一個人要照顧一個幼童,一個嬰兒,仲要打理一頭家,真係好辛苦.先唔好講兩隻貓要照顧先,要清潔都唔少野啦,個個大人就話,有小朋友又係另一回事.
成日困住貓貓,理唔到佢地好,定幫佢地搵到另一個可以照顧到佢地既家,邊樣對佢地好呢,叫一哥諗一諗~
原帖由 pinkyhsy 於 10-4-15 01:06 發表 
係咪我唔啱???
係, 兩隻貓都係我鍾意一哥先買佢返黎嘅!
係, 養得佢地就要負責任!
但係我真係頂唔順嘛~~~~一日到黑已經要招呼我兩個可愛嘅小天使, 24小時on call, 大個個日日7點幾起身, 梳洗刷牙換衫早餐返學, 跟手買餸煮飯, 吸塵拖地左抹右抹, 之後就要接放學, 食飯興趣班, 陪瞓做功課, 煮飯洗涼, 開飯飯後果, 仲未計中間個d解答問題, 心理治療, 突發事件, 遊戲時間, 閱讀時間, 直到10點瞓覺為止.
細個個, 日頭3個鐘唔夠一餐奶, 半夜2個鐘一餐奶, 陪玩陪食陪瞓, 沖涼換片護膚, 而家6個月開始食野, 又要加多一餐粥, 飯後果, 食飽又要洗洗抹抹....無開始無終止.
兩隻貓, 貓毛日日吸, 一個星期總有一兩日嘔水/毛, 飲飲食食, 大小二便, 大個個想瞓時, 隻貓叫兩聲又顧住玩, 唔瞓, 細個個想時, 隻貓叫兩聲又扭計喊, 就算瞓咗, 隻貓叫下, 即醒...又要貼身照顧.
我真係照顧唔到咁多野, 要求搬走兩隻貓係咪好過份先!
咁唔要兩隻貓定唔要兩個女先!
定係唔要咗我, 咁咪又keep到女又keep到貓囉!
都養咗佢地5年幾啦, 你估我真係好想咁冷血唔要佢地架, 咁我真係照顧唔黎啦嘛, 可以點先, 想放慧慧係地爬又唔得, 怕佢攞d貓沙放入口, 又怕貓d嘔野同屎會整到佢, 我而家要照顧兩個人仔呀, 唔係一對一啦, 顧得左唔顧得右, 仲要顧埋上下....而家同人講話骨肉分離, 搞到我好似好冷血咁唔要佢地! 我都有感情架, 咁唔通放佢地係度, 隔住佢地, 唔理佢地, 淨係比佢食同痾咁對佢地叫好咩?????
錢多錢少，够吃就好。人醜人美，顺眼就好。
人老人少，健康就好。家窮家富，和氣就好。
老公晚歸，回來就好。老婆唠叨，顧家就好。
孩子從小，就要教好。博士也好，賣菜也好。
長大以后，乖乖就好。房屋大小，能住就好。
老板不好，能忍就好。一切烦惱，能解就好。
堅持執着，放下最好。人的一生，平安就好。
發表於 
返回列表
