親子旅遊 今日: 2|主題: 161802

Day3 – 4 Aug 2014 (Mon)

因為Day 2 玩足一日, 所以今日會留响酒店hea 下, 瞓到大約9:45 起床梳洗后去食早餐, Golden Sands 早餐時間係去到11:00 am, Golden Sands呢到早餐算豐富有很多選擇. 之后返上房執野去泳池游水, 呢個游池分為幾個水深區域, 個人覺得吾係幾好, 因為通常都係親子玩水, 所以Ｄ人米迫埋响淺水區, 另有條小滑梯, 呢個區又太細, 吾夠玩, 呢幾日開齋節關係好多中東遊客, 呢Ｄ遊客同我地强國人有得 fight.

玩玩下响泳池花叢發現一條長２-３尺嘅蜥蜴, 當場O 咀, 但佢走得太快影吾到相.

玩完上酒店房梳洗之后已差不多4:15pm, 有Ｄ餓, 所以就出去揾食, 去左油站附近好似商場嘅地方, 但無野食, 不過原來有間舖頭有得唱錢, 之后去左油站隔離麥當奴開餐, 而老麥旁有間便利店入面都有得唱錢 rate 大約2.49- 2.5. & 其實 Golden Sands 都有得唱錢 rate @ 2.5

跟住我地去左foot massage, 大人RM65/hr, 其中40分鐘按腳, 20分鐘按頸肩, 小朋友RM25/ 30mins 按腳, 我女有按腳, 仔太細無按, 我地就比手機佢玩。

約6:30 pm 去左長園美食中心, Long Beach開餐呢餐食左RM81.8, 食完就行番酒店.

待續 Day 4......

Day 4 – 5 Aug (Tue)

因為會Check out Golden Sands & 搬去Bayview George Town, 所以最後衝次响泳池玩多轉先走, 之前request late check out 1:00pm, 要到朝早食早歺時酒店先可以confirm.

約左包車1:30pm有行李跟車搬酒店, 吾知係米食熱氣野太多, 半夜開始喉嚨痛, 所以一見個司機就叫他帶我去買药, 今次係吳生嘅司機名叫Bernard, 佢問我飲苦茶OK無？我答OK.

第一站帶我地去Bayview George Town check in 加寄存行李, 夜Ｄ再取房咭, 之后帶左去唐人街入面凉茶鋪, 老闆娘推介左杯”苦茶加药粉” 比我, C6 食左龜靈膏. 杯苦茶都幾有效, 再加合”得果定” 果晚好番好多。

第二站唱錢&食午飯, 点知Bernard都係帶去之前所講嘅士多仔唱錢, 跟住車左去一個local food court開餐, 幾好味&平 RM26.7.

吾经吾覺已經3 点幾要開始入正題, 原本plan 去 Botanic Gardens植物園, 姓氏橋, George Town 睇壁畫, Clock Tower, St. George Church, 炮臺, & Penang Hill, 娘惹博物館, 最后無去植物園, Bernard 話無乜野睇.

我地先去Penang Hill, 因我仔3歲所以搭纜車買兩大一小 Family Package RM65, 同兩大兩小 package 差RM5, 個人覺得山上無乜野睇, 純粹玩搭缆車, 咁啱天色又吾好, 多煙霞, 有得影相嘅地方又修建中, 所以影幾張相就搭缆車落山。

之后就去娘惹博物館,
兩大一小入場費RM25, 博物館分兩層入面好多有好多古董, 舊擺設, 傢俱, 我&C6不約而同有種 ”邪”嘅感覺, 隔離有兩座細嘅庭院, 其中一座係餐館食娘惹菜, 好奇怪我地一睇完嘅地方就熄燈, 原來呢度收6:00pm Ｄ職員趕收工.

己經6点幾, 去姓周橋喇, 沿路經過clock tower 又影下相, 行入碼頭影相走人, 跟住找壁畫, 估吾到機場無壁畫嘅地圖, 自己又無帶之前download 嘅地圖, 唯有信包車司機, 又上下車, 又落下車, 影下相，睇完壁畫就襯未天黑, 趕快去影埋 ,City Hall, St. George Church, 炮臺, 等地方. 但炮臺只能影外圍, 因為已過參觀時間.

跟住就去New Lane 夜市食晚餐, 原本想去新關仔角, 但吳生&Bernard 都話 New Lane 好食d, & 平Ｄ，所以去New Lane, Bernard 推介义燒飯, 但已賣曬就試燒肉飯, 另叫左豬腸粉, 炒反, 燒雞翼, 三杯飲品等盛惠RM30, 因為仲有少少喉嚨痛, 吾敢再食沙爹, 蚝煎等, 蝕左！

之后見包車未夠8個鐘, 就趕快叫車一轉去Gurney Plaza 行下, 行左大半個鐘見無咩特別就call Bernard 返酒店. 到酒店找包車條數由1:30pm 至
9:15pm但佢只收我7.5鐘 RM225, 所以回程由Bayview George Town 去機場比埋佢做。

上左酒店房, 我地訂Deluxe 房, 房間大, 但兩張床每張得3.5尺, 又吾可以拍埋, 成日怕碌落床, 枕頭又太林, 所以瞓得比較辛苦. 不過只係兩晚者。

待續 Day 5.....

Day 5 – 6 Aug (Wed)

終於到呢日, 係我女最期待, 因為會去Kidland 玩.

原本想瞓晏Ｄ, 但吾得, 因為酒店早餐收10:00am, 所以8點幾起床梳洗, 早餐都ok, 比起Golden Sands 差少少者。

大約11點幾由Bayview George Town搭的士去Paragin Mall, RM10, Kidland 响 4/F, 入場費 Ad RM5@, Child RM30@, 可以玩全日, 大人中途可離場, 所以我&C6拍拖去行商場, 就咁响Bata 買左對涼鞋RM40, 商場有幾間foot massage 舖 & 找換店, 個rate 係咁多唱錢地方最靚 @2.47左右,

大約一點幾返 Kidland 揾番Ｄ細路, 佢地仲想玩所以同佢地响Kidland入面食飯, 之后細路繼續玩,

約三點左右, 我&C6行左去汕頭街揾食, 因為尚早,之前有JM話必食嘅四大天皇 -天皇雞腳，鴨粥粿汁，四果湯，炒粿條, 果Ｄ舖全部未開, 所以行行下有檔食魚肉湯粉就入左去食, 都幾好味, Ｄ粉好爽口, 鱼肉好香. 因為仲未有機會去正宗荼室, 點到叫左份多士食，都幾正！

食完返去Kidland, 我地一齊睇5D, 都幾好睇, 最正兩把牛角扇, 吹到正。我兩隻野因為未玩過role play 嘅玩意, 另賺左好多錢未洗未玩, 所以吾肯走, 至到差不多6點先肯走.

跟住我地去左1st Avenue 行, 呢度有Vincci, Brands Outlet, H&M, Coach, etc C6响Brands Outlet 買左三件Graphic Tee, RM50/3, 好抵, 因我地不嬲都吾買牌子野, 覺得抵, 質料好, Ｄ Graphic 吾錯就買.

大約7點幾行番去汕頭街食野, 率之揾到嗰四大天王,
根據之前JM報料我地坐糖水舖頭入面叫糖水，跟著可以在出面檔口買嘢入舖頭內食，有少少冷氣舒服d！因為都諗住去紅園 Red Garden, 所以食Ｄ糖水, 雞脚, 鹵水雞脾頂住先.

之后出發去Red Garden, 行去光大附近搭CAT, 上左車問司機先知上錯車話搭錯線, 但有個华人叔叔聽到我地想去紅園話比我地知只要响龍城酒店落車都行到去, 所以就响龍城落車.

去到紅園幫襯左東園海鮮RM57, 海南雞飯RM6.5, 3杯飲品RM8.2 大約9:00pm左右有歌手唱歌, 原本想响紅園食沙冰甜品, 但係太多蚊&烏蠅頂吾順佢地食先我地無得食, 所以行左去食乳酪雪糕再返酒店已經10點幾。

待續 Day 6......

Day 6 – 7 Aug (Thu)

嚟到最後一日喇, 要返HK,
因為起飛時間1255 所以今日大致係無行程, 食完早餐就出機場, 約左Bernard 包車9:45am 响酒店大堂等, 响出機場前Bernard 會帶我地去馨香買荳沙餅.

未到馨香之前我多口問左可吾可以載我地去朱古力店, Bernard話Ok. 原來巧克力店就响紅園隔離, 入到去Ｄ職員猛比試食, 好味, 但我地只買左一包椰子糖 RM6&–排朱古力RM21, 因為實在貴到無朋友.

之后到馨香, 買左兩合荳沙餅, 潮州糖等, 呢度价錢相對老實好多, 吾貴, 除左荳沙餅, 一般嘅手信都有, 都吾洗四圍揾。

跟住車出機場, 無塞車約10:30am 就到. RM50

因為我用剩左RM231亦諗住短期內吾會再去馬拉旅行, 所以响機場唱番港紙 rate @ approx. 2.32 換左HK$530加RM3.5, 去埋麥當奴職員比左個discount 价買左包薯條就清埋. 行程完滿結束返HK.

行程小總結：

今次檳城之旅主要係 Hea 下食下為主, , 另包車吳生都話遊走檳城主要景點兩日己足夠.

港龍(KA) 6 日5夜package 兩大兩小:

3晚 Golden Sands Resort – Deluxe Sea Facing Room + free extra bed + 1 free set Dinner end up upgrade to Seafood buffet with no extra cost. + 4 pax daily breakfast + 2 hrs Adventure Zone

2晚 Bayview George Town – Deluxe Room + 4 pax daily breakfast

單程接機到Golden Sands Resort

Sub total: HK$19,426

Money Exchange:

我無响百年或重慶唱定去, 因為自己吾順路, 至於响檳城唱錢, 最貴係機場rate 2.7我無唱.
我兌換地方係响Red Garden 出面呢幅壁畫右手面一間士多仔, 兩次都係兩架包車分別帶去 rate 2.5. 但以我見Golden Sands 都係兌2.5, 另响Golden Sands 附近嘅麥當奴隔離便利店入面都有得唱 rate 相若. 至於Paragin Mall, Gurney Plaza 商場入面都有rate 好少少 2.47 – 2.49.

我在的檳城交通:

因為怕熱&懶行所以之前約定包車兩天, 而主要嘅行程都會係呢兩日完成:

包車兩天, 3/8
8小時RM240,
5/8
7.5小時 RM225

一程的士由Bayview George Town 去 Paragin Mall RM10

一程CAT 由光大到龍城酒店 (去紅園)

回程由Bayview George Town 经馨香去機場RM50

Sub total: RM525 approx. HK$1312.5

景點門票:

Butterfarm RM84 (2A + 2 C)

Tropical Fruit Farm RM 98 (2A+1C)

Penang Hill 纜車 RM65 (2A+1C)

娘惹博物館 RM25 (2A+1C)

Kidland RM70 (2A+2C)

Subtotal: RM342 approx. HK$855

Local Tour: 夜遊觀賞瑩火蟲約5:00pm – 10:30pm RM320 兩大兩小 包酒店接送+船費 approx.HK$800

檳城夜市:

今次旅程都算試左幾個吾同嘅夜市,华人餐室&舖頭, 最初以為我地一家吾食辣, 又吾食榴槤去檳城會有咩食？答案係 : 我覺得檳城嘅食物, 口味, 老幼咸宜, 尤其係夜市, 最衰自己病左, 吾係可以食多Ｄ.

夜市去左:

長園美食中心 (Batu, Feringgi Night Market)
响 Golden Sands & Line Pone 行去 5-10分鐘, 吾食辣推介雲吞麵, 炒粿條(走辣), BBQ 虾,

New Lane 紐冷 (Sunway 酒店隔離) 地方細Ｄ, 露天但無咁焗, 有檔义燒反好多人排隊, 我地食左燒肉飯, 皮脆&肉腩均稱, 豬腸粉好滑, 燒雞翼我食嘅最平RM2/一隻

汕頭街 – 响Paragin Mall 反光大方向過馬路後直入, 去左糖水舖食四果湯 & 花生湯, 食鹵水雞脚, 雞脾

紅園 Red Garden, 响龍城酒店斜對面, 大約9:00pm 有歌手唱歌, 舞臺附近有幾張枱留座要買酒飲先可以坐。幫襯左東園海鮮, 個人覺得呢檔比較起之前我幫襯過嘅海鮮檔就貴左ＤＤ, 但都可以一試. 另呢度比起以上嘅夜市多蚊 & 烏蠅.

手信 & 自用:

豆蔻膏 & 油 RM4/支 x4 , 加油套裝 RM10/set x 1

馨香荳炒餅 RM6.5 / 合 16個 x 2

Tesco 買左一包虾餅, 一件 Cotton Tee RM10,
男童內衭 2sets x 4pcs RM18 / 2sets

Bata 涼鞋一對 RM40, Brands Outlets 男裝Graphic Tee RM50/3pcs

加加埋埋响檳城大概洗左HK$5000大元, 如果吾用包車可更平。

總括今次遊檳城都算順利, 遺憾去吾到出名嘅茶室食多士, & 食當地甜品煎蕊之類, 留待下次再食！