這些"非傳统學校"的學術科目成績是不好的嗎？
==>又唔可以咁講....但你要明白, DSS 本身係一項阿公既新玩意, 除左 SPCC, St Paul Boys, DBSPD 呢d 係因轉制而成 DSS 之外, 絕大部份都係新開既, 全部都係辦得幾年...
我相信你都知作為 DSS 係要以收生人數去問阿公攞津貼, so 咁究竟一間新校點樣可以吸引到d學校去交學費報讀丫...? 百年老名校就話唔憂做 je, but 新校點算...?? so 一定要有賣點先得...so 你就會發現...好多呢d新辦既 DSS 就會有不同既"招牌菜" ...e.g. 音小 sell music, 體藝 sell sports, ISF sell 國際視野式教育, 陳守仁 sell 國際化, 有唔同 culture 既學生...etc...
so 既然以得呢d係 selling point, so 點都唔可以俾佢衰, 因此好自然d學校有資源都會係放多d響呢方面, 省靚個招牌先可以維持收生率, 甚至搏爭崩頭而可從中揀d較好質素既學生
So provided that $$ 就係咁多, then how about other subjects? 自然會少d注意了...of course, 我唔可以話佢一定唔得, but must be much "普通" than 佢地個賣點....
以音小為例, 佢 sell 既係國際級水準既音樂設備, 舞台, etc...有得咁多設施, maintenance fee 都唔少啦, 所以收你 3xxx per month 真係唔奇...但....佢地係新校, 有排都未睇到 results, so far 亦未有見有d音樂奇才響個邊出現 (沈靜轁都係讀 SFA 再轉 DBSPD 的), 因此, 我對佢既"成效"暫時有保留...
喜歡佢地既家長自有佢地既原因, 因為佢地信學校既"承諾", 所以佢地會去, 亦會等....等睇好成績....就等於我上面講, 要有d "有持久力"既家長先可以支持到呢類學校, 我都好想睇到佢地有好成績, 但我一向都係保守派, 睇唔到 past record 既學校我點都係有d保留....so it's a matter of preference between parent A and parent B only
咁當然, 再差既學校都會有叻既學生, 但情況 in my eyes 只係等於六合彩都有人中既 principle 而已, 就好似你講....有幾多個郎朗 in HK ar..??
中文英文都唔掂，又無修養
==> 呢點唔可以只睇學校, 家長亦有好大責任, 學校一班 3x 人, 老師邊可能好似家長一對一 or 二對一咁去 follow each student? 好大部份都係靠家長幫忙 reinforce, 所以學生有無修養同係唔係讀傳統學校 or 非主流學校呢樣野係無必然既關係...there are many other factors influencing a student....
如果讀呢類学校，出到個郎朗之類有一技之長又有氣質，都咪話搵唔到食呀。
==>基本上我唔多信 HK 可以有郎朗呢類人出現...(本土出世個d喎, 唔計響內地已有名氣再移民嚟個d 呀) ..因為在 HK 既生活同教育環境同內地好唔同, 內地有阿公照, HK 就乜都食自己, 真係好難有"才華被發掘"既情況, unless 父母真係資源無限咁又唔同...你睇港產鋼琴家李嘉齡...佢阿媽要點裁培佢, 陪佢, 佢個 piano teacher 唔係好似我地響百佳睇 ad 揾架...要係大師級...再日日彈足 N 粒鐘先有如此成就咋...
so ...先唔好計個細路有冇天份嘞, 就算有都要父母 super support (e.g. find a good teacher, good equipment etc) 先得架....唔同內地, 只要你真係叻, 阿公想你同國家攞獎, 所以一定會幫你, 但 HK...嘿...比塊地你開間音小已叫做"人至義盡"架喇, 開左個頭就由你地家長學校自己諗...so that's why I said 少d 持久力都唔掂...(both parents + kids), so 最後, 真係叻個 d 多數 finally 都係 study + work abroad , 甚少留在港了....因為 HK 根本唔可以 support 到佢地....
Good Good...你自己都係教書既就應同我更岩 channel, 我想你應會明我點解寧願辛苦d都俾d仔入培正 (我成日講培正唔係好好好既學校,只係一間平均既學校) 佢係一間舊式d 教學手法 (要學生坐定定 - I mean 小學, 專心學習), 校風係古老, 但佢都係 follow D 中國一d優良既 culture, (e.g. 尊師重道, 為人守禮), 就是如此...
我份人都算係d "傳統"人, 我認為小朋友冇錯係要愉快學習, 但愉快學習 =/= 乜都可以亂 up , 上堂時四圍走, 站亂老師哥柄 etc 呢d唔考慮別人感受既行為, 響有d人眼中叫"主動" 同 "活潑" (they may feel nothing) , but in my eyes, 係"自私" 既行為, 所以培正對我嚟講某程度上係可以 frame 到小朋友一d values, 當然你想唔想佢咁就係家長決定喇...
cos 我長遠只係睇 if 響得 HK, 能懂得尊重別人, 體諒人家感受之餘而又唔 hurt 到自己絕對係有用既 skills in the future, 呢點我信培正, 因為佢會用 1x 年慢慢去"耳濡目染" d 學生, 當人人都係咁既時候, 佢地做某d 野自會變得理所當然, so 佢地d學生唔係特別標青, 只係起碼我冇見到太多佢地學生既負面新聞, 咁已足夠 (我住佢附近, 我都成日 gup 佢地d學生係點架)..
你講到錢......well...無錯, 我地三個小朋友又係一個考慮點, 但我又會咁睇...若我既 priority 係小朋友, then I will go for whatever I can do 去 map their future, 俾左技能佢, 佢將來想點就佢自己決定, 我個人一向係 forward-looking type, 即係我會因為我想做某件事而去改變一d野, 揾一d 野而去做到佢....
我做事既 mode 係 problem solving mode , 若我目標清盺, 我就會諗盡一切辦法去解決, so 有時可以諗...點解一定要係 x 3?? 哈哈....真係去到咁 worse, can't afford 3 kids in one school, then 唔一定要三個仔同一間學校 je, 若錢唔夠, 一個讀 school A , 一個讀 school B 囉, 唔係大仔要有既野, 細仔都一定要有既, 咁只會自己俾壓力自己, 我可以做d乜就以我當時能力可以做d乜而決定, 我唔會為左個細既就"犧牲"左老大 or 老二可以做到既野 (if I think that is good to them), cos I would say this is not too fair to the first two as well. (即係好似為左老二係個女就要仔個個老大去考男女校望可以拖埋個妹入去個停)
我真係好明白, 鬆手容易收緊難, "放縱" 同 "自由" 只係一線之差, 但行為可以好大分別, 小朋友細, 唔會咁快明白咩係叫"自由", 佢地好容易會濫用, 因此先要大人響一旁多加管教, 到佢地識得分到對錯, 應唔應該 then 先俾番個 decision making 佢地, 有時"尊重"佢地選擇同"縱"佢地真係可以差好少而已....
我與其都係諗住小學報沙田,宜家早d有個好選擇都好!
==> but for this point, 有一點我可以 advise 你既, 就係 if 你唔係 aim at 培小的話, 我就真係睇唔出 why 你要山長水遠去讀培幼, 真的, 因為若唔上培小, then 出面好多幼稚園都可以做到培幼做既野, 仲分分鐘有過之而無不及, so 你要問自己既問題係, 想唔想小朋友響培小成長, if yes, then go for 培幼, 因為等小一先考一d都唔容易, 唔係的話, 咁就真係唔駛揀佢
不過俾佢禁遠讀書,我都要承受好大壓力,個個都以為我迫個女讀名校,不過好在你就明白我嘞!
==> 我明...但我諗呢點最緊要係你老公 support la..因為人地點睇係人地既事, 個女係你兩個既, 你地無論決定d乜都係以佢為先既 je, so 理得人地講乜...?? 真係就好似嫁老公咁 ji ma..唔駛全世界認同你先嫁架嘛...hehe ...第日對住個女個個係你兩公婆, 有乜都係你地承受而已, so 唔需要同太多人交待既, 我知咁講 may 令你都有d為難, 但好多時做野都係決心+恆心喇...有志者事竟成, 我好信呢句架...
:mrgreen: :mrgreen:
icic..依家明哂.....好丫...welcome you to PC family 先啦...嘻嘻...
想問你點分配時間陪三個仔,平時邊個揍佢哋?會唔會好難攪?
==> 難又唔係好難既, 我依家有兩個工人, 起居飲食叫做已經搞得掂, 細彥又得九個月到, 未成氣候, 所以專注力都係放響大中彥身上多d, 尤其大彥, 佢上小一有好多野都要只跟, 我地兩母子都要好多時間去適應, 所以會煩dd, 不過我相信好快就 OK ga la...明白左個 rule of the game 就會好好多架喇
係假日要帶齊咁多個出街就論盡d喇...所以我地多數去d冇乜多人既地方既..e.g. parks, countryside ar 咁....等d細路可以走動下嘛...
發表於 
), 多謝彥媽架寶貴健意 
返回列表
