吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 婦女醫護› 我有驚恐症 (Part 2) http://panicdisorder.mysinablog. ...

婦女醫護今日: 0|主題: 34321

收藏本版

發帖

返回列表

跳至頁

樓主: 卡樂B薯片

我有驚恐症 (Part 2) http://panicdisorder.mysinablog.com [複製鏈接]

26 272829 30

ka2010

洋房

積分: 97

541^#

發表於 10-8-13 21:34 |只看該作者

我好像都有驚恐症, 7月頭個時有次搭BUS返屋企個時突然覺得自己好暈好想嘔, 之後落車就去睇醫生佢就話我只係可能有少少中暑, 但係睇完之後都好辛苦, 雖然好似好誇張但係真係好艱難先返到去, 一返去可能食左藥就勁訓, 噤到第2朝以為自己冇事啦, 點知突然間又FEEL到自己好暈好唔妥, 到最後忍唔住CALL車入醫院, 睇完都係話我冇事, 之後就出事了, 因為屋企好多時都係得我一個住, 而家自從上次之後就好驚自己獨處, 好驚自己會暈好似會唔知自己做梗咩噤, 而家搞到我出街又有D驚唔敢自己一個去太遠既地方, 每次一發作就覺得自己好無用, 其實我唔知我係咪因為焦慮先搞成噤,因為我好多時咩都扲黎驚一餐, 又唔夠自信, 但係之前係隔一排就冇事, 而且無一種驚到就死噤既感覺, 依家真係好困擾, 唔知點好, 現在只希望靠自己遲D會好番,我見呢度好多人都有噤既情況所以想搵人傾下..

私人傳訊

ryankkw

複式洋房

積分: 150

542^#

發表於 10-11-16 01:44 |只看該作者

好耐冇上黎啦,唔知各位近況點呢??我自己就越來越差了...

私人傳訊

bb1215

大宅

積分: 2622

543^#

發表於 10-11-18 14:59 |只看該作者

hello~
想問下各位,
如果食得藥耐有冇出現下面既情況:
口好dry
視力模糊(eg,上落樓梯好似睇唔清楚梯級)
仲有好多.........

因為問親醫生淨係會話:
你緊張姐,
病情嚴重左,幫你加藥
之類既垃圾答案,但原本已經食緊好多隻藥

有冇人幫下我???

私人傳訊

conniechan35

禁止訪問

積分: 4631

544^#

發表於 10-11-22 22:50 |只看該作者

提示: 作者被禁止或刪除內容自動屏蔽

私人傳訊

chunbb28

民房

積分: 5

545^#

發表於 11-3-14 00:04 |只看該作者

睇完咁多有關驚恐症案例，我對我媽媽既病情加深左了解，因為自去年她有一天突然感到「呼吸困難﹑心跳加速﹑血壓急升﹑手腳麻痺」，多次call白車去到醫院...醫生都找不出主要原因(留院觀察)，好幾次出院唔夠一天又再入院，來來回回眼看老人家每次檢查呢樣檢查果樣，那種辛苦程度真係說不出的難受，更何況她本人!! 期間有個心臟科醫生發覺我媽媽原來先天心臟多了一條血管，說這問題可大可小，聽完之後我媽媽就更加之驚了，情況一發不可收拾，所以我們決定做手術，點知做完手術一樣沒有好轉，最終經朋友介紹去看一名西醫，這才發覺原來我媽媽患上的是「神經衰弱」，經過好幾次覆疹...吃了藥之後好快就再沒有病發了，不過由於這個西醫的收費我們難以長期負擔，所以經介紹信轉去睇政府精神專科，記得第一次那個(陳)醫生十分細心去了解我媽媽既情況，更說她食開的藥當中有一種係會令人上隱，所以嘗試轉過另一種但唔得，點知第2次覆疹既時候陳醫生已經無做，轉左另一個不知所謂既醫生，他竟然鬧我媽:「你知唔知呢種藥好貴架?」態度極差之餘...好像說就算唔得都一定要食晒佢咁，聽完真係火都黎埋，但為左唔想佢難為我媽媽只好忍，現在他再轉過另一種都係一樣唔得，所以無辦法之下我們決定再次去番那個私人醫生睇過.....

私人傳訊

雪梨茶123

伯爵府

積分: 15178

畀面勳章 BK Milk勳章

546^#

發表於 11-3-28 12:12 |只看該作者

本帖最後由雪梨茶123 於 11-3-28 12:32 編輯

E..原來有驚恐症的POST!好開心呀.我重自己發表左一個新的!我最近被醫生段我有驚恐症,其實我開頭係睇頭暈架.10年11,12月開始,開頭失眠先的,成日覺得會唔夠精神照顧個女,但擔心滯,重訓唔到,之後開始頭暈,心驚,抖唔到氣,好似就死咁,驚暈左冇人知,冇人睇住個女,好想CALL白車果D,叫自己冷靜D,當時點解冇事,之後就一路係咁了,當中頭暈係最勁,搞到太遠要搭車的地方唔敢出,近的地方搭的士,之後開始睇中醫,我以為有頭風或坐月唔好,點知一睇成3個月,一點進展都冇,只係心驚,坐立不安,失眠好返D,但頭暈真係日日都搞我,一日裏面會好多次,行起上黎行路輕浮浮,成個人冇晒力,好驚自己有咩大病,之後抽血啦,心電圖,血壓都正常,但我最想係可以X光個腦LO,不過政府果D又唔會無啦啦幫我做,總之最近去睇醫生,佢就話我係有呢個病.佢開左藥比我都唔敢食.因為醫行話開頭會有副作用,同埋有人話我果隻會眼訓,我驚影響到我日常生活,因為從有事之後,我都成日好攰,而家重要眼訓埋,我真係唔知點照顧個女,我果隻血清係Fluoxetine20mg,唔知大家有冇食過?之前有位好姊妹回覆左我,但如果有人食緊,我都想聽更多意見.THANKS!因為我未食,同埋我想問呢個病係咪會好似我咁,成日日暈架?

私人傳訊

yanyanmanman

別墅

積分: 678

547^#

發表於 11-4-6 00:31 |只看該作者

我剛剛睇完醫生,醫生都話我有驚慌症 ,我都想同你們分享一下,都好影響我的工作.

私人傳訊

heytee

禁止訪問

積分: 1275

548^#

發表於 11-7-8 23:41 |只看該作者

提示: 作者被禁止或刪除內容自動屏蔽

私人傳訊

hello仔

別墅

積分: 970

549^#

發表於 11-9-24 23:41 |只看該作者

大家好呀,我有有左驚恐2年幾啦,事發我諗都同大家差唔多,2年幾前既某一日,個排心情好唔舒服,因為有一隻狗陪伴左我10幾年,醫生話佢就快唔得,見到隻狗好辛苦,但又咩都幫佢唔到,咁就日諗夜諗,之後....

有一日同屋企人食食下飯,覺得個人好頭暈,又好似抖唔到氣咁,當時以為自己係血糖低,但本身冇呢D病,但係唔理啦,即刻去飲支可樂先,但頭暈同埋驚恐既感覺越來越勁,個人冇晒力,好彩屋企人學過急救,佢叫我訓低先,等D血1番個腦,再打3條9,但係都係冇用,個人好似冇咩知覺,仲越來越暈,好啦,白2終於到啦,佢地幫我CHECK血糖等等既TESTING,佢話我咩事都冇,叫我自己起身行去樓下上白車,我同佢講我好暈,行唔到,之後又傾左一陣佢地都肯俾我上擔架....

之後去到醫院,又係做晒BODY CHECK,佢話我咩事都冇,叫我出院,我冇計,因為醫生話我冇事,同埋醫院冇晒位,你唔可以留院,而家諗番起,真係好嬲,唔通佢話我扮野,好想訓醫院咩, 跟住好無奈地番左屋企,沖完涼,想訓覺個時,又好頭暈,同埋越來越驚,但又唔知怕咩,總知暈到個人都企唔到起身,跟住又入醫院啦,終於肯俾我留醫,但係到左第2日都話我冇事,又要我番屋企,跟住37,21唔理,即刻去睇私家啦,私家醫生睇晒我D REPORT,跟住同我講,咩都唔洗怕,你唔會死,開左D藥再叫我明天睇多次,之後個人食完藥,好快就訓到覺啦.

當時我頭一年都唔育食藥,因為冇啦啦做咩話我精神有問題,要食埋個D什麼血清素,之後前後再睇左8個醫生(有專科),再加埋自己捱左一年(俾死更難受,個時3個月冇出過街,剩係番工,好彩我係做行街,可以日日話出去見客,所以番左1個鐘左右就BY TAXI番屋企,好啦.....

到左上年某日,冇啦啦,自己暈左係條街到,但係自己清醒,咁岩有同事我係身邊,又入醫院啦,今次終於的起心肝食藥,而家食左接近一年,個人咩事都冇,以為自己好番TIM,但而家個醫生叫我唔好咁快唔食藥,最好食夠2年

最後我想問下大家有冇食開LEXAPRO呀? 因為我而家想生BB(我係男),醫生話最好STOP左藥先諗,因為冇數據話LEXAPRO對BB有冇影響,但最好唔好生住,但係如果你堅持,可以幫我慢慢介藥,同埋我唯一好處就係我係男性,唔係女性,最多等老婆有左BB先食番, ((((真係想問下你地有冇朋友食住藥都生BB呀?)))

唔該晒!!

私人傳訊

hello仔

別墅

積分: 970

550^#

發表於 11-9-24 23:42 |只看該作者

heytee,

咁你而家仲有冇食藥呀?

私人傳訊

hello仔

別墅

積分: 970

551^#

發表於 11-9-24 23:46 |只看該作者

本人意見: 大家記住,有事就要食藥,唔好怕食藥,因為如果你肯食藥,最多都係食幾年,如果你唔食,你呢一生一世都係咁樣過,你願意每天過住這樣的生活嗎?

搵一個有經驗既醫生,對你地既病一定有好大幫助

私人傳訊

蘑菇

伯爵府

積分: 18141

552^#

發表於 11-9-25 14:44 |只看該作者

Hello,

我有驚恐症都成年幾, 食緊血清素(半粒), 同埋keep住睇中醫, 中醫話我係心血不足. 個人覺得食中藥比較見效, 但又不敢貿貿然停西藥. 其實個西醫係要我食每日1粒血清素, 但我有個做護左既朋友建議我不如自己試吓減半粒藥, 因為佢話你自己先最清楚自己既惰況同進展, 醫生只會想你食藥耐d, 等唔好番發. 如果減藥後發覺病情差咗, 即係代表未係時侯減藥, 好好彩, 自己減左藥幾個月, 情況冇差到, 反而好左, 可能我keep住1個星期飲1次中藥. 所以, 希望大家互相鼓勵, 向驚恐症說再見.

*如果發覺有唔舒服同埋驚時, 我會心裡諗經, 會好好多架.

私人傳訊

joannechow1031

大宅

積分: 1953

553^#

發表於 11-9-29 20:47 |只看該作者

大家好, 我唔係驚恐症, 而係depression&anixty disorder, 都係情緒病一種, 其實係我生完bb加上做full time mum太辛苦得到得, 現在已經食咗3個藥, 情緒都ok, 不過有時都會差, 我都係食緊Fluoxetine20mg, 因為我計劃有bb, 所以醫生幫我轉藥, 改為Fluoxetine20mg, 現在年有咗bb, 都keep食, 其實副作用, 都係剛剛頭個月, 之後都會改善, 因為任何情緒病, 都唔可以肯自己能力康復, 希望唔好怕食藥, 當它是維他命, 總之幫到自己是最重要!

私人傳訊

hello仔

別墅

積分: 970

554^#

發表於 11-9-29 23:02 |只看該作者

Joanne, 即係你而家有左BB都照食藥 - Fluoxetine20mg? 醫生話OK咩?

私人傳訊

joannechow1031

大宅

積分: 1953

555^#

發表於 11-10-1 08:45 |只看該作者

DEAR HELLO仔, 其實ok的, 我自己私人精神科醫生同東區醫院精神科醫生都話Fluoxetine 係舊藥, 多d數據顯示係安全, 大部份懷孕女性都係食這隻藥生bb, 我都係plan生bb時才轉食這隻藥! 你可以問吓你的醫生給予意見, 其實好多人(包括男性)都唔駛停藥才生bb, 何況你係男性, 唔須要懷胎10月, 仲唔駛停藥.

私人傳訊

hello仔

別墅

積分: 970

556^#

發表於 11-10-1 23:12 |只看該作者

回覆：joannechow1031 的帖子

Thank you, 但我食緊lexapro 20mg, 醫生叫我最好停左先，因為冇咩數據証明有冇害

私人傳訊

edmond348

民房

積分: 8

557^#

發表於 11-10-3 00:33 |只看該作者

各位好,我女友在中秋節翌日無端全身麻痺,呌氣因難及各樣大家都明白的感覺,因我實在太累唔想打太多字,至今入了4次急症,(兩間醫院),住了6日醫院(兩間),睇過中醫,精神科醫生,知係有了驚恐症,我請了很多假陪住佢,我不停上網找資料,亦有患過此症的朋友傾過,我已很明白這症的情況,自己本身亦算係一個精神幾緊張的人,見到女友這突如其來的變遷及辛苦,我真的很難過,早兩晚睡覺時也有莫明心跳加快的感覺,我意會到自己發生什麼事,但我知自己絕不能有事的,無意中亂找資料見到你們有關驚恐症的留言,本很多問題想請教,但現實太累,希望下次可跟大家傾傾,謝謝意