少年成長 今日: 1 | 主題: 16122

積分: 33215

502^#

發表於 09-12-9 22:18 |只看該作者

原帖由 fatsin 於 09-12-9 14:51 發表
見唔到架,由姐姐帶佢返放學,不過我感到老師唔多鍾意我個仔,因為成日俾麻煩佢,我都唔知可以點做,依家總之得閒就讚佢無郁手郁腳喎,好乖喎,媽咪好開心,但我發覺佢無乜EQ,可能學左我,好易發脾氣,尋日早上叫佢起身,佢又郁 ...

fatsin :

我問你是否每天都見到老師, 係想睇吓是否可用獎勵表加强讚的效果, 如見不到的話, 即是冇法得知他那天的表現(有否打人), 那便不能用獎勵表了.

HMV應該有Supernanny的DVD, 但我上次問是沒有中文字幕的, 你可去看看！

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 7836

503^#

發表於 09-12-10 09:23 |只看該作者

Sandra,

追了您的topic 很久, 想不到, 終於也成為了求助者.

我大女, 不是大脾氣, 是情緒. 她可以為了一點點小事, 放聲大哭, 尖叫, 跺地, 像瘋了一樣. 泠靜下來, 她會道歉, 但往往, 一觸即發的哭鬧, 尤其在公眾場合, 令人不知所措.

我有教過她, 不開心, 也不能影響別人. 你可以等見到媽咪時同媽咪講, 未見到, 又好唔開心, 就畫畫或寫咭(她最愛做的事). 見效一陣子, 這幾天, 不知為甚麼, 又來了.

昨天放學, 在校車上哭, 跺地, 不肯下車 - 她同工人都沒提, 今早校車姨姨同我講的;
昨晚飯後, 到鄰居玩 (有個比她稍小的男孩, 他們像有約定似的, 每天輪流到兩家處玩, 當然時有爭執過後又無事), 夠鐘睡覺了, 人家請她離開, 她不肯, 要玩多一回(大概是輪流玩遊戲, 該輪到她), 又是, 大哭尖叫.

我把她領回來. 我生氣得不得了, 說過多少次, 最討厭用這種大吵大鬧的抗爭方式, 所以成晚不睬她.

孩子終歸是自己的, 教育的責任不能脫. 但是要怎麼教, 我真是一籌莫展. 用讚代替罵, 試過, 有效; 但防不勝防的是這種想不到的小事引發的情緒爆發, 未能在事前先讚.

我的心很疼, 但不知還可以用甚麼方式. Sandra, 教教我!

私人傳訊

fatsin

別墅

積分: 528

504^#

發表於 09-12-10 13:06 |只看該作者

Hi Sandra,

咁我是否仍可用讚呢?我會問佢係學校有無郁手郁腳或打小朋友,佢會話無(其實我係唔知佢有無講大話,呢個亦係我近排好擔心既問題),咁係咪我就可以讚佢呢,其實會唔會無效果的呢,但我又覺得好過唔讚。

其實每日我可以點樣提點佢應該點做呢,雖然我都同意你講佢已經知道晒佢應該點做,識得背,但我總怕佢唔記得,想提住佢,其實咁樣做係有無需要的呢?

你久前提過話可以用故事時間同佢講道理,我發覺佢知道我講緊佢,仲問番我果個係咪佢,咁點好呢?

原帖由 SandraLo 於 09-12-9 22:18 發表

fatsin :

我問你是否每天都見到老師, 係想睇吓是否可用獎勵表加强讚的效果, 如見不到的話, 即是冇法得知他那天的表現(有否打人), 那便不能用獎勵表了.

HMV應該有Supernanny的DVD, 但我上次問是沒有中文字幕的, ...

私人傳訊

積分: 33215

505^#

發表於 09-12-10 22:21 |只看該作者

原帖由 咕怪媽媽 於 09-12-10 09:23 發表
Sandra,

追了您的topic 很久, 想不到, 終於也成為了求助者.

我大女, 不是大脾氣, 是情緒. 她可以為了一點點小事, 放聲大哭, 尖叫, 跺地, 像瘋了一樣. 泠靜下來, 她會道歉, 但往往, 一觸即發的哭鬧, 尤其在公眾場 ...

咕怪媽媽 :

囡囡幾歲？她每次鬧情緒是自己平伏下來？抑或是要給她什麼？一般須時多久才平靜？是何時開始的？會不會是弟/妹出世時？你現在是怎樣處理的？你不睬她的那一晚, 她知道的嗎？她怎樣反應？

私人傳訊

積分: 33215

506^#

發表於 09-12-10 23:22 |只看該作者

原帖由 fatsin 於 09-12-10 13:06 發表
Hi Sandra,

咁我是否仍可用讚呢?我會問佢係學校有無郁手郁腳或打小朋友,佢會話無(其實我係唔知佢有無講大話,呢個亦係我近排好擔心既問題),咁係咪我就可以讚佢呢,其實會唔會無效果的呢,但我又覺得好過唔讚。

其實每 ...

fatsin :

如此說來, 你嘅讚應該係冇用........
响佢冇打小朋友時讚佢, 係要俾佢知唔打人先係好行為, 會被讚, 但若你根本唔會知佢响學校有冇打人, 你照去讚佢係冇意義, 如佢想你讚重反為助長佢去講大話, 而讚亦係要即讚：冇打人個時讚, 唔係之後去問佢你有冇打人, 冇就乖啦, 咁冇乜用, 唔該你睇番点讚個topic就知........ 呢個亦係我之前問你會否每天都見到老師嘅原因, 如由老師confirm佢該日冇打人, 你便可以用讚+獎勵表, 見不到的話, 便沒法用！
我覺得你可以同老師溝通一下, 對看能否每天通一次電話, 得知他在校的情況.
To be continued......

[ 本帖最後由 SandraLo 於 09-12-10 23:24 編輯 ]

私人傳訊

積分: 33215

507^#

發表於 09-12-10 23:31 |只看該作者

原帖由 fatsin 於 09-12-10 13:06 發表
Hi Sandra,

你久前提過話可以用故事時間同佢講道理,我發覺佢知道我講緊佢,仲問番我果個係咪佢,咁點好呢?...

fatsin :

「講到佢都知你講緊佢」 ~~ 一定係太刻意....... 我好難連講故事都教埋, 要用吓想像力......... 或者你自己代入去囝囝嗰度, 唔開心就出手打咗人先, 如果係冇後果嘅話, 都好過癮喎, 就好似你見到有人隨地吐痰, 係人都好想走過去大巴大巴咁升過去, 咁點解唔得呢？点先令佢明唔好同唔可以咁做？如針對打人事件, 我諗我會講每一件事做前可想想「調轉」身份, 別人這樣對你你又會怎樣, 來帶出己所不欲勿施於人的訊息, 而唔係一定要講打人係唔啱！

[ 本帖最後由 SandraLo 於 09-12-10 23:33 編輯 ]

私人傳訊

積分: 7836

508^#

發表於 09-12-11 10:18 |只看該作者

大囡差兩個月6歲。小時候, 她是個開心果, 很少扭計, 後來換工人/加上有妹妹, 開始有情緒. 妹妹一歲前, 大囡很反叛, 很多時是故意搗蛋, 我明白那是正常反應, 那段時間, 我儘量安撫, 在她面前儘量不表現出疼愛妹妹, 入門先抱她再抱妹妹.......總算捱過了.

現在妹妹兩歲了, 她們關係很好, 我罵/罰其中一人, 另一人會主動陪罰, 或者幫另一人抺眼淚. 當然也會有爭東西的時候, 但大囡發瘋, 每一次都不會是因為妹妹. 大囡有時都會投訴, 說我們竉妹妹多過她 - 例如, 玩騎牛牛, 妹妹小, 騎久點沒關係, 她重, 很快我們便吃不消, 她便說我們不公平. 我們會向她解釋, 但她總還是意不平.

忘了甚麼時候開始, 動不動就愛哭。放開喉嚨哭/尖叫, 跺地, 是暑假後開始 - 暑假表妹來住了幾天, 從表妹身上學來的必殺技. 每次鬧情緒, 我一出馬就馬上收斂 - 因為她最愛/怕我, 又知道我最憎這種行為. 初初我會先給她手巾/紙巾, 叫她不開心儘情哭, 哭夠了想講, 就同我講甚麼事. 然後再慢慢講道理, 分析, 是她不對, 就要她講對不住. 別人不對, 就叫她原諒人一次.

但是, 很多時我都覺得是她無理取鬧, 於是, 十之八九, 都是她要講對不住, 餘下的一二, 我又叫她要原諒. 我明白, 她心理很不能平衡. - 但是不教她原諒人, 又可以怎做? 我不想她有以牙還牙的心態.

隨著發生的次數越來多, 我開始失耐性. 我會簡單地喝止她, 甚至同她講我好討厭她. 告訴她為甚麼現在沒有人要愛她, 因為她現在不再愛笑, 而愛哭. 一哭, 人人都怕了她, 都躲開她......我甚至曾經威脅, 要把她送去跟爺爺/外婆住......我知道不應該這樣恐嚇, 但有時真忍不住.

我不睬她的一晚, 她知道我生氣, 面上訕訕的, 自己換衫上床睡覺, 也不敢如常要我講睡前故事. 她半夜發噩夢, 要找媽媽, 我故意不理她, 由工人處理. 她似乎也知道, 很快就再睡了. 第二天起床, 我仍板著臉不睬她, 她刷牙洗面換衫吃早餐, 全部自動自覺, 不敢煩我 (平時總要我幫這幫那). 直到中午放學, 她主動打電話給我, 說對不住, 我才同她說話.

我問她可不可以告訴我, 究竟昨天發生甚麼事. 她說在校車上, 有同學拿了她的眼鏡, 後來放回了書包, 她不知道, 以為眼鏡仍在同學手上, 所以不肯下車; 晚上, 在人家家裡, 她要玩一樣玩具(A), 那小男孩說先陪他玩另一樣(B), 再讓她玩(A), 但到夠鐘叫她走了, 還不讓她玩(A), 她覺得受了騙, 不公平.

但是, 有話為甚麼不可以好好說, 或者同auntie (小男孩的母親)說, 要大哭和尖叫?

對不住. 我不知點同你解釋. -- 她說.

原帖由 SandraLo 於 09-12-10 22:21 發表

咕怪媽媽 :

囡囡幾歲？她每次鬧情緒是自己平伏下來？抑或是要給她什麼？一般須時多久才平靜？是何時開始的？會不會是弟/妹出世時？你現在是怎樣處理的？你不睬她的那一晚, 她知道的嗎？她怎樣反應？ ...

[ 本帖最後由咕怪媽媽於 09-12-11 13:45 編輯 ]

私人傳訊

積分: 33215

509^#

發表於 09-12-11 22:45 |只看該作者

原帖由 咕怪媽媽 於 09-12-11 10:18 發表
大囡差兩個月6歲。小時候, 她是個開心果, 很少扭計, 後來換工人/加上有妹妹, 開始有情緒. 妹妹一歲前, 大囡很反叛, 很多時是故意搗蛋, 我明白那是正常反應, 那段時間, 我儘量安撫, 在她面前儘量不表現出疼愛妹妹, ...

咕怪媽媽 :

大傷風..... 要打仗, 明天才答到你.....
不過都想問：已看過「点讚」個topic ?
還有, 想知道：「餘下的一二, 我又叫她要原諒. 我明白, 她心理很不能平衡. - 但是不教她原諒人, 又可以怎做? 」~~ 可否講一個實例？

私人傳訊

積分: 7836

510^#

發表於 09-12-13 18:14 |只看該作者

Sandra,

昨天同您一樣, 打了敗仗. 今日姐姐放假, 老公開工, 一拖二, 要打游擊式上來一下. 您好點了嗎?

"讚"的topic, 不僅看了, 還印了出來, 奉為天書, 隨時翻閱, remind 自己+向人家讚的技巧偷師.

回應您的問題, 還用那個在人家家裡哭鬧的例子吧 --

我同女兒講: 在人家家裡哭鬧, 怎麼說都不對; 就算你有道理, 也不能在人家家裡吵, 賴死不走, 所以你一定向人家道歉; (但是, 若如她所講, 那隣居男孩先答應要她陪玩B玩具, 再給她玩A玩具, 後來又以夠鐘趕她走, 多少也有點使詐, 可能父母也不知他們有約在先, 所以也一味以為我女兒玩到不肯走. 這種情況, 我一不能追究, 二不能替她出頭-也不應替她出頭, 所以我只會教她) 下次遇到這種事, 也不應用這種方式, 應好好同對方講道理, 他應承左你, 應該要讓你玩一回, 若他不承認, 就同 auntie 講, 何況, 這玩具不會走了去, 今天不玩, 下次去玩也可以.

最後這幾句 - 玩具不會走了去......她很不服氣, 因為說到底, 還是她的不是. 同我爭辯了幾句, 不過最後也過去道了歉.

我也借機會向對方母親說了那天的原由, 後來那男孩同我女講對不住, 又拿出那件A玩具借她玩, 一場風波, 算是平息了.

這就我所講的, 十之八九, 她要向人道歉; 餘下之一二, 我又要她原諒.

但我所擔心的, 是當時她那種抓狂式的哭鬧.

原帖由 SandraLo 於 09-12-11 22:45 發表

咕怪媽媽 :

大傷風..... 要打仗, 明天才答到你.....
不過都想問：已看過「点讚」個topic ?
還有, 想知道：「餘下的一二, 我又叫她要原諒. 我明白, 她心理很不能平衡. - 但是不教她原諒人, 又可以怎做? 」~~ 可否講一 ...

私人傳訊

積分: 33215

511^#

發表於 09-12-13 23:29 |只看該作者

原帖由 咕怪媽媽 於 09-12-13 18:14 發表
Sandra,

昨天同您一樣, 打了敗仗. 今日姐姐放假, 老公開工, 一拖二, 要打游擊式上來一下. 您好點了嗎?

"讚"的topic, 不僅看了, 還印了出來, 奉為天書, 隨時翻閱, remind 自己+向人家讚的技巧偷師.

回應您的問題, ...

咕怪媽媽 :

謝謝你, 我已好了些！
先多謝你的捧場.

ops:" />
我推測, 你囡囡的所謂情緒, 是「縱」出來的.......你第一個感覺或許是不同意......
你說「每次鬧情緒, 我一出馬就馬上收斂」 ~~ 雖然她不是扭些什麽, 你也沒有給她什麼, 但好大機會是你的「即時出現安撫」, 做成她動不動就哭鬧咗先, 即是說, 她不哭鬧, 不能獨佔你！
我有想過某些情況, 她哭鬧時你根本不在場, 因此她不太像是attention seeking……但這也可以解釋到的~~ 她習慣了, 不稱心的時候用這方式發洩.
「十之八九, 她要向人道歉; 餘下之一二, 我又要她原諒.」~~ 哈哈, 這也許是要發洩的其中一個因素.......我也覺得須要改善一下.......
試想一下, 她次次爽快 say sorry, 但從沒有改變, 你也不想是這樣吧, 她不大願意, 反而表示她不是隨便答應, 亦是因為她有思考, 所以不停要她「原諒」, 可能給了她一些壓抑; 你可以試試給她選擇, 將這些選擇的後果和她分析一下, 然後由得她去揀, 她漸漸長大, 知道其他人都不是這樣對人時, 你硬要她原諒, 慢慢她便會不願意和你溝通！

舉個例她在「人家家裡吵鬧」是不對, 告訴她這是解決不到問題, 和Auntie講番便成, 若那男孩最後沒講對不起, 你也不用一定要她原諒, 但要和她分析, 不原諒是不是不再去玩呢？換轉她做錯了事, 別人不和她玩, 她又會怎樣？還是叫她選直接告訴朋友仔看看他的反應再決定？小朋友好多時有得玩是不記得那麽多, 亦不願意因此而沒得玩..... 讓他們自行調教便成了...... 換句話說, 要容許她有不滿, 不好要求她太「完美」.

「.....我會簡單地喝止她, 甚至同她講我好討厭她......不再愛笑, 而愛哭. 一哭, 人人都怕了她, 都躲開她......我甚至曾經威脅, 要把她送去跟爺爺/外婆住......我知道不應該這樣恐嚇,」~~ 這些不該做你都知道了, 嬲她不啋她, 也是嚇的一種, 她也會學了的, 選罸反而較好, 做了什麼事, 便有什麼後果 (必須事前讓她知道), 當然要加埋用讚, 試試看！

[ 本帖最後由 SandraLo 於 09-12-13 23:34 編輯 ]

私人傳訊

積分: 7836

512^#

發表於 09-12-14 13:45 |只看該作者

Sandra,

謝謝您，解開了我心裡的結。一矢中的。

原帖由 SandraLo 於 09-12-13 23:29 發表

咕怪媽媽 :

謝謝你, 我已好了些！
先多謝你的捧場. ops:" />ops:" />
我推測, 你囡囡的所謂情緒, 是「縱」出來的.......你第一個感覺或許是不同意......
你說「每次鬧情緒, 我一出馬就馬上收斂」 ~~ 雖然她不是扭些 ...

私人傳訊

積分: 33215

513^#

發表於 09-12-14 21:49 |只看該作者

原帖由 咕怪媽媽 於 09-12-14 13:45 發表
Sandra,

謝謝您，解開了我心裡的結。一矢中的。

咕怪媽媽：

那就好了, 希望很快聽到你的好消息！
囡囡大了, 女仔也較成熟的, 晚上的講故事, 有時可選一些趣味性高的新聞(報紙)替代, 到進入反叛期時, 會易教很多！

私人傳訊

cowkingb

積分: 3183

514^#

發表於 09-12-15 11:30 |只看該作者

SandraLo,

你好, 尋日先見倒你呢個 topic, 原先想先睇晒所有既 messages 先搵你幫手... 但真係忍唔住啦...

我個仔差唔多 3 歲啦, 未返學之前就好害羞, 唔主動, 返左學之後唔係好左好多咋, d 脾氣重比之前差, 小小嘢就典地, 大叫. 我地試過用唔同既方法處理, 講, 傾, 鬧.... 而家有時佢扭計會合埋雙眼先喊 tim (不過有時無 tears 架). 我好頭痛, 唔知點好...

我個仔由細開始就好 chi 我, 最近姐姐走左, 我地又搬屋, 阿仔因為暫時無人湊所以要由半日轉讀全日, 可能太多嘢唔同左, 所以佢成日話 'No Miss XXXXX (老師名)". 我地都明白佢點解會咁, 所以有時佢扭計我地都唔會大聲鬧佢... 唔知係咪因為咁, 佢愈來愈過份, 而家我一行開, 又或者佢想 mammy 整而唔鐘意 Daddy 整, 佢就直頭話 No Daddy, 又打又推開我老公, 攪倒我老公都好唔開心...

Sandra, 我可以點呀? 我本身脾氣都唔係好既人, 尋晚我湊阿仔放學, 佢見我第一下到返到屋企都不斷咁叫 Thomas 車車, 一句都無叫過我, 我有 d 唔開心. 我個仔好鐘意 Thomas 車車, 咁係唔係我地要開始唔好再買比佢呢? 我唔想個仔個心只係識車車/Thomas & Friends.... 我地其實有其他玩具買比佢, 不過佢只係會玩 Thomas 既車車... 我唔識點處理呀.... 收起晒又好似係陀鳥心態, 我覺得好似唔 work.

而家我個仔一唔鐘意, 無論0係邊, 佢都會典地, 大叫. 我見你之前有教過, ignore. 咁係唔係0係街由得佢喊同典地呀? 我老公夜放工, 所以我由 5:30 pm 一放工去接仔開始就要不斷做到我老公放工返屋企幫手我先可以停, 所以我個仔係咁扭我既時候, 我真係覺得好煩... 結果, 尋晚我忍唔住打佢... 呢次係佢出左世之後我第 2 次真係忍唔住咁打佢... 我好驚呀, 我應該點處理我個仔呢? 我以前無咁怕小朋友扭計/喊, 而家我一聽倒我個仔喊我就會想走入房/行開, 一方面唔想自己發脾氣, 另一方面我想自己同個仔冷靜落來先再算... 我咁做啱唔啱呀? 咁之後我又應該點處理我個仔既情緒問題呢?

我個仔都係好似其他 mammy 既小朋友咁, 唔肯去自己房瞓, 佢有時什至要拖住我瞓.... 我老公已經做左廳長好耐啦, 來緊又凍, 個新工人又到, 我唔想老公再瞓廳呀, 好心痛, 咁點好呀? 我個仔間房既床仔唔係小朋友/子母床, 重係 bb 床, 所以我無得0係佢間房陪佢瞓著先返自己房瞓.... 咁點好呀? 我個仔重要食夜奶, 我尋晚已經要佢開始0係返自己張床食夜奶, 開初佢唔肯, 我話唔可以, 一定要, mammy 會間中去睇下佢, 結果佢都肯, 不過一食完奶就話要過返我地張床瞓, 係咁話驚驚... 結果因為太夜啦所以我地一如以往, 比佢0係我地度瞓著先抱佢返佢自己房瞓, 但尋晚我老公一抱佢去自己床, 佢醒左就發晒脾氣要返過來同我瞓... 之前半夜醒左又係咁0係床發脾氣, 結果我地因為夜所以由得佢返過來同返我瞓... 咁處理係唔係唔啱呀? 係唔係應該要堅持呢? 我地可以點做呀?

對唔住, message 好長, 不過我真係好困擾... 萬分感謝...

私人傳訊

agnesyp

別墅

積分: 962

515^#

發表於 09-12-15 16:31 |只看該作者

Please suggest :
小朋友(2.5)開始有自己的要求, 有時會'LUR'地.
當我們意向不和時, 他會跪在地上, 甚至躺下, 不過暫時沒有尖叫附送.

如果是扭抱的話, 很多時我們會就範(因為不算太多)

有時回家經過屋苑的遊樂場, 他會自己走去. 但一邊走一邊回頭看我們的反應(笑笑口).
我們通常會笑著大搖頭, 大部分時間他會回來, 但不知可以乖多久呢.

很多時會摔開媽媽的手, 自己走, 媽媽會不斷和他角力(我的原則是只有屋苑內可以放手), 總之不放手(可能有時乾脆抱起他)

今天媽媽想走的時候, 他想去玩具反鬥城, 媽媽一開始用力拖他走, 他先跪在地上之後躺下, 媽媽沒有罵他, 只是站在一旁, 他的好處在' 不太堅持'(可能是壞處)
見機就拖他走.

到底我做得對嗎?

私人傳訊

積分: 33215

516^#

發表於 09-12-15 18:35 |只看該作者

cowkingb and agnesyp :

今晚放工要睇医生.... 有排等......依家都未放工....
請睇住我簽名位嗰兩個主打topic先(第一個post)！

私人傳訊

irenelsy

積分: 1426

517^#

發表於 09-12-16 00:11 |只看該作者

Hi, Sandra Lo,
我有急事請教, 本來想看完你所有的解答先, 但看了一個多星期, 都只係睇到Part I 既40多頁; 但今天又有事發生.
我女兒剛7歲, 讀小二, 獨女; 我和先生一直用discipline既方法教佢; 即係講完道理就罰(打手, 唔可以帶snacks 返學,…etc), 一直都ok, 不過我妹我媽就話我地壓抑左佢, twist左佢既character.
兩星期前,我發現我女偷了同學水筆, 仲要講大話, 我當時好嬲, 趕左佢出門口10mins, 因為之前同佢講如果佢講大話, 就要講出門口. 罰完後, 佢話會改, 以後唔再企魔鬼個邊 (我地都係christian, 個女有返church).
但兩日後, 老師發現佢偷左同學彩紙, 通知我, 記了違規, 老師同佢講如果在外面,
ｐｏｌｉｃｅ會拉，同埋會無書讀 (因為我個女話比老師聽, 今次係佢第3次令左同學野). 我聽到好唔開心, 自己cry了出來, 我請左半日假，　去接佢放學，　我無罵佢, 帶佢去左間佢好鍾意的餐廳, 同佢慢慢傾，　佢話見到同學的彩紙靚，　所以就羅。我問佢有無其他原因，　會唔會因為覺得人有佢無，　佢話唔係。我一番道理後, 一起定一些punishment 作為提醒佢不要再犯 (佢提議抄10次不再偷東西)
續....

私人傳訊

irenelsy

積分: 1426

518^#

發表於 09-12-16 00:14 |只看該作者

唔好意思好長, 但我希望讓你了解多些.
這件事後，　我睇到你既ＰＯＳＴ，　我就用ｅｎｃｏｕｒａｇｅ既方法，　每天都讚佢，無貪心, 有信用; 真係好work,; 上星期佢話比我聽, 本來佢見到同學一條好靚的繩, 本來好想取, 但想起唔可以近魔鬼, 佢就無取. 我當然大讚, 並獎佢一份小禮物.
怎知今日佢係學校失物認領箱取了一個飾物, 佢知道錯, 所以向我坦白, 我就原諒左佢, 叫佢明天交回, 佢好開心; 但後來我發現佢有彩紙放在小盒; 原來都係學校拿. 我問點解頭先唔講. 佢話驚我罵. 原來之前佢坦白飾物, 是嫲嫲先發現, 佢先同我坦白. 爸爸要佢向老坦白面對, 佢勁cry, 驚老師趕佢出校, 同埋ｐｏｌｉｃｅ會拉, 我地話巳經原諒左佢, 同埋好愛佢, 但佢要面對同坦白出來.
Sandra Lo, 我真係唔知點做?
可否教我? 我驚我地用錯方法.

私人傳訊

cowkingb

積分: 3183

519^#

發表於 09-12-16 09:32 |只看該作者

原帖由 SandraLo 於 09-12-15 18:35 發表
cowkingb and agnesyp :

今晚放工要睇医生.... 有排等......依家都未放工....
請睇住我簽名位嗰兩個主打topic先(第一個post)！

Sandra, 你無事嗎? Hope all is well with you...

我會等你呀, 同埋等陳有時間 snack 去睇你 sugguest 既 message. 謝謝...

私人傳訊

美幸子