補充：小說有兩個版本，最初版本較多講江湖事，宗主同景睿淵源講得較多，亦有更多人物，包括衛錚嘅夫人雲飄蓼，美人榜榜首，而景睿就係為搏紅顏青睞，努力上到公子榜第二，如果唔係，以景睿性格，呢D名利嘢佢根本唔會放於眼內。而宗主因為景睿失戀得到寫主對佢加以照顧，謝弼亦一早因為去搵景睿而認識宗主。故事最初亦對外國求親隊入京被宗主得知有較細節描寫，之後點樣救慶國公家奴（小說中唔係由卓青遙救架）同埋點樣入金陵嘅前因後果都有講到，呢D後來去到第二版本小說已經刪咗好多，劇更係大刀闊斧咁刪，所以而家頭幾集已經話太多太亂節奏慢的話，如果跟據原著去拍，可能好多觀察睇到冇幾多集就會嫌悶同慢。
小說寫埋內心同加多咗好多描寫，例如飛流嘅身世，劇就冇詳細交代，如果樣樣都要交代的話，拍多5集都得。小說後段比電視劇合理D，較少反駁位，但少咗幾場精彩演員比演技嘅場口，同埋小說中宗主感情真係冇得記托，因為郡主早說移情別戀，亦冇霓凰九安山千里救駕嘅情節。
花旗太太生活在花旗國，留意時差，你問我未必即時答到。
發表於 
返回列表
