024年龍年勳章

442^#

發表於 08-6-18 11:26 |只看該作者

3btsoi

先 welcome you 光臨 too...

我有d野想請教下你，我想自己進修下教仔既方法，例如：EQ,AQ,訓練仔既獨立，做人處事．．．etc，有冇d好書＆好website，我可以睇下，知道你咁pro，平時一定睇唔少info，請指教！

==> pro 就真係不敢當, 只係在公在私我都接觸唔少人, 睇人睇得多, case 見得多, 就會容易平衡到唔同既睇法, 而 work out 一套 fit 自己既宗旨, 而又好想同大家 share 下, 旨在提供多一個唔同角度比大家又參詳下咁啦, 大家岩咀型自然相談得更歡啦, 唔同亦冇問題, 我尊重每個家長自己既選擇, 亦深信, 無論各家長揀乜都好, 一定都係以子女利益為依歸, 大家 decision base 唔同而已. 只係我認為響討論既過程中, 如何唔俾人地覺得你唔係強加緊一d 自己既諗法響人地身上先係溝通過程中必學既一環, 好多時有好多不必要既 argument 都係因為 value 唔同, 一方又好想另一方去認同而出事 only, 大家討論 facts 一定易過 align values.

我其實一直都打算將我呢樹d 野再搬去另一樹開個 blog 型之類既物體, 只係自己懶係其一, 心多多四維搞又其二, 揾日真係要坐定定整理下d 資料, 唔好 waste 左佢...hehe...

:lol:

私人傳訊

積分: 12319

2024年龍年勳章

443^#

發表於 08-6-18 11:46 |只看該作者

BB成長期:

根德園一所較閉門的學校, 而出來的學生自理能力及各方面都幾好, 而且學校不多雜費, 但...國語是麻麻的...
==> 又唔可以咁講既 (國語是麻麻), 只係 KV 一向以英文為賣點, 亦唔係想以"國際"式咁去教, 因此出黎既學生都見到係英文強過其他. 但正如我以前都有講過, 學語文唔可以單靠學校, 要有環境因素配合先可, 因此, KV 學生出黎國語唔得 =/= 學校一定唔得 in this area ga...家長事後如何補給都係重要既一環, 因此, 有d屋村幼稚園一樣可以有流利國語既學生走出黎 ga wor...

約克, 不用多說英文一流, 但其他方面一般, 因學校好重英文, 而課外課程幾多(英文), 讀得一個course, 就會再讀另一個, 因連接校外考試, 另到extra學費也不少, 當然我們可決定不join, 但入得去當然想他考公開試....
==> 若純以考入英文為重點既學校而言, 我又睇唔到佢係"英文一流" bor, KV, SC, CCKG 呢類既仲多啦, 不過佢都係以課程深, 快見稱, 故點都有利去考d 名校既.

彥媽, 能否給兩三所學校的校名我, 我再consider 0下, 我並不是要那些4,5,6仟學費的國際學校, 因afford不起. thanks 待你回覆.
==> 老老實實, 依家 4, 5, 6 千個d都唔駛國際學校都可以收呢個學費了, 因為若按你要求, 要以國語, 同英文為主, 你計都計到, 要請一個好既, 正宗既外語老師, 起碼講緊幾百蚊 per hour 人地先肯同你做, 若要有埋d 乜乜 international qualification (e.g. TESLL - Teaching English as a second Lanugage, 國家普通話水平一級測試甲等呢類 etc) 既話 , 冇過千 per hour 怕都未必肯同你做, 未計你最好想佢有埋豐富教學經驗呢...?? 但, 揾個平既, 學校+家長又會嫌人地水平唔夠, 你又唔想, so ....你諗下嘞~~

再者, 語文既野, 1:30 咁點學...?? 所以通常又唔可以收太多人, 又或因而要 2 tutors, 咁條數又大d 喇...right?

因此, 好多野係 give and take (我成日都用呢個 terms, sorry to use it, but that's the truth...) , 學校若真係想揾個好 qualified 既老師, 呢方面成本真係唔會低, 既然如此, 又點可能收 2000 per month 呢...??

所以, 依家我講緊 HK 地以 PTH+English 掛頭牌為賣點既有 (1) Victoria (佢係國際學校, 好似係 $5xxx per month) (2) 蘇浙, 佢有國際班 (係要國際班先會以 PTH+English 做 major teaching media 的) , 都好似唔平, $4xxx 係坐底的了, 但佢搞呢d 班都有唔錯既口碑 (3) 祟真, 佢都係有國際班, 不過搞既年資尚淺, 亦都係唔平, 好似都講緊 $3xxx now ...next school year 可能又要加了. 你都可以諗諗既...:lol:

私人傳訊

3btsoi

男爵府

積分: 9930

444^#

發表於 08-6-18 22:18 |只看該作者

回覆 #2 彥彥媽咪的文章

彥彥媽咪：

收到．．期待中::loveliness:

私人傳訊

BB成長期

禁止訪問

積分: 12456

445^#

發表於 08-6-19 12:35 |只看該作者

提示: 作者被禁止或刪除內容自動屏蔽

私人傳訊

積分: 12319

2024年龍年勳章

446^#

發表於 08-6-19 17:20 |只看該作者

BB成長期:

崇真是否深水土步那間 - 崇真小學暨幼稚園, 如是他還有學卷tim, "荷花"書都有講他們會趨向國語教學, 但他們的英語又如何..., 如有國際班的, 即是都有番個水準先會開的.
==>佢地重新大搞幼稚園同國際班都係呢幾年既事 only, 未有 result 睇到 at this stage

另外,我又正在考慮劍鳴的下午班 $3xxx(國際班, 有外籍教師), 你又會怎comment此校呢, 其實我不大想讀下午. thanks.
==> 關於 Keen Mind 都講左唔少次了, 唔想再 repeat, 只可以講, 佢同一般響 Kowloon Tong 話英文班, 國際班既個d 幼稚園係類同

另外, SC是否祟真?, CCKG是那一所呢?
SC = St Catherine
CCKG = 基督堂 (只收 K2 , K3, 佢地冇 K1 的)

私人傳訊

sandraliuso

積分: 2786

447^#

發表於 08-6-20 11:09 |只看該作者

彥媽您好!
B女今年8月讀N1,想明年足2歲8個月時插班入K1下學期.
因為N1主要學習自理,我相信B女是可以應付,所以我想佢早D適應K1(又有學卷).
你覺得好嗎?

私人傳訊

積分: 12319

2024年龍年勳章

448^#

發表於 08-6-20 11:38 |只看該作者

sandarliuso:

B女今年8月讀N1,想明年足2歲8個月時插班入K1下學期.
因為N1主要學習自理,我相信B女是可以應付,所以我想佢早D適應K1(又有學卷).
你覺得好嗎?

==> 首先, 先要留意一d 技術上既問題:
(1) 學卷制度內阿公訂明係要係小朋友入學個年足 3歲先會受惠, 因此, e.g. 你阿女係 2006/04 的話, even 你響2009/04 就夠 3 歲, 個幾個月都唔會有學卷 covered 的, 因為係計 school year, 即係阿女響 2009/09 - 2011/09 三個學年裡面就會有 subsidy

(2) 只要 fulfil 到 (1) 咁無論係 nursery school (N class) 定係 Kindergarten (K class) 都係可以用到學卷的, 關鍵只係在於銀碼, 即係 (按今年既指引) 只要係半日學費全年 <24000, 全日 <48000, 就可以用到學卷, 因此, 係 N school 同 K school 唔會係構成你 "想用學卷所以轉 K1" 呢個理由

(3) 因此, 你既決定應只係就 N class 定 K class 既課程內容, 時間 (全日 vs 半日), budget, 接送, 升小學有冇連繫, etc etc 呢d 去考慮, 同學卷無關.

亦因此, 你插唔插 K1 下學期都冇分別 (學卷上黎講, 因為都係用唔到既) , 再者, even 你插入去, 都係讀完幾個月 K1 響同年 9 月就又 repeat K1 的, 咁你認為有冇此必要呢??..你可以自己考慮下.

私人傳訊

sandraliuso

積分: 2786

449^#

發表於 08-6-20 11:56 |只看該作者

唔該彥媽!
等我仲以為有jetso添!

聽完你講,又好似無point去轉.
我再考慮下...

私人傳訊

zoechan2005

積分: 4913

450^#

發表於 08-6-22 15:11 |只看該作者

我個女宜家讀緊培正,我想問如果想參加大抽獎,我想到時考其他私小或直資,有邊D小學係俾offer但又俾出去大抽獎,當然想有質素嘅學校!

我都想順便問:遊藝會佢會攞語文獎,呢個獎係點選出黎?
謝謝你!

私人傳訊

積分: 12319

2024年龍年勳章

451^#

發表於 08-6-23 12:12 |只看該作者

zoechan2005:

你既問題可以分幾個部份去答, 因為一個 decision 係會影響另一個 decision 的, 等我 logical D 組織下答你:

(1) 我個女宜家讀緊培正,我想問如果想參加大抽獎
==> I guess 你都知...培正係講明唔俾大抽獎的, 但若你都想爭取下試機會, 可以響 1st round 個時去玩自行派位, 即係計分個隻, 真係好彩派得到, 你接受 offer 既新校先會通知教育局你 accept offer , 而 EDB 就會響 2nd round 公佈之前送個 list 俾培正通知你女女有學校 offer 了, 培正先會 "cancel" 你既留位 (or maybe you simply 唔留位 when 培正 ask you at K3 下學期了)

以上係指官津校而言

(2) 我想到時考其他私小或直資,有邊D小學係俾offer但又俾出去大抽獎
==> 所有直資一考到, 佢收你, 你又 confirm accept offer 既話就要簽封信俾佢放棄派位的, 即係冇得落 2nd round

而私小俾唔俾就好睇別學校 preferences, 其實一般私校都會俾的, 除左係d super hot school, 佢地唔想自己既安排因為家長有幾條心 (到時臨尾先話唔讀, 又要 call waiting list, 好多 admin 野要做) 就先會講明唔俾你去抽 (like 培正).

印象中可以再大抽獎既有: 九龍區既有九龍塘學校 (小學部), 禮賢呀, 聖三一堂, St Francis , DGJS, etc .... HK island 既有 : 聖心, St Clare, St Paul Convent, SPCC, 呢d 都好似得 (唔敢 100% sure) , 應仲有好多

但...多口又搭下訕 here:

我 concern 既係, 你問既問題 (有乜私小可以俾你出去抽) 對已在培幼既你 in my eyes 基本上係唔應該係一個問題黎架 wor, 嗱....等我講下先....

我諗到既係: 你問得出面既私小俾唔俾你去抽, 係指佢地收左你, 你又會去 accept offer 先會有此 concern 啦, right? Otherwise 你唔 accept offer 既咁你要關心俾唔俾你抽既都應係培正, 唔會係個間的私小...

而你若打算去讀, 就即係你都認為佢會好過培正你先去, if yes, then 你又點會需要理會個間私小俾唔俾你抽獎呢...??

但你若又唔打算去讀 (想睇埋抽獎), 咁又考黎做乜...? 真係純想搏多個機會去抽下睇抽唔抽到再好d ????

但...若又真係咁..一陣抽得好當然可喜可賀, 但抽得唔好的話, 就要讀番個間考既私小, 你又是否願意..?? (因為一抽唔係番唔番到去呢間私小既問題, 係番唔番到培小既問題) so if 你考到佢....你即係想去讀, 咁既話, 你點解又想去抽既?? So if 你都會去讀既, 就唔會存在 "佢俾唔俾你去抽獎" 呢個問題啦, right?

so 個 point 係, 除非你間私小真係好過培正好多你就值得去讀 je, otherwise 大家都又係要俾錢既, 我又睇唔到 why 有培小唔讀, 而去讀個間?? 咁就算真係係要去讀個間既話....咁你當初就考到就 suppose 係決定左架喇...咁點解又會想去抽獎??? 唔明??!!...搞一大輪都係返番原路, why?

so 考之前, 你就要諗...你係唔係認為呢間私小係唔係好得過培正先, 係既話你先會花 effort 去考架嘛 (唔係的話, 為了一個"可以抽獎" 既 chance 的話, 咁你何不就直接乜都唔考, 就響培幼都去抽呢..?? 若你係擔心番唔到轉頭的話, 而去考一間都未必好得過培正既的私小的話又好似唔太值得 bor, 因為你手上既牌唔係差丫嘛....right? so 為左搏可以抽下獎, 分分鐘去番左一間比培正同級 (咁就花人力物力) or 低一線既學校...又真係好似冇咁既必要 bor, 除非你唔介意結果會係咁啦.....

於是..你既問題會係.....下面呢個 right?

有邊D小學係俾offer但又俾出去大抽獎,當然想有質素嘅學校!
==> 基於我上面所講, 我地依家培幼既家長睇既自係 "要比培正更有優勢既學校"我地先會考啦, right? 呢d 學校都有, 亦有d 會比你大抽獎 (如我上面所講既), 但問題係, 普通既考得到你又未必想到 (以培正同佢比, 除非只為搏抽獎), 好既...要考真係好難...

以培幼學生既水準, 平心而論, 係唔會夠d 出面d 專為考高一線學校 (or 有特色學校, e.g. international school) 幼稚園比 (培幼 syllabus 係屬於淺 as compared to most KGs, 嗱...但我強調, 我冇話淺係好定唔好架, 係每個人接受程度 different only), 所以去考d 程度高既學校 (e.g DGJS, SPCC etc) so far 真係好似未見過成功 (靠 other sources 入到既唔敢講) ...

so...., 講左咁多, 個人意見係: 你既 concern 應放係 "讀唔讀培小" rather than "邊間私小可以俾我抽獎" for 一位已在培幼讀緊既家長而言...

我都想順便問:遊藝會佢會攞語文獎,呢個獎係點選出黎?
==>係班主任選既, standard 係乜完全冇人知, 亦唔會講你知 (因為 official answer 係: "唔想家長為左追獎就催谷小朋友"), 所以都唔到我到去 influence, but I guess d 評估紙 that they did during class 會有d impact 既...

I wish I could make myself clear here la~~~ :) 唔好嫌我長氣呀....hehe...

私人傳訊

zoechan2005

積分: 4913

452^#

發表於 08-6-23 18:16 |只看該作者

真係好多謝你先至啱!你答得好詳細,真係欣賞你好clear嘅思路,心思真係好細密!

我以前都問過你嘢,唔知你記唔記得我,我有三個小朋友呢!

我想三個孩子讀津校,但又怕派得唔好到時無籌碼,但培正又唔俾攞住offer去抽,所以考私小可算係後備多d,又當作俾個女一d經驗!
我宜家都成日十五十六,若果抽到好津小(20分)或第三round扣門成功,兩個細都跟住,可以放心d,我細仔係10月出世,我唔會俾佢讀培正,要遲一年,所以比較矛盾,而且三個讀私小負擔較重!唔係俾唔到,而係唔想其他地方如學嘢..旅行......都好緊,何況到佢哋小學,我都想留d空間全職照顧佢哋(如有需要)
所以宜家都係攞多d料,多方面考慮!

私人傳訊

積分: 12319

2024年龍年勳章

453^#

發表於 08-6-23 23:43 |只看該作者

zoechan2005:

我以前都問過你嘢,唔知你記唔記得我,我有三個小朋友呢!
==>Of course 我記得你喇.

...大家都有三個孩子既我地真係忙到傻喇...呵呵...不過...喂喂...你就快有暑假放 bor, 起碼好過我....:lol:~~ 最近我中細彥都病左, 真係做到傻呀....:-(

我想三個孩子讀津校,但又怕派得唔好到時無籌碼,但培正又唔俾攞住offer去抽,所以考私小可算係後備多d,又當作俾個女一d經驗!
==> 絕對明白你既 concern, 我識得好似上面咁答你, 因為我都有諗過丫嘛...呵呵~~~ 所以, 若你以"見識下", "攞經驗" 當係首要 objectives 既, 我上面講既野可以唔駛理會, 但你若真係諗住考得到就 go further 既, 你就要諗多幾步了.

我宜家都成日十五十六,若果抽到好津小(20分)或第三round扣門成功,兩個細都跟住,可以放心d,
==> 我 of course very 明白啦, 因為你諗既我都有諗過丫嘛...:lol 但我又想講....以你諗既: (1) 以 20 分 1st round 派到好津小 (你有宗教分? 是嗎? 係既, 咁個d 計你宗教分既學校你 likey or not? If yes 既, go ahead ar...收既機會都有架...咁就搏得過, 但 if vice versa, 就唔值了, 因為派到你都未必去. (2) 3rd round , 恕我坦白, 唔計有人脈關係呢個 factor, 若只係 walk in 以一個毫無關係, 又唔係有特異功能既小朋友去叩, 而又叩得到的話, 恕我大膽講句 (又或者我擦下培正鞋), 我唔認為會好得過培正 (除左係唔駛俾錢 or 近d 屋企之外) , 咁你係唔係都會想俾小朋友去讀呢...??

我細仔係10月出世,我唔會俾佢讀培正,要遲一年,
==> 既然係咁...我會建議你大膽d, 去抽....真的, even 培正唔收番, 但若你又唔打算細佬都跟, 你又未必有人手 take care 唔同返學地點既三姊弟, then 何不索性去抽 ? (當然 first round and 3rd round 都可以做埋, 依我睇, 你有 20 分, 1st round 應唔難搏到d 唔錯既學校呀)...

所以比較矛盾,而且三個讀私小負擔較重!唔係俾唔到,而係唔想其他地方如學嘢..旅行......都好緊,何況到佢哋小學,我都想留d空間全職照顧佢哋(如有需要) 所以宜家都係攞多d料,多方面考慮!
==> 慢慢諗啦, 你仲有幾年諗嘛... :-P 依家你咁諗, maybe 你過多幾年, 阿公政策變, 培正轉直資學費收少番dd or 你揀既 decision criteria 又唔同...咁我同你今日講既野又要由頭諗過喇...hehe...

[ 本文章最後由彥彥媽咪於 08-6-23 23:45 編輯 ]

私人傳訊

MuiPig

積分: 2893

454^#

發表於 08-6-24 11:28 |只看該作者

彥媽

睇咗你留言咁內，第一次問你問題，其實我仔仔係細仔11月尾才出世，但我一直都有比佢返playground，佢需然只得18個月，已經由以前14個月周圍走坐唔定到現在老師叫開始上堂佢可以自己坐底，留心聽老師上課，吃飯可以自己吃一半姐姐為一半，係學校吃茶點都係自己吃，吃完自己放回嬸嬸的盤度，亦董得跟老師指領做嘢，不過講說話就差d，唔係不董講嘢，好多時都係講太空話，但係我近排帶佢去考pn班時，學校冇收到佢，但係就收咗我朋友個細佢三個星期但冇返playground而又成日哭周圍走行為同身形都比我個仔細好多的小朋友，因為每次一齊出街d人都以為佢仔仔細我仔仔好多，我唔知間學校點樣收生，但我真係唔開心，仲要比小朋友媽媽話，因為佢成日話我個仔學嘢慢，因為我自己比較註重獨立同自理能力，因為我仔仔由細到大都係放佢入房比支奶佢之後就自已睡，其他自理我都一路有教佢，而我朋友個仔就好以賴，因為佢話lee d 嘢唔緊要，但我就覺得只係因為佢個仔有外國出世紙d學校鐘意收。

不過唔緊要，因為果間唔係我首選，因為我好想仔仔讀根德園，唔知係唔係好難考。

唔該晒，因為我都係講咗出來舒服d!

私人傳訊

zoechan2005

積分: 4913

455^#

發表於 08-6-24 14:17 |只看該作者

Of course 我記得你喇.

...大家都有三個孩子既我地真係忙到傻喇...呵呵...不過...喂喂...你就快有暑假放 bor, 起碼好過我....:lol:~~ 最近我中細彥都病左, 真係做到傻呀....:-(
==>
我學校今年最後一年,最近都搵緊工,仲有我三個寶都病晒:-(:-(
希望放暑假前可以搵到就真係放暑假!
anyway,多謝你仲記得我!

私人傳訊

LittlePigmom

男爵府

積分: 5667

456^#

發表於 08-6-25 18:58 |只看該作者

想問下路德會有咩小學比較好?

私人傳訊

wongkaka

男爵府

積分: 5086

457^#

發表於 08-6-26 05:40 |只看該作者

彥媽，
想請教你，女兒沒有宗教信仰，係大女，獻主會小學會否難考入　？　有冇邊間小學係３４網覺得值得考慮　？

http://hk.myblog.yahoo.com/kakawong97
得閒黎睇下我的bldg啦!

私人傳訊

積分: 12319

2024年龍年勳章

458^#

發表於 08-6-26 09:49 |只看該作者

mui pig:

先歡迎你光臨, 亦明白你既唔開心, 老過你既我 (I am sure 你係後生女, 我係老 c9 , hehe) 會衷心咁勸你一句, 人只可以 control 自己, 即係可以 control self-emotion , control 自己如何去睇一件事, control 自己去調較自己既開心與唔開心, 而唔係去在意一d 自己根本 control 唔到既野 (e.g. 人地學校鍾意收邊個), 所以, 呻下無妨, 努力繼續自己認為應該做既野先係積極既做法呀 :lol::" />

睇咗你留言咁內，第一次問你問題
==>我睇唔到你有問題問我 wor, 你想問我乜呀...??

私人傳訊

積分: 12319

2024年龍年勳章

459^#

發表於 08-6-26 10:19 |只看該作者

Littlepigmom:

想問下路德會有咩小學比較好?
==> 你呢個問題真係考起我呀, 我要即刻拎住本天書逐間睇先知邊d 學校係路德會 ga wor..
因為...HK 較有名既辦學團體係天主教, 中華基督教, 聖公會呀咁, 佢地下面有唔少搞得好出色既學校, 保良局都偶有佳校, 路德會辦學唔算多同積極...so far 我 check 小學概覽, 得以下幾間:

路德會聖十架學校 (net 62)
路德會梁鉅鏐小學 (net 91)
路德會呂祥光小學 (net 71)
香港路德會增城兆霖學校 (net 70)
路德會沙崙學校 (net 32)
路德會聖馬太學校 (net 46)
路德會聖馬太學校（秀茂坪）(net 48)

以上呢d 都唔見有明顯既資料 about their performance, 亦冇睇到/聽到太多關於佢地既突出報告. 可以 share 既就係咁.

[ 本文章最後由彥彥媽咪於 08-6-26 10:21 編輯 ]

私人傳訊