大仔大女媽媽會

收藏本版
發帖
返回列表
跳至頁

首頁
2728293031...58

尾頁
   8
annwan


複式洋房

積分: 189


561#
發表於 08-8-28 01:06 |只看該作者
hello, 彥媽媽

我囡囡1106出世, 近來開始幫佢搵幼稚園資料, 搵搵下睇到你的BK, 真係要好感動 , 因為內容好詳細又肯答覆咁多媽咪的回信, 多謝晒你呀. (我睇都睇左兩日才睇晒, 哈哈)
我住港島南區, 之前都好想有望黃竹坑果間聖保羅男女小學, 後來睇到你的解釋, 知佢係DSS, 唉...真係好鬼難入... (我就係果種得基本15分, 什麼都無的家長)
現在都係好好揀間好的幼稚園比佢先, 之後的事再決定, 想問下以下幼稚園你點睇:
聖心幼稚園/聖保祿幼稚園/般含道禮賢會/聖嘉勒/深灣軒啟思/跑馬地寶血

除了以上學校外, 仲有無其他提議呢? 你見我寫都寫左咁多間比你, 就知我幾咁十五十六啦, 囡囡佢好好動, 我都希望佢幼稚園讀得開開心心, 所以都唔知邊間好....又唔係我想邊間就邊間, 因為如果間間都in唔到就大鑊啦!!!
我媽咪住般含道, 平日得閒都會幫我湊女, 所以由南區到中西區我都有揀.

Thanks!

[ 本文章最後由 annwan 於 08-8-28 01:36 編輯 ]
私人傳訊

lokitkit


大宅

積分: 1189


562#
發表於 08-8-28 10:28 |只看該作者
彥媽, 唔該晒你呀, 咁係唔係如果民生同禮賢2間, 你會prefer民生多啲呢?
仲有想問一問創價呢間你覺得點呢(我知佢唔係一條龍, 係純幼稚園)? Thx
我叫樂樂呀!
Lok Lok's Album
LokLok@VitaPixel
私人傳訊

彥彥媽咪


子爵府

積分: 12319

2024年龍年勳章


563#
發表於 08-8-28 11:01 |只看該作者
lokitkit:

彥媽, 唔該晒你呀, 咁係唔係如果民生同禮賢2間, 你會prefer民生多啲呢?
==> 唔係 bor, 我會揀禮賢, 佢幼稚園同小學都好.

仲有想問一問創價呢間你覺得點呢(我知佢唔係一條龍, 係純幼稚園)? Thx
==> 又問... 今次真係要俾番d 責任你了, 所以呢條唔答, 因為已答過 N 次, 自己溫下書先啦...
私人傳訊

彥彥媽咪


子爵府

積分: 12319

2024年龍年勳章


564#
發表於 08-8-28 11:30 |只看該作者
annwan:

因為內容好詳細又肯答覆咁多媽咪的回信, 多謝晒你呀. (我睇都睇左兩日才睇晒, 哈哈)
==> 先多謝幫襯 here ~~ 不過你可以睇兩日就睇得完..??!! 我呢樹有 "精華篇", " part 1", 同 " part 2" ga wor ...我見d 媽咪 friend 溫書都有排下架 wor...你真係可以咁快睇得哂就一定要俾個"叻"你..!!!

我住港島南區, 之前都好想有望黃竹坑果間聖保羅男女小學, 後來睇到你的解釋, 知佢係DSS, 唉...真係好鬼難入...
==> SPCC 係 most parents 既 dream school, 佢亦係好世襲同門戶的, 冇乜"背景"之人真係好難考入 (even 難過 DGJS) 呢點係事實

(我就係果種得基本15分, 什麼都無的家長)
==> 如果你怕抽獎抽得唔好既話咁都要考定幾間 DSS/private ga la

現在都係好好揀間好的幼稚園比佢先, 之後的事再決定, 想問下以下幼稚園你點睇:
(1) 聖心幼稚園 (2) 聖保祿幼稚園 (3) 般含道禮賢會 (4) 聖嘉勒 (5) 深灣軒啟思 (6) 跑馬地寶血

==>先俾個 你...以上既幼稚園我又係講過唔少次, esp (1) 同 (2) , 我懷疑你係咪真係有溫哂所有書架?!...

再講一次 (新人我會比一次 chance 你 ) -

(1) 聖心 - 好多人考, 佢幼稚園可以上佢私小個 part, 方便之餘學校質素亦唔差
(2) St Paul Convent - 咁多間以女仔黎計梗係呢間最得啦, 因為佢可以上佢小學同中學 (causeway bay 個間), 唔駛煩之餘佢學校 quali 亦係好, 不過你要考建議先由佢 nursery 考起, 唔得再等一年去考佢小學, 因為超多人爭, 連 old girls 既細路都未必收, 所以唔好期望太高, 收你至算.
(3) 呢間唔多人講, 冇 too much info 可以 provide, 只可以講係一般幼稚園一間, 無甚特別賣點
(4) St Claire - 考佢都係睇佢小學頭為主, 依家佢小學都好多人考做back up 的, 不過真係多數 back up, 有 other choice (e.g. 考到 other better school) 佢多數都會被飛, 佢中學以前都有d名氣, 近年就已無乜特別成績了, 校風 OK 既.
(5) 唔理你邊間啟思, 只要係啟思就係 same mission, 活動式學習, 睇你 buy 唔 buy and 想唔想直上佢小學啦, 關於佢我已講唔少次 (傳統學校 vs 活動教學), 恕我真真真係唔想再 repeat 了.
(6) 佢有小學可以上, 小學成績屬一般, 對女仔而言都未嘗唔係一個可以考慮既 choice.

除了以上學校外, 仲有無其他提議呢?
==> Suggest 你先出去"談幼稚園"呀, "談幼兒園" 呀之類地方先做下 data collection, 再 shortlist 下你心水先再傾丫, 你問題太闊, 我是但 up 幾間咁唔見得對你會有用 bor...so...你做少少功課先, 咁大家就可以傾得更 specific la...right?

你見我寫都寫左咁多間比你, 就知我幾咁十五十六啦
==> 你都見我成日勸d 媽咪, 唔緊要的, 唔好心急, 你依家既然乜都 15, 16 既就更要先去學習 "observing + listening", 聽下唔同家長對唔同學校, 學習理念既討論, 等你有哂 most info, 再整理出自己想要乜, 咁就會 shortlist 到你想要既野, 再黎傾, 咁一定會有用過依家一句 "咁揀乜好呀" 呢類問題的, 老老實實, 你就咁出去問呢個問題一定唔會有人答你 (or only 1 response) 因為問題咁 open, 你想人點答呢? 答你幾個字又唔好 (因為你一定又再問落去), 但要答得你多, 人地又要打餐死, 所以咁問一定冇乜人啋的 (same as me.. ), 因此我提議你...你先做下 data collection, 睇下先, 明下成個機制, 你自己既 expectation, 各樣 constraints (e.g. budget, location, etc) 咁再收窄個範圍問, 咁我先幫到你諗架, right? 彥媽一向一係就唔答, 一答我會好比心機幫人諗的, 所以我對 "問題" 都有少少要求架, 請見諒~~:)

囡囡佢好好動, 我都希望佢幼稚園讀得開開心心, 所以都唔知邊間好....又唔係我想邊間就邊間, 因為如果間間都in唔到就大鑊啦!!!
==>呵呵...基本上十個有十個細路都好動架喇..真係踢都唔郁個d 我真係冇乜點見過 bor, so 你有冇 benchmark 過你阿女既"好動"有幾"動"先? 你見過 other kids maybe you will have a different conclusion here la...hehehe..

再者, 都係個句, most KGs in HK 都唔係坐定定架喇...十間有九間都係唔係食, 就玩, 一係就唱歌, 睇公仔認字...etc...even 有d 媽咪口中形容既"好傳統" 個d 都唔係你心中個d 郁都唔準郁啦, so no worry wor...小朋友可塑性係好高的, 呢點你要有信心.

so 你唔係一定見佢動就要俾活動教學佢既, 而且, 如我以前有講, 每樣 learning mode 都有得失, 你仔細諗清楚先再決定啦

我媽咪住般含道, 平日得閒都會幫我湊女, 所以由南區到中西區我都有揀.
==> 咁你自己先去 find out all available KGs at the district you picked, shortlist 左d 心水我地再傾啦, OK?


[ 本文章最後由 彥彥媽咪 於 08-8-28 14:28 編輯 ]

私人傳訊

Joy.Joy


別墅

積分: 780


565#
發表於 08-8-28 12:07 |只看該作者
在搵幼稚園資料過程中無意中見到彥媽的討論區, 真的入左迷, 好似當年追金庸咁追左兩星期多, 睇晒D post, 十分多謝你的分享, 令我這新手媽咪獲益良多.

我老公係英皇書院同學會小學2校的舊生, 仔仔應該有20分(大 仔+舊生), 第一round 機會大嗎? 上學校website 睇過中學派位唔錯, 唔知校風及學術水平如何?

[ 本文章最後由 Joy.Joy 於 08-8-28 12:09 編輯 ]
私人傳訊

彥彥媽咪


子爵府

積分: 12319

2024年龍年勳章


566#
發表於 08-8-28 15:22 |只看該作者
joy.joy

在搵幼稚園資料過程中無意中見到彥媽的討論區, 真的入左迷, 好似當年追金庸咁追左兩星期多, 睇晒D post, 十分多謝你的分享, 令我這新手媽咪獲益良多.
==> 多謝多謝...:)

我老公係英皇書院同學會小學2校的舊生, 仔仔應該有20分(大 仔+舊生), 第一round 機會大嗎? 上學校website 睇過中學派位唔錯, 唔知校風及學術水平如何?
==> 哈..你問著我真係岩嘞....我姪仔正正係呢間讀緊, 不過我聽佢阿媽講, 學校 OK la...佢都係派位入 only, 唔係點要爭, 學校一般啦, 因為我唔見佢阿仔好多功課做, 讀得都好輕鬆咁既. 你有得 20 分, 好大機會了. 派中學聽話多去 King's, 唔可以話好好, 不過都唔係差咁啦. 既然你有分, 就可以諗下了...

另...你老公係舊生既話, 唔係應該更比我知得多間學校好唔好架咩..?? 佢當年派位又點丫..?? 你可以 get this info for your own reference ar ma...:)
私人傳訊

annwan


複式洋房

積分: 189


567#
發表於 08-8-28 18:59 |只看該作者
因為我將你精華篇print out出來夜晚當書咁溫(都有成二十幾頁), 日頭返工就睇你part 1&2的問題, 所以用左兩日(自己返學溫書都無咁勤力). 當然啦, 九龍同新界的問題我係好快咁睇, 香港區才細閱.

見你時常有答聖心同聖保祿的問題, 所以這兩間己變成我first choice了.
second choice: 聖嘉勒/聖士提反女子中學幼稚園(雖然小學係津小要抽, 但我見佢的章程寫學校都會比機會果d唔夠分的小朋友面試)
亦都會報 寶血.

其實報五間會唔會太辛苦呢(對小朋友來講), 現在我己收細範圍, 揀d學校近我媽咪, 咁有什麼事都方便d. 仲需唔需要揀多兩間做backup呢?

另外我想問下瑪利曼係咪會轉直資呢? 以現在來講, 有無話讀邊間幼稚園叩門時機會會大d?

我想問當年大彥同中彥係報左幾多間學校?

另外仲好多謝你之前的答覆, 多謝晒呀!

[ 本文章最後由 annwan 於 08-8-29 02:09 編輯 ]
私人傳訊

elmolly


男爵府

積分: 7423


568#
發表於 08-8-29 00:40 |只看該作者
彥媽,

可能有路數入蘇淅或Victoria, 請問你點睇? 如果讀上埋蘇淅或Victoria小學咁中學又點? 仲想問埋如果讀啟思跟住上啟基既話咁中學又點? is IS the only choice?

Thanks.
私人傳訊

彥彥媽咪


子爵府

積分: 12319

2024年龍年勳章


569#
發表於 08-8-29 09:26 |只看該作者
annwan:

見你時常有答聖心同聖保祿的問題, 所以這兩間己變成我first choice了.
==> 呵呵...先講明...我無意 sell 呢兩間學校, 只不過佢地係的確因為有好多人都討論佢, 所以收到既 info 會多d...自令人覺得佢地係突出d 而已..事實上好多唔多出名既學校都唔係差的, 問題係在於d 家長少出黎 share, so you dunno what's going on inside, 就難於考慮佢咁啦.

其實報五間會唔會太辛苦呢(對小朋友來講), 現在我己收細範圍, 揀d學校近我媽咪, 咁有什麼事都方便d. 仲需唔需要揀多兩間做backup呢?
==> 睇你想點而已, 在小朋友黎講, 我唔認為有"辛苦" 呢個情況出現, unless 你排到d interview 係一個北角 10:30am 之後一個九龍塘 11:30am 咁啦, 咁就真係趕到傻, 又, 因為你想 interview 好d 就日日 train 佢答問題, 提佢做呢樣做個樣, 咁就真係"辛苦" 嘞...otherwise , 只係當玩下咁既心態去, 順其自然, 由得佢表現佢自己既一面就好....咁既話...佢地就會係當玩 only, so 玩又點會辛苦呢...right?

另外我想問下瑪利曼係咪會轉直資呢? 以現在來講, 有無話讀邊間幼稚園叩門時機會會大d?
==> 基本上所有 HK 有得咁上下份量同名氣既學校都會想轉直資, 因為轉直資既最大好處係可以有自主收生權, 咁學校就唔駛怕因為搞珠搞d 根本唔夾佢地程度既人入去, 教到佢地傻, 又唔駛怕因為咁成績會變得參差而影響左佢地學校既成績, which means 間接影響佢將來既收生質素.

但因為依家所有天主教學校都受教庭管束, 一日陳主教唔俾轉, 成知 group 都唔會轉, 唔係 only 單一學校可以話事的, 所以短期內 debate 不斷, 家長亦有比壓力, 學校都好想 (反正名氣夠, 質素得又唔怕冇學生既), 但就係因為辦學團體唔 alright 就到依家都未能成事, 將來係點就要拭目以待了, 所以你見依家轉親做 DSS 個d 都係 either 聖公會呀, 基督教呀咁就知了.

既然佢係抽既, 讀邊間幼稚園就分別不大了, 講到叩門, 唔多唔少係難過登天既野, 要有既唔只係小朋友既成績要得, 做阿媽個個要有 "極大耐性" 至得, 我見過有家長為左叩門入到 Marymount, 超過一個月日日等校長放學, 目的只為遞上佢阿女既成績, 等佢留意, 搏可以攀談一句半句, 令校長對阿女有印象 and then finally 真係叩得入 (咁當然阿女能力亦係得個停啦), 咁...你有冇問自己, are you ready to do this sin? 同埋你認為係唔係間學校真係值得讓你咁做...?? 真係 no other school 可以取代咩..?? 問完自己呢d 問題你先諗叩門會好d. 除非你有人脈, otherwise 真係憑三唔識九個停去叩門, 機會真係好微 (尤其呢d 搶手學校)

我想問當年大彥同中彥係報左幾多間學校?
==> 大彥報左 4 間, 中彥 2 間.

[ 本文章最後由 彥彥媽咪 於 08-8-29 09:30 編輯 ]
私人傳訊

彥彥媽咪


子爵府

積分: 12319

2024年龍年勳章


570#
發表於 08-8-29 09:41 |只看該作者
elmolly:


可能有路數入蘇淅或Victoria, 請問你點睇?
==>KC 幼稚園有雙語, 會係家長既 preference 之一, 佢小學有國際班, 但學費都真係幾貴, if budget concern 唔係 concern 既, 咁佢小學讀得過, 中學就麻麻.

Victoria 係 IS (international school) 之前我已有好詳細講過, 佢同啟思一樣, 都係有自己既一套教學方法, 同出面傳統學校有d 唔同, 喜唔喜歡就因人而異, 只係...若你選得佢, 多數都會讀埋上去, 好少會轉番出去普通小學的, 因為家長就係 buy 佢個套先去架嘛, 若然唔係的話, 咁當初又何必考入去呢?

如果讀上埋蘇淅或Victoria小學咁中學又點? 仲想問埋如果讀啟思跟住上啟基既話咁中學又點? is IS the only choice?
==> 唔係 only choice, of course 你可以參加阿公既派位, 只係我上面講過 (加以前都講過, 唔該溫書), 佢地有自己既一套辦學模式, 同一般普通小學都唔同 (especially IS), 所以你要問自己係唔係想一直讀上去啦, 因為問題唔只在於課程, 亦在於環境, 要小朋友由一個可以四維走既環境轉去一個一定要坐定定, 功課少不免多抄寫既環境學習, 咁佢地 likey or not lei? 所以我唔可以話 IS is the only choice to go, but 我唔認為小朋友會想由 IS 去番傳統啦 (if they do enjoy the way of learning in IS)
私人傳訊

Joy.Joy


別墅

積分: 780


571#
發表於 08-8-29 09:54 |只看該作者
彥媽,
好多謝你咁快覆.
我老公係廿幾年前既舊生, 當年間學校幾好, 但依家就唔清楚, 討論區內又冇乜人提起佢喎. 點解呢? 請問有什麼途徑可以了解間學校多D?
私人傳訊

彥彥媽咪


子爵府

積分: 12319

2024年龍年勳章


572#
發表於 08-8-29 10:17 |只看該作者
joy.joy

我老公係廿幾年前既舊生, 當年間學校幾好, 但依家就唔清楚, 討論區內又冇乜人提起佢喎. 點解呢?
==> 呢間學校一向唔係有乜特別突出, 當然就唔會太多人講啦, 但唔講 =/= 唔好既, 因為呢個世界, 只有兩類學校會多人講 gei je...就係 (1) 超好, (2) 超渣, 同人一樣, 呵呵, 老板只會記得最好同最差既 staff ga ja ma...中間個d 又點會有人記起呢..??

So 你請問有什麼途徑可以了解間學校多D?
==> 你可以試下去小學雜談樹問, 再唔係既就去 other web page 度 search 下, 再想知得第一身d 既, 就去埋間學校, 等d 家長接仔放學時去搭下訕呀, 同觀察下就會知多d 了. 唔好怕唔好意思, 想要知自己想知既野, 若又問唔到個陣, 我都係乜辦法都會出齊的.
私人傳訊

Joy.Joy


別墅

積分: 780


573#
發表於 08-8-29 14:23 |只看該作者
謝謝!

原文章由 彥彥媽咪 於 08-8-29 10:17 發表
joy.joy

我老公係廿幾年前既舊生, 當年間學校幾好, 但依家就唔清楚, 討論區內又冇乜人提起佢喎. 點解呢?
==> 呢間學校一向唔係有乜特別突出, 當然就唔會太多人講啦, 但唔講 =/= 唔好既, 因為呢個世界, 只有兩類學 ...
私人傳訊

annwan


複式洋房

積分: 189


574#
發表於 08-8-29 15:18 |只看該作者
Thanks 彥彥媽媽! 你的解答令我明白晒啦!

文中提及個位叩門的瑪利曼媽咪真係勁, 自問真係做唔到, 唔通成個月都請假唔返工, 哈哈!

老實講, 我又唔會點train佢去面試, 無謂比一些無必要壓力佢, 不過現在會多d同佢傾偈, 最起碼要佢學識答自己個名先.

其實最大問題在於我兩公婆囉, 終係覺得全日幼兒園太長, 想佢返半日, 所以聖保祿幼兒園都係等佢考唔到心水幼稚園再算, 明年三月才招生09/10, 有時間想清楚.

睇來香港普通平民想搵間又好又出名的學校真係要睇天啦.

原文章由 彥彥媽咪 於 08-8-29 09:26 發表
annwan:

見你時常有答聖心同聖保祿的問題, 所以這兩間己變成我first choice了.
==> 呵呵...先講明...我無意 sell 呢兩間學校, 只不過佢地係的確因為有好多人都討論佢, 所以收到既 info 會多d...自令人覺得佢地係突 ...

[ 本文章最後由 annwan 於 08-8-29 16:14 編輯 ]
私人傳訊

lokitkit


大宅

積分: 1189


575#
發表於 08-8-29 17:24 |只看該作者
彥媽

有另外一間叫"禮賢會", 佢係唔係同"禮賢"同group嫁, 我地之前discuss果間係"禮賢"嫁呵?

原文章由 彥彥媽咪 於 08-8-28 11:01 發表
lokitkit:

彥媽, 唔該晒你呀, 咁係唔係如果民生同禮賢2間, 你會prefer民生多啲呢?
==> 唔係 bor, 我會揀禮賢, 佢幼稚園同小學都好.

仲有想問一問創價呢間你覺得點呢(我知佢唔係一條龍, 係純幼稚園)? Thx
==> 又問 ...
我叫樂樂呀!
Lok Lok's Album
LokLok@VitaPixel
私人傳訊

彥彥媽咪


子爵府

積分: 12319

2024年龍年勳章


576#
發表於 08-8-29 23:40 |只看該作者
lokitkit:


有另外一間叫"禮賢會", 佢係唔係同"禮賢"同group嫁, 我地之前discuss果間係"禮賢"嫁呵?
==> 可以有聯繫小學俾得你直升既禮賢會幼稚園 (即大半條一條龍) so far 只有一間, 就係響九龍塘石竹路個間, 咁你係唔係想問呢間呢..?? 我之前一直講既就係呢間, 其他既禮賢會既我就冇乜點留意了.
私人傳訊

lokitkit


大宅

積分: 1189


577#
發表於 08-8-30 09:55 |只看該作者
我就係想問有一條龍呢間啦, 原來真係九龍塘又一村呢間, thx

原文章由 彥彥媽咪 於 08-8-29 23:40 發表
lokitkit:


有另外一間叫"禮賢會", 佢係唔係同"禮賢"同group嫁, 我地之前discuss果間係"禮賢"嫁呵?
==> 可以有聯繫小學俾得你直升既禮賢會幼稚園 (即大半條一條龍) so far 只有一間, 就係響九龍塘石竹路個間, 咁你 ...
我叫樂樂呀!
Lok Lok's Album
LokLok@VitaPixel
私人傳訊

elmolly


男爵府

積分: 7423


578#
發表於 08-9-1 00:09 |只看該作者
彥媽,

我溫緊書架喇, 但我起Part 1見你無乜詳談Victoria, 所以再問. 另啟基無中學, 如果讀既話係咪到時要再考IS? (given that will br hard for kids to adjust to local school)

KC小學係咪淨係得國際班? 如果未必讀佢小學咁值唔值得讀佢既KG?
私人傳訊

yanyanchan


男爵府

積分: 7058


579#
發表於 08-9-1 20:46 |只看該作者
彥媽,

書...我重溫緊part1...睇左一半咋，但我又想問左先，因為同亞仔要揀小學啦!!

想問下東涌區小學你點睇呀??
如果直資...陳守仁/英華/聖瑪加利/地利亞(閩僑)青衣又好唔好呢!!
你有冇好提議呀??

thanks
私人傳訊

彥彥媽咪


子爵府

積分: 12319

2024年龍年勳章


580#
發表於 08-9-3 09:32 |只看該作者
elmolly:

我溫緊書架喇, 但我起Part 1見你無乜詳談Victoria, 所以再問.
==> Victoria 都係屬 IS 一類, 你睇我講 IS 都包括佢, 佢係一間老牌學校, 以前收個d 人唔係明星都非富則貴, 因為十幾年前都成 $3xxx 一個月, 係近年先"平民化"左咁啦. 佢以前只開響 HK island, 因為平均黎講, HK island 既人既收入係高過九龍新界人, 所以九龍從冇 Victoria, 最近先有一間響 HMT, HMT 區多有錢人, 所以開響個邊先有客源.

佢辦得咁多年都咁多人讀自有其成功之處, 佢亦有中學可以直升, 所以 if budget is not a concern, 又喜歡 IS 既 system 既, 佢都係一個 good choice.

另啟基無中學, 如果讀既話係咪到時要再考IS? (given that will br hard for kids to adjust to local school)
==> 可以上啟思既中學啦, or 考 other IS if you like

KC小學係咪淨係得國際班? 如果未必讀佢小學咁值唔值得讀佢既KG?
==> 唔係, 佢 KG 一樣有普通型的, price 唔同而已. 家長喜歡佢係因為佢用雙語教學, 所有中文都係 PTH 教的, 咁多年都係, 呢樣野以前就冇乜人吼, 學生多係外省人, 但隨住 PTH 依家越來越多人想學, 佢就突然變得好受歡迎了. 所以就算唔讀佢小學都學到d 既.
私人傳訊


首頁
2728293031...58

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy