qpalzm 發表於 24-12-23 13:29
大棋盤︱公務員長俸年花500億 勢成「財政懸崖」 政界打主意？
fannychau 發表於 24-12-23 13:37
公務員人工佔1/4經常性支出，1500億， 退休金500億，好應該檢討？
加埋2000億，檢討其他濕濕碎碎，例如搭車優惠效用唔大？檢討幾十樣支出加埋都可能唔夠呢樣支出
annie133 發表於 24-12-23 13:58
當年唔知D人會90歲咁長命，因為醫療科技嘅進步，當時制定長俸制度的年代，香港人平均壽命只有60+歲，諗住退休後養10幾年就算。
登陸火星 發表於 24-12-23 14:35
經濟咁差政府仲加人工，特首及高官人工離地，比習主席更高，全部連公務員與深圳睇齊減薪，特首及高官減40%，高級公務員減30%，中級减20%，低級不減；全部議員職位數目減半，現在沒有反對派，議案可速速通過；公務員宿舍搬去大灣區，實行一小時生活圈，將宿舍改為中轉房屋；前特首辦公室可以取消
d6d012d2690777 發表於 24-12-23 18:46
我都係做私人公司， 好境都係一個月雙糧。 沙士后好多公司都取消雙糧， 以酌情花紅代替來窄壓員工， 鍾意你分少少唔鍾意比零， 員工無奈也員接收。 而公務員食大鍋飯， 薪高糧準， 超級人性化編制工作量極少輕鬆簡單， 每日能有大量時間想工餘活動吃喝玩樂或安排旅行。 每部們都霸資源造成極多冗員。 應在這次社會財赤審視人力數量， 職位layer層超級臃腫，簡化工作流程。 用科技淘汰舊有工作及建立新的制度配合大改革， 設立員工工資福利上限等。 公務員也是打工仔啊但制度讓他們變做打工皇帝嘆世界。
happyeasy 發表於 24-12-23 19:46
其實私人機構退休時是一筆過俾退休金，政府是將退休金每個月俾，如果政府將退休金可以讓公務員自願性一筆過攞，應該有人願意，因為現在政府財赤，如果每個月攞，分分鐘過多幾年無得攞
0q.cathy 發表於 24-12-23 19:59
我反而覺得你好似咩都唔知，我覺得我同你認識既香港有一個gap, 你講出嚟既野好偏頗，所以我先回覆，唔想你係度帶風向。
97前百業興旺，點止建築業，一般私人公司13個月係基本，1-2個月bonus 係標準，呢樣如果你係90年前出世，應該都會知。
經濟差由2000年已經開始講，香港最好時光已過，因為經歷過，所以就算係08-15年期間，都唔覺得經濟有好過，好既只有，地產某幾個行業，佢哋受惠大陸政策，就算呢幾年話差，但其實都係金融地產銷售某幾個行業，其他行業都係咁上下。
有JM 講以前公務員係唔吃香，係真的，90年代之前，考公務員一定唔會係第一選擇，呢個改變係由SARS 後，私人公司開始減人工減福利，但政府仲可以因為公務員人工係市場指標，唔可以減，跟著就開始講公務員好，再有住公屋好等。 無人將公務員同最好既比較，邊行係最好？ 大家都係講general。
發表於 
返回列表
