其他親子社群

收藏本版
發帖
返回列表
跳至頁

首頁
2223242526...150

尾頁
   0
JP


伯爵府

積分: 17852


461#
發表於 03-10-9 09:56 |只看該作者

Re: 大仔媽咪會(小學生媽咪齊來分享)Part 2

Jmun, Ms Chan Chan,

Good morning la!

尋晚中測revision卒之8:30始開始,我叫James做句子仿作,eg. "可以....也可以..." etc.,佢而家諗到題材,但句子就好口語化&唔合中文文法,正一嗡得出就嗡!我係度諗,第日我地同小朋友講
私人傳訊

wwyee


大宅

積分: 4320


462#
發表於 03-10-9 10:02 |只看該作者

Re: 大仔媽咪會(小學生媽咪齊來分享)Part 2

其實我仔仔都係一樣,以P1既程度要佢看圖造句都的確有D難度,以仔仔既識字量已經虧限左佢句子既內容喇!!
所以有好多時就算比佢諗到,但原來自己唔識寫果D字喎!!仔仔就會因此而止步喇!!
亞仔平時都有睇圖書,都係見到有圖畫先會睇下,而家學校定左要學生早會時早讀,所以借書上有D轉變,就係仔仔會借小D圖畫多D字既返學校早讀,佢話驚比同學仔笑喎!!
你地話啦!!亞媽話既咩都唔重要,同學仔既話就好鬼緊要喇!! :-P
私人傳訊

muiying


民房

積分: 41


463#
發表於 03-10-9 10:26 |只看該作者

Re: 大仔媽咪會(小學生媽咪齊來分享)Part 2



Ms. ChanChan

你女女真係好犀利wor, 我諗佢會係好有耐性的女孩子, 比著我個女, 佢睇得兩睇,就借頭借路要我講, 唔願意睇下去..
你女女好似都係小二, 我個都係呀。請多多教路呀!

開o左學一個月, 我都覺得精神變得幾緊張, 因為我要返工, 好想盡快培養個女放學後"自動波"做功課, 溫下默書, 等我返o黎才睇功課....但好多時好似"你緊佢唔緊", 好多時功課到我返o黎成7:00pm 都未做晒........感覺有D沮喪, 夜晚通常都要"搞"到成10:00pm, 仲要練o下琴, 上o下網, 親子閱讀時間等等.... :-( , 晚晚似打仗, 講真都幾累....

:-( :-(
私人傳訊

Ms.ChanChan


男爵府

積分: 5482


464#
發表於 03-10-9 11:00 |只看該作者

Re: 大仔媽咪會(小學生媽咪齊來分享)Part 2

muiying，

小女的確在讀小二呢! 她自小愛閱讀，讀k2時已能自己看完一本幾頁的漫畫聖經，我初時都以為她只是在看圖畫，但抽問她全部字都識，內容又完全明白。 所以我一直以為她中文無問題，改為主攻英文，但上小學後反而是她英文較強，而中文方面成績一直未算突出。

至於做功課和溫習方面，有無嘗試訂下時間表比小朋友跟住做呢？我覺得這個方法會有些幫助的。

私人傳訊

WINKY媽媽


別墅

積分: 830


465#
發表於 03-10-9 11:33 |只看該作者

Re: 大仔媽咪會(小學生媽咪齊來分享)Part 2

muiying 寫道:
Ms. ChanChan

你女女真係好犀利wor, 我諗佢會係好有耐性的女孩子, 比著我個女, 佢睇得兩睇,就借頭借路要我講, 唔願意睇下去..
你女女好似都係小二, 我個都係呀。請多多教路呀!

開o左學一個月, 我都覺得精神變得幾緊張, 因為我要返工, 好想盡快培養個女放學後"自動波"做功課, 溫下默書, 等我返o黎才睇功課....但好多時好似"你緊佢唔緊", 好多時功課到我返o黎成7:00pm 都未做晒........感覺有D沮喪, 夜晚通常都要"搞"到成10:00pm, 仲要練o下琴, 上o下網, 親子閱讀時間等等.... :-( , 晚晚似打仗, 講真都幾累....

:-( :-(

muiying,
我女女只係小一, 情況同你差不多, 晚晚睇住個鐘做人, 想在預定時間內做完, 我都好d, 同公司申請左提早返工及放工, (now 8am-5pm, 但有時要ot) 我之前都set 時間表給女女, 但多數比預定時間遲.
我女女喜歡我陪佢睇課外書, 一人讀一句, 如果個日在公司己經做到好累, 真係要單起隻眼讀架 :-P

MsChanChan,
你女女真係好叻, 咁有耐性, 佢係咪細細個時可以坐定定架?
私人傳訊

looby


男爵府

積分: 8426


466#
發表於 03-10-9 12:30 |只看該作者

Re: 大仔媽咪會(小學生媽咪齊來分享)Part 2

Jmum：
looby背書又係好勁！可能又係識武功！佢教了九課書，可以一次過背晒九課書，重要有埋動作，好似朗誦咁背出黎！好攪笑！
WINKY媽：
可能就係全職媽媽同在職媽媽o既分別！我地有好多親子時間，隨時隨地都可以同小朋友溫習，有時沖涼都會玩串子遊戲，接龍遊戲！
所以如果吾係太多時間陪小朋友，我覺得星期六、日就吾好排到密麻麻返乜班物班，應該自己同小朋友玩o下親子遊戲，從中學習！
私人傳訊

muiying


民房

積分: 41


467#
發表於 03-10-9 13:03 |只看該作者

Re: 大仔媽咪會(小學生媽咪齊來分享)Part 2

Ms.ChanChan 寫道:
muiying，


至於做功課和溫習方面，有無嘗試訂下時間表比小朋友跟住做呢？我覺得這個方法會有些幫助的。


其實時間表一早定好o左, 但學Winky 媽媽話齋, 通常都跟唔切, 不過我會嘗試再改一改時間表, 等佢realistic D, 唔想好似晚晚係度同時間兢賽o甘, 我知女女都感受到有壓力的........再諗諗啦...Thanks Ms. Chanchan。

係呢, 其實你女女好叻架啦, 一個那麼喜愛閱讀的小女孩, 中文跟本完全唔駛擔心, 比時間佢慢慢發揮啦, 惦架 兩母女一齊閱讀，　一齊分享讀後感受，　多令我嚮往的情景，　我都希望女女早日迷上閱讀
私人傳訊

muiying


民房

積分: 41


468#
發表於 03-10-9 13:12 |只看該作者

Re: 大仔媽咪會(小學生媽咪齊來分享)Part 2

WINKY媽媽 寫道:
[quote]
muiying,
我女女只係小一, 情況同你差不多, 晚晚睇住個鐘做人, 想在預定時間內做完, 我都好d, 同公司申請左提早返工及放工, (now 8am-5pm, 但有時要ot) 我之前都set 時間表給女女, 但多數比預定時間遲.
我女女喜歡我陪佢睇課外書, 一人讀一句, 如果個日在公司己經做到好累, 真係要單起隻眼讀架 :-P


Winky媽媽，

係呀，　有時累到都唔知自己講到邊度，　但係見佢咁期待bed time stories 時段，所以點都會講。　依家由佢講一個故事，　我講一個故事，　跟住就好滿足地訓覺咯！
私人傳訊

Eva


大宅

積分: 2944


469#
發表於 03-10-9 13:32 |只看該作者

Re: 大仔媽咪會(小學生媽咪齊來分享)Part 2

wwyee 寫道:
其實我仔仔都係一樣,以P1既程度要佢看圖造句都的確有D難度,以仔仔既識字量已經虧限左佢句子既內容喇!!
所以有好多時就算比佢諗到,但原來自己唔識寫果D字喎!!仔仔就會因此而止步喇!!
亞仔平時都有睇圖書,都係見到有圖畫先會睇下,而家學校定左要學生早會時早讀,所以借書上有D轉變,就係仔仔會借小D圖畫多D字既返學校早讀,佢話驚比同學仔笑喎!!
你地話啦!!亞媽話既咩都唔重要,同學仔既話就好鬼緊要喇!! :-P


wwyee
我個女同你個仔同年同月,希望大家可以多些交流下!
我女又係比較喜歡有圖畫的書,仲時時要我讀俾佢聽.叫佢自己睇,佢就話唔識,但當我讀多幾頁時,佢又爭住讀, 雖然只讀到7至8成, 但我都鼓勵佢自己睇, 有時不用全部字識曬都可以明白內容的,但她就是要我讀佢聽 :-x

佢都算比我想像中好好多, 除了初時大頭蝦之外,開學至今, 佢每日放學都自己做曬功課,溫書就唔知有無,因為晚上我同佢檢查完功課後,會同佢溫一次. 佢咁自動自覺做功課同捨書包,唔知係咪我在佢開學時,突登請左一星期假,教佢每日回家之後要做D乜, TRAIN 左一星期,所以習慣左! 你囝囝功課同默書多唔多,肯唔肯坐定定讀曬的書去??
私人傳訊

wwyee


大宅

積分: 4320


470#
發表於 03-10-9 14:21 |只看該作者

Re: 大仔媽咪會(小學生媽咪齊來分享)Part 2

Eva
咁啱!我個仔22號呀!開學至今, 你囡囡每日放學都自己做曬功課,咁醒!
我仔仔開學到而家仲未要背書,中文默書第二次,英文默書第4次,默左幾次書都好好!!衹係佢自己緊張到寫小個字,整體上都未有問題!月尾就測驗喇!!我怕隻"失暈魚"到時又緊張到 timeup呀!
仔仔初開學時咩野都係要我跟足,而家唔知點解佢好鬼緊張佢書包內的一切,我就算唔提佢,自己都攪掂,可能因為佢試過無書用,知道無書既後果啦!!
功課多數都係d paper ,最多個日都係8樣,寫手冊現在還未有問題,個人整體都算上晒路軌道喇!
你問我仔仔肯唔肯坐定定讀曬的書去??
係咪溫默書呀?佢緊係唔會啦!!我同佢溫書多數會將D字寫晒上佢個白版度,自己確定識先會擦左佢,之後再到簿到試默,有時撞啱佢累,佢就會極之唔合作架喇!
私人傳訊

Eva


大宅

積分: 2944


471#
發表於 03-10-9 23:23 |只看該作者

Re: 大仔媽咪會(小學生媽咪齊來分享)Part 2

wwyee
我個女大D,佢6月6日GA. 你亞仔好乖呀,識得緊張自己的野,等我都試下唔理佢,睇佢掂唔掂, 我諗如果衰多幾次,佢實上心,問題是自己唔抵得! 明日佢第一次默英文,我覺得英文容昜過中文, 只是怕佢D鏡面字累事! 佢十月尾就要做第一次評估,但依家學校都未有聲氣要做D乜, 唯有見步行步啦!!

我今晚至俾亞女激死, 見佢有時間剩, 諗住同佢溫定下次的英文默書, 等平日坐車時串下, 掂知佢非常不合作, 抇天望地,話唔想咁快讀定WOR:-x :-x 其實溫英文最浪費時間在教她拼音, 每個字慢慢教佢拚, 想佢以後習慣用拼音來讀英文, 所以好沙時間, 但都無辦法,希望先苦後甜,第日佢串讀英文容易些啦!!
私人傳訊

wwyee


大宅

積分: 4320


472#
發表於 03-10-10 09:43 |只看該作者

Re: 大仔媽咪會(小學生媽咪齊來分享)Part 2

Eva
咩野叫鏡面字呢?
其實評估 係咪測驗黎架呢?
我都好似你一樣,還未要默書我就叫仔仔讀定下一次先,其實英文默書比我以前好好多架喇!!而家一次過就比晒咁多次英文默書既句子,起碼有目標先啦!!
其實仔仔k3都有學過拼音,都有d作用既,仔仔雖然未熟識點去運用,但起碼佢都會盡可能記得開頭個讀音,同尾音靠背記d字,同平時讀多d比佢聽來加深印象,仲有就係比佢用本書既CD-ROM來溫習,對仔仔來講都算有D成效架!我最近買左隻關於拼音既CD-ROM比仔仔玩,佢都好主動咁要求去玩,從而佢對英文唔會抗拒先啦!!
反而中文次次做功課都叫HELP,因為次次都要做成兩頁寫都寫到手仔軟呀! :-( 而且個先生捉字捉得好緊,撇同捺欠些少都唔得,時時仲要加埋改正,比我都叫HELP啦!!睇見佢又改又要寫,想佢唔好出錯下次返黎唔使寫咁多啦!!次次都同仔仔議論到好唔開心架 :-(
私人傳訊

jessjess


大宅

積分: 3156


473#
發表於 03-10-10 10:12 |只看該作者

Re: 大仔媽咪會(小學生媽咪齊來分享)Part 2

Jmun
有無食過維ｘ建ｘ玉燕窩呀
私人傳訊

Eva


大宅

積分: 2944


474#
發表於 03-10-10 14:02 |只看該作者

Re: 大仔媽咪會(小學生媽咪齊來分享)Part 2

wwyee
鏡面字即係左右調轉, e.g. boy 就寫成 "dog" lor, 嚴重個D要睇醫生GA, 好彩亞女唔專心時至會出現, 同埋英文科至會, 通常叫佢返睇,佢都即刻見到錯在那裏.

亞女間學校話無考試WOR, 但就一年有兩次評估和兩次終結性評估, 你話係咪得啖笑! 不過我都唔反對考試GA, 始終要有些小壓力至有進步, 我自己懶惰,所以會係咁諗, 可能其他人唔需要. 講開又講, 我覺得精英班係一個很好的安排, 始終小朋友的資質真係有D分別, 可以因材施教,發掘多些精英(香港依家已經無乜LOR!)這樣不但不會埋沒左班叻人, 仲唔駛夾硬俾人拖慢曬, 攪到因為上堂太悶而掉反轉頭,變左問題學生. 都唔知點解咁多人反對,可能慨念係好,只是有些家長又會因為有精英班而夾硬催峪兒女進入,做成無謂的壓力,有的又因為入唔到而又唔想有依個班,真係好心做壞事! 唔知你又點睇呢?? 我女間學校無分班GA, 1A 至 1C 都是random 的.

講起中文,我都覺得好唔習慣,真係好緊. 好似今次亞女默書,有一橫劃長左D,掂到隔離都當錯, 亞女仲好唔訓氣咁話: 乜小學咁嚴GA!! 我聽到嚇左一跳, 佢梗係聽見我平日係電話同人咁講,所以記在心中. 我立即改正佢的思想, 話嚴係岩GA, 老師同街外人係無義務去估你寫乜GA, 寫唔清楚, 睇唔清楚就當錯, 這就是BB女和大個女,有進步的分別. 以後在佢面前講野都要小心D!!
私人傳訊

Ms.ChanChan


男爵府

積分: 5482


475#
發表於 03-10-10 15:40 |只看該作者

Re: 大仔媽咪會(小學生媽咪齊來分享)Part 2

Eva,

講開精英班好唔好，我都有些真實過案大家參詳下。

我姪仔一直以來成績幾好，年年都考班裡10名以內，入到精英班，他父母固然好高興，誰不知入到精英班壓力重大，由名列前茅變為全班考最尾那幾個，因為班裡個個本來都是頭十名的，結果姪仔讀得越來越無自信，開始唔鍾意返學。

另一個case，我同事兒子在某著名官校就讀，入了精英班，以為會加強培訓，結果係...精英班有成40+同學，其他非精英班只有30個同學，同事覺得讀非精英班可能更好，師生比例高些，照顧都好些。

所以我覺得未必係入唔到精英班的學生家長覺得精英班唔好，反而入到的未必咁好。 當然入唔到被label了係較低層次的都唔會係件開心事囉。
私人傳訊

Jmum


大宅

積分: 3627


476#
發表於 03-10-10 15:53 |只看該作者

Re: 大仔媽咪會(小學生媽咪齊來分享)Part 2

jessjess 寫道:
Jmun
有無食過維ｘ建ｘ玉燕窩呀


jessjess,

冇呀！你成日都"以身試藥"，乜你冇試過咩？
私人傳訊

jessjess


大宅

積分: 3156


477#
發表於 03-10-10 16:06 |只看該作者

Re: 大仔媽咪會(小學生媽咪齊來分享)Part 2

Jmun
佢地寄份news比我，話買玉燕窩送OS21 eye cream，好似好抵咁，一次試兩樣 :-P
私人傳訊

wwyee


大宅

積分: 4320


478#
發表於 03-10-10 16:39 |只看該作者

Re: 大仔媽咪會(小學生媽咪齊來分享)Part 2

Eva, Ms.ChanChan
我仔仔果間學校P1有4班,一班有32人,師生比例我好滿意,P2先分精英班,而且佢地分左精英班後會有拔尖補底既課程,有D似小班教學咁,同埋最得意既係一開學既時候,佢地唔會一早知道自己咩野班,要到9月1 日先知,我唔係好明用意? :-P
私人傳訊

wwyee


大宅

積分: 4320


479#
發表於 03-10-10 16:47 |只看該作者

Re: 大仔媽咪會(小學生媽咪齊來分享)Part 2

其實我想問有賓賓既小學生,英文係咪會叻D既呢?
因為我個仔間學校近私人屋苑,出入都係賓賓接,而且都有新移民,普通話好流利,我覺得自己有D壓力,因為自己學歷都唔係話叻,如以上這樣我就比人輸蝕了嗎? :-(
私人傳訊

Eva


大宅

積分: 2944


480#
發表於 03-10-11 00:50 |只看該作者

Re: 大仔媽咪會(小學生媽咪齊來分享)Part 2

Ms.ChanChan
其實我都唔係好清楚精英班的編制,只是照字面解,你指的學校,精英多過中庸的,是否他們的standard定得太低哩? 我想,拔尖補底,因材施教是最好的教學方向,反而是”汁”行者是否做得好, 才直接影向其成效和口碑. 話說,我姨甥仔間所謂名校, 升中時只有6至7成小6生能直升中學, 所以能升得上去的都算幾叻仔啦! 但佢學校仲好高調咁編了精英班都仲唔止, 仲在精英班中再分法文組, 即精英中的精英, 仲不特止, 仲把沒有入精英班的其他班按個名, 數學弱D的編埋一班, 叫數學輔助班, 英文弱D的又編埋一班,叫英文輔助班, 你話邊有咁岩三,四十人數學弱D, 三,四十人英文弱D GA, 夾硬來分, 當佢真係咁岩分到, 本來是好意, 咁細心地編配,給予針對性的教育, 但衰在改埋曬D衰名, 乜野”輔助班”咁, 攪到本來英數成績都不差的都變成問題學生咁. 我家姐話見到有D學生知道自己入左”輔助班”後, 哭了起來, 好慘咁! 其實我都好懷疑是否有這樣的學校, 唔知家姐有無誇張到,如果是真的話,就真係唔知個校長諗D乜!! 依D學校真係俾我都唔讀LAR. 不過,我相信這只是冰山一角而已, 除左這些極端的例子外, 現今有很多設有精英班的學校, 都做得好好, 很自然地作, 就好像我們讀書時, 分A班最叻, D班最咋一樣, 不是很大不了, 因為無人在我耳邊催峪我上A班MA!

我覺得所謂標籤效應, 在小朋友心目中本來沒有什麼大不了的,標籤只不過是存在在大人(父母)心中,他們在有意無意之間向小朋友傳達了這個信息, 令小朋友感到達不到爸媽的要求時,,才自悲起來! 老實說, 我都想亞女入岩自己程度的一班, 唔駛左慢人, 又唔怕追唔上! 如果我女學校有分班, 而佢又主動問我分別時, 我會老實講佢知: 每個人的生長和智能發展速度都不同, 有些人快D,有些人慢D, 精英班的同學是老師認為他們的發展速度快了點, 為免影響學習情緒,所以要俾反D岩佢地速度的課程, 就好似同年紀,但唔同身形一樣, 要穿岩自己個碼的衣服一樣.

這是我自己的愚見, 有不同意見的媽咪,請勿見怪

Wwyee
其實學校自己分咪好LOR, 咁大家都唔知,避免了無謂的兢爭,又能令有需要的學生得益!

我女在差不多兩歲時便接觸賓賓, 對認識生字和聽方面真是好好多, 我和賓賓講的說話, 她聽懂95%以上, 也很放膽去講, 但講到嚇親人哩! CHINISH-ENGLISH, 所以依家會小心D同賓賓講英文, 也要求賓賓要注意文法和發音, 因為細仔都是跟她說英文的, 但是短句多. 話時話, 我見街上有D小朋友同賓賓講流利的英語, 所以,我覺得如果搵到個英文好的, 一定很有幫助, 我都有諗過轉個英文好的賓賓, 但依家依個好幫得我手, 所以都係得個想字!!
私人傳訊


首頁
2223242526...150

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy