honthont 發表於 16-5-28 00:04 
其實有咩hints 令郡主估到?
之前只是話我信你/感覺認識好耐，純feeling only
郡主查到之前去幫過佢解水軍之圍嘅衛錚係由江左盟派去，而江左盟宗主係梅長蘇，郡主認得衛錚係以前林殊赤羽營嘅左前鋒，佢聽命於梅長蘇，梅長蘇唔會係等閒之輩。另外，早於三稚子對百里奇時，宗主受長公主所托提醒郡主，當時宗主多嘴話郡主從來唔帶侍女，呢點係好私人習慣，冇幾多人知，宗主就算神通廣大，江湖事查得清楚，但宮中事不易清楚，加上穆王府管得嚴，要安插線眼不易，宗主好輕描淡寫提起，實在唔難引起郡主懷疑宗主係舊人。到帶宗主睇屋，宗主偷看後門，過林府門前唔肯入，神情又古古怪怪，佢當時就懷疑宗主身份，仲要黎崇隱居多年，就如皇帝老子都請唔到佢出山，宗主一隻玉蟬叫穆青去請人，宗主被認定同以前在朝舊人有淵源，但因為對字跡發現唔同，郡主都有一刻懷疑自己估錯。係長亭相見，宗主自漏口風，郡主至會認定自己一直以來嘅直覺都冇錯，其實當時宗主都唔忍心再瞞郡主啦。
花旗太太生活在花旗國，留意時差，你問我未必即時答到。
發表於 
返回列表
