Re: 十四草場, 靚靚四十, 忙裡偷閒訴心聲
今日係我生髮療程試做嘅最後一次,
本來都有啲猶豫究竟継唔継續,
一星期3次, 每月$3,600 都係一個唔易配合嘅生髮方法,
but個 事頭婆幫我決定咗。
佢用部機駁住個tv 掃住我個頭頂,
個畫面係show住我頭皮嘅生髮情況
以下係我同佢嘅對話 (我要聲明我係用非常溫和嘅語氣同佢講, 嗰度有幾個客喺樹, 我OL look, 要保持型象)
樹 : 嗱, 哩度啲頭髮咁...頭頂小啲.....有啲毛毛出緊嚟......哩度梳啲, 你嘅情況都要做多幾個月啲毛毛先會生多啲。
40+ : 我額頭同髮際仲甩緊, 係咪要甩到咁上下先會生番啲頭髮...啲髮線係咁向後退....
樹 : 緊係向下生啦, 出緊...
40+: 唔係, 如果髮線向出生我就好開心, 唔駛問......
樹(大聲）: 你有冇睇錯, 我地未做過一個客會做緊甩...
40+ : 唔係呀, 我髮際個暗瘡位, 之前啲髮際係出過哩個位, 但係而家真係啲髮際退到後面......
樹 (更大聲) : 如果你仲甩緊啲頭髮就唔會有啲ｂｂ毛，我話你嘅髮線係生出咗就真, 我要大聲同你講, 唔係啲客聽到你咁講以為我地唔得 (40+ : 其實我係低聲線講, 都知唔方便講咁大聲, 而且我本來都諗住継續做睇吓點), 你叫個醫生, 頭髮專家嚟睇, 佢地都冇我咁清楚, 我連你啲頭髮生咗幾多日都知...............
40+ (忍住度氣) : 咁如果我継續, 揀每月兩次,係咪每個月比錢?
樹 : 你都話啲髮線退, 唔駛做啦......你諗清楚先啦.......
40+ (起身著外套走人),
樹 :我地做咗四年幾，我地啲嘢work, 啲客自然會嚟.........
40+（真係覺得好委屈 :-(，忍住) : 我只係問吓你資詢你嘅睇法, 我冇話你啲嘢唔得, 你唔駛反應咁大好似我講緊你唔掂咁..........其實你地應該可以多啲客, 我覺得你地嘅態度好有問題, 點解你地到而家啲客都唔爆滿, 你地好好檢討吓 (入lift走人)
唉, 都唔知點解會遇到哩啲咁自負,
覺得自己永遠是對的生意人,
今時今日咁嘅服務態度,
就算佢係免費服務都冇理由蠻不講理要人受佢氣,
何況我地要比唔少時間同金錢去幫趁,
就算係啲嘢work都唔一定有"射"自然香,
如果哩個係佢一貫嘅態度, 可以話係自取滅亡,
都無謂代錢入佢袋。 
我係一個都幾八卦嘅人, believe in 因果, 風水命理。有果必有因 。
發表於 
返回列表
