心聲留言 今日: 1 | 主題: 17546

積分: 8104

541^#

發表於 05-9-29 19:03 |只看該作者

Re: <<<問米>>>

adidas,
本來要放工嫁喇﹐敢繼續啦...
其實都七七八八...
比完錢緊係走得啦, 出到房門口係一間紙“摘”舖(其實果度係一間紙“摘”舖)...
神婆同其他人講 : XX 上次跟我買六合彩中左, 我都係要左支香水咋!!! (嘩﹐好唔貪錢呀!!)
後來返到老公家(同老爺奶奶分開住)﹐我同老公抄大擭﹐他說由得他們比人騙﹐心安理得就算﹐我話明知比人騙都照比﹐有無搞錯?
後來比我說服到﹐同老爺奶奶講撻訂...
再後來﹐奶奶復述她去茶樓話比神婆知撻訂﹐話神婆D態度很差...好彩無幫襯。。。
到而家五年喇, 又咪敢過? 個女都三歲喇﹐樂多於苦﹐視乎用咩角度看世界。。
奉勸各位﹐呢D野﹐信既時後人會好脆弱....
大家好自為之...

私人傳訊

Sqoo

民房

積分: 84

542^#

發表於 05-9-29 21:30 |只看該作者

Re: <<<問米>>>

Hi Harry媽,
可唔可以pm佢個地址電話俾我, thank

私人傳訊

靚靚mama

洋房

積分: 83

543^#

發表於 05-9-30 11:08 |只看該作者

Re: <<<問米>>>

朗軒媽媽,
可唔可以比雲姨個地址同電話我呀，因爲我想明天去找雲姨。
Many thanks
靚靚mama

私人傳訊

積分: 2534

544^#

發表於 05-9-30 13:40 |只看該作者

Re: <<<問米>>>

睇完晒 37頁有關 sadman 同大家o既 story 後有o的o野想大家俾o的意見我...

對鬼神之說我一直都抱住信則有不信則無的心態... 而我夫家就十分相信風水及鬼神... 嫁入夫家後依然沒有改變我的睇法直至...

今年過年前大概年廿八晚我去完大埔我99o的親戚度食完飯返屋企. 返到屋企搭 lift 上樓時突然間有隻蝴蝶o係我腳邊飛出o黎, 當陣時我覺得好奇怪兼夾特然間寒o左一寒. 我同老公都覺得好唔妥所以出 lift 後等隻蝴蝶飛走o左先至返入屋同 make sure 隻蝴蝶無飛埋入屋先至關門...

年三十晚食完飯返屋企我老公o係廚房整緊o野, 我就攤o係廳張梳化度睇雜誌. 當我揭本書時突然甩手, 於甩手到攞返本書o既一兩秒間我立o下眼見到好似有著個白T-shirt o既影行緊過o黎. o甘我立即再望o下又唔見有o野... o甘我就大聲問:老公, 你係唔係出過o黎呀? 我老公答話無呀! 之後我就同自己講無o野o既我眼花o者... 約一兩日後一晚我老公去o左沖涼我就o係廚房整o野 (我當時係背住廚房門口o既) 我聽到好似有腳步聲行到去廚房門口但擰轉面又唔見有o野... 我開始覺得有o的唔妥... o個晚我返入房時突然間我收到個 message (我唔識點形容係點收到message 總之唔係見到唔係聽到聲只係收到o野o甘啦)話我想o黎投胎 (當時我係馱住個囡o既) o甘我個心就講唔好攪我個囡如果唔係我唔會放過你). o甘啱我姑仔打電話o黎, 我即刻問我姑仔今晚o係我屋企有無見到? (我姑仔係睇到o個o的o野o既但有高人幫佢做o左o的o野令到o的眾生埋唔到佢身), 佢話唔係好覺眼. 第二朝我打俾我99因為佢識得有個女人o係大陸好似問到有關呢o的o野o既(好以話係擲杯). 佢話真係有o野跟o左我返屋企但會幫我o地趕走佢 (其實唔知佢做過o的mud).

過o左一輪有一晚我半夜起o左身出廳坐 (我大肚o個時成日都瞓得唔係好好成日半夜起身), 我立o下眼見到一個著白 T-shirt o既影但好細及只係一閃而過o既, o甘我又以為眼花無理啦. 跟住o個一兩晚我o係廚房時成日覺得背脊好以有o的o野, 好似有物體o係後面o既 feeling. 有一晚半夜又係醒o左瞓唔著出廳坐, 今次立o下眼見到個白 T-shirt影明顯比上次見o既大個o左. 跟住o係屋企就開始成日聽到怪聲, 我覺得唔妥所以又話俾99聽啦. 結果係話帶o左一男一女返屋企, 攪事o既係隻男佢話無衫著要我o地燒o的o野俾佢... 攪掂完呢兩隻後又話原本已經住o係間屋o個隻被激嬲o左, 佢教我o地燒o的o野趕o左佢走...

之後諗住有安樂日子過啦, 點知...

私人傳訊

pakhei1128

積分: 1736

545^#

發表於 05-9-30 14:26 |只看該作者

Re: <<<問米>>>

PinkyBeBe

個女人o係大陸那個, 有無幫你o地趕走佢! 你現在有無FEEL 到有什麼異樣??

私人傳訊

積分: 2534

546^#

發表於 05-9-30 14:59 |只看該作者

Re: <<<問米>>>

阿囡出o左世後未夠一個月, 有一日老公個姑姐打俾我99話夢到我老公個阿爺 (佢一家都好勁尤其係我老公個表妹, 係另一個 long long story) 話佢老人家好唔高興因為bb出o左世都唔去拜佢. o甘我o地嗱嗱聲第二日就帶bb返去舊屋拜早先啦. 點知o個晚返到屋企阿囡成晚唔尋常o甘摟計同大喊, 我即刻打俾99話但因為太夜所以無打去大陸... 第二朝我起身行出廳, 聽到好大聲o既蟲叫我仲以為有隻蟬飛o左入o黎, 行到去 window 旁睇o下突然見到有隻大黑蟬飛走o左, 我 get 到應該係一隻男o既... 跟住我99打o黎話係有個祖先見我個囡好得意跟o左佢返o黎同佢玩, 個大陸女人同佢講o左後佢就走o左啦, o甘我話返俾99聽見到o既o野, 99話可能祖先走之前通知我一聲啦 (個大陸女人話係男o既)...

過o左兩三日阿囡又係唔尋常o甘摟計同喊, 今次個大陸女人話有隻眾生因為覺得阿囡好得意所以跟o左佢返o黎, 但佢又打發o左佢走啦. 同埋佢話我同阿囡o既八字都係比較容易惹到眾生o既, 佢教我o地帶o的o野o係身話會好o的. 又話阿囡過o左 100日會好o的...

私人傳訊

loklok_mama

積分: 8685

547^#

發表於 05-9-30 15:02 |只看該作者

Re: <<<問米>>>

其實我都諗左好耐，應吾應該將以下的講出，但我諗深層，當係個人意見，大家研究下。先旨聲明，無意冒犯或中傷任何人。
我係題目發表後無幾耐，就從 sadman 處取得雲姨的地址電話，我先生本身是學法的，對所有這方面的事都好有興趣研究，甘我話比佢知， BK d mami 話雲姨好準，又唔貴，不如去下。甘佢有個朋友正想去問米，我先生就順理成章陪佢朋友去 la.
甘我先生預早叫佢朋友，去到唔好講太多，費事比人 chalk 倒你底細。而根據我先生講，雲姨的確是可以通靈，而佢朋友亦得到很準確的答案。我先生重跟雲姨傾左好耐計，雲姨亦知道我先生是有法的，甘我先生有 d 野想叫她幫忙，雲姨亦約左佢第二個月 (農曆七月 )再上去，到時先知得唔得。下續 .......

私人傳訊

積分: 2534

548^#

發表於 05-9-30 15:13 |只看該作者

Re: <<<問米>>>

pakhei1128 寫道:
PinkyBeBe

個女人o係大陸那個, 有無幫你o地趕走佢! 你現在有無FEEL 到有什麼異樣??

pakhei1128, o個次佢係有幫我o地趕走o既, 因為好明顯間屋o既感覺係好唔同o架! 現在有無FEEL 到有什麼異樣就.... 你睇埋落去就知o架啦!

私人傳訊

積分: 2534

549^#

發表於 05-9-30 15:17 |只看該作者

Re: <<<問米>>>

終於阿囡過o左100日大家都諗住會好o的啦, 點知...

有一日我老公原本一早要返大陸做o野o既, 佢換好晒衫臨出門口著襪o既時候條腰突然間好痛痛到企唔返直. o甘我老公即刻取消返大陸然後去睇醫生啦... 一個禮拜後佢條腰好o的但一路都未好返, 有一晚行行o下街無啦啦仆倒仲整親隻脚. 我條腰又開始唔舒服, o甘我老公叫我打電話俾個大陸女人問o下 (我99返o左去加拿大, 佢臨走時叫我如果有事就直接打上大陸同o個個女人聯絡), 個女人話有隻女o既跟o左我老公, 佢話會叫佢個女幫我o地搞. 第二日我打俾佢佢話已經搞掂... 又過o左一個禮拜我老公仲未好返o甘我又再打俾佢啦, 佢問到話上次o個隻女o既因為收o左o野後唔夠分要再燒俾佢...

如是者, 其實都仲有好幾次好似7月1日半夜發夢見到我兩個先人要求做法事... 立到有o野又話係祖先要求燒衣.... 等等實在太多唔想太詳細講啦....

私人傳訊

積分: 2534

550^#

發表於 05-9-30 16:04 |只看該作者

Re: <<<問米>>>

上個禮拜又o黎料.....

有一晚我覺得間屋唔多妥但我成日同自己講唔係o既唔係o既我自己疑神疑鬼o者... 我o係廚房整緊o野o既時候 (無錯, 又係廚房, 所以我依家真係有o的驚自己一個人o係廚房) 我聽到門口有o野噓噓聲噓我, 我覺我毛骨悚然即刻返出廳 (我老公o係廁所沖緊涼) 我出到廳坐o係梳化唔夠兩分鐘就聽到阿囡o係房突然勁喊 (之前阿囡o係房瞓緊覺), 我即刻入去睇佢啦, 見佢喊得好悽厲我即刻抱起佢... o個晚阿囡成晚番o黎番去發開口夢成晚瞓唔好. 半夜阿囡一路喊一路翻轉身再翻轉身 (但佢仲係瞓緊o既), 我o地即刻抱起佢, 抱起佢佢仲係瞓緊但就大喊. 我成晚要抱住佢瞓因為一放落床佢就即刻大喊同翻o黎翻去... 到天光阿囡食完第一餐奶後又試好似半夜o甘一路瞓一路喊一路翻轉身再翻轉身, 我老公即刻大聲叩醒阿囡, 阿囡一打開眼見到我o地就即刻扁晒嘴好可憐o甘望住我o地喊...

我打俾個大陸女人佢話有隻男o既跟o左我老公, 佢攪唔到老公就諗住攪我同阿囡, 佢要$要衫仲要搵車送佢走... 大陸女人叫我o地第二日下午四點燒俾隻眾生. 第二日阿囡o係99屋企一夠四點就突然大喊喊到唔肯收聲, 我姑仔咪即刻 call 我老爺99上去我屋企燒o野而佢就陪住阿囡一路諗經...

呢次我真係

我覺得禍不及妻兒, 有o的咩事咪搞大人囉做mud 攪個只得幾個月o既細路 je

講真我唔係真係欠o左佢o架o麻大家都唔同空間佢攪"人"已經係唔啱規矩o架啦, 有要求我都唔一定要去認承啦, 死o左唔係真係大晒o架!!!

私人傳訊

積分: 2534

551^#

發表於 05-9-30 16:47 |只看該作者

Re: <<<問米>>>

其實由今年過年前到依家只係7個月但係已經成日成日都有o甘o既 case 我真係覺得好煩好困擾... 依家我成日都好似疑神疑鬼我真係開始懷疑自己有思覺失調神經衰弱....

我都唔知應該點樣表達我o既不安, 但真係有o的唔知點做好... 我問過個大陸女人係咪間屋有事佢又話唔係, o甘我問佢安地主得唔得佢又話無用, 我屋企已經奉o左觀音佢又話觀音大士唔會理小鬼 wor, o甘我問諗多o的經得唔得佢又話作用不大.... o甘我問佢點算佢叫我搵o的柳枝插o係門口, but 依家邊樹有柳枝呀!!!

哎......

我想搵雲姨但我驚又會唔衰攞o黎衰又再惹多兩隻...... 請問大家可唔可以俾o的意見我呀! 我真係驚我會有思覺失調呀!!!

私人傳訊

worry

侯爵府

積分: 21554

552^#

發表於 05-9-30 17:21 |只看該作者

Re: <<<問米>>>

PinkyBeBe,

請問你搵個個大陸女人叫甚麼名? 會不會是我D朋友搵開個個?

私人傳訊

積分: 2534

553^#

發表於 05-9-30 17:30 |只看該作者

Re: <<<問米>>>

worry 寫道:
PinkyBeBe,

請問你搵個個大陸女人叫甚麼名? 會不會是我D朋友搵開個個?

佢叫李太, 佢個女叫阿雙

私人傳訊

worry

侯爵府

積分: 21554

554^#

發表於 05-9-30 17:34 |只看該作者

Re: <<<問米>>>

PinkyBeBe,
咁唔係啦, 謝謝!

私人傳訊

歲月如詩

複式洋房

積分: 204

555^#

發表於 05-9-30 17:36 |只看該作者

Re: <<<問米>>>

pinkeybebe,
你真係要立即去找雲姨了. 相信佢啦, 佢真知一d 只有我知, or 連我本人都不知, 事後問人才知係既事. 快去化解啦.\

大黑蝶, 9成9是果d野來架.... 你快d去問下係麼事, 他地要跟住你啦. 因為通常有些緣份 or 因果關係的 .

[size=xx-small]生命點滴匯成流金長河, 握你的手到天荒地老歲月流金, 年華老去, 心中的詩仍是溫柔的你.

私人傳訊

積分: 2534

556^#

發表於 05-9-30 18:03 |只看該作者

Re: <<<問米>>>

歲月如詩, 大黑蝶事件已經解決o左啦, o個次已經趕o左佢走... 我剩係想回復平靜唔想再見到, 遇到 or Feel 到o的眾生 ja......

私人傳訊

pakhei1128

積分: 1736

557^#

發表於 05-9-30 18:37 |只看該作者

Re: <<<問米>>>

PinkyBeBe

首先, 你不要太擔心啦, 你個BB囡喊, 可能只是普通發惡夢, 我個BB 仔到現在 22個月大, 都經常

私人傳訊

令令

積分: 9815

558^#

發表於 05-9-30 19:43 |只看該作者

Re: <<<問米>>>

郎軒媽媽：唔該你，我昨日下午已上了雲姨個度，真是看穿我的事 :-|

私人傳訊

loklok_mama

積分: 8685

559^#

發表於 05-10-1 00:15 |只看該作者

Re: <<<問米>>>

唔好意思，繼續。甘我先生係無意間將這件事話左比我 99 聽，甘我 99見連我先生都話雲姨真的可以通靈，而又唔貴 ,就想話問下我死鬼 62 d 野，但我先生其實自己已請過我 62上來，知道佢好好，但我 99 話想問下其他野，甘我先生又諗住橫豎約左雲姨有野搞，就順便請埋佢老豆上黎 la，甘我話不如問埋自身 la,都係 100蚊，睇下
你有無運行，講得你準唔準都好。
甘係農曆七月尾，我先生上去，當時已經有一個人問緊，我先生亦感覺到有 "野 "存在，即係話雲姨請到。到我先生想請我 62 上黎，雲姨就問我先生有咩問，但我先生完全感覺唔到有 "野 "存在，而雲姨給的所有答案亦模稜兩可，全部都係 "是但啦 "、 "無所謂 "、 "你地鐘意啦 "。我先生再問自身，佢所有我先生的事都無講，包括老婆、仔女、職業。淨係話普通啦，無咩財運，甘就講完。甘我先生知道佢跟本請唔到上黎，但礙於佢重有其他客，我先生亦沒出聲踢爆。而我老公先前想佢幫的事，佢亦表示做唔到 (其實我老公自己一早預左，只係博下 ),因為殺氣太大。
成件事我老公都有小小失望，但佢亦知道請唔到 "野 "上黎唔奇，因為佢學法，兼個人殺氣重， d "野 "唔敢上黎好正常，佢係覺得雲姨知道請唔到，而我老公亦一定知道，點解唔老實 d 講話請唔到。
至於我先生既結論就係，雲姨都算係有 "料 "，亦唔係話一 d 呃神騙鬼既人，不過我先生亦覺得有 d 太過將佢神化，佢亦唔係話百份百準確，有時都會好 "行 "，至於各位 mami 的選擇，就唔好意思比意見。

私人傳訊