少年成長 今日: 1 | 主題: 16122

積分: 33215

522^#

發表於 09-12-16 22:52 |只看該作者

原帖由 cowkingb 於 09-12-15 11:30 發表
SandraLo,

你好, 尋日先見倒你呢個 topic, 原先想先睇晒所有既 messages 先搵你幫手... 但真係忍唔住啦...

我個仔差唔多 3 歲啦, 未返學之前就好害羞, 唔主動, 返左學之後唔係好左好多咋, d 脾氣重比之前差, 小小 ...

cowkingb :

你先要處理自己的情緒........

依家你覺得難頂, 係因為太多工作冇人幫手, 加埋阿仔成日扭你唔識搞.......

阿仔扭得多咗勁咗我諗你都明部份, 除咗搬屋工人走之外, 你太忙, 心情/脾氣差咗, 愈係冇時間陪到佢(玩), 佢愈會做d 嘢引你注意, 佢都有d 身不由己！
因此, 可能的話, 找個part-time頂住一段短時間, 加埋我所講嘅方法, 好快會搞掂.

如你已睇我講個兩個topic, 你會知唔好鬧同打, 用讚+ignore已經夠, 典地係小朋友常用招數, 因知道大人怕, 如佢响屋企典, 咪由得佢, 半句都唔駛話或鬧, 佢知你地不為所動, 唔會哂時間！只要响佢開心冇事冇幹嗰陣讚佢：bb好乖喎冇典地冇大叫, 幾日就會掂.

「一方面唔想自己發脾氣, 另一方面我想自己同個仔冷靜落來先再算」 ~~ 這個做法不是錯但也不是全對, 囝囝係唔會自己冷靜(如你有俾反應佢嘅扭, 包括打, 鬧, 話, 勸呢d ), 但當你走入房, 佢响門口吵鬧, 你要預自己頂到起碼45min先好咁做, 因佢重扭緊你走出來就變成佢扭嬴, i.e.佢以為扭可以令你改變！你嘅情況最佳方做法係要俾佢知佢扭係冇用, 因此你要正面面對, 陪住佢但ignore佢扭, 做得到嘅話, 唔駛一星期就掂！

瞓覺方面, 响bb房置張摺床俾你陪佢, 等佢慢慢習慣番响自己房瞓, 切忌發脾氣就俾, 咁做即係教佢用發脾氣嚟要求, 如你自知鬥佢唔過, 就情願佢「話」「要」你就俾, 而千祈唔好等佢發脾氣你先聽佢！
查實有d 媽咪好鍾意同bb 瞓, 你當然可以選擇你鍾意嘅方式, 但長遠如你唔想佢去你房瞓, 就唔好俾佢慣咗, 因三更半夜你好難由得佢喊嘈住人, 所以最好一開始就唔好咁！

私人傳訊

積分: 33215

523^#

發表於 09-12-16 23:06 |只看該作者

原帖由 agnesyp 於 09-12-15 16:31 發表
如果是扭抱的話, 很多時我們會就範(因為不算太多)
有時回家經過屋苑的遊樂場, 他會自己走去. 但一邊走一邊回頭看我們的反應(笑笑口).我們通常會笑著大搖頭, 大部分時間他會回來, 但不知可以乖多久呢.

很多時會摔開媽媽的手, 自己走, 媽媽會不斷和他角力(我的原則是只有屋苑內可以放手), 總之不放手(可能有時乾脆抱起他)

今天媽媽想走的時候, 他想去玩具反鬥城, 媽媽一開始用力拖他走, 他先跪在地上之後躺下, 媽媽沒有罵他, 只是站在一旁, 他的好處在' 不太堅持'(可能是壞處)
見機就拖他走. ...

agnesyp :

「如果是扭抱的話, 很多時我們會就範」 ~~ 佢「叫」你抱你就抱係冇問題, (佢唔叫你都會抱啦) 但「扭」乜都最好唔好俾, 咪佢乜都同你扭一餐.

「經過屋苑的遊樂場......」~~ 得咪話得, 同佢開開心心去玩囉, 唔得就同佢講因XX所以唔去, 要言出必行, 佢會learn的, 忌拖拖拉拉, 又得又唔得咁, 佢就會用扭去衝擊吓.

「媽媽沒有罵他, 只是站在一旁」 ~~ 他沒堅持的原因, 應該是他很少扭得嬴, 因此他暫時不會哂時間去打冇把握的仗！

私人傳訊

積分: 33215

524^#

發表於 09-12-16 23:08 |只看該作者

irenelsy :

明續！

私人傳訊

積分: 1426

525^#

發表於 09-12-16 23:38 |只看該作者

Sandra Lo,

辛苦了! 我會等, 先謝謝.

私人傳訊

美幸子

積分: 1085

526^#

發表於 09-12-16 23:59 |只看該作者

SandraLo:
hi,其實你兩個貼我都有睇架,只係唔知係其他小朋友唔肯同佢分享玩具的時間,我應該用咩方法可以令阿 B開心 d,我試過帶佢離開果個小朋友到另一邊玩,但佢又會自己走番過去果個小朋友果度,我去阻止只會令佢更加唔開心,但唔阻止,果 d小朋友又會推開阿B,試過有d 小朋友仲好惡咁鬧阿B,所以我想問下呢個時候我除左同阿B離開個公園,會唔會仲有其他方法可以試下令阿B唔再堅持想玩人地的玩具 ?

私人傳訊

cowkingb

積分: 3183

527^#

發表於 09-12-17 13:03 |只看該作者

原帖由 SandraLo 於 09-12-16 22:52 發表

cowkingb :

你先要處理自己的情緒........

依家你覺得難頂, 係因為太多工作冇人幫手, 加埋阿仔成日扭你唔識搞.......

阿仔扭得多咗勁咗我諗你都明部份, 除咗搬屋工人走之外, 你太忙, 心情/脾氣差咗, 愈係冇時間 ...

Sandra, Sandra, 唔該晒你呀, 都想報喜 tim... 我個仔自第一日肯入自己房食夜奶, 我跟住就 keep 住到尋晚都係咁, 尋晚係第 3 日啦, 重要係佢自己話要入 pooh pooh (我個仔間房主要既 decoration 係 pooh pooh) 房食奶奶. 我好開心, 跟住就同佢講, 乖仔啦, mammy 會好似尋日咁, 間唔中入來睇下你, 好唔好? 我個仔跟住就點頭.

兩日前我都開始要個仔入返自己房瞓. 佢一開初唔肯, 話驚 pooh pooh....我話 mammy 陪你到你瞓著, 所以唔使驚. 初頭都驚唔 work 架, 因為我老公見個仔扭就想心軟, 我話唔可以, 除非佢想呢幾年都瞓廳啦... 我跟住就坐0係阿仔床邊, 佢都有間中偷望我唔肯瞓, 咁我就話, '拿', 你唔瞓 mammy 出廳架啦, 咁我個仔擰頭, 跟住就會合眼, 5 至 10分鐘就瞓著左啦, 半夜呢兩晚都無醒 (touch wood).... 不過我唔知成日話 mammy 出去架啦 / 行開架啦會唔會另個仔無安全感, 更加要 chi 住我... 會唔會呢? 我咁講係唔係唔啱呀?

重有我老公, 我個仔成日都話 no daddy, 又推開我老公, 攪倒我老公唔開心. 我老公工作好忙, 特別係呢段無工人既時間, 佢返到屋企就要接手做家務, 所以更加無親子時間. 我叫我老公比多 d 時間去同個仔玩, 如果我個仔肯同我老公玩, 都係玩既時候唧, 要換片呀換衫呀都係話 no daddy 係咁喊... 咁點好呢? 我都有機會會開下 ot 或者出街, 我唔可以 24 hrs 全程陪倒個仔... 更加新工人今晚就到啦... 我可以點處理呀? 點同個仔講好呢?

至於典地, 我會聽你講0係屋企由得佢典, 唔行開, 咁0係街好唔好都由得佢典呢? 定係0係街就同佢講道理? 我老公通常個仔典幾下就會抱起佢... 咁個仔會唔會覺得佢 win 左架?

係架, 我真係要處理好自己既情緒問題, 真係唔想鬧同打.... 因為跟住我自己都會好唔開心, 會喊同內疚. 我老公叫我唔好迫得自己咁緊, 佢放工會接手做家務, 同 d 嘢做唔晒可以第 2 日做.... 但佢係咁講, 自己又執嘢執到夜一夜, 我邊忍心 kiu 埋雙手? 不過我都知我真係要 adjust 一下自己, 我好驚同個仔既關係攪得唔好.......

謝謝你呀.... between, 你睇完醫生無事嗎? 希望一切安好...

私人傳訊

積分: 33215

528^#

發表於 09-12-17 18:02 |只看該作者

原帖由 irenelsy 於 09-12-16 00:14 發表
唔好意思好長, 但我希望讓你了解多些.
這件事後，　我睇到你既ＰＯＳＴ，　我就用ｅｎｃｏｕｒａｇｅ既方法，　每天都讚佢，無貪心, 有信用; 真係好work,; 上星期佢話比我聽, 本來佢見到同學一條好靚的繩, 本來好想取, 但想起唔可以近魔鬼, 佢就無取. ...

irenelsy :

我睇你寫出嚟嘅處理方法, 完全冇問題.........
呢幾個可能性, 你睇吓邊樣似d……….
有d 小朋友較遲熟, 未完全明乜嘢叫做偷, 响屋企慣咗有乜事都可以用句sorry擺平, 未有須要正式咁去諗對錯, 就好似有d 小朋友上小一唔明默書係乜, 照攞本書出嚟睇住默一樣！另一類係IQ超高, 知你冇佢辦法, 鍾意就攞咗先算！佢情緒或者學習上有冇d 乜嘢問題？有冇覺得佢控制唔到或唔想控制自己？

[ 本帖最後由 SandraLo 於 09-12-17 18:03 編輯 ]

私人傳訊

積分: 33215

529^#

發表於 09-12-17 22:42 |只看該作者

原帖由 美幸子 於 09-12-16 23:59 發表
SandraLo:
hi,其實你兩個貼我都有睇架,只係唔知係其他小朋友唔肯同佢分享玩具的時間,我應該用咩方法可以令阿 B開心 d,我試過帶佢離開果個小朋友到另一邊玩,但佢又會自己走番過去果個小朋友果度,我去阻止只會令佢更 ...

美幸子 :

歲半大嘅小朋友係未會明人地可以選擇唔同佢玩.......
呢個亦係唔好堅持要佢同人分享玩具嘅原因之一, 因大人細路响玩上面都有自己嘅選擇權, 佢冇做錯, 唔同佢玩嘅小朋友亦冇錯(除非出手打人), 所以只能教佢「尊重別人的決定」, 但歲半又点會明？現在唯有等佢俾人拒絕, 你再去安撫一下, 記得唔好用「要佢走」嚟罸佢, 因呢樣唔係「壞行為」, 毋須矯正！

私人傳訊

積分: 33215

530^#

發表於 09-12-17 22:44 |只看該作者

原帖由 cowkingb 於 09-12-17 13:03 發表

Sandra, Sandra, 唔該晒你呀, 都想報喜 tim... 我個仔自第一日肯入自己房食夜奶, 我跟住就 keep 住到尋晚都係咁, 尋晚係第 3 日啦, 重要係佢自己話要入 pooh pooh (我個仔間房主要既 decoration 係 pooh pooh) 房 ...

cowkingb :

謝謝關心, 只係喉嚨及氣管敏感成日咳......
明天答你啦！

私人傳訊

積分: 1426

531^#

發表於 09-12-17 22:58 |只看該作者

Hi, Sandra,
有D唔識答, 佢應該知偷係唔啱, 因為佢知后果會趕出校和比人拉, 我又用過故事同佢講, 如果因為貪心, 而偷左人既野, 可能個樣野對人好重要.
佢係唔係控制唔到? 我唔知, 佢曾經講過, 有時佢會近天使多D, 有時近魔鬼多D; 但就無話過控制唔到自己.
佢絶對聰明, 佢好識講返D啱既野比我聽,, 例如佢會話 ”每日我地都打杖, 要WIN SATAN”, Maybe this was taught by children church.
有時又好識DUM我, always say “I love you Mom”.
不過佢絶對唔係缺乏, 好似上次件事後, 嫲嫲就同佢講, 只要一星期飲曬帶返學校D水 (佢成日唔飲水), 就買彩紙比佢, 結果嫲嫲就買了12色彩紙比佢, 但佢都會去取班房彩紙, 問佢點解, 佢話個兩色佢無. 但有時佢又願意送D彩紙比同學.
我唔知我係唔係問佢太多OPEN QUESTIONS, 佢唔識答, 有時我問佢點解要咁做, 佢會望著我, 唔出聲, 或者好似諗緊野咁.
死啦!我覺得唔係好知佢唸MUG, 佢得7歲, 我就唔明佢, 我最擔心SHARE唔到佢心裡面既野.

私人傳訊

積分: 1426

532^#

發表於 09-12-17 23:23 |只看該作者

另外, 從第三者睇我之前教佢既方法, 我妹同妹夫同我講過, 我女係超活躍 (not negative side), 只係我地成日禁住佢, 佢唔敢. 例如我唔比佢食french fries, 當佢同我妹出街時, 佢會同我妹講, 佢無咳, 所以可以食. 又或者諗好多原因或藉口, 可以得到佢想既野, 但又唔直接違返我地既order; 所以我妹夫話佢轉數快. That’s why my sister comment our teaching twist her natural character and push her to another side.
我真係好擔心! Sandra, 希望你可以教我, 應該未遲架, 係未?

私人傳訊

積分: 1426

533^#

發表於 09-12-18 18:32 |只看該作者

Sandra Lo,

唔好意思, 我先update 你現在的情況. 今年見了家長,
老師都覺得這事嚴重, 所以向我了解情況.
我也告訴老師, 你說的可能性.
老師覺得我女是知道對錯的, 如果以前一直無發生過, 應該唔係心理問題, 或控制唔到. 佢認為我女可能覺得只要佢做錯, 肯認錯就無事, 所以唔識驚.
所以佢提議下午停佢4節課, 讓佢知道真係有後果, 然後同佢訂一個行為表, 只要佢個日誠實和尊重他人物品(positive of not stealing), 但我仲要事先說明會檢查佢書包, OK既就有一個貼紙. 然後再看進展.
但剛剛嫲嫲告訴我, 我女唔驚, 只係話老師話如果佢再犯就無書讀. 佢無哭或表現好担心.
唔通佢真係唔驚? 我好驚佢好快會再犯, 請幫幫我, 謝謝

私人傳訊

美幸子

積分: 1085

534^#

發表於 09-12-18 19:06 |只看該作者

SandraLo:
hi,你好呀,我知道啦 !我以後唔會再勉強阿 B架啦 !謝謝你!

私人傳訊

積分: 33215

535^#

發表於 09-12-18 23:19 |只看該作者

原帖由 irenelsy 於 09-12-18 18:32 發表
Sandra Lo,
唔好意思, 我先update 你現在的情況. 今年見了家長,
老師都覺得這事嚴重, 所以向我了解情況.
我也告訴老師, 你說的可能性.
老師覺得我女是知道對錯的, 如果以前一直無發生過, 應該唔係心理問題, 或控 ...

irenelsy :

你唔駛咁担心......
依家你同學校所用嘅方法同方向大致都正確 (但我唔讚停課), 用行為獎勵已經係最好嘅做法, 嚇佢要佢驚反而唔正面同有後遺症...... 其實學校有冇社工可以幫手跟進或者做d 輔導呢？始終老師唔係呢一「瓣」！
我想知你同囡囡講点解唔好偷嘢時, 有冇講埋「別人的感覺」呢？即係如佢自己鍾意嘅嘢俾人偷咗佢會點呢？又或者呢個世界個個都鍾意人地d 嘢就攞咗先, 咁會点呢？而佢点反應？另想問佢多唔多朋友仔, 易唔易同人make friend ?
「我最擔心SHARE唔到佢心裡面既野」~~ 平日你地多唔多嘢傾？有冇講故事/傾計時間？

私人傳訊

積分: 1426

536^#

發表於 09-12-19 00:06 |只看該作者

同佢講人地感受時, 佢答我明, 但我唔係好覺得佢related到. 佢一年級時無朋友, 因為佢做野好慢, 同學唔鐘意(因為佢D同學較快, 佢係讀直資學校,D同學仔的確醒), 佢曾經為此哭過. 但二年班, 佢開始有朋友, 有唔同小圈子．佢地好鐘意講邊個係邊個手下.
其實我有同佢傾計, 不過通常星期六,日; 故事書都係六,日先睇, 因為平時我地放工,對完佢D功課已經9點多. 而且嫲嫲好緊張佢唔夠訓，　我地同嫲嫲爺爺住. 不過我每日未放工, 5點多都會先打電話比佢, 講兩句.
我會叫學校試下揾社工幫手, 不過可能要排隊.
我而家應該點再同佢傾好呢? 話比佢聽有後果, 定係同佢再講人地既感受?我有D企左係度,只係識得驚, 佢犯事, 我仲驚過佢, 點算? 老公只係叫我要信神會TAKE CARE, 但我地都要做D野架?

私人傳訊

welovefung

洋房

積分: 89

537^#

發表於 09-12-19 11:08 |只看該作者

原帖由 SandraLo 於 09-12-16 22:52 發表

cowkingb :

你先要處理自己的情緒........

依家你覺得難頂, 係因為太多工作冇人幫手, 加埋阿仔成日扭你唔識搞.......

阿仔扭得多咗勁咗我諗你都明部份, 除咗搬屋工人走之外, 你太忙, 心情/脾氣差咗, 愈係冇時間 ...

Dear Sandra,

您的回覆周不時都有提到"陪住佢但ignore佢扭"呢一點, 但我真係唔明其間我應該係點 (eg. 坐响度望住佢?)

私人傳訊

積分: 33215

538^#

發表於 09-12-19 18:00 |只看該作者

原帖由 irenelsy 於 09-12-19 00:06 發表
同佢講人地感受時, 佢答我明, 但我唔係好覺得佢related到. 佢一年級時無朋友, 因為佢做野好慢, 同學唔鐘意(因為佢D同學較快, 佢係讀直資學校,D同學仔的確醒), 佢曾經為此哭過. 但二年班, 佢開始有朋友, 有唔同小圈子 ...

irenelsy :

查實依家你除咗同佢多d 玩同傾計之外, 暫時只能觀望佢响學校嘅情況……同祈禱！
你盡量爭取揾學校個社工幫佢, 因佢地点都pro過老師, 多數處理到好d, 而如果你囡囡係嗰種比較「少理人地感受」嘅人, 社工都可以輔導埋, 有乜新發展再講我知啦！

私人傳訊

積分: 33215

539^#

發表於 09-12-19 22:23 |只看該作者

原帖由 welovefung 於 09-12-19 11:08 發表

Dear Sandra,

您的回覆周不時都有提到"陪住佢但ignore佢扭"呢一點, 但我真係唔明其間我應該係點 (eg. 坐响度望住佢?)

welovefung :

對呀, 坐响度望住佢......
唔好鬧、打、嬲、怒目而視, 因就算初初佢驚你嬲, 慢慢大咗都會慣咗唔再驚, 重會學咗咁對人, 以為咁可以解決問題, 亦唔好安撫、轉移注意, 即係氹、俾代替品, 助長佢有乜嘢都扭咗先, 等你俾offer佢！

私人傳訊