19、20集筆記：
。果然，世界上冇無端端對你好嘅人，孟總又係想伊人成為入幕之賓，雖然都可能係好意，但呢個時候嘅伊人唔再係果個老白同秋冬都離開後四大皆空嘅羅伊人，秋冬要結婚，伊人都應該要搵自己嘅幸福，我唔希望見到伊人因為心灰意冷又依附向佢靠近嘅男人，女人要自強，唔應該因為失望而隨便付託感情，自己唔幸福，被付託果個人都唔幸福。
。熊青春真係好過份，要舊情復熾可以理解，每個人都有自己嘅美好時光，不過做法實在冇為人著想，雞婆地覺得自己好來就想為他人好去，走去搵羅伊人，矯情假義，說到底係為自己朝秦暮楚去打完場，我會理解熊青春重投楊楊懷抱，佢終於守得雲開，只係做法唔好咁矯扭造作，感情係你情我願，冇所謂兩全其美，我同意兩個人既然已經係冇可能，勉強亦冇幸福。
。海總一個女強人，丈夫係優秀嘅人，但兩個同共工作廿年，最後為感情而選擇工作上放手，聽落有點奇怪，但女人也可以有事業，為情肯喺工作上放生自己丈夫，為佢搵個好公司，又幾新穎嘅想法。
網上見到有人吐糟話獵場講太多感情戲，太少職業技能。。。唉，而家D人好難服侍。。。有個回得好：獵場不只是狭隘的獵頭公司，而是人人所處的社會就是一個獵場，每個人都在掙扎求生也在捕獵，這劇講的不是職場那麼狭隘的東西，而是人性～。。我覺得幾啱聽，其中借獵頭公司運作去講商業道德、人格、三觀，非單純一套職業劇。我記得以前有個師兄同我講，佢話人生就好似一次次嘅圍獵，你捕獵獵物之餘，都係人地嘅獵物，師兄當時係講感情上嘅圍獵，初涉情場嘅我被佢嚇得好驚，完全開動咗拒絕模式，諗番都係陳年舊事。。。
可惜姜偉導演咁用心去寫細節，普遍只求觀能刺激單純娛樂嘅觀眾未必會有心思去研究，變成俾人話收視低，人設崩，劇本反駁。。。
花旗太太生活在花旗國，留意時差，你問我未必即時答到。
發表於 
收視率其實好好，否則湖南衛視唔會一集內容當2集播，拖延時間。另外廣告商數量越黎越多，都證明大家唔信所謂收視率，相信酷云等實時網絡數據。大數據時代，果D收視率系根據全國幾萬個樣本戶的數據算出黎。根本無辦法同酷云呢D以全國所有數字電視機頂盒為基數得出的數據比。何況D戲買收視的醜聞屢見不鮮，收視率早就無咩公信力。
返回列表
