懷孕前後 今日: 1 | 主題: 330568

積分: 3489

461^#

發表於 05-3-4 12:16 |只看該作者

Re: 有無將會或已經在聯合醫院生的媽媽,請進來傾下啦!

我尋日去左覆診呀!本來我仲諗住可以問下其他醫生BB既情況! 點知咁o岩又係上次果個女見習醫生睇我 :-| 佢同上次講既野一樣既,仲係話BB位置都係差唔多,落左盤骨1/5左右

咁即係做'青蛙蹲'同行樓梯都冇幫助喇!我而家已經係39週喇!仲有一個星期咋!希望BB可以係星期四前出世,唔好留係肚入面咁耐喇!
我尋日放假同老公出去行左成日,返左自己屋企執野,之後去左將軍澳吉之島睇BB展,買左D濕紙巾,同搖鈴玩具...夜晚又去左聯合聽講座,因為趕時間,所以同老公一齊食左幾件壽司,點知....夜晚12點幾開始肚痛,我仲以為係'宮縮'添?點知原來只係要去'廁所'

不過BB都好似有D唔舒服咁,成晚郁黎郁去,我幾驚佢真係會'跳'埋出黎呀!

Christy ~

又會咁o岩既!2間醫院既堂都撞正同一日? '法國'報既course要收費嗎?交左錢未呀?係上關於D乜野架? 你自己取捨下喇!要好好考慮哦!因為'聯合'的堂錯過了,就冇得陪產架喇! ?-(

意粉~

唔駛客氣喎!我都唔係識好多架咋!希望幫到你喇!

咁你知唔知自己係'熱底'定'寒底'呢? 不過白蓮鬚好似2種底都食得,反而龜靈膏同綠豆就唔係人人食得喇! 你最好問下媽咪~奶奶~同藥房D人喇! 芝麻糊係對BB皮膚好架!而且好溫和,所以可以食左先!

'聯合'的'復康部'有'孕婦包'賣架?(唔記得果座叫乜,不過係o向往官塘既小巴站果邊,行後少少就會有道門入去就見到) 其實都唔駛去果度買既,入面D野好多地方都有

你會用D平m巾去完洗手間時印尿? 我聽講用廚房抹手紙都得喎!而且可以俾餵BB飲奶時墊住用.

我未用過扣裝既產婦巾,都唔知係點既?點串埋佢架? ?-(

MuelMuel~

我肚內的是囡囡呀!

我一直都係'聯合'檢查,冇轉過去'母嬰院',你指的'內檢'係乜呀? (用手檢查陰道?) 我只係初期俾聯合醫生check過一次咋!之後每次都係俾醫生摸(按)下個肚,聽BB心跳咁,好簡單架咋!(不過都要等好耐

) 係廿幾週時照過2次超聲波 (第一次只見到BB背脊,所以第二個星期要再照多次)

不過我自己都去左睇2次'私家',因為想keep番D超聲波相,同詳細檢查下,一次係27週照4D,一次係37週照2D,醫生仲幫我做埋'探盤腔',佢話我個size幾好喎!如果BB個頭仔唔係好大,應該可以順產....不過我BB個肚仔好大,所以我都有D擔心,希望佢早D出世,唔會係肚入面吸收過多營養,變左'超大碼B'喇!

白蓮鬚只係甘甘地,而且可以加埋冰糖煲,所以都唔會好難飲架!不過為左BB好唔好飲都要飲架喇!

私人傳訊

積分: 3489

462^#

發表於 05-3-4 12:22 |只看該作者

Re: 有無將會或已經在聯合醫院生的媽媽,請進來傾下啦!

請問各位已經係'聯合'生左既媽咪們~ 你地果時o係'聯合'生BB,姑娘俾邊隻牌子既奶粉佢飲架? (因為聽聞'聯合'每個月,都會俾BB試飲唔同牌子既奶粉) 所以我想知道係唔係? 而且我都好想知'3月'會轉乜奶粉,如果你地知道既,請話我知喇!Thanks!

仲有你地知唔知'聯合'最新既情況呀?產前同產後房full唔full呢? 我應該尼幾日就會入院架喇!好擔心哦! ?-(

私人傳訊

積分: 3441

463^#

發表於 05-3-4 15:33 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
我其實都唔知自己係'熱底'定'寒底'? 因為我從來唔睇中醫,,但我幾年前試過食龜靈膏就見暈...所以我諗我唔會食龜靈膏了...食住芝麻糊先..嘿嘿 :lol:
係呀..我決定用D平m巾去完洗手間時印尿? 但廚房抹手紙都一樣得..我貪m巾有包裝衛生d...所以唔用抹手紙,,,你邊樣覺得想用就用邊樣啦..最緊要自己覺得岩駛,, :lol: :lol:

你要休息多D..係呢個零星期訓多D..唔係生完可能冇覺好訓啦.... :-P :lol:

私人傳訊

MuelMuel

積分: 182

464^#

發表於 05-3-4 17:43 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
你要小心d呀!咪亂吃野啦!要好好保重自己,你一定等bb出來等到好心急了!係呀!我拍指的是醫生會否用手檢查陰道!
意粉,
我肚裡的是細囝,而我仲有一個大囝!真羨慕人有一囝一囡!不過最緊要bb健康同乖乖!係呢!無諗過用check 的 m巾抺尿尿!比你提醒了!有邊d夠check又ok的m巾好呀?

私人傳訊

積分: 3441

465^#

發表於 05-3-4 18:04 |只看該作者

Re: 有無將會或已經在聯合醫院生的媽媽,請進來傾下啦!

MuelMuel,
你今胎又係囝囝黎呀? 最緊要健康,,囝囡都係心肝寶貝 :lol: :lol: 雖然人地話一囝一囡可以揍個"好"字,,但其實2個囝都好好..起碼可以一齊玩男仔野,,或者又好傾d呢.. :lol: :lol: ..可能人地一樣羨慕你有2個囝架..嘿嘿

係呀,,,我家姐叫我到時用平d既m 巾黎抺尿尿..佢話姑娘教用m巾唔會驚痴左d毛毛落去傷口度..我睇均哂咁多牌子..多數會買"安妮"呢隻,,17蚊度有48片,,我諗都夠用掛..嘿嘿 :lol: :lol:

私人傳訊

MuelMuel

積分: 182

466^#

發表於 05-3-5 11:21 |只看該作者

Re: 有無將會或已經在聯合醫院生的媽媽,請進來傾下啦!

意粉,
係啊!等我都去買'安妮'先!
當我知道係囝囝,我都有d失望,不過後來時時好'阿Q'甘安慰自己,因為大囝鍾意細佬(佢自己講),加上多一個囝,唔駛買多一份女仔玩具,搞到屋企無位擺!D BB衫又唔駛買過(但無得發揮我的購物慾)......但其實我好想買下D女仔衫,D女仔衫好靚又得意!不過,自從我有幾次因流血而入院後,我深深明白最緊要BB平安同健康! :lol:

私人傳訊

積分: 8810

467^#

發表於 05-3-5 11:35 |只看該作者

Re: 有無將會或已經在聯合醫院生的媽媽,請進來傾下啦!

意粉
如果用女性用d濕紙巾得唔得架??咁咪可以唔使用清水器同埋m巾抺尿尿lor,係咪架???請指敎!!!!

意粉寫道:

係呀,,,我家姐叫我到時用平d既m 巾黎抺尿尿..佢話姑娘教用m巾唔會驚痴左d毛毛落去傷口度..我睇均哂咁多牌子..多數會買"安妮"呢隻,,17蚊度有48片,,我諗都夠用掛..嘿嘿 :lol: :lol:

私人傳訊

積分: 3489

468^#

發表於 05-3-5 12:27 |只看該作者

Re: 有無將會或已經在聯合醫院生的媽媽,請進來傾下啦!

意粉~

嗯!聽你咁講,我諗你都係唔好食龜靈膏,改食芝麻糊,白果腐竹蛋,同西瓜都係一樣o者!

咁M巾又真係會衛生D既,或者我到時都帶定一D入院先!
我都知要襯尼幾日好好休息呀!因為我打算餵人奶,都諗到會冇覺好瞓,不過睡得多會腰骨痛呀!而且我反而想抽時間去行多D,希望BB快D'落'得低D,早D出世

MuelMuel~

嗯!有心喇!我會小心D,唔好咁'為食'架喇! :mrgreen:
今胎係我第一胎呀!當然緊張喇!尤其聽完個'私家醫生'咁講,更加想BB快D出黎!

不過BB好似唔多'合作',想係肚入休息多D

你唔好失望喇!其實2個囝囝都幾好呀!有個'伴'丫嘛!向好方便諗,唔駛再買過晒D衫同玩具,可以慳番一筆呀!(不過你就可能會教/揍得辛苦D,因為男仔始終都會曵D嘛!) 當我知道今胎係囡時,真係好開心呀!因為D女仔衫真係好靚架!我自己都鐘意粉紅色,到時就可以著'母女裝'喇!

但正如你所講,仔女都唔緊要,最重要係佢地身体健康,平安快樂o者!

你尼胎試過幾次流血入院? 咁真係要小心身体喇!保重!

私人傳訊

積分: 3441

469^#

發表於 05-3-5 23:31 |只看該作者

Re: 有無將會或已經在聯合醫院生的媽媽,請進來傾下啦!

Christy,
咩指敎丫..唔好客氣呀,,,大家交換下意見都唔知幾好..:lol:
女性用果d濕紙巾...唔知有冇消毒成份...而家好多醫院都唔主張用有消毒成份既野黎洗會陰傷口..佢地話清水就得啦喎,,,今日岩岩去聯合聽"產後護理"講座..個姑娘又提一次叫我地用m巾黎印尿係最好,,,而聯合既產後房似所本身有個自動清洗器..企或坐岩個位就可以襟製射出暖或凍水,,,所以唔駛帶清洗器都得..因為我有一個朋友用唔著比左我..所以都會帶左去先...所以你如果想用濕紙巾, 就要買d成份最溫和果d既..唔好咁勁消毒既可能會好d..而我就會選擇番用m巾了,,,嘿嘿:lol:

gillianchan,
咁又係,,行多d..快d生好過訓咁多,,下星期又暖番..唔怕凍了,,你可以去公園行多d了...:lol:

MuelMuel,
係呀..bb女衫群真係好靚呀,,,我都冇機會買,,
係呀? 你試過幾次流血而入院呀? 我諗你當時一定好擔心..而家就黎生得,,唔駛擔心了,,學你話齋..."最緊要BB平安同健康!" :lol:

私人傳訊

積分: 3489

470^#

發表於 05-3-6 11:31 |只看該作者

Re: 有無將會或已經在聯合醫院生的媽媽,請進來傾下啦!

意粉~

嘩!

....慘喇!見你講起,我先記得尋日唔記得去聯合聽"產後護理"講座呀!7堂入面我只差呢堂未聽咋!因為之前尼堂既時間都唔o岩,好多野做行唔開,所以諗住3/5放產假時自己去聽下添! 點知尋日完全冇左件事 :cry:...尋日果堂講左D乜野呀? 多唔多野學,緊唔緊要架? 希望你可以講番D'重點'我聽喇!佢地今次有冇派D'小冊子'呀? (不過我就少左份'note'喇!因為之前我每堂都會抄一份筆記架! :-|) 要到4/30先再有尼堂lu.到時聽黎都冇用

嗯!尼幾日出番太陽天氣都冇咁凍,所以我都落街行多左.雖然我唔覺得行樓梯可以令BB快D落到盤骨位,不過郁多D,做下運動對生BB應該會有幫助卦!希望到時可以生得快D喇! :wink:

私人傳訊

dorcas910

積分: 338

471^#

發表於 05-3-6 13:59 |只看該作者

Re: 有無將會或已經在聯合醫院生的媽媽,請進來傾下啦!

我的寶寶出世了。3月1日，重6磅8。

私人傳訊

積分: 3489

472^#

發表於 05-3-6 14:30 |只看該作者

Re: 有無將會或已經在聯合醫院生的媽媽,請進來傾下啦!

dorcas910~

恭喜你哦! 仔仔'準時'出世嗎?離預產期幾多日呢?係咪順產架? 希望佢身体健康!快高長大! 你都要好好休息,慢慢調理身子哦!

有時間再上黎同我地分享下生仔的經驗丫? 我好想知'聯合'3月,會飲邊隻牌子既奶粉呀? (因為聽聞'聯合'每個月,都會俾BB試飲唔同牌子既奶粉) 如果你知道既,請話我知喇!Thanks!

仲有呀!尼幾日'聯合'既產前同產後房full唔full呢? 我應該都係尼幾日就會入院架喇!好擔心哦! ?-(

私人傳訊

積分: 8810

473^#

發表於 05-3-7 10:17 |只看該作者

Re: 有無將會或已經在聯合醫院生的媽媽,請進來傾下啦!

gillianchan & 意粉
本來老公叫我自己決定係聯合生定係法國生,最星期六晚佢幫我決定左係聯合生,一來我想自己生,係法國生,比萬幾二萬蚊個c+ e生好以d錢使得唔值咁,二來,老公想我生完之後好好咁補身(因為我一直身子都唔好),三來,老公知我老豆要臉,亞b滿月,老豆一定要擺滿月酒,老公想攪得好好睇睇,所以決定留番d錢咁用!!
但我個心始終都有d担心,我以前聽落好多聯合唔好既野,其實係咪真咁差???

私人傳訊

該用戶已被刪除

474^#

發表於 05-3-7 10:44 |只看該作者

Re: 有無將會或已經在聯合醫院生的媽媽,請進來傾下啦!

提示: 作者被禁止或刪除內容自動屏蔽

私人傳訊

MuelMuel

積分: 182

475^#

發表於 05-3-7 14:03 |只看該作者

Re: 有無將會或已經在聯合醫院生的媽媽,請進來傾下啦!

dorcas910,
恭喜你!要好好休息,得閒上來分享你生bb的經歷!
gillianchan,
係呢!我想問你'白蓮鬚'是否一條條黃色幼小約1.5cm長的好似蟲蟲甘架?我怕我買錯了,吃錯了!(因我以為係白色的)好快到你生bb啦!好好多d休息,第日bb出來就無現在甘舒服了!有時間就瞓多d,(不過我識話人唔識話自己)我近個多月成日瞓得唔好,好可憐!
意粉,
我約有6次流血,而我入了2次院,第一次流血入了院,第二次去睇私家醫生,第三次因流得比上次多,所以好驚又入院,跟住間中又流少少,我實在唔想再住院了,所以無入院,去睇私家醫生,跟住都無理了,幸好至今年1月後又無再流血了!

私人傳訊

積分: 3441

476^#

發表於 05-3-7 14:11 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
係呀? ..你唔記得去聽呀...係咪緊張bb幾時出世冇左件事呀? 嘿嘿..
唔緊要啦,,我講番大約既課提你知..果日冇小冊子派喎...
姑娘大約講左-----由產後開始..產後一般要係產房休息3個鐘先可以上房, 然後講排尿既事項..如盡盡自已排到第一次小便就最好..唔得都唔緊要,,姑娘會幫你插尿喉放..但就緊係辛苦d了..同埋放d 產婦衛生巾既slide, 相入面影出點先係多量同小量既惡露,,,同埋介紹產房似所既清洗器點用,,另一方面,,講產後會有社康姑娘幫你上門睇傷口,,但要收錢既,,,丫..仲有講產後會有2,3堂課係比媽咪學幫bb沖涼, 產後運動, 餵奶等..等媽咪可以快D學識,,,到時產後房姑娘會再教我地咁話,,,
大致都係呢d野,,,如果有漏有d可能我唔記得左, 嘿嘿,,我諗你都識架,,放心啦,,

dorcas910,
恭喜你呀! 祝bb快高長大! 身體健康!
你都要好好休息,得閒先上黎啦,,,!

Christy,
oic...如果你決定係聯合生,,就聽番哂佢既講座(星期6果D),,,可以知道多d聯合生產既野架,,,係呀,,,我都唔想side錢係私家生呀,,,而我家姐都係聯合生仔仔,,不過係2年前,,,佢覺得好好,,,所以我都跟佢係聯合羅,,,同埋近媽咪,,去媽咪度坐月都方便..
其實我覺得間間醫院(政府)都有人話好同唔好,,,有時睇下咁岩遇到既好唔好,,,係呢個topic,,有幾位媽咪都生完bb上黎講番都大致讚好,,,所以我都好放心係度生架,,,你諗下..其實如果順產..姑娘話頭尾都係住果3日,,,真係"su"一聲就過左...所以唔駛太擔心...你向好果方面諗啦...

私人傳訊

積分: 8810

477^#

發表於 05-3-7 20:01 |只看該作者

Re: 有無將會或已經在聯合醫院生的媽媽,請進來傾下啦!

意粉~~
係呢,你有冇聯合生b,走佬袋個list呀??
我想開始準備定個走佬袋呀
thanks alot

私人傳訊

積分: 3489

478^#

發表於 05-3-8 13:04 |只看該作者

Re: 有無將會或已經在聯合醫院生的媽媽,請進來傾下啦!

Christy~
我又多事'插咀'喇!因為我之前有一個PM講'走佬袋'架!所以我copy左過黎俾你參考!希望你唔好怪我多事喇!

聯合醫院~ 俾我既"入院分娩用品清單"如下:

1 產科門診證 ,孕婦身份證及丈夫身份證副本
2 紙巾2盒,紙尿片一包,大毛巾兩條
3 產婦衛生巾兩包'非黏貼型',胸圍兩個,網衭兩條 (我自己會帶一包6條,因聽聞好易穿窿)
4 保溫杯,拖鞋,面巾,牙刷,牙膏,廁紙,洗頭水,沖涼液等日用品
5 小膠盆一個,棉花一包 (清潔嬰兒臀部時用)
6 請帶嬰兒羊毛內衣 (並請標記孕婦姓名)
7 產後房床邊小柜上層可上鎖,如有需要,可以自備鎖及匙
**產科護士話好多物品,便利店及醫院復康店有售,所以可以隨時買到,而且如有需要可請家人在外面買來

因為我執執下'走佬袋'發覺有太多野喇!所以我諗住自己拎D必需品先!其他野請家人代勞!分2袋唔駛咁'論盡'

(但我覺得以上用品唔多夠用,所以會跟另一位BK媽咪提供的'清單'執多少少野去備用 )
以下是另一位媽咪提供的清單 (跟以上重覆的,我沒有再打出來,敬請留意!)

**媽咪用品---保暖的襪,衣服,如:棉外套,長裇底衫,內褲, 乳墊,餵奶胸圍(如餵人奶),床墊,沖洗瓶,面巾,浴巾, 抹手紙一卷(廚房用果種) 眼鏡(如須要) 準備一些小食,如:梳打餅,手提電話,MP3, 雜誌(可叫家人探病時買)等...解悶物品 for 貪靚的媽咪~~潤膚膏,潤唇膏,面霜,潔面用品,梳,髮夾,橡筋 (for 長頭髮媽咪) 產後腰封,沐浴液,洗頭水 (好多媽咪都係抹身,怕傷口入水)
普通衛生巾 (姑娘話唔係全程用晒產婦衛生巾,流量少可以用番普通) 消毒紙巾 (for去厠所抺厠所板,因為好多人用過)
手提電話+充電器, 相機,攝錄機 (留意醫院房俾唔俾用手提電話及攝影器材)

**嬰兒用品---大致跟'聯合'清單一樣,尿片,大毛巾,棉花
bb衫出院先帶(內衫,和尚袍,長袍,羊毛衫,大毛巾/褸被)

最後請家人在你出院那日準備媽咪及BB的出院衣服,BB要包被,手套,腳套,連身衣等...

--------------------------------------------------------------------------------

另一間醫院的走佬袋清單~

1 產科門診證 ,孕婦身份證及丈夫身份證副本
2 紙巾2盒,初生嬰兒紙尿片一包, 莊生濕紙巾 / 連盒, 尿片墊, 大毛巾兩條, 面巾兩條
3 產婦衛生巾1包'非黏貼型' (入院時及剛生完時用, 因入院時若就生得, 就連內衣褲都不可穿)
4產婦衛生巾1~2包 “黏貼型”(生完配合網褲用) ,胸圍2個,網衭3~6兩條
5 保溫杯, 拖鞋, 面巾, 牙刷, 牙膏, 廁紙, 盒裝紙巾, 洗面奶, 面霜, 洗頭水, 沖涼液, 酒精, 沖洗bottle 等日用品 (有些醫院需自備一個熱水樽)
6 紗巾數條(事先要洗軟 / 餵奶墊住用), 小膠盆一個, 棉花一包 (清潔嬰兒臀部時用), 凡士林 (保護bb pat pat)
7 有些醫院要自帶嬰兒和尚袍 (並請標記孕婦姓名, 因怕姑娘推去沖涼時搞亂)
8 產後房床邊小柜上層可上鎖,如有需要,可以自備鎖及匙
9. 屈臣氏有頭髮干洗劑賣(約$40-支)

其實有很多物品,便利店及醫院復康店有售,所以可以隨時買到,而且如有需要可請家人在外面買來

bb衫及你太太的出院衫, 可出院才帶去(內衫,和尚袍,長袍,羊毛衫(如凍),大毛巾/褸被,BB要包被,手套,腳套,連身衣等, 視乎需要)

私人傳訊

積分: 8810

479^#

發表於 05-3-8 14:48 |只看該作者

Re: 有無將會或已經在聯合醫院生的媽媽,請進來傾下啦!

gillianchan
我多謝你就真,我又點會怪你多事喎!!!
thanks alot
等我print 返屋企睇下仲有咩要準備先
真係唔該哂你呀

私人傳訊

dorcas910