17、18集筆記：
。伊人勇敢主動去搵鄭秋冬，其實佢都唔知秋冬喺杭州，專登由北京去杭州去搵林拜，問佢有冇秋冬下落，以佢一貫高冷形象同被動性格，雖然已經唔再高高在上，要佢去拜托林拜（都唔算熟嘅一個人），佢真係要放下好多身段至做到；相對秋冬之前落泊冇面見人，逃避遠走，伊人勇敢得多，起碼對感情呢方面，伊人今次比秋冬更有進步，佢唔再好似以前咁左躲右避，而係主動擁抱秋冬，坦白自己嘅心意，可惜又係時機未到，兩個人又錯過，伊人聽到秋冬正準備結婚後嘅反應令人特別難過。
。秋冬其實好掛住羅伊人，面對佢，秋冬唔識點面對，兩個人久別重逢，秋冬成個人都亂晒，反而伊人來得坦然，大家內心都有觸動，最後秋冬都暗示咗大家冇可能，因為佢身邊已經有熊青春，雖然伊人係佢嘅難以忘懷嘅初戀，自己既然已經選擇咗另一個人，就要對自己嘅選擇負責。秋冬冇對青春隱瞞自己對伊人嘅惦念，對一早定咗嘅結婚計劃如期進行，應該話盡早進行，等青春嘅心定落嚟。
。熊青春一方面對跟秋冬一份感情不自信，多番猜疑，另一方面又對舊愛念念不忘，秋冬可以斷咗對伊人嘅念想，青春卻拖泥帶水，秋冬心中有個位置留俾伊人，源於對感情嘅尊重，但青春心中仍然有楊楊，佢做唔到不聞不問，而係要去跟踪偷睇，卻斷難斷，不乾不脆，最後傷害嘅都係愛佢嘅人。
花旗太太生活在花旗國，留意時差，你問我未必即時答到。
發表於 
欣賞大家有容人之量 
從套戲的角度講，熊系時候離開了。姜導講過，每段感情都對秋冬的事業有影響，推動佢的事業線前進。熊幫助到秋冬起步，不過跟唔上秋冬的步伐。佢任務完成，可以88了。
返回列表
