影視娛樂 今日: 1 | 主題: 16126

積分: 28097

442^#

發表於 18-9-2 13:43 |只看該作者

rose-mag 發表於 18-9-2 13:14
老二好似突然低B咁，之前有太子果陣，佢仲識得避忌，老五最單純，又自知能力弱，唔係楚王坑佢，佢一定唔會 ...

楚王反太子真係為報私仇咋，你睇返第一集，佢話只要打倒太子，為三哥平凡，佢可以唔要命！結果小辛鬧佢，話佢三哥托付佢要輔助楚王成為一代明君。

反而係太子死後，楚王去拜祭太子，先堅定決心要奪嫡。佢當時意識到要剷除埋常家，除惡務盡，先可以令無辜的人不受傷害。不過，我覺得奪唔奪嫡，佢可能都唔太在意，佢比較在意係剷除常家，所以先會有多次捨命相博。如果要同常家同歸於盡先可以剷除佢地，楚王應該願意！

cut返d圖，對比下

私人傳訊

積分: 28097

443^#

發表於 18-9-2 13:51 |只看該作者

回覆樓主

呢一段真係好精彩

私人傳訊

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

444^#

發表於 18-9-2 14:03 |只看該作者

hugoma2015 發表於 18-9-1 21:43
楚王反太子真係為報私仇咋，你睇返第一集，佢話只要打倒太子，為三哥平凡，佢可以唔要命！結果小辛鬧佢， ...

佢似有少少厭世，母妃死咗，三王兄死咗，最想得到嘅父愛係虛情假意，如果可以用一條命換呢班衰人落地獄，佢會好樂意，其實點解咁多人將天盛長歌同琅琊榜比，其中一樣就係宗主同楚王都唔錫身，以命換命。再嚟就係雪冤，扳倒奸臣，跟住就係宗主帶住病弱之軀，而楚王亦有舊患在身，加埋佢果身頹廢格（楚王有自暴自棄嘅傾向）。

花旗太太生活在花旗國，留意時差，你問我未必即時答到。

私人傳訊

積分: 28097

445^#

發表於 18-9-2 14:11 |只看該作者

回覆樓主

雖然楚王有備而來，但呢個哀求係真的。

但我覺得唔怪得曬皇帝，既然有人公開質疑，最好的還佢清白的方法當然係公開驗身。

私人傳訊

積分: 174325

446^#

發表於 18-9-2 14:21 |只看該作者

hugoma2015 發表於 18-9-1 21:51
呢一段真係好精彩

陳坤對眼嘅眼神好凌厲，但呢套劇入面有時我唔係好參得透點解要咁多又咁用力眼神，所以有人話佢用力過猛太誇張，好似佢把聲，唔須要成日壓低去一字一句吐出嚟，咁啱我又有睇少少如懿傳，周迅嘅如懿洽洽相反，淡淡嘅低聲嘅，好多人用嚟同延禧比，如懿同乾隆都陰聲細氣咁，令人覺得冇活力冇張力，但其實拉開少少去睇，導演已經講咗係要表現皇家婚姻生活，一對相愛相知嘅夫婦點樣慢慢漸行漸遠，要慢慢煲個味出嚟，唔係打機咁要過關打怪獸。。。天盛我暫時仲有好多嘢未明，只係擔心後面倪妮擔重戲會撐唔到。

花旗太太生活在花旗國，留意時差，你問我未必即時答到。

私人傳訊

積分: 28097

447^#

發表於 18-9-2 14:27 |只看該作者

rose-mag 發表於 18-9-2 14:03
佢似有少少厭世，母妃死咗，三王兄死咗，最想得到嘅父愛係虛情假意，如果可以用一條命換呢班衰人落地獄， ...

講到同宗主相似，仲有兩點，第一係保護無辜的人。佢話過佢登基之路唔好有無辜者的鮮血。第二就係自苦自傷，好多野鬱結於心。當然，其實身世都有d似。都係少年天才，曾經得到親人的寵愛。但一朝天堂到地獄，俾至親出賣（楚王係因為太子搶功而受重傷）。

對於常家同老二黎講，呢個楚王好麻煩。佢唔妥協唔錫身，寧願同歸於盡都要拖所有人落水，呢種“癲佬”最難搞。

私人傳訊

積分: 28097

448^#

發表於 18-9-2 14:39 |只看該作者

rose-mag 發表於 18-9-2 14:21
陳坤對眼嘅眼神好凌厲，但呢套劇入面有時我唔係好參得透點解要咁多又咁用力眼神，所以有人話佢用力過猛太 ...

唔使擔心，倪妮已經撐唔到，佢而家靠角色人設撐嗟，智商在線又幫到男主手，呢種女主實得人鍾意啦。

眼神問題我又唔覺喔，因為佢d進攻型人格出曬黎，犀利d都正常。但把聲太低，成日一字一頓，我都覺得怪。使唔使咁用力啊？得閒翻煲，睇下有無必要咁演先。相比較趙立新台詞功底好好多，好自然。

私人傳訊

積分: 174325

449^#

發表於 18-9-2 14:44 |只看該作者

hugoma2015 發表於 18-9-1 22:27
講到同宗主相似，仲有兩點，第一係保護無辜的人。佢話過佢登基之路唔好有無辜者的鮮血。第二就係自苦自傷 ...

“癲佬”。。。哈哈，我見過有人形容寧弈係精神病人，又夢遊又酒鬼，仲要成日披頭散髮頹廢樣，都幾難想像佢係皇子。

我好同情佢，皇帝唔係佢想做，而係情勢上佢唔做，呢個世界就唔太平，上咗去啦，又被所愛嘅人做佢世界要反佢，其實亡國嘅點解會亡國，而家天下太平啦，又復咩鬼國？俾鳳知微做咗女皇帝，佢有本事做得到而家咁好咩？

睇到原著作者兼編劇天下歸元話《天盛長歌》改編有“四不”原則：不動人設、不動主線、不删主要人物、不改主要情節。但以而家咁樣，唔改又點得，要過審，而且原本嘅情節以大女主為中心，而家明顯係要以楚王為重心，請坤哥冇可能要佢做配角啦，而且女主真係撐唔起，個角色又係偶像劇default果隻傻白甜加死好命打不死。

花旗太太生活在花旗國，留意時差，你問我未必即時答到。

私人傳訊

積分: 28097

450^#

發表於 18-9-2 14:50 |只看該作者

回覆樓主

【解衣之辱】哀莫大於心死！

父子之間最後一點恩情都無。無論楚王係咪親生，皇帝不顧佢哀求，令佢遭受解衣之辱，父子之間的隔閡，恐怕更難彌合。

解衣後，楚王回望皇帝，而皇帝正眼都唔望佢一眼，楚王心中應該好淒涼絕望吧⋯⋯

私人傳訊

積分: 174325

451^#

發表於 18-9-2 14:52 |只看該作者

hugoma2015 發表於 18-9-1 22:39
唔使擔心，倪妮已經撐唔到，佢而家靠角色人設撐嗟，智商在線又幫到男主手，呢種女主實得人鍾意啦。

眼神 ...

係呀，辛子硯同楚王D戲好睇，趙立新好自然，佢同魏知果場暗示都到位，但我覺得魏知接唔到，倪妮太多懵懂裝傻戲，有時唔知佢真傻定假痴，我相信個角色唔應該係咁蠢，佢演唔到果種明知俾佢利用又恨唔落，愛又唔甘心做楚王棋子嘅感情，之後仲要佢有三個祟拜者，老實有D牽強，古代邊得咁多男人鍾意馴服唔到嘅女人。

花旗太太生活在花旗國，留意時差，你問我未必即時答到。

私人傳訊

積分: 174325

452^#

發表於 18-9-2 15:01 |只看該作者

hugoma2015 發表於 18-9-1 22:50
【解衣之辱】哀莫大於心死！

父子之間最後一點恩情都無。無論楚王係咪親生，皇帝不顧佢哀求，令佢遭受解衣 ...

去到呢度都未死心，到皇帝話要將佢個名放入金盒度，果一刻真係覺得以前一直都係自己痴心莽想，皇上如果唔係因為蠱毒未解，佢應該係一刀殺咗呢個仔，而家為咗昆佢甘心為自己賣命，咩親情牌都打出嚟，又話唔理佢果十幾年係因為個仔太似佢母妃，楚王真係一到個情就懵到上心口。

花旗太太生活在花旗國，留意時差，你問我未必即時答到。

私人傳訊

積分: 28097

453^#

發表於 18-9-2 15:16 |只看該作者

rose-mag 發表於 18-9-2 14:44
“癲佬”。。。哈哈，我見過有人形容寧弈係精神病人，又夢遊又酒鬼，仲要成日披頭散髮頹廢樣，都幾難想像 ...

我講佢癲，系佢果種“無要命”的手法。真係癲起上黎，小辛都拉佢唔住啊！

楚王，原著已經好慘，一出世就無左母妃，間接因為自己發現左母妃的行蹤，而害死母妃。原著都係少年天才，8歲就帶兵追殺大成餘孽同血浮屠。系俾血浮屠炸到重傷的，唔系因為太子搞鬼。所以在公在私佢同女主都系世仇，唔應該一齊。

不過我覺得電視劇版，佢慘過原著。因為8歲之前萬千寵愛于一身，8歲重傷之後母妃冤死，父皇冷落，唯一可以依靠的三哥都死埋，仲關入黑房（宗正寺）8年，真係人都癲！所以佢性格有D乖張扭曲都唔出奇。唔知甘樣理解佢有時D表情好猙獰，浮誇會唔會好D？

我一直話套小說三觀不正就係因為女主“為左造反而造反”咯。當然，其中一個原因是女主阿媽以死相逼，臨死之前逼女主發毒誓，如果唔造反復國，佢老母就永不超生……希望呢D甘“膠”的劇情就唔好要了！套戲第一集就講啦“大成末年民不聊生”，就算天盛帝是乘亂奪位，都系因為大成自己做得唔好，D餘孽可唔可以有少少自知之明呢？

【八卦】本身劇組是請天下歸元做編劇的，不過佢就系打死都唔肯改，所以俾劇組飛出局。然後就煽動，出錢收買D書粉抹黑劇組同坤哥。

私人傳訊

積分: 28097

454^#

發表於 18-9-2 15:26 |只看該作者

rose-mag 發表於 18-9-2 15:01
去到呢度都未死心，到皇帝話要將佢個名放入金盒度，果一刻真係覺得以前一直都係自己痴心莽想，皇上如果唔 ...

我有少少異議喔，我覺得皇帝話十幾年冷落佢系因為佢太似母妃，佢果個笑容系“心照啦，鬼信你啊！”

其實佢理性上知道皇帝的虛情假意噶，但係感情上又控制唔到對父愛的渴望，皇帝俾少少甜頭（呃，其實系糖衣毒藥），佢都甘之如飴。但是吃完皇帝粒糖（毒藥），有苦自己知。

之前占壁講，佢母妃甘善良，唔到萬不得已都唔會落蠱，呢個都暗示皇帝真係對佢動左殺心，佢母妃先會落蠱保命。

私人傳訊

積分: 28097

455^#

發表於 18-9-2 15:34 |只看該作者

rose-mag 發表於 18-9-2 15:01
去到呢度都未死心，到皇帝話要將佢個名放入金盒度，果一刻真係覺得以前一直都係自己痴心莽想，皇上如果唔 ...

楚王甘心做呢個箭靶，做皇帝呢把刀，都有佢的目的的，就係逼常家同二王子出手，引蛇出洞。呢個同調查母妃冤案系一套組合拳。響對付常家呢一方面，楚王同皇帝系同一陣線的。佢真係願意捨身一搏！

只不過如果唔系要剷除常家，佢有無機會幫母妃平反呢？只不過甘多個仔唔用，偏偏要用佢呢？次次都放佢響風口位。諗起都心酸！

私人傳訊

積分: 174325

456^#

發表於 18-9-2 15:41 |只看該作者

hugoma2015 發表於 18-9-1 23:16
我講佢癲，系佢果種“無要命”的手法。真係癲起上黎，小辛都拉佢唔住啊！

楚王，原著已經好慘，一出世就無 ...

有落差更覺得慘，同宗主一樣，原本係天之驕子，一下跌落地獄，楚王好歹都仲係王子，宗主連名帶姓都唔可以提。

所以佢性格有D乖張扭曲都唔出奇。唔知甘樣理解佢有時D表情好猙獰，浮誇會唔會好D？----->我都係當係咁樣，會合情合理D，否則真係吓吓咬牙切齒吹鬢碌眼咁，好唔習慣，亦都唔識欣賞。

係囉，我都記得開頭已經講係大成末民不聊生所以天盛帝至得以乘機推翻佢，咁而家度度都太平（只有閩海果邊有海寇同常家作祟），反咩鬼嘢，佢同楚王係可以和平共處，唔需要反，秋明櫻又係唔湊米氣，食米唔知米貴，佢呢十幾年又係點樣過，冇天盛冇佢阿哥，佢乞米都唔掂。

作者總覺得自己個故事最好，咁我都明白，但而家擺明由大女主變大男主，又點得唔改？而且要過審，過唔到的話，理得你係咩巨著都冇用，拍完咁快上得到真係算好彩，可惜對正延禧，收視一直都麻麻，而家Netflix買咗海外播，希望可以吐氣揚眉。

花旗太太生活在花旗國，留意時差，你問我未必即時答到。

私人傳訊

積分: 174325

457^#

發表於 18-9-2 15:52 |只看該作者

hugoma2015 發表於 18-9-1 23:34
楚王甘心做呢個箭靶，做皇帝呢把刀，都有佢的目的的，就係逼常家同二王子出手，引蛇出洞。呢個同調查母妃冤 ...

因為楚王唔錫身，只要認定要做就一定搏到盡，呢樣老皇帝好清楚，加上楚王真係聰明，唔搵佢搵邊個，其餘嘅唔甘心受擺佈，又唔會搏到盡，皇帝又明知其他仔有幾可以信任，所以呢，楚王冇計架，明知係搵笨，都要謝恩（佢稱呼自己做臣，唔係兒臣，講遵旨先，再講謝恩，擺明就係條氣唔順）。

花旗太太生活在花旗國，留意時差，你問我未必即時答到。

私人傳訊

積分: 28097

458^#

發表於 18-9-2 15:52 |只看該作者

回覆樓主

【解衣之辱】我覺得呢度成場都係“戲中戲”。唯有最後痛哭失聲係真

私人傳訊