大仔大女媽媽會 今日: 0 | 主題: 177861

積分: 401

523^#

發表於 06-2-17 20:33 |只看該作者

Re: 傾下講下一樂也

叮鈴:

不要怕, 只要信, 邪靈, 豈敢攪"我地"?!

我今日去左柏麗灣(即馬灣)既會所游水, 好正, 因為我同伴x太既6299住果度, 佢可以帶我入去, 如無意外, 我地逢fri都會相約入去游, 因為橫掂都要入馬灣...我剪髮既其中一個原因就係想keep下游水, 以表決心, 所以..剪就剪吧...

很久沒游了, 游了十個"塘", (每次之間break好耐果隻!), 已經好夠, 希望可慢慢加上去, 慢慢break少d...咁....瘦身就有d希望喇!

游完出來頭腦好清醒, 雖有些累....(依家係勁累).....但感覺好好!

私人傳訊

積分: 401

524^#

發表於 06-2-17 21:19 |只看該作者

Re: 傾下講下一樂也

很累很累....我剛將去年korea d相 load左上網既album度....叮鈴我send左去你既blog....你快d睇下睇唔睇到.....

如果唔係咁累....我會好俾心機整多d...加埋music, 好有意境...不過唔得喇.....今天到此為止...

9點幾就想訓喇....雙腳發酸發軟...明天又要晨早起來阿女去swim class...

私人傳訊

積分: 110

525^#

發表於 06-2-18 10:58 |只看該作者

Re: 傾下講下一樂也

叮鈴:
我都同意你講法, 但醫生話而家有呢個方法預防, 我見個仔一路差, 表面唔係咳好多, 但係長年累月, 佢d朋友仔都食左一年, 全年無請過病假, 幾個醫生都講, 我個仔個case唔理就會變哮喘, 變左就難反轉頭斷尾, 我用食療湯水, 炖品(氣管哮喘有效)方法都成年, 如果要變成哮喘, 最後一著我會俾佢食預防藥, 不過今日睇多一個醫生作決定.

[quote]
叮鈴寫道:
係唔係大腦記左對某些外來物如毛、花粉、風寒呀等等野入侵身體時，便會產生哮喘過敏反應。
之但係，食藥左止個腦叫身體作出li種反應，於是，長期咁阻止，搞到個腦唔記得左要有過敏反應？？

不過，咁樣...長期吃藥唔會有副作用嗎？好像.........是否也是另一種冒險...？ :lol: [quote]

私人傳訊

積分: 110

526^#

發表於 06-2-18 11:04 |只看該作者

Re: 傾下講下一樂也

蕭遙,

我都好中意游水, 係最舒服的運動, 阿女邊度學呀, 我都要俾仔學, 但唔知搵邊個陪仔去學... 游水對佢肺.氣管都有益. 做阿媽忙極都唔完, 我個腦日日都有野要安排?! 係咪5仔更甚? 尋日阿仔好開心返學, 又要諗佢個病... 昨晚去左睇100元eason演唱會, n年無睇concert, 我都唔識佢d新歌, 舊果d又無唱, 但感覺都好好.

私人傳訊

叮鈴

大宅

積分: 2525

527^#

發表於 06-2-18 12:09 |只看該作者

Re: 傾下講下一樂也

keogh
你仔仔係唔係鼻涕倒流引致咳？？
我仔仔兩歲開始返學，就係咁病，我唔識點理佢，睇左幾個西醫，俾左好多抗生素佢吃，搞到身體好差好虛，成日夜晚流淡汗，導致間唔中都會咳下，跟住有鼻涕倒流，跟住就開始咳咳咳.....吃藥都不成，中醫開d止咳中藥無效....我話懷疑佢係鼻涕倒流引致咳，個醫生話唔係.....(結果其實係...，搞到延誤醫治)。

跟住，我想買廣告賣的林淦x的兒童頑咳清，上網搵了資料。直接打了個電話去林公司，果真有li個人，我係電話度問佢頑咳清隻藥，佢問我阿仔的病情，我講左大概情況，咁佢話係鼻炎引致....於是我帶阿仔去俾佢睇，吃了兩星期藥，果真有好轉，但係，一返學吹一吹又黎過，因為佢間公司係尖沙咀，太遠，無法經常去.......阿仔經常感冒，於是要經常停藥，仲停埋學.....佢話佢d藥絕無副作用，仲會令小孩聰明左...，

後來，因為阿仔成日唔知係唔係感冒，他那兒太遠，藥又好貴.....轉了屋企樓下一個中醫，吃了將近一個月中藥，鼻竇炎止了，晚上也沒有再因鼻涕倒流咳，但.....他的慢性鼻炎(鼻敏感)就.....即係，每逢有少許冷親著涼之類，個鼻就會俾一般人難好.......所以要搞好佢的抵抗力。

之後，每逢轉季入秋，他個鼻就容易翻發，少少著涼...晚上會有幾聲咳......之後bk有家長教我用鼻專用的生理鹽水噴鼻。加埋醫感冒(阿仔體虛，唔受得西藥..)，果真有效，佢地話對預防哮喘及鼻炎翻發都有效，而且，最好是快轉季時開始每晚臨睡前噴幾下咁。

仲有，又見其它bk媽咪介紹吃冬蟲草(對鼻敏感、哮喘有效)，連幾個中醫都建議，咁，我買左位元x的盒裝膠囊，當時三百多元鬆d..(而加加左價)，就可以俾阿仔食好耐，又方便，較買一條條的平好多，放在暖水或湯度混和吃都得。但正感冒時就唔好食。
聽說真的好見效。....我阿仔在斷了鼻竇炎後就食即食燕窩，食左半年，.....跟住吃了好短時間冬蟲草...

而加見佢有少許"黑坎"，清痰聲，就知道佢可能又係有風寒之類，就會給他吃林淦x給我們的看門口的感冒藥，佢話佢d藥絕無副作用，就算搞錯左唔係感冒都唔會食左有事，咁，我地就咁.....捱到而加兩年幾，佢只係有少許著涼或惹感冒時，個鼻先會發作，小心醫佢個感冒，好快就會好返....個鼻也會無事..

而加我都無俾佢吃補品，除左間唔中吃含dha的魚油外...

佢身體好過我呢......

如果你阿仔因感冒咳，醫斷尾d感冒，好好照料佢唔好冷親焗親，通常唔會咳好耐。

我阿仔兩歲時都連續每天間唔中咳了個多月......鼻炎時每晚咳...都持續咳了四個月.....全都是因鼻涕倒流引致....佢而加無哮喘呢.....

我bb時都有哮喘，阿媽話佢以前煲椰子+雞我吃吃斷尾喎...唔知係真唔係，但每個人體質不同，如果有感冒吃了雞就弊了.....

你試下俾佢吃冬蟲草丫....

私人傳訊

積分: 110

528^#

發表於 06-2-18 12:47 |只看該作者

Re: 傾下講下一樂也

叮鈴:
係鼻涕倒流引致

所以佢成日突然有痰, 又係2歲開始, 佢食西藥無效兼出汗, 出汗仲咳多d, 攝親個肺嘛, 睇過耳鼻喉專科話佢個鼻引起, 但太貴, 個醫生又寸, 要700元睇3次, d藥有效, 但又係體虛, 返學又病(鼻水可以一個月唔停), 所以停埋學用中藥, 止埋汗, 直至夏天無咳.

今年12月再來, d痰2個月唔清 (我估鼻水倒流, 不斷有新的, 難清), 一直睇中醫, 都有好轉, 但晚上會咳, 入黑會咳, 好定時, 今次第一次睇西醫, 就聽到佢透氣聲有問題, 我而家會去我個醫生再問下, 佢好有心機, 但在中環, 所以阿仔好少去.

多謝你的分享, 好有用, 花膠炖鮮奶/川貝炖crocodile我都成日用, 對氣管有效架.

另, "之後bk有家長教我用鼻專用的生理鹽水噴鼻。加埋醫感冒(阿仔體虛，唔受得西藥..)"
係咪d鹽水醫感冒??

私人傳訊

積分: 401

529^#

發表於 06-2-18 23:47 |只看該作者

Re: 傾下講下一樂也

柴可夫斯基人知多少

如有興趣, 我可問下機構有無半價票.

私人傳訊

積分: 110

530^#

發表於 06-2-20 10:26 |只看該作者

Re: 傾下講下一樂也

[size=medium]?????

蕭遙寫道:
柴可夫斯基人知多少

如有興趣, 我可問下機構有無半價票.

私人傳訊

積分: 110

531^#

發表於 06-2-20 10:31 |只看該作者

Re: 傾下講下一樂也

Friday見家長, 可以叫老師講d老實話, 負面都得, 可能有d老師唔敢講, 怕得罪家長?! 阿仔而家都習慣左寫字, 見佢上周開始一日三行, 都好happy. 工人又話見佢sat上外籍老師英文班仲主動答問題 (幾人小組佢投入d).

私人傳訊

積分: 110

532^#

發表於 06-2-20 12:48 |只看該作者

Re: 傾下講下一樂也

又回暖, 我前幾日作病, 今日淨番鼻塞, 今日天氣咁好, 好想去玩, 但又係坐在公司對住部腦, 發毛... 好彩旁邊有個窗, 見到全是玻璃大廈, 都反映到個藍天, 空氣咁差, 好少有藍天...

私人傳訊

積分: 110

533^#

發表於 06-2-20 12:50 |只看該作者

Re: 傾下講下一樂也

蕭遙,
唔知我有無機會住馬灣(去都未有機會去), 好想住無車的地方, 成日見到個天, 當年建築期時我已覺得好自成一角, 啱我.

私人傳訊

積分: 110

534^#

發表於 06-2-20 12:53 |只看該作者

Re: 傾下講下一樂也

半價好呀! 我想睇呀, 係咪大小同價?

蕭遙寫道:
柴可夫斯基人知多少

如有興趣, 我可問下機構有無半價票.

私人傳訊

積分: 401

535^#

發表於 06-2-20 17:22 |只看該作者

Re: 傾下講下一樂也

keogh:

我問左violin老師, 佢可以攞大人半價票, 數目不限, 小朋友本身已經半價就無得再折...你confirm數量&邊場便可..不過唔記得問佢d位靚唔靚...

私人傳訊