吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 興趣嗜好› 異能趣事錄

興趣嗜好今日: 2|主題: 124507

收藏本版

發帖

返回列表

跳至頁

樓主: 天角一荒

[其他] 異能趣事錄

21 222324 25

積分: 4313

441^#

發表於 17-3-3 13:41 |只看該作者

後來，佢地唔知點「計返」，巨型蜜蜂出現的時間就係佢父親離開的時間。

當晩佢地去醫院見「最後一面」，其實送院途中已走左。
佢冇入去個房因長者說大住肚不能入。

返到屋企門口，見到頭先果隻蜜蜂在閘門地下，唔記得走時冇閂實，所以有特登望下地下個位。

果刻，佢feel 到係佢父親，叫佢老公用紙定乜「𢭃」起，帶去空壙位置，心裡講「你放心走啦！」之類，之後蜜蜂就飛走左。

私人傳訊

may.bb

子爵府

積分: 12534

442^#

發表於 17-3-4 17:28 |只看該作者

私人傳訊

chafamama

大宅

積分: 4313

443^#

發表於 17-3-4 22:20 |只看該作者

之後重有故事......

應該係尾七，又返去老家燒衣。
所有人都圍在一起，她突然又覺得好唔舒服、透唔到氣，入返屋。

幾日之後，其他親友互問有冇見到呀。原來話燒燒下衣某一兩人腳尖先後出現mini 龍捲風，又話之後變大左捲到出中間位。
但她完全看不見，諗返起應該係唔舒服入左屋果陣。

大家再繼續講返。到燒完衣，所有人在廳看電視時，時間已經不早，約11pm?個電視係有一刻突然冇畫面，有條缐由左至右定右至左兩邊慢慢來回劃過。
有人就話：即刻XX返左黎架la! 你地有幾時見過個電視咁呀！
（又真係冇乜）
她想起當時之前又係開始透唔到氣、其實個心想出聲講走先但因尾七又想留耐d。

（當晚返到屋企重有故事，有時間再講。）

私人傳訊

jacksiuyi

別墅

積分: 741

444^#

發表於 17-3-6 00:11 |只看該作者

回覆樓主:

首先講返先，哩個Post唔係我開的，只係剛好之前有追晒樓主嘅問米同靈異post，自己都有d經歷想分享，但又唔算十分多所以借位喺度講吓。希望樓主唔好介意

跟住會同大家講一個有關我哥哥嘅經歷，有少少恐佈同長篇，因汲及嘅人都會較多，我盡量簡短罷。

私人傳訊

jacksiuyi

別墅

積分: 741

445^#

發表於 17-3-6 00:31 |只看該作者

jacksiuyi 發表於 17-3-6 00:11
首先講返先，哩個Post唔係我開的，只係剛好之前有追晒樓主嘅問米同靈異post，自己都有d經歷想分享，但又唔 ...

大約2-3年前有一朝早我出奇地早起，6-7點左右我起咗身，當日好記得係星期日，平時放假我係唔會咁早起身，同埋果日我老公放假，大仔同老公都仲瞓緊。我咗廁所行入廚房想飲杯水，習慣性會拎埋電話。點知一入廚房就電話響，心諗邊個神咁早打嚟呀？再睇埋來電更奇怪，因為哩個人無咩可能會打俾我，仲要咁早！
哩個係我哥哥嘅一個朋友，我會有佢Contact因為佢係髮型師嚟，自己做老闆，我同大仔都係搵開佢剪髮。我照接咗電話，佢把聲一聽就知未瞓醒，第一句就同我講我哥出咗事。我問咩事？佢話佢爬樹喺樹跌咗落嚟入咗院。之後佢講咗其中一個同事嘅電話俾我，我就聯絡果位同事。其實果一刻我都好迷，唔知發生咩事，諗唔明無啦啦做乜爬樹...我聯絡咗果位同事，係女仔嚟，我就簡稱佢做B啦。大概了解咗哥哥情況同醫院位置就換衫同我老公講我要出去。
去到醫院見到佢3個同事，其中2個係男仔，另一個就係B。當時我哥喺手術室未出嚟，我哋就坐咗喺出面傾計。同時佢哋已搵到我妹妹，都同佢老公過緊嚟醫院。
事發經過大約係咁。

私人傳訊

jacksiuyi

別墅

積分: 741

446^#

發表於 17-3-6 00:47 |只看該作者

jacksiuyi 發表於 17-3-6 00:31
大約2-3年前有一朝早我出奇地早起，6-7點左右我起咗身，當日好記得係星期日，平時放假我係唔會咁早起身， ...

我哥哥係喺酒吧做酒保，基本上每晚返工都飲酒。好多時佢同同事收工後會去食宵夜。果晚佢哋成班同事食完宵夜2-3點左右，預備各自行去坐車返屋企，點知行經有樹嘅地方，突然我哥爬咗上樹，到同事們見到佢已經爬到好高，仲要喺度大力搖。有D同事喺對面馬路衝埋去，一路叫住佢唔好搖，返落嚟，但行到去樹傍邊佢就跌咗落嚟。佢哋話大約有2層半樓高度。哥哥左邊身落地，頭，手同腳都有傷。佢哋形容返當時佢吐血，但仲有意識，仲識講嘢，仲大大聲。之後就call白車送入院。
去到醫院哥哥一路都有嘔血，仲有吵大嚷。醫生話要即時做手術開腦放血，我哥死都唔肯簽紙，B就係咁要佢開電話鎖，想聯絡親人，我哥唔肯，又話自己冇親人。攪咗一輪佢先肯簽紙同開咗鎖俾B，之後就推咗入去做手術。B就開始搵哥哥嘅親人contact，先搵爸爸，但call咗好多次都搵唔到，之後佢唔係太知邊個親人就搵咗髮型師朋友，即聯絡我果個。其實佢都打咗一輪先搵到佢，因咁早都未起身。所以我係第一個親人到醫院。
其中2個男同事因要返工所以走先，咁就淨低我同B。佢同我講講返哥哥最近都有怪怪地嘅事，佢話有次放工佢預備坐的士返屋企，點知擰轉頭見到我哥爬咗上電車站嘅頂上面。佢即刻唔上的士跑返去叫佢返落嚟

私人傳訊

jacksiuyi

別墅

積分: 741

447^#

發表於 17-3-6 01:01 |只看該作者

jacksiuyi 發表於 17-3-6 00:47
我哥哥係喺酒吧做酒保，基本上每晚返工都飲酒。好多時佢同同事收工後會去食宵夜。果晚佢哋成班同事食完宵 ...

佢形容當時我哥企喺車站頂目無表情望住佢，佢無計可施就擰手機出嚟對住佢同佢講話拍片，佢先即刻爬返落地面。之後又講吓佢哋嘅嘢，其實B係鐘意我哥哥，但當時未一齊嘅。無耐我妹2公婆到咗，後嚟都聯絡到爸爸都嚟埋。之後等埋哥哥做完手術推返出嚟上病房。B話醫生講返好在趕得切做手術，如果當時半個鐘內唔做，就無救唔返。推出嚟時佢未醒，因麻醉藥未過。攪一輪醫生就話可以去睇吓佢同同我哋交代返情況。入了去佢癲晒咁，好大聲講嘢，但就好似淨係識B咁。爸爸都唔記得。醫生講返佢傷勢，左手骨有裂，左腳膝蓋骨有碎，眼骨有碎，同左邊腦有出血情況，已經放咗血。大致係咁。睇完同見完醫生眾人都各自返屋企。期間爸爸同我提過佢早排做嘢，落雨可能地滑跌親手有骨裂。
返到屋企我心好不安，之後我同我好朋友提咗哩件事，哩個朋友佢都比較特別，佢唔係有陰陽眼，但好多時會聽到第2個空間嘅說話。我同佢都信佛，聽完我嘅消息佢話會幫我唸經迴向俾哥哥。之後果晚我除咗唸經俾哥哥就唔知可以做乜幫到佢。我拎咗自己一條佛珠鏈坐咗喺梳化唸喃嘸阿彌陀佛，唸唸吓突然耳嗚得好緊要，好唔舒服，雖然冇睇到冇聽到嘢，但感覺來者不善，我即時停止咗一陣，慢慢再唸返。之後我約咗師傅問問有關哥哥嘅事。

私人傳訊

jacksiuyi

別墅

積分: 741

448^#

發表於 17-3-6 01:18 |只看該作者

jacksiuyi 發表於 17-3-6 01:01
佢形容當時我哥企喺車站頂目無表情望住佢，佢無計可施就擰手機出嚟對住佢同佢講話拍片，佢先即刻爬返落地 ...

去到我大約講咗件事俾師傅知，佢開咗盤後大約講咗流年係點，就話唔應該會有哩件事發生，再穩陣睇埋我爸爸，因我有提過我爸爸跌親嘅事，都冇睇到D特別嘢。咁就查日腳，教咗我買d咩點樣攪幾時攪。之後我試過打俾我媽，但搵唔到，因同媽咪關係一般，佢同爸爸分開咗後我哋3兄妹都跟爸爸住，好少聯絡。咁無辦法下我直接上去佢屋企搵佢。好在俾我搵到。我同佢講咗哥哥嘅事，點知原來我媽媽喺我哥哥出事前跌親2次，一次喺做嘢果度想坐低時坐唔正張凳坐咗落地，第2次就喺屋企抹地時跌親。仲有有次喺返工果度有隻大飛蛾，佢知道係太婆。每次屋企有大件事，媽媽都會見到大飛蛾，佢知道係太婆有事想知匯我哋。有次係佢俾人打劫前，有次係婆婆病危，太多次所以媽媽都知道會有大件事，只係無諗到係哥哥。後嚟我同媽媽都覺得哥哥唔知得罪咗d咩，果個「人」其實想攞佢命。爸爸同媽媽分別同月都跌親，應該係幫哥哥擋咁d。
我同B一路都有聯絡，因我唔可以成日去到醫院，B就每日返工前都會去睇佢。我哋Whatsapp 講開，我搵咗師傅問事，佢教我點幫哥哥攪。佢就話佢同佢媽媽講咗後，佢媽媽都搵咗師傅問，但一問就整親，師傅同佢媽媽講叫佢唔好插手，由返佢屋企人攪。

私人傳訊

jacksiuyi

別墅

積分: 741

449^#

發表於 17-3-6 01:37 |只看該作者

jacksiuyi 發表於 17-3-6 01:18
去到我大約講咗件事俾師傅知，佢開咗盤後大約講咗流年係點，就話唔應該會有哩件事發生，再穩陣睇埋我爸爸 ...

我就同佢講，叫佢媽媽唔好問，等我哋自己處理。之前提過幫我哥哥唸經嘅朋友佢都同我講聽到D對話：佢真係命不該絕！朋友直覺係講緊我哥哥。我都同佢講唔好幫手唸經啦，我唔想影響到其他人。因為我好強烈感覺到「對方」好唔友善，係想索命。
之前我有同師傅提過哥哥有次爬上電車頂，佢話知唔知幾時。我問返B，佢覆返我日子。我回覆返師傅，佢第一個反應：咁恐佈？我話咩事？佢話清明嚟喎。其實諗返都好心寒。之後我本來交帶咗爸爸幫手去做師傅教我做嘅嘢，因我湊住大仔唔可以帶埋佢去。後嚟都係唔放心，就叫咗爸爸嚟幫我睇住個仔，我出去攪。攪完之後我都有上多次師傅度，大致上要做嘅都做咗，哥哥今次大難不死希望平平安安啦。不過師傅提過哥哥2017年會有劫，到時驚會影響個腦，但係咩事就冇問太多。而最後其實我都有問過師傅究竟哥哥做咗d咩得罪咗咩嘢？佢話你攪晒所有嘢佢自己就會知發生咩事。不過我最後無問過哥哥。
故事就哩度完，可能有D亂，唔好見怪。因2-3年前嘅事有d前後可能會記得唔清楚。