吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 小朋友大脾氣,可以點教 Part II

少年成長今日: 1|主題: 16122

收藏本版

發帖

返回列表

跳至頁

樓主: SandraLo

21 222324 25...101

積分: 33215

441^#

發表於 09-11-24 22:14 |只看該作者

小ice and fatsin :

請你地都睇埋我答對方的posts !

你地嘅case係好相似, 小ice做到多過一半了, 但fatsin唔多明媽咪同囝囝点互相影響..... 所以做唔到我所講嘅, 我會盡最後努力去解釋, 如你唔去改變自己, 你唔會揾到出路..... 有d 冇特別去探究嘅媽咪, 佢地跟住做, 反而見到果效, 之後諗番, 先明番當中道理!

[ 本帖最後由 SandraLo 於 09-11-24 22:15 編輯 ]

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

SandraLo

珍珠宮

積分: 33215

442^#

發表於 09-11-24 23:20 |只看該作者

原帖由 小ice 於 09-11-23 23:10 發表
SandraLo

我還是有點唔明白,請指點..
你講得都岩,事後我諗番那時唔應該要佢入房,因為佢會更反常,反叛!有時我會自己入房比自己冷靜(會先同佢講媽咪想冷靜一下所以行開)佢係門外拍打我沒理會,我咁做岩嗎?其二,有時我 ...

小ice :

上次不是問你有沒有一個你自問唔講任何嘢都做得到的罸則？想到嗎？
當然不是一定要罰佢企, 而是, 他只得幾歲大, 但你是沒有一樣東西可以肯定叫得到他做的, 那以後的日子你怎可能教得到他？那才是問題啊！

你嘅所謂軟同硬係d 乜？如果軟係講解吓就聽, 咁軟有乜所謂呢？而如果硬係企硬鬧佢就聽, 咁又得喎！但你依家搞唔搞到？

「你可以詳細點教下我嗎?比如:佢係人面前最容易扭計」~~首先你抽身出嚟, 睇番你寫嘅整個過程, 佢攞到你的attention嗎？成功攞到的話, 他便會持續都是這樣, 你便得求變！
「佢唔理,照無禮貌,試過帶佢回家,佢喊我由佢喊,冷靜後再講道理,佢話明,但第二日又係咁!」~~我估佢都試過好多試係咁, 你唔駛再解, 佢都識得講啦, 第二日當然又係咁啦, 攞到你attention嘛, 罵嗎？一樣喎, 都係成功咁攞到你attention！
好啦, 講到呢度, 我想由你去suggest番一個解決辦法！

「同埋,有時同佢講左去邊度玩,佢好開心話好,但當差不多去到時,佢又開始發作,扭計話唔去了,話好累要回家!!
」 ~~ 這個一樣係attention seeking, 總之一句講哂, 佢就係扭到你有反應就會持續, 拆解方法都係一樣, 你冇反應佢係唔會扭, 响呢度冇反應可以分兩種：一係由你主導, 即係答一句, 唔得喎(之後唔好再講解); 另一種就俾佢話事, 等佢承受番後果, 即係, 「唔去返屋企？好呀」.....我而家又想去啦」......「好呀, 落車番轉頭呀」兩種方法都會work, 視乎你做到邊種！

[ 本帖最後由 SandraLo 於 09-11-24 23:22 編輯 ]

私人傳訊

bbwoodstock

洋房

積分: 38

443^#

發表於 09-11-25 00:50 |只看該作者

你好, 客氣話不多講了.
小囡未到3歲, 平日只愛飲奶和食餅(或香口的食物). 試過餓佢, 都唔食, 例子如下:- 早上10點幾飲奶, 下午出外吃, 就算鍾意食叉燒,, 都只吃汁吐渣. 2時許在家餵飯, 到4時只食了數口(就算吃了也含著不願吞, 期間當然有讚佢). 之後洗澡及由5時午睡至8時, 醒了嚷著要吃奶, 我要佢食飯, 2個鐘內只吃了兩口!

過程: 我俾佢選坐 high-chair 或矮凳 (因明知佢唔鍾意, 唔想一開始就破壞關係), 佢選後者. 但我講明坐唔定就要坐 high-chair , 期間佢有大叫, 發脾氣, 我話我聽唔明佢發脾氣的說話, 佢有收歛; 但又嘗試走開, 警告無效後, 我抱佢坐 high-chair, 佢發脾氣撥走"匙羹" (剛巧我當時蹲了下來餵, 失了重心跌坐地上~ 我頓時百感交集: 又嬲又沮喪, 又傷心又氣憤, 忍不住哭了起來, 整個人都失控了!)

我跟住收好所有碗筷, 吃掉佢剩下的飯. 心情平復下來後, 我輕聲話佢知唔可以咁對媽咪, 唔可以浪費食物, 所以要罰佢今晚無奶飲, 結果佢真的無再提出要求. 臨睡前, 我俾咗佢2-3粒提子(因之前已準備好俾佢食; 而且佢平日少飲水, 少食生果, 佢肯食, 我真係求之不得). 估唔到佢好開心, 仲大讚又甜又多汁 (我有鼓勵佢食多些), 但最後都吃剩半粒! 其實之前一日我第一次用奬勵表, 佢早上表現很合作, 我蓋了印俾佢. 但之後, 一點進展也没有.

日常情況: 婆婆餵(用餅氹), 但有時佢會要求只食餅, 如果堅持要佢食啖飯先, 佢寧願全部唔食 (就算食奶都堅持用奶樽, 試過俾杯佢, 佢寧願唔飲). 家人都由佢食奶, 怕佢無營養. 在幼兒堂吃茶點也一樣, 次次都包尾, 更多數吃不完. 現在牙正在發育, 如不多運用, 恐怕影響日後說話同咀嚼能力.

每日浪費在吃兩餐飯的時間都花了4至5小時 , 如果午睡又用3個鐘, 未計洗澡或出外等等, 咁真正同佢玩耍看書的時間就所餘無幾, 又偒感情, 唔知點收科, 但晚上都會用講故事教佢 (但只怕我身心俱疲, 點有心情?)? 我知香港地好少會餓死細路, 但天寒地凍, 一日只食咁多真係唔肚餓咩(1枝奶 + 幾口飯 + 3粒提子)???

佢係受軟唔受硬的人, 要寓食飯於玩耍就差不多(婆婆會俾佢玩, 但惟獨婆婆才有本事餵到佢, 雖不是次次都食得好好, 但至少比我好), 一迫或強硬對付仲反效果 (其實, 我自問接受到佢用一小塊餅送飯, 因為兩餐中間根本無甚麼機會食零食(我當然不是希望佢多些吃零食), 只是覺得如果佢肯合作食飯就謝天謝地了, 少少零食甜頭是我可接受的底線已而, 是否好錯呢?. 我知佢已俾我地緃壞, 請教我如何是好 (我開始怕單獨照顧佢的日子, 因為又要餵飯, 想起都怕)?

先多謝你抽空幫忙, 真的不勝感激!

私人傳訊

bbwoodstock

洋房

積分: 38

444^#

發表於 09-11-25 01:16 |只看該作者

原帖由 SandraLo 於 09-11-20 23:33 發表

fatsin :

你其實唔需要再点話佢架啦, 有乜你都已經話過, 佢係知道的, 你先要明白這一点.
你俾咗太多反應的囝囝, 即使佢發脾氣/喊係冇道理, 你都一樣表現得好care, 重喊埋, 所以佢好鍾意喊同發脾氣！同小ice一樣, ...

Sandra,
唔好意思, 想搭訕一下, 請問點為之"自問唔講任何嘢都做得到的罸則？" 可否具體說明一下呢?
謝謝!

私人傳訊

nat62

男爵府

積分: 5054

445^#

發表於 09-11-25 10:58 |只看該作者

Hi Sandra,

第一次路過, 見到此post, 好開心, 有點問題想請教:
小囡現在3.5yrs, 有１個1.5yrs細佬

1. 小囡有時會好take care, share with 細佬, 但有時又会話唔比細佬, 試過在以為沒人睇到的情況下, 偷偷打細佬....我会同佢講 " 人唔係用嚟打, 人係用嚟錫 ", 情況改善了點, 但唔share嘅况改不了

2. 小囡自小好得大人愛鍚, 又有小聰明...現在, 佢習慣經常第一位, 如得不到, 會unhappy, 如大人講笑話佢唔乖, 佢都會唔開心, 我有解釋, 但未見改善

3. 因為always take care 囡囡, 真的忽略咗brother, 但如果I play with brother, 我怕佢會更唔like younger brother... 點做好呢?

私人傳訊

小ice

珍珠宮

積分: 45484

2024年龍年勳章

446^#

發表於 09-11-25 11:19 |只看該作者

SandraLo

上次不是問你有沒有一個你自問唔講任何嘢都做得到的罸則？想到嗎？-----
嗯..好似係公園佢扭計/喊,罰則就係回家~唔同佢講任何野~咁算唔算?不過佢每次都係咁!佢就係容易鬧情緒的人!小小不滿就發皮四上來!(回家後,我仍不同佢說話,佢知我嬲,不停同我講佢冷靜左喇,收左聲喇...不過我仍不望佢睬佢,直到佢真係收左聲)然後同佢講道理,佢道歉話知錯(當然第二日再0黎過喇)我感到好無奈!唔知係我方法錯左還是未見成效??!

你嘅所謂軟同硬係d 乜？如果軟係講解吓就聽, 咁軟有乜所謂呢？而如果硬係企硬鬧佢就聽, 咁又得喎！但你依家搞唔搞到？-----
軟我指忽視佢,唔理佢發皮四,或同佢講道理,好像上面那個例子,我用呢個方法,但仍不見成效,佢仍然係公園成日情緒發作...如果硬(即鬧),佢又唔受,咪又係大喊,態度對我更差!甚至出手打我添!so..我話軟硬都見唔到成效!不過,我覺得用軟會好d(即忽視佢/唔理佢/唔答佢/罰回家)但佢唔多mind咁!

「同埋,有時同佢講左去邊度玩,佢好開心話好,但當差不多去到時,佢又開始發作,扭計話唔去了,話好累要回家!!
」 ----
至於呢個,我諗我會做主導,我怕如果比佢又話去又話唔去既話,我諗佢不斷會有下次咁玩我,好似有次係商場問佢去唔去廁所,佢話唔去,我話去行街啦,跟住佢又話去!我帶佢去廁所,其實佢都唔係急果隻(無乜尿)只不過佢想試我!!我知佢係試我有乜反應!如果第一次問佢佢答唔急,跟住又話急,我唔帶佢去呢,佢又肯定可以接d意係度發作!!但聽佢話,佢下次再"玩"過我!進又唔係退又唔係...佢就係有心為難我!
佢上次話唔去,我做左主導,我話唔得,話左去就要去!之後佢咪用藉口話好眼訓.行唔郁等等係咪扭計!(最後都有去到)只不過佢鐘意係又扭唔係又扭!扭計精!

原帖由 SandraLo 於 09-11-24 23:20 發表

小ice :

上次不是問你有沒有一個你自問唔講任何嘢都做得到的罸則？想到嗎？
當然不是一定要罰佢企, 而是, 他只得幾歲大, 但你是沒有一樣東西可以肯定叫得到他做的, 那以後的日子你怎可能教得到他？那才是問題啊！

你嘅所 ...

私人傳訊

SandraLo

珍珠宮

積分: 33215

447^#

發表於 09-11-25 21:56 |只看該作者

各位：
唔好意思, 老人家..... 多幾個post就亂哂, 如漏答請見諒！

[ 本帖最後由 SandraLo 於 09-11-25 23:15 編輯 ]

私人傳訊

SandraLo

珍珠宮

積分: 33215

448^#

發表於 09-11-25 21:59 |只看該作者

duplicated

[ 本帖最後由 SandraLo 於 09-11-25 22:51 編輯 ]

私人傳訊

SandraLo

珍珠宮

積分: 33215

449^#

發表於 09-11-25 22:05 |只看該作者

原帖由 fatsin 於 09-11-23 15:39 發表
Sandra,

唔好意思,我理解能力唔係咁好,可唔可以用d例子,好似上星期六,我同佢去上gym,途中我讚佢「今朝好乖喎,無郁手郁腳,媽媽獎你一樣野」,跟住拎左粒瑞士糖放係掌心,唔比佢睇,同佢玩,比佢估係乜,跟住佢好開心食粒 ...

fatsin :

........ 跟住佢好開心食粒糖,點知,行到做 gym 對面馬路,佢開始發作,突然話要比瑞士糖教練睇,我知佢其實係唔想去上堂),跟住我話我帶得一粒,不如比棉花糖教練睇啦,佢跟住就開始喊同扭喇,(你應該明白, 就算你真係有粒瑞士糖, 佢都會有第二樣嘢扭, 呢d 就叫扭)我初時仲可以好好聲氣同佢講話一係佢去上堂先,我去買,佢係都話要即刻返屋企拎,跟住我放佢係行人路到由得佢喊,我就企係佢前面,期間都有幫佢抹眼淚(是否如果ignore就連呢樣都唔做呀(冇問題的, ignore係ignore bad behaviour, 唔係佢個人),一見佢收左聲就再同佢講道理,話佢知我好失望,點知間間斷斷搞左成20幾分鐘,(講道理响呢個timing就絕對唔適合, 即係俾反應, 亦即係俾佢有選擇, 佢可以繼續扭佢想要嘅嘢, 在佢嚟講, 有希望唔駛做你叫佢做的!) 跟住佢好似有點軟化,我就再同佢講話「不如去上堂先」,點知佢又喊過,(你覺得佢有點軟化係因為佢都可能覺得有d 悶, 但又扭咗話唔去, 咪想再喊升級大走你, 等你唔再要求, 而佢一直係用緊同一技倆對你, 都係成功的！)我忍無可忍,夾硬抱起佢行左去轉角位,因為無咁大風,放佢埋一邊由得佢喊,佢喊左5分鐘後,問我係咪唔錫佢,(互動常用招數之一, 响「媽咪容易犯的錯誤」都講過)
我話唔係,只係佢發脾氣令我好唔開心好失望,佢應承左既野又做唔到,跟住攬住佢,佢話去上堂,同佢上到去,已遲左半個鐘有多,點知上到去佢又唔肯出去做運動,擾擾釀釀免強完成果堂。
咁係上面例子,係咪我其實應該一開始佢話要比糖教練睇時就唔理佢,一句都唔同佢講野,同佢鬥係條街到企?咁跟住點處理呢? (如係我, 會答一句, 唔得喎, 媽咪已經俾咗錢約咗教練, 唔可以唔去, 跟住就同佢去; 如佢唔肯行, 我就陪佢企响度, 佢可能會大喊瞓地之類, 但只要好切實咁俾佢知你唔會改變, 佢扭唔到先會唔扭, <每次預番個幾鐘俾佢扭, 三次之後, 我包佢唔再扭>, 最忌就係你有offer, 一時又講吓道理 <查實佢都曉講>, 一陣又問吓咁咁好唔好, 咁佢就知佢喊、扭對你起到作用, 点都扭落去, 睇吓你重有乜嘢offer！)

想問下呢,佢好鍾意食野,咁我地好多時會係佢乖時比D提子乾、棉花糖、紫菜氹佢,話佢知因為佢乖無喊無扭計,所以獎佢食,其實得唔得架呢? (佢唔扭時當然可以用獎品加强讚嘅效果, 但如果你用個「氹」字, 就知你重未收到(未明白)点做！！因一般氹嘅意思係「交換條件」, 你唔好喊啦, 不如我地食糖呀！咁就係氹唔係獎, 或者係, 獎(reinforce)咗一個壞行為！)

...........佢應承左,但夠時間佢唔肯走,咁我地同佢拗左一輪後,話比多2分鐘佢,跟住夠鐘叫佢走,其實佢都唔想,不過強硬度無咁大,半推半就都會走到,咁其實係咪一夠10分鐘時佢話唔走都應該夾硬抱佢走呢? (你鍾意講咗但之後又話「唔係」、「唔駛咁做」嘅, 你估佢學到乜嘢？……..當然係當你俾嘅指示係唱歌囉, 甚至學埋你咁, 淨講唔做, 講左可以唔算數)

其實係咪完全唔可以比佢討價還價呢?但咁樣會唔會佢生活得好唔開心架呢?我成日都覺得好矛盾。(我相信冇人會鍾意同人講嘢下下要討價還價, 你意思係咪「有傾有講」？由你咁問, 我完全明白到你点解搞到咁, 同点解做唔到我所講嘅, 呢個係心態問題, 亦冇企過响阿仔嘅角度去睇：扭計扭到係幾咁過癮, 喊咗先, 有理冇理唔肯咗先, 就總會有源源不絕嘅offer, 一切都咁美好, 咁点解唔扭咗先呢？)

私人傳訊

SandraLo

珍珠宮

積分: 33215

450^#

發表於 09-11-25 22:06 |只看該作者

duplicated

[ 本帖最後由 SandraLo 於 09-11-25 22:53 編輯 ]

私人傳訊

SandraLo

珍珠宮

積分: 33215

451^#

發表於 09-11-25 22:11 |只看該作者

duplicated

[ 本帖最後由 SandraLo 於 09-11-25 22:54 編輯 ]

私人傳訊

SandraLo

珍珠宮

積分: 33215

452^#

發表於 09-11-25 22:18 |只看該作者

duplicated

[ 本帖最後由 SandraLo 於 09-11-25 22:56 編輯 ]

私人傳訊

SandraLo

珍珠宮

積分: 33215

453^#

發表於 09-11-25 22:31 |只看該作者

抱歉咁多位..... :(
俾BK玩死 :tongue: , 答得太長, 不容有失, 搞到出咗咁多個！

[ 本帖最後由 SandraLo 於 09-11-25 22:59 編輯 ]

私人傳訊

SandraLo

珍珠宮

積分: 33215

454^#

發表於 09-11-25 22:46 |只看該作者

bbwoodstock :

你睇咗呢個topic 先, 再問：

http://www.baby-kingdom.com/modules/newbb/viewtopic.php?topic_id=801720&post_id=13865199&order=1&viewmode=flat&pid=13797548&forum=25#13865199

[ 本帖最後由 SandraLo 於 09-11-25 23:03 編輯 ]

私人傳訊

SandraLo

珍珠宮

積分: 33215

455^#

發表於 09-11-25 23:13 |只看該作者

原帖由 bbwoodstock 於 09-11-25 01:16 發表

Sandra,
唔好意思, 想搭訕一下, 請問點為之"自問唔講任何嘢都做得到的罸則？" 可否具體說明一下呢"謝謝!

bbwoodstock :

佢地响囝囝扭計時不自覺地咁俾咗好多反應(講嘢), 間接令小朋友持續咁扭, 就算用罸, 只要佢地對小朋友嘅喊同扭係有反應, 罸都係冇效, 因為小朋友响罸嘅過程一樣成功攞到佢地attention, 所以我問佢地有冇罸則係唔駛講嘢到罸得到嘅！

私人傳訊

SandraLo

珍珠宮

積分: 33215

456^#

發表於 09-11-25 23:36 |只看該作者

原帖由 fatsin 於 09-11-24 09:15 發表
又有問題想請教,尋晚佢唔肯訓,講完古仔又要再講一個,我話唔講,跟住就話未睇成語故事(因晚晚都會睇),咁好啦,比佢睇完之後上番床,突然比佢諗起頭先畫緊畫,佢堅持要拎紙畫畫,我一句野都無同佢講,只係坐係佢床邊合埋眼唔 ...

fatsin :

........,最後喊左半個鐘我都無開過眼,其實應該點樣收科呢,由得佢喊到收聲? (正是) 易或係佢一無喊回氣時就同佢講叫佢訓?最後佢走左出去喊,搵爸爸,爸爸同佢講道理話聽日先畫,依家係訓覺時間,佢唔肯,咁我行左入去自己房由得佢地自己搞,最後爸爸用轉移方法帶左佢上床,再用書轉移佢,跟住就訓著左。(呢個offer咪重好過畫畫囉！呢d就叫做扭到, 扭到下次一定食過番尋味, 但對像會係爸爸)
係上述事件,你會建議怎樣處理呢,我尋晚同老公傾起,大家都覺得究竟應該點收尾呢,佢係咁喊,佢會唔會自己知錯收聲呢?有無落台階呢?我地角色又應該係點呢?? (佢唔會即刻自己收聲, 因為每次喊都有offer, 佢亦唔駛「知錯」, 因佢根本冇錯, 佢只係用喊嚟要求你地俾嘢佢, 最後永遠係你地俾佢, 就算有錯都唔係佢, 因佢只係要求, 你地每次都俾佢先有「期望」, 咁落去係會愈扭愈多, 愈扭愈勁！)

其實你不停問緊同我不停答緊你嘅, 都係同一樣嘢, 懇請你再睇一次我簽名位的兩個topic嘅第一個post同我呢幾日答你嘅, 再有問題嘅話, 我都無能為力, 幫唔到,

我今晚用咗三個半鐘答你, 可算係情至意盡,

(我7:30pm先放工) 你可以揾心理學家, 行為治療師或專教阿媽教仔嘅社工, 拍video俾佢地睇, 等佢地逐個point/位指出你可以點做, 你可能會改善到d！雖然佢地都會係同我講差唔多嘅嘢, 不過佢地係專家,收番7,8百蚊個鐘, 你可以上心d ！

[ 本帖最後由 SandraLo 於 09-11-25 23:42 編輯 ]

私人傳訊

bbwoodstock

洋房

積分: 38

457^#

發表於 09-11-26 00:37 |只看該作者

原帖由 SandraLo 於 09-11-25 22:46 發表
bbwoodstock :

你睇咗呢個topic 先, 再問：

http://www.baby-kingdom.com/modules/newbb/viewtopic.php?topic_id=801720&post_id=13865199&order=1&viewmode=flat&pid=13797548&forum=25#13865199

Dear SandraLo

多謝你的回覆! 那段文字真的很有啓發性. 我知道並不易做, 但我會好好準備一下, 然後實行. 希望可以上來報喜!

但還想問下, 每餐應該容許佢食幾耐才收碗? 駛唔駛開始就要佢自己食 ~ 其實試過一次半次佢自己主動要求自己"畢", 但只是幾口已而, 好快就直頭唔食 (我覺得佢只係貪得意, 因為細路好多時都鍾意自己嚟, 好似之前有個媽咪話個小朋友要自己開門之類).

同埋開頭佢實唔肯食, 如果佢仲倒食物落地或發脾氣(大叫或哭或打我), 我應如何反應(e.g. 執起再添又是否等如俾反應佢, 我怕多多都唔夠俾佢倒!) ?? 請再指教!

Thanks so much!

私人傳訊

fatsin

別墅

積分: 528

458^#

發表於 09-11-26 14:42 |只看該作者

你好,Sandra,好多謝你,無施咁教我咁多野,我會俾心機,有好消息再話你知,我唔知可以講乜,但真係好多謝你,亦覺得好慚愧。

原帖由 SandraLo 於 09-11-25 23:36 發表

fatsin :

........,最後喊左半個鐘我都無開過眼,其實應該點樣收科呢,由得佢喊到收聲? (正是) 易或係佢一無喊回氣時就同佢講叫佢訓?最後佢走左出去喊,搵爸爸,爸爸同佢講道理話聽日先畫,依家係訓覺時間,佢唔肯,咁我 ...

私人傳訊

小ice

珍珠宮

積分: 45484

2024年龍年勳章

459^#

發表於 09-11-26 20:59 |只看該作者

sandralo:
謝謝你的提點!很有啟發性!
呢幾日我仔的情況好像有點點改善左,希望係好的開始!之前同你講我對個仔係公園鬧情緒個反應,我採取忽視佢唔好行為,雖然而家還未算成功,但佢今日係公園的表現大致上係ok的,無發皮四!叫佢回家也合作,我唔知係佢進步左還是只是偶然變乖?!希望我個方法無行錯!希望你可以解答下我上一個post內容,想清楚知道自己咁處理岩唔岩?十分感謝!

在這裡,想講講剛剛發生既事,原本我仔今日都好乖好合作,今晚又出現了小風波,可能今日有個鐘點係度,唔知係咪咁又令佢"發作"(佢好容易係別人面前發作)

我叫佢飲湯,飲完湯後我話同佢講故仔,佢唔答我,我把湯放在台面,湯涼了佢都唔肯飲,咁我平心靜氣同佢講如果唔飲媽咪將d湯拿走喇,佢唔郁好耐,我將d湯拿入廚房,佢激動跑入來話要飲/搶!我話時間過左唔飲啦,佢係度扭,個鐘點見佢咁將d湯加熱比佢(個鐘點比左反應佢)佢坐係度,之後佢發脾氣話d湯好難飲!仲將d玩具放入湯裡,我無理佢,叫個鐘點先走..唔洗理佢的要求!佢將d湯整到周圍都係,我無理佢(咁做對嗎?)我入廚房做野,佢跑入來踢我拍打我,我仍唔理佢(咁做對嗎?)無同佢講野,我見佢推/打我,我同我老公講,我需要入房冷靜下(唔想被佢咁打)之後我入房關上門,佢就係門外不停踢門叫我開門!我仍不理佢,佢踢左好耐!爸爸入0黎叫佢停止踢門,佢好似發洩完聽爸爸話出番去,爸爸同佢講道理,佢話知錯.....情緒才冷靜落0黎,我唔知爸爸咁叫佢停岩唔岩,定係爸爸都應該忽視佢呢?如果爸爸唔叫停佢,佢應該會繼續踢門落去!(當時我覺得佢好似失去常性咁!係度不停發脾氣!)

原帖由 SandraLo 於 09-11-25 23:13 發表

bbwoodstock :

佢地响囝囝扭計時不自覺地咁俾咗好多反應(講嘢), 間接令小朋友持續咁扭, 就算用罸, 只要佢地對小朋友嘅喊同扭係有反應, 罸都係冇效, 因為小朋友响罸嘅過程一樣成功攞到佢地attention, 所以我問佢地 ...

私人傳訊

SandraLo

珍珠宮

積分: 33215

460^#

發表於 09-11-26 21:57 |只看該作者

原帖由 nat62 於 09-11-25 10:58 發表
Hi Sandra,

第一次路過, 見到此post, 好開心, 有點問題想請教:
小囡現在3.5yrs, 有１個1.5yrs細佬

1. 小囡有時會好take care, share with 細佬, 但有時又会話唔比細佬, 試過在以為沒人睇到的情況下, 偷偷打細佬.... ...

nat62 :

1.
分享問題, 冇幾耐前答過, 可睇呢度：
http://forum.baby-kingdom.com/thread-2694635-1-1.html

2. 第一位呢樣嘢, 得閒傾計/講故事就lead佢諗多d, 根本每樣嘢全世界都只得一個第一, 邊有咁多第一呢, 例如李麗珊係風帆冠軍, 數學你估佢第幾？大人有時有意無意响小朋友醒時讚佢地第一, 搞到佢地睇第一太重, 要花些時間講解吓.

大人笑話唔係俾小朋友聽, 佢地唔會明, 你想佢点反應呢？笑騎騎對住你？

3. 分配好自己時間, 每人一d, 亦要有一家人一齊玩嘅時間, 唔好因一個而要另一個犧牲d乜, 亦唔好話一個時講「你睇吓家姐/細佬XX」呢類比較性嘅說話, 咁已經係the best you can do, 佢再係諗埋一邊都冇法！

私人傳訊

21 222324 25...101

跳至頁

返回列表

上一主題 • 下一主題

回覆

發帖

頻道

討論區

少年成長今日: 1|主題: 16122

瀏覽過的版塊

頻道

討論區

熱門搜尋：

少年成長 今日: 1|主題: 16122

瀏覽過的版塊

少年成長今日: 1|主題: 16122