


原本12點多d已經上床準備瞓,我老豆瞓唔著,whatsapp 我傾計,陪佢傾到12點9佢先肯瞓教
我已經攰到瞓得著。。。。
,半夢半醒狀態話 "全屋冇電??邊個咁得閒半夜4點嚟cut呀?電費交咗喇,關咩事啫
" 跟住起身睇吓咩情況,真係冇哂電。。。我叫老公出去睇吓出面個電廂係咪跳咗啦,佢睇完返嚟話冇。。。咁我點佢睇吓廚房個電廂啦,佢又話第一時間check過冇跳。。。。呢個時候聽到附近有開閘聲,我老公走出去睇吓啦,原來附近幾座都有人出咗嚟,大家都話突然冇哂電。。。佢哋幾個男人再行出d睇。。。。連街燈都冇埋
原來全條村都跳哂。。。。跟住我又要摷返張電費單出嚟,揾返中電個電話比班男人打去報斷電。。。。中電話起碼要1個鐘後先知發生咩事。。。。我唔理喇,撻返上床。。。。但瞓唔返
應該等到4點半過後先瞓得返。。。。
。。。。頭先6點40出門口,中電架車停咗係村口電廂度。。。。仲整緊。。。。。


