公道講，琅琊榜係咪冇可挑剔？唔係，要吐仲有好多嘢可以吐糟，劇本、演員、剪接等都有反駁有BUGS，亦有幾致命嘅，但最終成為一套精良劇，可以話係時也命也，天時地利人和，當然演員功不可沒，亦唔可以話全因胡歌一個就可以做一套神劇，只係呢套劇宗主角色擔好重戲，佢演得唔好就註定失敗，而家靖王演得唔夠好，劇本有瑕疵，演員配搭可以更好，有D細節可以更精緻，但因為本身劇本故事結構算係幾完整，加上演員加上劇組，打造出呢一個光環。
要超越唔係唔得，關鍵首先要劇本夠好，角色唔能夠唔合理，觀眾睇得多好嘢就唔會咁易收貨，口味只會越來越高，天盛之所以唔得係因為劇本已經唔得，當然我覺得剪接係一大敗筆（據說因為唔肯買收視而被狂剪），演員角色唔融入唔協調唔一致令觀眾睇得唔投入，做唔到共鳴就冇吸引力。
琅琊榜權謀嚟講係簡單咗，天盛又太複雜，又多又散，更加唔掂，說故事方式雜亂無章，話要舖墊，但後來好多嘢都冇交代，前面講咁多即係癈架啦。相對琅琊榜，癈戲比較少，當然可以減緊一D後宮加番多D宗主郡主更好。
花旗太太生活在花旗國，留意時差，你問我未必即時答到。
發表於 
返回列表
