初初播Disney果3隻Play Along佢睇，佢可以乖乖哋坐響梳化度完全唔離開咁睇到尾，但而家唔知係咪睇厭咗，播咗=冇播，一樣就嚟搵我搞住我!!
我通常都響亞仔瞓晏覺果2粒鐘上網嫁咋~~ 夜晚佢成10.30-11.00先瞓著，如果老公要返24果晚仲要做埋啲家務我先可以瞓，老公唔洗返工果2晚就老公做，但我都要陪吓老公嘛，所以夜晚好少會再上網囉。
3月嘅堂我已經續咗喇，唔知仲有冇位呢? 我pm老師個電話比你，你問吓佢吖，你話係景諾媽咪介紹就得嫁喇! 如果3月full咗報4月都應該會優先比你嫁! 因為你撻景諾個大名嘛~~ Heeheehee!!
因為諾諾實在太痴身喇，而且屋企只得佢一個小朋友(親戚當中都冇任何小朋友)，佢好少有同同年紀嘅小朋友相處嘅機會，我想早啲比佢適應同小朋友相處，同埋學習自立，唔想佢成日都痴住我，所以我決定比佢讀學前預備班，當然亦都因為我哋對佢考k1有好大期望，所以返預備班都當Train佢大膽啲，第時Interview有好啲嘅表現囉!! 我覺得學術上嘅智識我可以教，但全職媽長時間對住個小朋友，小朋友好難獨立到架，+上佢身邊冇同年紀小朋友，佢嘅社交我都冇辦法教到佢囉。
你心目中想以咩去做標準嚟搵學校先!? 我好早已經Search晒資料喇! 心目中已經有心水，但當然考唔考到就唔知啦...起碼我哋做咗功課先囉~~ 如果我要同你傾學校哩個話題真係有排講呀~~ 你睇吓你幾時得閒不如真係約出嚟傾吖。
原帖由 julieann 於 09-2-16 19:54 發表 
我個仔有時唔肯自己玩架...有時都係要痴住我, 有時又係無拉住我條褲唔比我做野.....不過有時我開VCD比佢睇, 佢就會好d...不過格左一陣見唔到我又係搵返我
上網就更加唔洗講, 佢會幫我打字, 陏mouse... ...
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作.
發表於 
返回列表
