烹飪搵食 今日: 3 | 主題: 139272

積分: 4334

542^#

發表於 03-12-1 17:17 |只看該作者

Re: 買左個新焗爐,點用呢?

Dau

喂! 你講新信興是否旺角那間, 佢地是否响灣仔都有分店, 响邊到呀? 因我上星期六好有誠意地走左去旺角那間. 買左 blythemia 介紹防潮糖霜和杏仁粉等, 嘩! 果到真係好多整蛋糕野買, 又平d, 我仲見到佢地有整蛋糕demo tim.

你個戚風好正呀! 我到而家都未整個, 等我找一日試下先. 你要blythemia scone receipt 我有呀! 我pm 比你啦!

Blythemia :

你個戚風又係好正呀! 你”敏” cream 技術一流. 咁你係咪買d 蕃薯回來mash 去變成蕃薯泥再加落去. 我相信一定好 yummy! 我剛過的星期日整左 cookie, 真的不是太難. 同我減了 30g sugar, 我花囡仲幫我”吸” d 形狀出來.佢幾開心, 今日比同事食都話好味, 買相好吸引. 但我唔知點解, 洒左d icing sugar 後, 好似不是太好看. 又其影相後, 反光, 可能我不懂用部 dc, 仲之你每次 present 你的作品都好靚, 呢d 就係技巧啦!

另外, 我有問題, 因我要响 24 號整d cookie 比囡囡返學校party, 但前一晚要返工, 放工後又晚了, 同時又要整 cheesecake, 怕時間唔夠, 我可否在當日返工前整左個 dough, 然後放入雪櫃, 回家後就可以拿出來焗, 可行嗎? 同埋, 我個忠臣牌焗爐, d 火力不均衡, 因我焗cookie 時, 放入面的cookie 己燶, 但放出面果d 又唔得, 激死我. 同埋, 我响吉之島(屯門) $10店買的船和飛機模, 出來效果都唔好, 請問你果d 响邊問吉之島買, 而家仲有冇? (有圖為証)

唔好意思, 今次相要你 chiffon cake receipt, 因我發覺跟書份量, 唔係好掂.

Crystal :

嘩! 你個tirsmau 真係好正呀. 唔怪得你 miss 都要同佢影返張相. 我想問個”花” 係點整, 係咪要用硬咭紙整模出來先. 因我成日都想整呢d 圖案. 我記得你係去 click1click 學, 對嗎? 而家攪到我心思思相學, 但又冇時間, 比晒個囡嘛!

請大家睇下作品 :

私人傳訊

積分: 1159

543^#

發表於 03-12-2 01:12 |只看該作者

Re: 買左個新焗爐,點用呢?

Joshmom,

我而家都係也也烏咋,好多時整cake都會失敗,仲未敢教人呀 :-P

私人傳訊

積分: 1159

544^#

發表於 03-12-2 01:20 |只看該作者

Re: 買左個新焗爐,點用呢?

花花寫道:
Crystal :

嘩! 你個tirsmau 真係好正呀. 唔怪得你 miss 都要同佢影返張相. 我想問個”花” 係點整, 係咪要用硬咭紙整模出來先. 因我成日都想整呢d 圖案. 我記得你係去 click1click 學, 對嗎? 而家攪到我心思思相學, 但又冇時間, 比晒個囡嘛!

花花,
朵花係要用膠片整出黎,不過唔係我自己整架,係學校借比我地用,係呀,我係cake 1 cake度學,有好多學整餅既地方,佢地都會係夜晚開班,星期六,日仲可以係下午去學,真係幾好玩架,你睇吓邊一個時間得閒試吓去學啦~~

私人傳訊

積分: 4462

545^#

發表於 03-12-2 11:15 |只看該作者

Re: 買左個新焗爐,點用呢?

花花:

麻煩哂你幫我俾scone既食譜Dau. Thanks a lot!

粉糰放入雪櫃係冇問題既.記得用保鮮紙包好,焗之前放係室溫一陣,等佢唔好太乾太硬就得架喇.我都試放兩日,冇所謂.用剩既話重可以做芝士餅餅底或者果撻批皮,都唔錯架.

曲奇模我係銅鑼灣吉之島買既,應該同你個d一樣架o番.早兩個星期都見到有.不過點解你冇中間d坑紋既?

焗爐火力唔均勻既情況好常見,特別係比較細既爐.我個13公升都有少少,不過唔算太嚴重.冇計,惟有盡量就.如果係曲奇,就盡量唔好放係太熱既位,或者半途將已焗好既先拎出來,未得既就焗多一陣.焗蛋糕就到咁上下時鋪錫紙.

我影相唔鍾意用閃燈,唔夠光就寧願開著周圍d燈,因為閃燈既光好硬而且唔夠自然,影出來唔得溫柔

私人傳訊

siupak01

積分: 2358

546^#

發表於 03-12-2 20:54 |只看該作者

Re: 買左個新焗爐,點用呢?

Blythemia,

你個蛋糕好靚呀!你次次o既新傑作都係好吸引喎!嘩!冇入黎一排,多左好多朋友喎!

Crystal & Dau,

你地都好努力整cake喎!個Tiramisu & 什果蛋糕睇見都流晒口水呀!

我最近停左工,冇整cake喇!因為剛剛有左!有d緊張同感冒,所以,什麼也沒有做了,最近shift左去準媽媽topic個邊做問題少女,所以少左入黎添!

大家努力呀!等我遲d好番d再開工,同大家交流一下! :-P

私人傳訊

積分: 4462

547^#

發表於 03-12-2 22:44 |只看該作者

Re: 買左個新焗爐,點用呢?

siupak01,

恭喜哂你呀

.第日我地除左整野食,重可以傾兒女經添. 而家係咪比較攰呢?多D休息,生番個又健康又可愛既BB.

私人傳訊

dorothy628

複式洋房

積分: 237

548^#

發表於 03-12-3 12:56 |只看該作者

Re: 買左個新焗爐,點用呢?

Siupak01,

恭喜你呀！唔洗咁緊張，放鬆d，這麼好快就等到bb出世，到時候記得影張相post上來呀。

Dear All,

見到你地d蛋榚敏cream敏得這麼厲害，我都好想試。但係始終都唔敢開罐cream出來試，怕咁辛苦做左個蛋榚，如果比我敏cream時失手，我就一定會激死我自己。

Dor

私人傳訊

積分: 4462

549^#

發表於 03-12-4 13:08 |只看該作者

Re: 買左個新焗爐,點用呢?

報下料先.

大家有冇諗住做d聖誕曲奇送係d小朋友呀同事呀咁呢?我就有喇,我見citysuper有冬青葉同天使仔既模,成廿八蚊廿蚊一個,實在太費,所以十五十六.琴日行過陳枝記,見到一模一樣只係賣十二蚊一個,拿拿林買左兩個,加埋本身買落既星星心心同聖誕樹,呢次真係可以整番d來送禮咯.

私人傳訊

Dau

積分: 2106

550^#

發表於 03-12-4 14:37 |只看該作者

Re: 買左個新焗爐,點用呢?

dear all,
呢排比較忙,成兩星期未開爐啦!呢個weekend一定要整d野食先!(^v^)

Dor,
唔好意思呀!咁遲先覆,綠茶轉轉的烤温係170度,焗16-18分鍾,之前當然要預熱啦!

你都試下敏cream啦!好好玩,我雖然己整左兩個,但都敏得唔靚,不過買定d朱古力碎or針,唔靚就沈上去遮遮就得啦,我諗做多幾次就自然會敏得靚啦!

我要繼續努力!

花花,
唔該哂,己收到scones個食譜啦,我呢個weekend會試下,我老公好鍾意食鬆餅的.
係喎,點解你d交通工具模會冇左中間d紋呢?係咪吸得唔夠深?
你x'mas是否要整野食比囡囡帶返學校?係整一大盤or pack好一pack pack呢?我見到jusco $10店的包裝袋好靚呀!pack成一袋一袋小朋友實鍾意,你有興趣可以去睇下!

crystal,
你個tiramisu好正呀!你係邊間學?係香港定九龍呢?

christy-mama,
敏cream唔係好難,好好玩的,將蛋糕放上轉盤,將打好的忌廉用抺刀敏上去蛋糕到,一路敏一路轉,好似敏紅毛泥咁就得啦,得閒都試下啦!

blythemia,
唔該哂,我己收到花花send給我的司干食譜了.
你個蕃薯chiffon好靚呀,個邊有坑紋,是否用

呢種刮刀來刮呢?定係用其他器具?
同埋想請教如果好似你咁想做chiffon時加入自己喜歡的口味的材料(如蕃薯,香蕉,apple etc.),應該怎樣計算份量,因為我驚自己亂來會影响蛋糕發唔起or會果蓉沉底,請指教.

多謝報料,得閒要又陳枝記八下先得!

siupak01,
恭喜哂你呀!真戥你開心!唔怪得唔見你一排啦!而家一定要多休息,遲d bb出世,大個左可以同佢一齊整野食,一定好happy,你得閒都入來傾下呀!唔傾蛋糕都可以傾下近況呀!

私人傳訊

Twins媽咪

別墅

積分: 750

551^#

發表於 03-12-4 15:00 |只看該作者

Re: 買左個新焗爐,點用呢?

Blythemia ,

你製作的蛋糕看見到想吃，我要向你多多學習。

:idea: 我的家務和烹飪秘笈 :idea: :idea: 教兒樂 :idea:

私人傳訊

siupak01

積分: 2358

552^#

發表於 03-12-4 18:12 |只看該作者

Re: 買左個新焗爐,點用呢?

Blythemia, Dau & Dorothy,

多謝你地呀!近來身體不好,病左成兩個weeks,發冷加咳,睇左幾次醫生都係咁上下,一向身體不好o既我,依家更加虛弱,都幾辛苦!Blythemia & Dorothy,你地咁有經驗,吾知睇中醫可以嗎?會否影響個胎呢?

好喇!講番呢個topic先,其實之前係二德惠& Jusco勁入貨,買左好多材料同工具,諗住整Tiramisu, Muffin, 戚風蛋糕, 卡通cookie,點知...有左兼病埋,依家連煮飯都冇心機,所以,暫時吾開工住,希望快d好番,精神好d再開工.因為,好似Blythemia咁講,Christmas就o黎喇!我都想整d 得意cookie俾d姨甥仔.

你地大家努力喇!我得閑會入黎偷下師!

私人傳訊

積分: 4462

553^#

發表於 03-12-4 20:34 |只看該作者

Re: 買左個新焗爐,點用呢?

Dau,

係呀,蛋糕上面D紋就係咁隨手刮上去,好容易,效果都唔錯.
第二個問題關於蕃薯份量.根據我影印番來既資料,呢D叫做泥狀既成分,好似南瓜.紅蘿白,香蕉之類,份量唔可以多過蛋白.譬如我呢個八吋蛋糕用160克蛋白,就用番160克蕃薯.應該係加完沙律油同熱水之後,加入粉之前放進去.

Siupak01,

我未睇過中醫,我深信有D中醫真係好掂,亦有好多方面會比西醫優勝.但係中醫係香港暫時都未係好系統化,規管都未係好全面.所以一定要熟人介紹,最好係第一身試過,唔好隨便道聽途說.因為中醫學實在太神妙,有好多野唔容易用好科學化既方法解釋,所以更加要小心.希望你搵到仁心仁術既大夫.最緊要補好身體,迎接新生命既來臨.

私人傳訊

積分: 1159

554^#

發表於 03-12-4 23:27 |只看該作者

Re: 買左個新焗爐,點用呢?

siupak01,
恭喜你,而家有左bb要小心身體同休息多d,等遲d好番先再整cake啦~~

花花,
你買錯左cookie模,Blythemia用果隻飛機同船模係膠做,估你買左鐵飛機模,鐵模剩係得個外型,要用膠模先有埋d窗口位同羅船掌

dau,
我係tst學整蛋糕~~

私人傳訊

Mintmint

民房

積分: 60

555^#

發表於 03-12-5 00:12 |只看該作者

Re: 買左個新焗爐,點用呢?

May I know which Baking school you were joint?

I just know "Cookhouse"

Are there any Choise? Is Cake 1 Cake a school?

私人傳訊

dorothy628

複式洋房

積分: 237

556^#

發表於 03-12-5 10:26 |只看該作者

Re: 買左個新焗爐,點用呢?

Siupak01,

中醫d藥會唔會好涼呢？我諗你都係睇西醫好d喇！我個時都冇睇過中醫，只係睇西醫咋。最緊要係多d休息，咁就無事啦！

Dear All,

Chirtmas就快到喇！你地有無諗住整d咩聖誕節食品呢？我就好想試下整"聖誕木頭蛋榚"(我諗係咁叫掛)。但係中間個層奶油，我諗我會改做用朱古力慕思，咁樣就會好似美x西餅個d蛋卷咁。然後再整d糖霜係面，一定會好靚。(因為我見你地d蛋榚整d糖霜落去做裝飾好靚，所以咪諗係咁樣整囉。)

唉！都係諗咋，唔知道成唔成功呢？我返多十幾日就放大假了，到時候我會係屋企試多d新野。所以你地有咩好提意就post上來，等我可以係屋企試下喇。

因為我放到十幾日假啊！Thanks!!!

Dor

私人傳訊

siupak01

積分: 2358

557^#

發表於 03-12-5 11:58 |只看該作者

Re: 買左個新焗爐,點用呢?

Blythemia, Dau, Crystal, Dorothy,

多謝你地關心!我最終決定吾睇中醫,因為好似Blythemia咁講,中醫係香港暫時都未係好系統化,規管都未係好全面,都係西醫好d!Thank You!

私人傳訊

penpen

子爵府

積分: 13681

開心吸收勳章認識瑞士牛牛第二回貓狗褓姆畀面勳章

558^#

發表於 03-12-5 12:18 |只看該作者

Re: 買左個新焗爐,點用呢?

Blythemia,
我終於都買到個餅模喇~~ 不過真係好難成個挑番出黎!! 試左幾次都唔得呀!! :-x :-x
另外想請問妳可唔可以俾陳枝記個地址我呀?? thx!!

dorothy628,
聖誕節我都諗住整D 曲奇送俾人呀! 前幾日上二德惠已經買定D袋仔,裝起D 曲奇實好靚!! :-P

siupak,
我初時有左都係成日病架! 未有之前都係成日病,仲嘔到生咁滯! 不過生完之後身體就好左好多,反而仲好過生之前,呢排d天氣忽冷忽熱,妳要加倍小心呀!!

私人傳訊

積分: 4462

559^#

發表於 03-12-5 12:50 |只看該作者

Re: 買左個新焗爐,點用呢?

我早個排都係度講過挑起件曲奇既小小心得,你睇下有冇幫助.
陳枝記地址如下:
九龍上海街316至318號地下
灣仔堅拿道西24至25號E座地下
祝你多多斬獲.

私人傳訊