講吓八封嘢～
呢個星期嘅新劇熱搜買咗都打水漂，多謝鄭爽俾咗咁多日話題俾吃瓜群眾，幾日來日日新鮮一日比一日精彩，佢理直地話要棄養，又話棄養俾冇孩子嘅家庭領養係做好事，更甚係話已有雪住嘅受精卵，將來復合的話，隨時可以再「造」過BB（當然又係指請代母代孕），大家等來佢嘅回應又係佢一貫作風：隻隻字都識，但完全睇唔明。各大媒體、官方機構紛紛衍責，而爽姐我行我素，又係「我冇錯，我冇犯法」一輪嘴炮，加埋佢爸爸的「偉論」，成功激起官方發聲封殺佢，唔再俾佢再出現於公眾面前。
當大家以後告一段落，有媒體挖到代孕公區負責人，爆料鄭爽未清尾數，不聞不問，不負責任，更妄想將責任推俾代孕公司，同時亦都披露鄭爽互非唯一或少數請代孕嘅人，只係佢係到現時為止最差果一個，暗示咗佢地嘅生意不少，因為中國代孕係犯法，所以好多人會去到其他國家請代母，其中有D第三國家，代孕非常不人道。
有說呢次封殺鄭爽其中一個原因係怕佢發起顛嚟會爆大鑊，將一定名人請代孕或其他私隱爆出嚟，佢會都唔出奇，趕狗入窮巷，一拍兩散，更何況佢一向都神神化化。
一波未完，又傳出張碧晨自白有個女，華晨宇亦承認，但最詭異係時間上同鄭爽張恆分手時間吻合，於是陰謀論有人話傳說中鄭爽同一個H君有染，一直傳係同鄭最近期合作拍劇嘅侯明昊，侯即時否認，去到尋日當張華呢一單爆出後，有網民就心水清指出華都係H字母行頭嘅姓氏，亦有人扒出2018年有關華晨宇疑似劈腿微博。
對比鄭爽，華晨宇同張碧晨就醒目好多，既然係事實，無從抵賴無從隱瞞（其實都隱瞞咗兩年），唯有承認，更好快蠃得正面評價，話佢地有承擔，但當中亦有人提出問題：點解話一齊但有咗BB後女要走咗去自己生？生完又要收埋個女？因為要落戶至逼不得已公開？話男嘅有喺女人間蒸發後不斷聯絡個女嘅，兩個人如果有感情，點解會係隱瞞懷孕事實要要獨自面對？點諗都唔通，萬幸係而家BB女總算有個名份，可以落戶。
然後。。。一眾傳聞此起彼落，包括大小明星，有傳拍拖嘅，有傳領証結婚，結咗婚被傳離婚，甚至有D都唔知傳咗D咩，因為前車可鑑，各大小明星反應好快，即時否認，即時出微博澄清，更有工作室出正式聲明，一時之間，滿地係瓜，多到食唔晒。
據不完全統計，目前已經有王俊凱、羅雲熙、張藝興兴、白敬亭、華晨宇、楊紫、趙讓、張子楓、李易峰、易烊千璽、趙麗穎、馮紹峰、楊幂、魏大勛、朱正廷、鞠婧禕、范丞丞、吳磊、焉栩嘉、劉昊然、沈月、吳亦凡，陳飛宇、歐陽娜娜、許晴、張彬彬出辟謠聲明，以及鹿晗重申不要再造謠，更有都唔知道傳咗咩「謠」，總之有的沒的，而家任何明星只要俾人講一句就即刻彈出嚟澄清、否認，否則就會當你默認。
真係唔多謝阿爽姐都唔得啦！
花旗太太生活在花旗國，留意時差，你問我未必即時答到。
發表於 
返回列表
