因為放左2日'催生'藥都唔成功呀!而且照超聲波,BB個身已經有44週,所以星期六中午要'緊急'決定開刀(好在果日有手術室同醫生得閒咋!唔係都唔知要拖到幾時先生lu?)
尤其係餵人奶,大約2個鐘就要餵一次,我尼個'為食衰妹' 又好似食極都唔飽咁,餐前餐後都各要換一次'片',我真係忙到死死下呀!
不過真係幾辛苦架!好在都唔算好痛,因為頭2日做'催生'只係需要放藥丸入陰道,然後等'反應'(宮縮)不過只係可以維持到十至十五分鐘一次冇規律的宮縮,而且陣痛'指數'只係去到一百五十,但係2日以來'下面'一度都開唔到呀! :-( 醫生都話好神奇?未見過有太太陰道咁'貼'架! 所以佢都忍唔住要幫我用手'鬆'幾下幫下我 (好在佢係女醫生咋!咁先冇咁尷尬)... 到左半夜2點幾,BB情況都係一樣,所以要即刻將我連人帶床搬去產房'準備'....唔知點解,到左產房既'產前準備'病房,BB既情況又好轉了,回復一百三十至一百五十,連宮縮都變得有規律!?-( 就係咁,我就'靜靜的'?左一晚.
仲有4點幾kg,醫生問我想唔想開刀? 我話只要'快'就得喇!唔想再拖...所以醫生立即check下有冇醫生得閒同手術室俾我?... 個姑娘都覺得'出奇'? (我同老公都覺得好可惜呀!見証唔到尼個重要時刻 :cry:)
不過之後果2餐因為我要檢查同?係張床度,而且已經禁食左一日,所以姑娘話幫我餵奶粉...點知到左第二朝我想去餵BB時,醫生就話BB發燒要'入箱'接受觀察(一日)...之後醫生話佢有少少感染,要打一個療程7日既針(一日打4支係手背既藥水針位) :-| 因為支針口位綁足7日,成隻手都變成瘀黑色,我見到真係好心痛呀!...為左見佢,我每日都會去佢病房餵足3次奶(早午晚最多3次)不過每次見到佢咁慘,我都好想喊 :cry: 好在尋日終於捱過了,BB已經出左院喇! 希望各位既BB都身体健康,唔駛我地咁擔心喇! ) 我地一齊住係一間房差唔多5日(產後房),我地都係開刀架!各人既情況都唔同,其中一個同我同日放藥既媽咪,就冇我咁好彩,佢放埋第三日既催生藥都係唔得,只係感到強烈既宮縮,但只開了'4度',但佢又有妊娠糖尿,所以醫生唔想佢開刀,到左第4晚先幫佢開刀,足足比我痛多左2日 另外有2個BB都係要入'觀察病房',一個'有黃',一個生得太急(痛左一個鐘就生,子宮急促收縮),BB塊面變成瘀黑色.... 夜晚就由護士用'杯仔'餵奶粉(因為我仲要休息未落得床) 姑娘話如果決定餵人奶,佢地就唔會用奶樽餵,連媽咪餵人奶後要'補奶'都要用杯仔,唔係佢地用左'奶咀頭'就唔想吸乳頭了.... ) 我有時聽其他媽咪講起生BB!搞到我好似親歷其境咁,感覺到佢地當時既痛楚! :cry: 好在我唔駛痛好耐就可以開刀. 有個媽咪'見紅'都要痛足5日先開到7度入產房等生BB呀!另一個'穿水'入產房痛左18個鐘,但都係開到6度咋!BB心跳仲不停下降,最後又要開刀) 
我真係想像唔到呀! 遲D再傾喇!
, 
發表於 
返回列表
