第15集筆記：
。羅伊人真係大白痴一個，居然不斷喺秋冬面前提羅伊人，都唔知話佢扮大方好定無知好。
。原來羅伊人居然唔係夏太太，佢係差少少就嫁咗俾夏吉國，從前羅伊人就係被動嘅人，感情事佢一直唔主動，之前老白，之後夏吉國，都係因為秋冬不在，空出嚟嘅心，有人走近就打開門，佢同淮蘭說明點解唔解釋自己同夏吉國嘅關係，都幾抽心，因為認命，自己感情上唔會有好運。
。羅伊人喺商業上冇仗著同夏吉國嘅關係受賄，佢心知肚明所有人都想坑佢，所以四年來公司所有嘢都好小心，步步為營，外人見好似好幸福好快樂，原來唔係，佢話活得好累不假，點會唔攰？感情空虛，工作上要裝強勢，而最最睇得通透嘅係佢一早知道老夏會倒，只係遲早嘅事，所以佢一直都好小心，亦可以話一直保持清醒唔被五光十色迷惑。
。全集最精彩，亦係呢套劇高潮戲之一：秋冬究竟會唔會落手賺呢十八萬？佢唔夠錢買屋，面對千載難逢機會可以輕鬆盜取數據，身邊嘅人又支持佢做。胡歌演譯鄭秋冬嘅迷失、猶疑、緊張、慌亂，眼神、表情、動作好細緻，電話響果一剎，佢醒悟自己一路走來，以前嘅錯誤係因為自己缺失咗良知，一幅牌匾所寫：「我們的價值觀就是追求最高個人和職業操守水平的文化和承諾」正正係秋冬要追尋要建立。
。天台上跟林拜電話上嘅一席話証明佢已從以前自卑中走出來，良知、恐懼感令佢醒覺，最妙係林拜聽到秋冬話放棄果陣，佢都有種放鬆嘅感覺，因為林拜同秋冬都係同類人，林一開始就對袁昆呢種做法反感，只係一來唔想逆袁昆之意，二來可能想試探一下秋冬，睇見袁昆話秋冬BS，可笑，林拜回覆係要尊重秋冬嘅決定，可見兩人人格上嘅分別。
花旗太太生活在花旗國，留意時差，你問我未必即時答到。
。
。越黎越難頂。
連佢位律師朋友都好戲同靚過佢呀! 
發表於 
今日唔得閒寫，因為尋晚有個美國朋友捉住我講獵場，講到2點幾。今朝一早8點幾，又有朋友捉我起身講獵場。嚴重眼訓……
返回列表
