懷孕前後 今日: 1 | 主題: 330572

積分: 3489

501^#

發表於 05-3-11 16:12 |只看該作者

Re: 有無將會或已經在聯合醫院生的媽媽,請進來傾下啦!

覆番之前D留言先!

m9394pp~

哦!...原來係咁,多謝你講你既情況我聽呀!

但我比較心急,而且BB已經過左8磅,所以想佢快D出世

好在醫生話下星期四幫我催生咋!咁我先定D

你老公真係好好,好錫你哦!辭左份工陪你等生BB,咁之後佢係咪都陪埋你'坐月'呀? 佢嘆左幾耐先再返工呢?

我都有同老公提意過,話我生完之後叫佢陪我放幾日假呀!不過佢話唔得喎!佢放左假邊有錢俾我買野俾BB (因為佢係髮型師,除了底薪就靠每日的'工作'的多少,來決定人工喇!'分分鐘'都係錢喎!)

算喇!佢陪我咪盞大家一齊悶!而且我諗佢會理BB多過理我

MuelMuel~

你果時生仔仔前冇感覺到'宮縮'?

咁話生就生?只係'見紅 / 穿水'你就入院等生BB? 咁要等幾耐架?有媽咪話'見紅'冇陣痛,住左院3日先生到呀!

我D '白蓮鬚'飲晒lu,因為只預到3/10前飲

所以而家會改飲'綠豆沙'同'白果腐竹蛋糖水',西瓜都會買黎食下

Christy~

其實我都唔係好清楚'宮縮'係點架!不過尋晚第一次覺得個肚好實,好脹,仲有D'o拿住o拿'咁痛,只係維持左一兩下,像少少胃抽筋咁樣!唔知係咪因為我肚腩太勁,D肉令我感受唔到宮縮既感覺呢? 不過瞓係床上,有地心吸力個肚會'扁'D,所以會覺得有多少少'宮縮'既感覺,都唔會好痛既

不過我諗情況人人唔同既,到時適當時間你就知架喇! 宮縮'練習'意思係,唔係生得果時真實的'陣痛',而係子宮自己做'練習',間中收/縮交替,方便生產時自然而有規律的'收縮'(陣痛)

'聯合'提過當我地宮縮得有規律而又大約10-15分鐘一次就可以準備入院,不過我真係唔可以確定點樣為之密到大約15分鐘一次? 因為我而家覺得既宮縮只係每次都痛2下,就唔痛,唔知咁樣算唔算一次呢? 真係會隔15分鐘痛(收縮)一次咁準? ?-(

私人傳訊

積分: 3489

502^#

發表於 05-3-11 16:19 |只看該作者

Re: 有無將會或已經在聯合醫院生的媽媽,請進來傾下啦!

HIHI! 我仲係屋企呀!多謝你地關心!

我諗尋晚果D只係'宮縮練習'

雖然唔係好痛,只係小小'o拿住o拿住'咁,不過就害我成晚冇覺好瞓喇!成晚瞓係床上拎住支筆記低幾點有宮縮同BB郁既情況,有時一小時都有2-3次架!而且相隔既時間都幾有規律,搞到我真係以為生得喇添! 又用護墊(唔敢用衛生巾怕吸晒D'羊水/紅水'自己都唔知濕左!) 又係床上加BB既隔尿墊先敢瞓,不過都係瞓得唔好,終於6點就起身,睇情況..... :-|

不過真係幾奇怪喎!今日成朝都冇乜'宮縮'就連胎動都少左好多? ?-( 唔知點解呢? 不過有'宮縮練習'總好過之前毫無動靜丫,希望BB繼續努力!快D出黎喇!

講D好笑野你地知丫,我尋日拎電筒照住'下面'同BB講,尼個就係'出口'喇!你聽日快D係尼度出黎喇! :mrgreen: 我都覺得自己好傻

意粉~

多謝你呀!希望BB會好似你咁講,快D'捐'出黎同我地見面喇!

MuelMuel~

其實側瞓已經係最好架喇!BB郁就由得佢喇!(我剛瞓落床,囡囡都會踢我架!每轉一次身,佢都會最少郁一次) 你可以係兩腿中間,同肚下面各放一個咕o臣,咁就會舒服D架喇!

平瞓BB會壓住我地腰骨,好辛苦好痛喇!所以你唔好咁瞓喇!聽聞瞓向左邊對媽咪BB都好架!你盡量試下喇!

我昨晚既宮縮唔係好痛咋!所以有時都唔知係宮縮定bb踢自己或者佢只係郁緊都唔定! ?-( 不過當次數越來越密,有規律咁15分鐘一次時,我地應該會分辨得到卦?

我都希望BB快D出世呀!thanks!

Christy~

我尋日真係勁緊張呀!自己一個瞓係床上面綁住晒,老公又唔可以入黎陪我喎!

好在BB既情況幾好咋!

但係我都係擔心佢太'大隻'呀!怕會生得辛苦,拖得太耐對佢身体唔好,開刀就更加唔想喇!

你都唔好咁擔心喇!你唔開心,BB都感覺到架!快D笑番喇!

學我媽咪話齋個個女人都係咁生BB架喇!以前D人生十個八個都係咁喇!唔駛咁驚咁擔心喎!

我地一齊努力加油喇!

私人傳訊

m9394pp

積分: 1876

503^#

發表於 05-3-11 18:15 |只看該作者

Re: 有無將會或已經在聯合醫院生的媽媽,請進來傾下啦!

gillianchan,

佢當然借d倚陪我坐月la, 每日佢負責煮野比我食
(因為佢煮野好叻,我就一d都唔識), 同抱o下bb,
bb衣食清潔o個d就由我負責, 到bb擺左滿月酒後,
佢就開始搵o下d老細, 睇o下有咩做, 好快就返工,
以前時世好, 好容易搵到工, 轉一份工又多d人工,
所以無左份工都無所謂; 但宜家時世唔同, 佢唔可
以o敢做la, 不過最緊要大家開心。

私人傳訊

積分: 3489

504^#

發表於 05-3-12 12:50 |只看該作者

Re: 有無將會或已經在聯合醫院生的媽媽,請進來傾下啦!

唉!...又過左一日喇!我依然係屋企,呆呆的等待BB的來臨!

m9394pp~

哦!...原來係咁!咁你老公都好好丫,我老公只係識得食,瞓同玩咋! :evil:

想佢煮野我食真係好難,而且佢煮得唔好食,又會搞到廚房好亂,所以真係唔好搞我喇!

希望佢第日肯幫手揍下BB就已經好好喇!

咁又係!以前既環境點同而家丫!而家有份穩定既工已經好好喇!仲邊度敢請假/唔做丫!所以你老公今次未必可以陪到你咁耐lu,咁你會搵邊個幫手呀?媽咪~ 奶奶~ /請工人呢?

私人傳訊

MuelMuel

複式洋房

積分: 182

505^#

發表於 05-3-12 16:21 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
我上次生bb係穿水(少少)入院,入院時巳開左2度,姑娘問我feel唔feel到痛,我好似好掂咁話no feeling!可能我真係第一次傻下傻下一d都唔知宮縮係點,到7小時後,因我姑娘說我產程好慢(巳落催生)當時約開到4度,但我feel 好肚痛同好想痾bb出來,但姑娘嚇我叫我唔好,否則弄傷bb就大件事!我就梗係以bb為重,而且我諗住我開得咁慢,幾時先到10度?又怕自己'下面'會夾到bb,於是做無痛分娩了!之後就一d都唔痛了!

係呢!邊個陪你坐月呀?第時自己揍bb定找人照顧bb呀?有無日日望下個走佬袋有無塵呀?希望你怏d可以帶住佢'走佬'啦!

私人傳訊

積分: 3489

506^#

發表於 05-3-12 18:25 |只看該作者

Re: 有無將會或已經在聯合醫院生的媽媽,請進來傾下啦!

唔知點解我覺得今日去小便時,'下面'會有少少痛呀!不過去完廁所又冇野,其他時候都唔會痛,只係去果時先會覺得怪怪地,有D痛咁? 你地有冇試過咁樣呀?係'正常'既,定係'有問題'呢? ?-( 希望唔係發炎或者有菌喇!

有個BK媽咪話'穿水'未必會流好多,可能只有一兩滴喎?

但我睇戲或者聽人地講,都話'穿水'好似小便失禁咁,控制唔到,成條褲都會濕晒,流埋落地下架喎?(咁諗落穿左既'羊水'份量都應該唔止咁少架?)
如果只得一兩滴流出黎咁少,點樣知道穿左水呀?好危險架喎!用左護墊咪feel唔到囉? 唔知到底會有幾多'水'流出黎呢? ?-(

MuelMuel~

多謝你的分享! 我依家都好留心有冇'穿水'同'見紅'呀!因為宮縮得唔係好明顯,次數好少,所以我希望'穿水/見紅'先,可以確定BB大約會幾時出世,有多D心理準備

我而家返左媽咪~度住呀!不過佢每日都要返工架!所以朝早得我一個人o向屋企,至於我生左BB之後,就會係鄉下請姨媽~同婆婆~落黎照顧我,我姨媽已經'湊'過2個孫,應該好有經驗

不過再遲D佢地走晒,我都唔知搞唔搞得掂? ?-( 到時可以要請人幫手/帶埋BB返鋪頭囉!(我幫阿爸睇鋪架!)

唉!...有呀!我日日都望住2袋'走佬袋'架!仲擺係當眼處,驚老公/家人睇唔到

我都希望可以快D帶埋2袋野'走佬'呀! :mrgreen:

私人傳訊

m9394pp

積分: 1876

507^#

發表於 05-3-13 00:09 |只看該作者

Re: 有無將會或已經在聯合醫院生的媽媽,請進來傾下啦!

gillianchan,

我好小o敢夜上綱, 突然好掛住你, 唔知你係唔係生左呢?
我想知你既產後感想。 :-P

私人傳訊

積分: 3489

508^#

發表於 05-3-13 13:32 |只看該作者

Re: 有無將會或已經在聯合醫院生的媽媽,請進來傾下啦!

m9394pp~

聽到你話'掛住我'真係好開心呀! :mrgreen: 多謝你關心喇!不過我個囡囡仲未肯出世呀!

唔知佢係咪想等星期四'催生'先出黎呢? ?-(

如果時間同精神許可既話,我生得(陣痛)果時,一定上黎講聲先架! 到時生完返屋企再上黎講你地知生完BB既感想喇! :mrgreen:

私人傳訊

MuelMuel

複式洋房

積分: 182

509^#

發表於 05-3-13 15:27 |只看該作者

Re: 有無將會或已經在聯合醫院生的媽媽,請進來傾下啦!

m9394pp,
聽到你話掛住gillianchan!我都覺得好感動哩!大家互相支持及鼓勵真好!
gillianchan,
我上次係屋企穿水都係好少!(好彩少少乍!如果唔係都幾狼狽其實我呢個傻下傻下的媽咪以前唔知原來穿水可以係好多o架)但又唔係少到幾滴,上次我係剛剛小便完出了toilet後,坐在床上唔知點解仲有尿出來,無理由o架!好似癩尿咁(約半次尿咁)!我仲同老公講點解剛剛小便完,仲有尿出來,唔通穿水!係呀!穿水呀!要入院了!好驚好驚呀!(當時我自問自答)臨出門前仲影左張相!
至於,小便時'下面'痛就唔知點解!不過我上次入院時(流血個2次),用了聯合醫院toilet內的tissue後,就feel'下面"痛,可能d tissue 太'鞋'了! :cry:

私人傳訊

m9394pp

積分: 1876

510^#

發表於 05-3-13 23:24 |只看該作者

Re: 有無將會或已經在聯合醫院生的媽媽,請進來傾下啦!

MuelMuel ,

你已經生左? 囝or囡? 我懶去睇番之前d留言, 麻煩你
再講過

gillianchan,

我老公今次當然無得陪我la(第二胎都無, 因為佢好忙)
我本身有工人, 因為我有兩個大女要人照顧麻, 兩個仲讀
緊小學, 仲有我媽咪都會黎幫我, 我同佢信唔過d工人,
所以佢成日都會黎我屋企睇o下兩個大女, 睇o下個工人。

私人傳訊

Christy

男爵府

積分: 8810

511^#

發表於 05-3-14 09:27 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
我而家日日都會為你而緊張,雖然我未必有發表,但我都日日上黎睇下你有冇message話你生得!!!

私人傳訊

積分: 3489

512^#

發表於 05-3-14 11:00 |只看該作者

Re: 有無將會或已經在聯合醫院生的媽媽,請進來傾下啦!

請問有冇3月頭在'聯合'生左BB既媽咪係度呀? 3月聯合會飲邊一隻牌子既奶粉呀? (聽聞'聯合'每個月都會俾BB試飲唔同牌子既奶粉,但到而家都仲未有人答到我?) 如果你地知道既話,請話我知喇!Thanks!

仲有呀!你地知唔知尼幾日'聯合'既產前同產後房full唔full呢? 我應該都係尼幾日就會入院架喇!(最遲星期四朝早入院催生) 聽到之前有媽咪話生完要瞓走廊或者其他樓數,要同BB分開,所以好擔心哦!

各位媽咪 & 準媽咪~

好多謝你地既關心呀!見到你地成日咁掛住我,擔心我,我都好感動,好開心呀!希望大家一齊努力,生個肥肥白白既健康BB喇! :mrgreen:

Christy ~

你有心喇!我有好消息,一定會上黎講你地知!

MuelMuel~

我而家每次沖涼同去廁所都會特別留心呀!怕穿左水,或者見紅都唔知

尤其係半夜去廁所,真係好擔心架!要打醒十二分精神,希望你今次同我都可以清楚認到乜野係'穿水'喇!

我幾2日去小便都唔覺得'下面'痛喇!而且都冇乜分泌,應該冇事既!

不過我地用既沖涼液同tissue真係要小心D揀喇!唔係搞到'下面'發炎或者有菌就幣lu ?-(

m9394pp~

哦!唔緊要喇!老公返工用野養家要緊嘛! 佢精神上支持你咪得囉!

你有工人照顧2個囡囡都好D,而家加埋'媽咪~'就更好喇!你到時就可以安心入院生BB喇!

係呀!我媽咪尋日同我講,話佢睇書見到一個'傳聞',話如果今胎/幾胎都係生囡,下一胎想生仔的話,今次阿囡個名,最後一個字要叫做'婷'-- 拆開黎寫即係'女' '亭'=停 ,咁下一胎就會生仔喇喎! 篇文仲訪問左好多人,佢地都係用左尼個'方法'而生到仔仔架!

(我個表姐,第一胎個囡都係叫'婷婷',佢第二胎又真係咁橋生個仔喎!) 唔知有冇關係呢?
你知道/照到今胎係仔定囡未呢? 如果未,不如由今日開始,你地改叫二囡做'婷婷',唔知得唔得呢?

私人傳訊

意粉

積分: 3441

513^#

發表於 05-3-14 13:49 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
我都成日諗起你,,,諗下唔知你作動入院未,,所以日日都會上黎望下你有冇留言..嘿嘿...加油呀,,,我諗你好快就會有作動徵兆...我記得我家姐話開始作動時,,,條腰會突然好赤好赤,,,同平時唔同,,,但唔知係咪個個媽咪都係咁,,,我希望你星期4前就自己作動入院啦...因為聽好多媽咪話催生會痛d...比心機呀,,我地都為你打氣架,,!!!

私人傳訊

SUKI_C

積分: 2589

514^#

發表於 05-3-14 14:09 |只看該作者

Re: 有無將會或已經在聯合醫院生的媽媽,請進來傾下啦!

gillianchan,

好耐無入來傾啦, 不知不覺妳bb就快出世

妳一定好緊張又心急

妳要隨時有心理準備要入院,
唔好去街去太遠

我也是催生的同自然作動一樣痛!!!
加油

私人傳訊

MuelMuel

複式洋房

積分: 182

515^#

發表於 05-3-14 14:54 |只看該作者

Re: 有無將會或已經在聯合醫院生的媽媽,請進來傾下啦!

m9394pp,
我今次未生得,不過我巳有一個3歲的囝囝!
gillianchan,
我都係日日上來睇下你有無聲氣bb出世!
將個囡個名叫'婷',好搞笑!唔知如果下胎想生囡又有無特別的名哩! ?-(

私人傳訊

積分: 3489

516^#

發表於 05-3-14 21:04 |只看該作者

Re: 有無將會或已經在聯合醫院生的媽媽,請進來傾下啦!

各位媽咪~

多謝你地幾位的關心,我同BB都會努力的,希望佢可以盡快出世喇!

我自己都會小心D,留意下有乜'動靜',希望到時唔會手忙腳亂喇!

因為我細佬部電腦會從新setup,剷晒之前D野,所以尼幾日我可能上唔到網喇!你地既留言我遲D先再覆喇!
或者到我再上黎果日BB已經出左世lu?

(因為我最遲要星期四要入院'催生'嘛! 到時有最新消息再通知大家喇!

)

希望各位等待中的準媽媽都平平安安,順利生個健康可愛既小寶寶! 開刀的媽咪們,也盡快調理好身体到時大家再上黎分享經歷 :mrgreen:

私人傳訊

sally1

積分: 4014

517^#

發表於 05-3-15 13:41 |只看該作者

Re: 有無將會或已經在聯合醫院生的媽媽,請進來傾下啦!

各位
請問一下, 我想係聯合生,宜加應該什樣做呢 ?
先登記 ? 佢地要多小個星期先可以接受新症呢 ?
唔該.

私人傳訊

意粉

積分: 3441

518^#

發表於 05-3-15 15:35 |只看該作者

Re: 有無將會或已經在聯合醫院生的媽媽,請進來傾下啦!

sally1,

Gillian之前留左好詳細既資料,,我paste番你睇丫...如果想睇詳細d你可以click番先前既頁黎睇,,

只要你有醫生證明信就可以去登記,,唔駛等幾多個星期架..愈早愈好,,

如果想在聯合生BB,就要去'聯合'地下婦產科門診部登記,雖然冇話最遲幾時要去到登記,不過當然係越早越好喇!
婦產科新症係逢星期二 8:15派籌架! 一定要準時去到,因為得80個籌,逾時就唔俾入架喇!而且唔可以家人代

私人傳訊

sally1

積分: 4014

519^#

發表於 05-3-16 10:40 |只看該作者

Re: 有無將會或已經在聯合醫院生的媽媽,請進來傾下啦!

意粉, Gillian
Thank you so much!
Let me go there next week.

私人傳訊

意粉