心聲留言

跳至

首頁

尾頁
   0


侯爵府

積分: 20300


461#
發表於 04-12-29 16:08 |只看該作者

Re: 唉~~~有時真係好似一個透明人囉><

kongkong,

係呀...下星期一就去照超聲波, 我真係好心急呀! 日日都o係度倒數日子... 我成日都好擔心...唔知bb有冇事, 所以呢排都冇乜心機上網, 始終一日未有胎動, 都只能靠照ultrasound先可以得知bb o既情況。 :-|

我o既預產期係05年7月27日。


大宅

積分: 4231

畀面勳章


462#
發表於 04-12-29 17:03 |只看該作者

Re: 唉~~~有時真係好似一個透明人囉><

my_tabo
放心啦. 冇動靜即係好事. 佢乖乖訓覺o麻!! 快d 過下二人世界. 小b出世後真係連行街都唔得閒.上星期我同老公本想同另一對夫婦一齊睇功夫. 點知冇人幫佢地湊囡. 所以都冇睇到. 佢地個囡2-1/2 yrs啦.


侯爵府

積分: 20300


463#
發表於 04-12-29 17:21 |只看該作者

Re: 唉~~~有時真係好似一個透明人囉><

kongkong,

我都唔想咁擔心, 不過愈近下次檢查o既日子, 個人就愈多o野諗, 成日都驚bb有事......

近排半夜一晚要去幾次小解, 我已經瞓覺之前唔飲水, 瞓之前去清晒, 但係始終都冇一晚可以一覺瞓到大天光, 而家天氣咁凍, 去完小解之後個人凍冰冰, 好難即時瞓番, 攪到睡眠質素好差, 日頭都冇精神。 仲有, 我本身有鼻敏感, 瞓覺o既時候個鼻抖唔到氣, 尤其係側瞓o既時候, 平瞓條氣就順d, 不過大肚又唔適合平瞓, 我要用口先呼吸到, 成日吸埋晒d"生風", 攪到喉嚨又乾, 氣管又勁敏感, 我已經咳o左好耐, 夜晚仲咳到氣管都響埋, 有時仲咳到反胃同作嘔, 晚晚都瞓得唔好。 :-|


大宅

積分: 4231

畀面勳章


464#
發表於 04-12-29 17:27 |只看該作者

Re: 唉~~~有時真係好似一個透明人囉><

my_tabo
你記住將呢d情況話俾醫生聽. 果時我都冇晚上去廁所的. 真係每個人唔同. 初時我都係側訓. 醫生話初期懷孕平訓都冇所謂. 最緊要自己舒服. 你問問你的醫生睇下點. 我反而到後期好大個肚就側訓都好辛苦. 條腰痛到訓唔到. 好彩你日頭可以休息番. 如果唔係就仲辛苦. :cry:


別墅

積分: 875


465#
發表於 04-12-29 17:28 |只看該作者

Re: 唉~~~有時真係好似一個透明人囉><

kong kong,

響設定果度有架~

設定網站風格下面

<首頁歡迎詞 選擇計數器>
Joyce


侯爵府

積分: 20300


466#
發表於 04-12-29 17:32 |只看該作者

Re: 唉~~~有時真係好似一個透明人囉><

kongkong,

我下次會同醫生講我o既情況o架喇! 不過我估佢實話呢d係小問題...


別墅

積分: 875


467#
發表於 04-12-30 12:31 |只看該作者

Re: 唉~~~有時真係好似一個透明人囉><

my_tabo,
我都聽好多人講過話陀BB一晚起幾次廁所架, 我又冇喎! 一晚起一次咁咋~ 應該唔係大問題架~!! 不過我以前又係半放夜一起左身就唔可以好快訓番, 有時3-4點要眼光光等天光架, 通常我都出廳睇電視, 睇到眼訓架~! 你呢家有冇用暖水袋, 用左暖D架~! ...你有冇擺杯水響床邊, 喉嚨就冇咁乾~! 我以前都係氣管敏感, 要睇醫生食藥先好番~!
Joyce


侯爵府

積分: 20300


468#
發表於 04-12-30 15:42 |只看該作者

Re: 唉~~~有時真係好似一個透明人囉><

joyce,

有時我半夜起o左身瞓唔著, 我就會睇孕婦書, 睇到眼瞓就會再瞓番。

等我都試o下放杯水o係床邊先, thanks!


子爵府

積分: 10138


469#
發表於 04-12-30 17:31 |只看該作者

Re: 唉~~~有時真係好似一個透明人囉><

my_tabo,
你唔好咁傻成日驚bb有事啦~~咁樣會搞到自己精神緊張~~
我嗰時初初有咗又係成日都想去小便,不論日頭定係夜晚,
成日都好似有啲嘢聚住聚住,好唔舒服,成日都好似急,
但係又痾得好少,不過又忍唔到,成日好似就嚟賴尿咁~
呢個情況到我陀咗4個幾月嘅時候都有~
而到咗嗰時,就開始感覺到個b有郁架喇~


KarenC,
我話怕冬天咪就係因為怕凍囉~~
搞到我成日都唔想郁,淨係想匿喺個被竇入面~
洗碗同洗菜都洗到隻手赤哂~~
到沖涼嗰時就更加難受~~~


kongkong & joyce,
kongkong你話似fans club嗰個背景其實係一間pizza hut嚟架咋~~haha~我嗰時去過好多唔同嘅地方搵佢~
佢真係好快就記得我同我個女喇~~
可能咁細個細路女佢覺得特別啦~
其實我而家住緊嗰度係一間屋間開4個套房租出去~
我就喺度住咗都有5-6年,而喺呢段期間~
另外嗰3間房都不斷有人搬出搬入~~冇乜人住得耐架~


侯爵府

積分: 20300


470#
發表於 04-12-30 17:59 |只看該作者

Re: 唉~~~有時真係好似一個透明人囉><

Vin,

我都知自己好傻o架喇! 成日乜o野都驚一餐...

我同你以前o既情況都好似, 成日都覺得急...... 不過我都慣晒o架喇! 未有bb o個陣都有類似o既情況, 不過有o左就更加啦!




子爵府

積分: 10138


471#
發表於 04-12-30 18:39 |只看該作者

Re: 唉~~~有時真係好似一個透明人囉><

my_tabo,
冇辦法啦~~做人媽媽係辛苦架喇~~
遲啲你可能要面對更多唔同嘅生理變化~~
仲知最緊要放鬆心情~~
有咩困擾就同我哋講啦~~


珍珠宮

積分: 38563

環保接龍勳章


472#
發表於 04-12-31 22:12 |只看該作者

Re: 唉~~~有時真係好似一個透明人囉><

Vin,

[size=x-large]HAPPY NEW YEAR :-P

今日super凍呀,d風吹到對手都彊埋! 妳要掂水仲凍.....真係好辛苦,有無用暖水袋,洗完菜同碗即刻暖番對手??!!
人生本是苦


侯爵府

積分: 20300


473#
發表於 05-1-2 01:28 |只看該作者

Re: 唉~~~有時真係好似一個透明人囉><

Vin,

真係好多謝你...其實有你o地o既支持, 我個心都定好多, 如果唔係識上o黎呢度學o野, 我諗會驚過而家100倍都唔只lu

Dear all,

祝你們一家人

在新一年都事事順境、生活愉快、身體健康!


子爵府

積分: 10138


474#
發表於 05-1-2 04:36 |只看該作者

Re: 唉~~~有時真係好似一個透明人囉><

KarenC,
我冇用暖水袋呀~我而家儘量洗碗洗快啲囉~
如果有需要,我會帶手套~hahha~
我都祝你有一個開開心心嘅2005年~
:-P

my_tabo,
你一定掂嘅~!
想當年我都係乜都唔識,以前從來都未試過抱bb嘅~
我都可以湊得掂個女~所以你都得架~
至於懷孕期間嘅唔舒服,就唔同階段都有唔同嘅嘢~
好似我嗰時,2,3,4個月就成日都聚住聚住~成日都想小便.
到咗5,6個月開始,坐得耐一起身就會尾龍骨痛~
到咗8個月開始就有時會大脾骨痛~~
仲有到咗就嚟生嗰排就成日都腳抽筋~
可能仲有一啲唔記得咗,諗返起話你知丫~
你開始買定啲大肚衫未呢?


侯爵府

積分: 20300


475#
發表於 05-1-2 18:33 |只看該作者

Re: 唉~~~有時真係好似一個透明人囉><

Vin,

我都唔知掂唔掂o架? 不過我諗煮到o黎就食啦...船到橋頭自然直卦...如果我有o野唔識, 我一定會開口問人, 唔識就學到識囉。

我都係一直未抱過bb, 可以話連bb都未近距離接觸過; 直至今年4月, 我個好朋友生o左個女, 我先第一次抱bb, 個感覺真係好特別, 先前冇諗過抱住一個bbo既感覺係點樣, 我先前廿幾歲人從來都未抱過bb, 所以我對bb呢樣o野真係好陌生, 真係好難想像自己遲d就要貼身照顧自己bb, 我諗到時一定會覺得自己o係度發緊夢。

我仲未開始買大肚衫呀! 而家仲勉強著到之前o既衫就著住先, 諗住到遲d都係著唔落先買啦! 如果太早買, 我又驚好快就唔o岩著, 尤其係著o係底o個d。


大宅

積分: 4106


476#
發表於 05-1-2 19:17 |只看該作者

Re: 唉~~~有時真係好似一個透明人囉><

my_tabo:

我12w之前都好似你咁諗, 後來發覺好多大肚衫都可以著到生架, 唔洗怕唔o岩著喎


大宅

積分: 4231

畀面勳章


477#
發表於 05-1-3 17:12 |只看該作者

Re: 唉~~~有時真係好似一個透明人囉><

evainnerv
原來你有左兩個幾月, 恭喜晒. 你都要小心身體啦.

joyce
我又睇左晴晴d相啦. 原來晴晴咁細個仲有表妹. 表妹幾大? 想像到如果佢兩個拖住手一齊行肯定好得意.

my_tabo
你今日檢查點呀?

vin
你好怕凍? 冇咩事嗎?


侯爵府

積分: 20300


478#
發表於 05-1-3 23:46 |只看該作者

Re: 唉~~~有時真係好似一個透明人囉><

evainnerv,

哦...你唔講我都唔知添! 唔該晒!

我12w之前都好似你咁諗, 後來發覺好多大肚衫都可以著到生架, 唔洗怕唔o岩著喎


kongkong, Vin, joyce & evainnerv,

我今日去照超聲波, o係肚皮上面照, 唔使好似上似咁照陰道超聲波。

我好清楚見到小b o既頭、身、手、腳同心跳, 成個人形出晒o黎, 覺得好實在。 小b而家有3.91cm, 上個月2號得0.43cm咋! 醫生話bb都好正常, 睇到有2隻手、2隻腳。

醫生仲唔聲唔聲幫我度埋小b頸皮, 醫生都有叫我咳一下, 佢話小b頸皮得0.1cm(我諗冇記錯長度單位卦?), 係"唐氏"o既機會好低喎! 度頸皮都冇額外收費。

不過醫生話我血糖高o左d, 叫我注意飲食, 唔知關唔關事我近排食多o左朱古力同蝦條, 飲多o左益力多呢?

醫生問我去政府掛號未? 我就同佢講我冇諗住去, 我話會搵佢同我接生。我問佢"浸會"定"法國"好, 佢就話:"法國"啦! 咁所以我就決定去"法國"生。

我同佢講我瞓覺o既時候個鼻抖唔到氣(因為我本身有鼻敏感), 我問佢用口抖氣會唔會唔係咁好, 佢就話冇所謂; 我瞓覺時平瞓條氣會順d, 我問醫生平瞓會唔會對bb唔好, 佢就話而家bb仲咁細, 點瞓都冇所謂。

另外, 我留意到通常朝早第一次小便都會黃同濁, 我問醫生有冇問題, 佢就話因為我飲得水少, 飲多d水就唔會濁o架喇!

我平日心跳同呼吸都比較急速, 個人o係靜止狀態下每分鐘都有一百零幾下, 醫生話有o左bb有咁o既情況都好正常。

我上個月2號做第一次檢查, 醫生話小b得6週, 我離開診症室之後睇返張超聲波相, 先發覺上面印住小b有11週零2日, 而且預產期仲唔同o左, 上次話係7月27日, 今次就話係7月23日。 究竟小bo既週歲同預產期係咪根據佢身體o既大小去計算o既呢? 到下次照超聲波, 唔知預產期係咪又會唔同呢 ? ?-(


大宅

積分: 4106


479#
發表於 05-1-4 00:05 |只看該作者

Re: 唉~~~有時真係好似一個透明人囉><

kongkong:
多謝關心 ^^ 不過我係27w+2d, my_tabo先至係2個幾月
今日照超聲波, 我個仔有面朱登啦, 肉緊起黎好想搣下 :lol: :lol: :lol:

my_tabo:
我度頸皮果時係照4D, 收左我800蚊台幣, 我見好多bk媽咪o係香港照3D,4D都幾貴下bor

我血糖都係高左少少, 不過醫生話如果驗前2-3個鐘有食過野, 係會驗到高少少. 我都好為食架, 為左自己同bb健康, 大家忍下口, 唔好食咁多高熱量, 太甜既野, 仲有飯都唔好食咁多, 因為過多殿粉質都會肥架


侯爵府

積分: 20300


480#
發表於 05-1-4 00:16 |只看該作者

Re: 唉~~~有時真係好似一個透明人囉><

evainnerv,

係啦...原先我都以為醫生度頸皮會另外收費, 事關好多媽咪去威爾斯醫院度做"早孕期一站式唐氏綜合症篩查"都要$950

我去檢查o既時候係下晝4點幾, 我o係1點幾o既時候飲o左杯冇加糖加奶o既好立克, 同埋食o左碗雪菜肉絲米咋! 都估唔到咁樣都會血糖過高。 我諗都關事我平日鍾意食甜o野同零食, 正餐就冇乜胃口食, 平時都唔係日日食飯, 有時兩日先會食一碗飯。

我都好同意你講: 為左自己同bb健康, 大家忍下口。

首頁

尾頁

跳至
Presslogic Logo
Baby Kingdom Logo