嬰兒醫護 今日: 0 | 主題: 79147

積分: 24044

541^#

發表於 10-7-19 20:46 |只看該作者

NO! 一定要準時, 要整醒BB好簡單, 轉變溫度就OK

原帖由 krk256 於 10-7-19 20:10 發表
Pyjess,

Thanks for your reply,我個仔開始差唔多時間就會肚餓,但有時會瞓多過3個HOURS,好似今日咁,佢4點幾食完奶就瞓,一瞓就瞓到8點幾先起身食奶,中間我7點幾既時候嘗試叫醒佢,但叫極都唔醒,結果瞓多左一個鍾先起 ...

私人傳訊

積分: 24044

542^#

發表於 10-7-19 23:07 |只看該作者

1) 按鑵面指示俾正常奶量佢食, 之前一排食滯左, 但幾日後可能消化力好左/胃大左小小, 要多返多D都唔出奇....由NB到2歲大, BB變化好大, 尤其頭半年, 你不停留意佢O既變化
另外, 我隻B都勁易嘔, 不過原來我都係腸胃好敏感O既人, 所以BB都係咁....我隻B仲要一嘔就嘔晒, 不過我都養得大佢吖, 你唔洗太擔心

2) 定時作息+唔抱瞓, 睇返上面, 你會知點TRAIN; 方法其實係一樣, 不過要睇你心定唔定, 同埋家人肯唔肯配合

3)咁細個B玩30分鐘 + 之前食奶掃風一小時, 已經好攰, 唔可以玩太耐O架, 定時食30分鐘, 掃30分鐘, 玩30分鐘已經係你BB咁細O既極限, 佢攰過頭反而瞓唔到, 會扭計, 所以你一定要俾佢定時"食-玩-瞓"

瞓前要有睡前指定動作, 等佢知到佢要瞓, 要俾"COMFORM ITEM" 佢

如果你SET左時間表, 就唔會有"有時咁, 有時又唔係"O既情況, 當然, 你要花一至兩星期等佢習慣, 而呢段時間, 你要絕對跟時間表做野, 夠鐘俾佢食 - 玩 - 瞓, 唔可以瞓過鐘, NAP一定唔可以多過3小時

4)佢係唔係肚痛, 你睇佢表情動作就知, 肚痛時, 你抱都會痛, 絕對唔會因為你抱就唔痛唔喊, 喊聲似尖叫; 佢如果係準時喊, 其實可能係眼瞓, 但係落唔到下一個CYCLE, 所以一定要俾"COMFORT ITEM"佢, 等佢知道佢可以瞓

5)規則係你定, 唔係由佢話事, 戒夜奶就要12點後唔喊唔餵 + 準時叫醒佢食早餐

原帖由 CSHMaggie 於 10-7-14 19:17 發表
Pyjess,

我都想你比啲意見我!呀囝差不多11星期大,佢啲食奶時間同瞓覺真係令我頭痛!

1) 佢一路都係1日食６歺,4個鐘1次(3.am,7am,11am,3pm,7pm,11pm),食4-4.5oz.到咗第9個礼拜,我開始比5oz佢食.但幾日後,發覺佢嘔啲好 ...

私人傳訊

isa_ty

積分: 11866

畀面勳章環保接龍勳章大廚勳章

543^#

發表於 10-7-20 20:43 |只看該作者

上來報告下先.

bb仲有9日就3個月喇, 我train左佢差不多2星期, 不過我bb做唔到食, 玩, 瞓. 每次食完奶佢都好累, 所以我轉左食, 瞓, 玩.

我bb一日食5餐, 7am, 11am, 3pm, 7pm, 11pm

我set左10:30am同佢沖涼.

每次食奶時間+掃風半小時, 有時快就15分鐘都搞掂, 好多時佢都會瞓著左, 我會盡量整醒佢先放bb落床仔.

開頭train佢個一星期佢nap得唔穩定, 半個鐘-1個鐘就會大喊, 有時拍佢可能瞓得返, 有時唔得, 要抱起佢同佢玩到下一餐, 到左最近佢nap得好左, 小左喊醒, 好多時我都會係食下一餐食奶前一小時叫醒佢.

唔train都唔知原來我bb係咁瞓得, 開頭nap我放佢highchair, 佢成日瞓唔林, 醒左就喊, 同埋唔知佢幾時醒搞到我好忟又乜都做唔到, 而家bb瞓好左, 餐與餐之間有2-2.5hr比我做自己野, 真係好好多.

不過有樣野我bb都係改唔到就係佢都好鐘意人抱(唔係抱瞓), 睇電視都要我地抱住佢, 玩吊飾又要我地係佢隔壁同佢傾住計陪佢玩, 如果唔係佢玩兩玩就喊. 不過比起以前, 我覺得bb已經進步左好多.

真係好多謝pyjess既幫手, 我都教左我b朋友用呢個方法train佢地既bb, 希望大家既bb都有進步, mami有覺好瞓 ^^

私人傳訊

krk256

積分: 361

544^#

發表於 10-7-20 22:05 |只看該作者

Pyjess,

我想問下咁NAP同夜晚瞓覺個睡前SIGNAL或者"CONFORM ITEM"係唔係要唔同?我而家就係佢NAP既時候乜野CONFORM ITEM都唔比,就咁放佢落床,而夜晚就會KISS佢,同佢講"GOODNIGHT",ok ma?

私人傳訊

積分: 24044

545^#

發表於 10-7-20 22:52 |只看該作者

你個BB好叻叻呀!

雖然我明白你有你O既SCHEDULE, 不過可以的話, 慢慢變返做食-玩-瞓, 因為1)BB大DD, 食奶就唔再係全身運動, RAM多左, 無咁易攰, 唔一定會食完就想瞓; 2)反而玩對佢精神同體力消耗多D, 會易攰, 玩完未必有精神食奶; 3)食完即瞓有一定危險

BB鐘意人抱好正常, 佢清醒時, 不防多多地抱~ 抱同食奶同樣重要, 所以OK O架, 抱喇~

原帖由 isa_ty 於 10-7-20 20:43 發表
上來報告下先.

bb仲有9日就3個月喇, 我train左佢差不多2星期, 不過我bb做唔到食, 玩, 瞓. 每次食完奶佢都好累, 所以我轉左食, 瞓, 玩.

我bb一日食5餐, 7am, 11am, 3pm, 7pm, 11pm

我set左10:30am同佢沖涼.

每次 ...

私人傳訊

積分: 24044

546^#

發表於 10-7-20 23:02 |只看該作者

SIGNAL/COMFORT ITEM都要一樣, 佢地唔會太明白唔同O既SIGNAL點解代表同一樣野
俾COMFORT ITEM佢, 係想佢半夜醒時, 攞住COMFORT ITEM就知要瞓, 唔洗喊醒搵你安慰, 正常3歲以下小朋友一晚會自然醒7次....你都唔想佢次次搵你掛? ^V^

原帖由 krk256 於 10-7-20 22:05 發表
Pyjess,

我想問下咁NAP同夜晚瞓覺個睡前SIGNAL或者"CONFORM ITEM"係唔係要唔同?我而家就係佢NAP既時候乜野CONFORM ITEM都唔比,就咁放佢落床,而夜晚就會KISS佢,同佢講"GOODNIGHT",ok ma? ...

私人傳訊

evapecosbb

積分: 10180

547^#

發表於 10-7-21 12:13 |只看該作者

Hi,大家好!
我bb而家2個月大,1個月時開始train佢定時食奶,上個星期五開始train佢自己訓,train左5日,今日佢終於識得自己訓,真係好開心.
佢今朝兩次都係眼訓佢就叫,跟住我幫佢包好包被,鍚啖佢叫佢訓覺,跟住放佢落床仔,佢自己係床仔呆左一陣,跟住就自己合埋眼訓覺,喊都無喊過.
希望真係成功啦,睇住佢呢幾日訓得唔好,又訓得少左,隻眼腫哂又無精神,我差d想放棄.
不過我有少少問題想問,我係全人奶埋身餵.我星期日開始轉左4個鐘餵一次.試左4日,佢又無叫肚餓,夠四個鐘先餵佢又唔係話好肚饑咁會食得好急,我覺得佢4個鐘應該都ok,佢之前成日都食到嘔,反而呢幾日佢轉左4個鐘就無嘔過.
不過2個月咁快4個鐘食一次,會唔會隔得太耐.
佢而家仲未介夜奶,不過佢而家4個鐘先食一次,已經食得6餐,如果介埋夜奶得番5餐,好似少得濟.不過佢尋晚6點食完奶,(食奶時間6-10-14-18-22)7點幾8點訓,因為佢尋日實在訓得太少,所以佢訓過10點都未醒我無叫佢.結果佢訓到12點45分先醒,跟住今朝6點都未醒,於是我6點10分叫醒佢食早餐.結果佢尋日食得5餐.
2個月如果食5餐會唔會太少呢?

私人傳訊

evapecosbb

積分: 10180

548^#

發表於 10-7-21 12:22 |只看該作者

sorry,仲有野問.
因為佢而家4個鐘食一餐,所以我諗住同佢玩兩個鐘,再nap2個鐘,8-10,12-2,4-6,訓前個半鐘8-9:30,跟住起身沖涼.10點食完奶就訓.不過佢好多時食完奶一個鐘就已經好眼訓,好難先可以拖多三個字.
如果而家每個nap2.5-3小時會唔會太多?
2個月大一日訓幾多個鐘?

私人傳訊

krk256

積分: 361

549^#

發表於 10-7-21 19:50 |只看該作者

pyjess,

我想問下當BB滿月之後,我可以點樣調節個時間表?點樣去幫佢戒夜奶?

私人傳訊

krk256

積分: 361

550^#

發表於 10-7-22 15:27 |只看該作者

同埋我想問如果佢夜晚7食奶,咁下一次食奶係10PM,但係佢7點食完奶之後一直唔瞓,到差唔多9點幾就瞓左,咁10點係唔係要叫醒佢食?

私人傳訊

chmi

積分: 330

551^#

發表於 10-8-4 20:22 |只看該作者

夜晚同日頭訓覺既問題

各位經驗媽媽，大家好，我有問題想請教各位︰

BB information: 差唔多3個月 (11週)；食奶時間 ( 07:00 / 11:00 / 15:00 / 19:00 / 23:00)；已戒夜奶4天；每天5餐，每餐180ml (多數都食哂)；通常係10分鐘內食哂，另10分鐘內成功掃風；

以下有兩個問題想請教︰

1.
BB每晚19:00食完奶之後，就會好眼訓，連掃風都係訓緊覺，掃完風之後，我會俾佢半坐係我大脾度訓15-20分鐘，等佢落隔，之後我就會放佢落床自己訓，佢就會大覺訓，到23:00，佢唔會自己醒，我要叫醒佢，再換埋片，佢先至醒醒地，我就餵佢食奶，佢會KEEP住半睡半醒的狀態，係20分鐘內完成食奶同掃風嘅過程，之後我都係俾佢坐係我大脾度訓15-20分鐘，等佢落隔，跟住放落床，佢又會大覺訓……(好似好順利)……問題係，佢每晚訓到2-3點或者3-4點，就會醒一醒，跟住就會EEerer，同埋lam下隻手(我估佢想食手指，但係未識)，如果我唔理，佢就會愈來愈大聲，我怕我再唔理佢會喊醒，所以我通常會俾佢食奶嘴，佢一食就訓……但係隔冇耐就會因為跌左奶嘴而再EEerer，於是我又重覆以上動作……我要重覆幾多次，就睇好唔好彩，睇佢奶嘴跌幾多次……所以，雖然佢話就話戒左夜奶，但係佢仍然唔可以一覺訓天光……
我想問︰係半夜咁既情況，我好唔好比奶嘴佢，如果唔比係咪由得佢喊？仲有，我應該幫佢換片嗎 (我試過唔換片，佢都照食奶嘴訓)？點解bb會起身，但又唔係肚餓？如果我想佢一覺訓天光，應該點做？

2.
另外，佢日頭就同夜晚既情況好唔同，次次都要人抱先肯訓一陣，一放落床就醒，或者喊，有時好彩先可以訓到15 – 30 分鐘，我係咪都可以用pyjess嘅方法去train佢日頭訓覺？其實我琴日同今日都試過train佢訓覺，今日11:00食完奶，我同佢去樓下公園行下，跟住番屋企沖涼，然後放佢落床自己訓，佢勁喊，喊到我都眼濕濕……喊左半個鐘就訓左，點知訓唔夠15分鐘，又醒左，又勁喊，喊到下一餐奶都未喊完……食完15:00餐奶，掃左風，放佢落床自己訓，又勁喊，我終於投降，入去俾奶嘴佢，拍佢，但冇抱佢，最後佢訓著左……
我想問︰我今日算train佢嗎？如果佢喊完訓左，跟住好快醒番，又勁喊，我應該怎樣做？如果我日頭train佢，日頭訓咁多次，咁佢咪要一日喊幾次？

請各位高手教一教我點做好……謝謝！

私人傳訊

isa_ty

積分: 11866

畀面勳章環保接龍勳章大廚勳章

552^#

發表於 10-8-7 22:06 |只看該作者

pyjess,

我要求救呀~~~

我bb3個月1星期喇. 最近發現佢nap得唔係幾穩定, 唔知點解...

原來我家姐之前比左從0歲開始呢本書我, 係我一直唔知, 岩岩今日比我搵左出來, 即刻狂睇, 但有d野唔係好明, 想請教.

書話3個月開始可以唔食最尾晚上餐奶, 連瞓10-11個鐘, 其實我都發現我bb食完7點餐奶之後好摟, 唔知係咪因為想瞓, 但我真係好怕佢咁早瞓會半夜肚餓醒, 所以我都會10:00再餵佢食多次先比佢瞓, 不過就要忍受呢3個鐘佢不斷摟, 喊... 其實我咁做係咪唔岩呢??

書入面又講到, 唔好bb一喊就抱佢, 唉..我bb而家食完奶, 我同佢掃完風, 抱一陣就諗住放佢落大床/high chair等佢自己玩, 但好多時5分鐘佢就會摟/喊, 佢好似唔識自己玩咁, 一定要我地抱住佢.... 佢越來越重, 我手抱到佢好痛... 我而家2公婆都好快食飯因為食完要抱/安撫佢, 好耐未試過安安落落食好一頓飯...

其實如果知佢摟抱, 我唔好抱佢呢? 我好苦惱呀, 請指教...

私人傳訊

ojos

大宅

積分: 1450

553^#

發表於 10-8-9 12:00 |只看該作者

我想請教下, 我BB 40日大, 她現在一日食六餐. 時間表"大約"如下: 0400, 0800, 1100, 1400, 1700, 2000. 我們嘗試在23-2400 比奶佢食, 希望佢會第二朝才起身, 哈哈: 點知佢0400左右一定會起身. 所以我們GIVE UP了.

我BB 最大的問題是, 超級扭抱, 日間瞓得唔好. 基本上係佢瞓著之前, 佢都要有人抱住佢. 一放佢落HIGH CHAIR/BABY COT, 佢瞓10/15分鐘就喊. 我地未滿月時試過唔理佢, 有佢喊, 但最後朋友們話BB無安全感, 我地應該回應佢的要求, 抱多D, 但到現在好似都無改善過. 唔知有咩方法可以幫到我BB, 總之佢一定要有人抱佢 (除了瞓到死豬仔一樣).

私人傳訊

ojos

大宅

積分: 1450

554^#

發表於 10-8-9 12:04 |只看該作者

SIGH... 我同妳一樣. 好彩我有工人同我地輪住食飯, 輪住抱. 我的BB 又係唔識同自己玩, 一定要好似隻掛爐鴨一樣全程掛係身上面. U__U

原帖由 isa_ty 於 10-8-7 22:06 發表
pyjess,

我要求救呀~~~

我bb3個月1星期喇. 最近發現佢nap得唔係幾穩定, 唔知點解...

原來我家姐之前比左從0歲開始呢本書我, 係我一直唔知, 岩岩今日比我搵左出來, 即刻狂睇, 但有d野唔係好明, 想請教.

書話3個月 ...

私人傳訊

chantszling

積分: 292

555^#

發表於 10-8-17 12:44 |只看該作者

pyjess,
我想問, 我bb依家先得4個星期大, 因為我就黎放完產假, 所以都想0係我放完假前train到佢食,玩,訓啊, 但咁細個可唔可前咁早train呢? 如果可以, 你可唔可以幫我整個時間表啊. 我想食係:-
3am
7am
11am
3pm
7pm
11pm
謝謝你的幫忙.

私人傳訊

積分: 24044

556^#

發表於 10-8-21 23:52 |只看該作者

evapecosbb, krk256, chmi, isa_ty, ojos, chantszling, 還有PM我的朋友, 我想你們問的問題, 在過去5個月中, 已有不同媽咪解答過, 也有很多媽咪試過, 成功過失敗過, 然後我們替她們找出原因...
請看之前的POST, 不要浪費她們給你的親身經歷, 那不單是一個答案, 也是一種支持你們走下去的動力唷

我們過去所說的例子/辦法, 包含了由0個月至19個月(我BB而在仍用同一套方法); 也包含了以下範疇

0-6星期作息
6星期大後TRAINING
如何定作息時間表
一般戒夜奶方法
半夜喊醒要吃奶才睡的解決方法
半夜喊醒要抱才睡的解決方法
午間小睡
不抱不睡的解決方法
同床睡的危險
建立親子關係
夫婦之間, 父子/女之間, 母子/女之間獨處時間
與家人溝通管教方法/作息時間/讓BB自己瞓
幫BB建立安全感
扭抱的解決方法
使用COMFORT ITEM
管教BB / 小朋友 (無論你是否同意我的方法, 我只能說, 對我隻B很有效)

我明白五百幾個POST好難搵到自己想要的資料, 但一方面我相信作為BB的守護者, 你們絕對有動力看下去; 另一方面, 即使今日解決了你3個月大BB的問題, 到6個月大時 / 有小小B時, 也會有其他問題, 那, 何防現在先看, 先想想可能發生的問題, 有心理預備

希望各位看官明白, 我一開始已說, 我不會教SHORT CUT (食呢樣食O個樣使BB安睡), 因為我BB有病, 我無得行SHORT CUT, 無得俾佢亂食, 只有TRAINING, 只有相信BB可以由0歲開始教, 所以我自己也不想做人肉SHORT CUT, 也希望大家明白, 我也要向前行, 想多學一點其他東西, 眼下, 不想只在"睡眠問題"上徘徊; 當然, 如果有其他範疇的問題, 我懂的話, 也不會吝嗇的...還許過一年, 我有新的想法/元氣恢復才再來分享這個話題

其實, 要忍手唔答, 我真係要好忍得...

再見~

[ 本帖最後由 pyjess 於 10-8-21 23:56 編輯 ]

私人傳訊

ksfhtt

別墅

積分: 756

557^#

發表於 10-9-29 09:19 |只看該作者

pyjess：
我個仔終於成功介了抱訓，謝謝你！

私人傳訊

Rachel-mi