烹飪搵食 今日: 0 | 主題: 139271

積分: 4462

502^#

發表於 03-11-19 23:42 |只看該作者

Re: 買左個新焗爐,點用呢?

唔好意思,呢兩個星期工作好忙,冇時間打個曲奇食譜俾大家.而家補數:

無鹽牛油 200克
糖粉 200克 (唔鍾意甜可以落少D)
全蛋 60克
低筋粉 320克
杏仁粉 80克
(可做約78個直徑6厘米既曲奇)

1.牛油回温,用手指背壓平,加入糖粉,用刮板壓擠切拌至混合.
2.加蛋再切拌混合.
3.粉類混合過篩後,放進2.大致拌勻後用手揉成麵糰.(不用完全混合,還有些乾粉殘存亦可)
4.取出麵糰,整平成立方體.用保鮮紙包好,再調整成約2厘米厚,放進雪櫃至少兩小時.
5.取出後用擀麵棍把麵糰擀成約半厘米厚,就可用模切出形狀.
6.焗爐預熱後調成170度,焗20分鐘即成.

*留意度數和時間要視乎焗爐大小而調節,容量小的焗爐很容易過熱,一定要降低溫度,縮短時間.我自己做呢款曲奇只焗7分鐘,溫度降至140度,如果唔係件曲奇會成件焗焦.

呢款曲奇唔係鬆化個種,而係有D咬勁.我諗如果太稔身,可能唔係咁適合做咁多形狀卦.我張相D曲奇上面洒左D防潮糖霜,唔係杏仁粉.套樹葉模係Citysuper買既,五十幾蚊成盒,一共有八個.飛機個套膠模一共有三個,係吉之島十蚊店買.而家CitysuperD曲奇模的確好鬼吸引,如果大家鍾意食gingerman cookies重岩,D人仔模好得意.另外天使.冬青葉都好靚,但係確實太貴嘞.有冇去過佢係國金IFC既新店?好正.

花花,

你個Mrs.Fields Cookies好成功丫,隻顏色真係冇辦法,因為係可可粉本身既顏色來架嘛.不過,如果你想睇落冇咁礙眼,或者可以加D野落去,好似白朱古力粒,提子乾,果仁之類,可能會好少少,而且一定會更好食.

至於戚風紙模我都用過兩次,效果唔太理想.第一次唔知,冇再降低溫度,結果底面都焦,要切左至送得俾人,第二次諗住會好D,但都只係勉強OK,而且結果都係要撕爛個模至做得裝飾.成十蚊個,真係唔多化算.

最緊要記住,紙同金屬受熱既情況唔同,一定要減低溫度,但又要小心中間唔熟.若然焗到一半發現個面焦,記住舖番張錫紙,咁就可以唔會繼續焦,個蛋糕可以焗落去.

Dor,

你唔鍾意牛油味就一於做戚風啦,因為佢係用沙律油而唔用牛油架.

私人傳訊

dorothy628

積分: 237

503^#

發表於 03-11-20 12:50 |只看該作者

Re: 買左個新焗爐,點用呢?

Blythemia,

我想問下你d飛機和車仔的餅模在邊間十蚊店買的？因為我上次都睇唔到，個packing係怎樣的？等我下次去看看。睇落個餅模應該唔係空心，那麼要怎樣印出來呢？請指教啦！

Thanks!!

dor

私人傳訊

penpen

子爵府

積分: 13681

開心吸收勳章認識瑞士牛牛第二回貓狗褓姆畀面勳章

504^#

發表於 03-11-20 21:13 |只看該作者

Re: 買左個新焗爐,點用呢?

hi~~ 各位! 我昨天第一次做了Earl Grey Cookie (cup模),初時覺得好難攪均,響雪櫃取出來後硬少少覺得好難壓平,已有用棍,因為壓平果陣會好容易散呀! but最尾都成功出爐,餅模都冇散,做了原味和朱古力味,派晒喇~~ 阿囡好鍾意食,我好開心呀! 今日要加碼呀!! 不過我想朱古力味濃d,將朱古力粉加多10g,香好多呀! 今日預熱焗爐果陣唔記得較大火,即係忠臣牌中間個個制呢~ 攪到要等多10分鐘,最後果舊粉都因為響雪櫃取了一段時間而軟得滯,好難cup模,後尾要放番舊粉入雪櫃一陣先可以再整呀! 不過令我明白到點解要放入雪櫃喇~~

Dau,
想請問點解有d旦榚要用中間有窿既模黎做既??

Blythemia,
妳d餅模真係好靚呀!! 我祇係做左bear bear,心心同埋兔仔咋! 係之前響jusco $10店買架! 妳果d咁靚既模響邊鼠買架?? how much??

Naughtymom,
我都係用忠臣牌架! but我個就冇砰砰聲喎! 我都覺得份說明書真係唔詳細,第一個制我就知係較度數啦~ 初時用都唔知中間個制應該較去邊(火力制),左手邊第一格係熄火,數過右手邊第二格睇個圖案就應該係淨係上面發熱,第三格係上下發熱,第四格應該係烤雞時用會轉,跟住用落都冇問題,紅燈著就係入面發緊熱整野計緊時,焗緊會有計時既嗒嗒聲,我就冇試過較10分鐘過3分鐘會熄燈,祇會較了時間制轉到最尾先會叮一聲熄燈,我覺得妳不如再留意下個爐會唔會再有妳之前所講既情況發生啦~ 若果再有,我諗都係打番去果間公司問問好d! :-P

私人傳訊

積分: 4462

505^#

發表於 03-11-21 09:00 |只看該作者

Re: 買左個新焗爐,點用呢?

飛機輪船同火車係好耐之前係銅鑼灣吉之島十蚊店買既,早兩星期都重見有,十蚊三個,好抵.樹葉個套係又一城log-on買既,成五十幾蚊,有八個.曇花一現,冇再見過.

私人傳訊

bigbaby

積分: 193

506^#

發表於 03-11-23 23:31 |只看該作者

Re: 買左個新焗爐,點用呢?

各位媽咪：
假如你哋行開又一城，可以去睇下Log-on對出的應節聖誕攤位，有好多應節的烤焗用品賣，最可惜是冇減價，否則一定會大出血。

Bigbaby

[img align=left]http://us.f2.yahoofs.com/users/3f27cc30_115c7/bc/Bakery/__sr_/Vivian%27s+B-day+cake.jpg?[/img]

私人傳訊

Joshmom

洋房

積分: 184

507^#

發表於 03-11-24 11:54 |只看該作者

Re: 買左個新焗爐,點用呢?

Dau, 花花, Blythemia & 各位Mama,
Hello, 我都係新手mama上兩星期手痕同囝囝用多士爐焗牛油cookie, 味道好及鬆化, 但好多燶左; 有些少成績便心思思, 無意入左呢個topic, 真係大發現, 嘩, 見到Blythemia的蛋糕及cookie已為買回來; Dau真係好有天份, 第一次已經有好成績, 我最喜歡你個cheese cake的花紋好靚, 因為有成34頁, 結是用左一個星期追看, 真係勤力過追看小說. 結果下了決心, 上星期五用了$249添置一部忠臣焗爐和一個$39磅, 買齊材料星期六開工, 焗了Mrs.Field 朱古力cookie, 製成品跟花花一樣表面不平滑, 我已跟Dau所提議step4,5 用fold salad咁fold, 但要fold起碼10次以上才伴搵, 另外唔知係唔係我攪牛油攪得太耐, 因為我用手動發蛋器, 開始時因為的牛油不太溶, 成日”痴”實發蛋器, 不過照我記憶Mrs. Field 的不是很鬆”翠”, 口感充實, 而我的較鬆”翠”, 是否因為以上的問題呢?
但味道很好, 我老公同工人都讚好味, 真係有安慰, 最重要係囝囝好喜歡食cookie又享受製餅過程, 好多謝妳們的資料和意見, 真係獲益良多.

Joshmom

私人傳訊

Dau

積分: 2106

508^#

發表於 03-11-24 15:55 |只看該作者

Re: 買左個新焗爐,點用呢?

penpen,
恭喜哂呀!earl grey cookie好好味呀!又可愛,你個靚囡囡實鍾意啦!
之前crystal答過點解要用中空模,我copy返crystal個留言比你睇:
copy from cookeasy

10.Q：為什麼總是要用空心模來焗製雪芳蛋糕？
Ａ：因為雪芳蛋糕的水份較普通清蛋糕多，而蛋糕的中心部份是比較難熟的，所以便用空心模了．空心模可以讓熱空氣在蛋糕中心部份直接‘加熱’，增加焗的效率．就這個原因，雪芳蛋糕的中央部份可以同樣地受熱，避免了蛋糕邊熟但中心不熟的情況出現，這樣整個蛋糕的質地便可以更一致（不會有部份乾部份濕的現象）．

11.Q:如我沒有空心模，是否真的不可以焗雪芳蛋糕呀？
Ａ：亦不盡是，不過焗的過程要小心處理粒爐油，同樣相同份量及呎吋，焗的時間要比用空心模更長．正如之前所說，蛋糕的中間部份會是最難熟的地方，雪芳蛋糕因為水份多，所以相對焗的時間會較長．而且很多情況下，蛋糕在焗的過程中中間部份會升得很高的（因為水份多，自然焗製時升起的水氣便多）．因此用普通的蛋糕盤來焗，最宜只倒滿六成便夠了，確保有足夠的高度來讓蛋糕升起．亦因如此，蛋糕面會更易焗焦．焗製過程中如果蛋糕面太深色，便要蓋上錫紙來焗完餘下的時間．我不讚成用關掉焗爐的上下火來控制火力，這只會導致焗爐的溫度不平均，更難去控制火力而令焗出來的效果更差．

blythemia,

我昨日去過銅鑼灣的citysuper,見唔到有x'mas cookie賣,我諗係賣哂,好失望呀!等我去太古log-on同tst citysuper睇先!
你隻防潮糖霜真係好掂喎!洒左真係靚好多,更加有聖誕氣氛,仲唔易溶,係咪响新信興買?等我都買返d傍身先!

naughtymom,

我早兩日用oven,留意左開左oven之後,個燈係冇熄過的,even裏面個温度夠,佢最多係個發熱管唔紅,但個燈唔會熄,我個係loyala有自轉烤雞功能的oven,同你一樣嗎?如果一樣,你不如打去代理商問下佢咁樣係咪正常?如果有唔妥應該有一年保養的.

bigbaby,

多謝報料,我有機會一定要去睇睇,就算唔捨得買,去睇下都好開心!

joshmom,

歡迎加入我地焗爐大家庭呀!焗野食真係好happy,做果個又開心,食果個又開心,得閒多d交流下呀!

你唔好讚壞我,我都係學緊野ja,唔太難食就當成功ga啦,我要求好低.

我諗你整多一兩次野就會好有衝動去買電動打蛋器,因為如果你第時整d野要打蛋白or忌廉的話,用手真的好辛苦,用電動打蛋器就好爽又快手,如果諗住會成日整的話都可以考慮下呀!

私人傳訊

花花

積分: 4334

509^#

發表於 03-11-24 16:16 |只看該作者

Re: 買左個新焗爐,點用呢?

我上星期五, 又左去銅鑼灣citysuper睇, d x"mas 用品真係好靚但貴, 所以冇買到. 跟住昨天同埋花囡去吉之島10 店, 就買左blythemia 講的飛機模, 但原來唔一樣架, 有左中間d 形狀.

dau/blythemia :

我今個星期會整cookie, 但我想知邊到可以買到杏仁粉, 可用杏仁霜代替, 同埋d 防潮糖霜那裡有? 就快到囡囡學校 x'mas party 要practice 下啦! :-P

私人傳訊

crystal

積分: 1159

510^#

發表於 03-11-24 18:50 |只看該作者

Re: 買左個新焗爐,點用呢?

dau,
我尋日特登出左去tst citysuper 搵 x'mas cookie模,不過tst果間剩係得薑餅模同 x'mas 朱古力膠模賣咋,買唔到x'mas cookie模,真係好失望呀:-(

dau,花花,
二德惠有防潮糖霜賣

blythemia,
cooike 上面d防潮糖霜要幾時洒上去?係焗之前洒上去?定係焗好之後洒上去?

私人傳訊

積分: 4462

511^#

發表於 03-11-24 21:00 |只看該作者

Re: 買左個新焗爐,點用呢?

我係中環國際金融中心第二期新開既Citysuper見到唔少聖誕岩用既曲奇模,不過實在好貴,成廿幾蚊一個.一年都係用個兩次咋o番.
我包防潮糖霜係新信興買既,十蚊包,洒上蛋糕同曲奇都好靚,係完成哂所有步驟做好哂至落既.超市個D完全唔掂,千祈唔好哂錢.

私人傳訊

monmon616

積分: 3527

好媽媽勳章畀面勳章 BK Milk勳章

512^#

發表於 03-11-24 22:35 |只看該作者

Re: 買左個新焗爐,點用呢?

Blythemia：我買到妳用既飛機、車車同船船曲奇模，但係，好難 cup 出來呀！我想請教，妳有咩秘訣架？可唔可以教下我呀！ thank you 妳！

私人傳訊

積分: 4462

513^#

發表於 03-11-24 23:39 |只看該作者

Re: 買左個新焗爐,點用呢?

monmon616,

我有失敗既經驗,所以完全明白 :-P .首先,舊麵糰一定唔可以俾佢軟到一Pat咁,一路搓時其實因為室温同雪櫃唔同,佢會自己變軟.但當你發現佢比較軟身時,就要停手,放番入雪櫃冰格一陣,等佢硬番少少再cup過.如果唔係,你從枱面拎起曲奇時,佢一定會變形變到好醜樣.

第二樣就係唔好試圖好似個D中空模咁,想個麵糰cup起嵌住個模,咁樣一定攞唔番出來.個D坑紋一定冇哂,而且某D部分,好似飛機機尾同螺旋槳個D位一定會斷.我既方法係將個印模壓落麵糰之後,成個模攞番起,唔好痴住個麵糰,咁就會睇到枱面上個塊麵糰好清楚咁現出印模既圖案,然後至用刀幫手挑番起個曲奇,咁失敗既機會就會細好多.而且唔會點變形.

希望你成功.有問題再攞出來研究下丫

花花,

杏仁粉係真杏仁磨成既粉,同杏仁霜唔同,我諗你都係唔好試,費事浪費其他材料.如果你鍾意朱古力味就改用可可粉,不過份量應該唔一樣,我都要查下書至知.
其實大間既超市會有得買既,再唔係Citysuper,Great,新信興,二德惠同吉之島都會有.

私人傳訊

dorothy628

積分: 237

514^#

發表於 03-11-25 08:34 |只看該作者

Re: 買左個新焗爐,點用呢?

monmon616,

你係邊到買到blythemia的飛機,車車同船的曲奇模呀？我找不到呀！可唔可以話比我知個詳細地址呀？同埋個樣子係點樣呀？因為我仔仔見到，佢係咁話要我整飛機,車車同船比佢食喎。

Thanks!!

Dor

私人傳訊

Joshmom

洋房

積分: 184

515^#

發表於 03-11-25 10:38 |只看該作者

Re: 買左個新焗爐,點用呢?

Dor & blythemia ,

我都買了飛機,車車同船的曲奇模, 但唔知岩唔岩, 是白色膠模, 上面有window圖樣貼紙; 係愉景新城一間"友誠"家用舖買$9.90.

Joshmom

私人傳訊

monmon616

積分: 3527

好媽媽勳章畀面勳章 BK Milk勳章

516^#

發表於 03-11-25 19:25 |只看該作者

Re: 買左個新焗爐,點用呢?

dorothy628：我係大埔廣場2樓間安康特價貨場(雜貨+中藥店)買架！都係賣$10，仲有一款免仔三式既，放係整蛋糕模、牛油紙個格！它係膠模 not 不銹鋼，好易睇到的！不過，妳住邊架？其實我都係亂打亂撞諗住買曲奇模，好彩見到！希望幫到妳啦！

私人傳訊

dorothy628

積分: 237

517^#

發表於 03-11-26 12:19 |只看該作者

Re: 買左個新焗爐,點用呢?

monmon616,

唔該哂你報料呀！我昨晚已經去了joshmon報料的愉景新城個到買左喇，而且我同你一樣都買左白兔個set添。我諗住這個星期六得閒我會試試。

原本無諗住比仔仔知道我買左，我同朋友講開，跟住話我買了elephant的cookies模，後來亞仔聽到，立即話"大象"，我要睇，我重估佢唔知道我地講咩，真係唔好當佢傻仔。

Dor

P.S : 好興奮呀！快d到星期六就可以試下喇。

私人傳訊

jeff618

民房

積分: 33

518^#

發表於 03-11-26 13:37 |只看該作者

Re: 買左個新焗爐,點用呢?

Dear all,

This is my first time to send a message.

I'm sorry that I cannot write this message in Chinese, as I have not Chinese Word in my office computer.

The question is: I'd like to make some cookies, pls advise where can I buy the Icing sugar.
What type of sugar is suitable for making cookies?

Pls advise and help.

Many thanks in advance.

私人傳訊

wilnita

子爵府

積分: 12291

519^#

發表於 03-11-26 14:17 |只看該作者

Re: 買左個新焗爐,點用呢?

Blythemia,

我好欣賞妳所做的糕點，妳的家人/朋友真係有福了。
過往我亦曾經做過一些COOKIE，真係無一次成功，原因係全部燶哂(COOKIE面未熟透而底部已經燶哂)，我家的焗爐係一座式連煮食爐個款，原因會唔會焗的時間太久呢？好矛盾呀，面唔熟而底部就燶哂。可否指教我應怎樣做才對，謝謝。

而妳所POST的曲奇食譜係咪唔需要用打蛋器拌勻D材料呢？

私人傳訊

bigbaby