懷孕前後 今日: 1 | 主題: 330568

積分: 289

561^#

發表於 05-3-30 11:46 |只看該作者

Re: 有無將會或已經在聯合醫院生的媽媽,請進來傾下啦!

Hi m9394pp

我昨天抽完了, 首先醫生會詳細照超聲波, 解釋bb情況給你和老公知, 然後老公會出去, 醫生會睇住超聲波, 將枝針放落去抽, 少許痛, 但1分鐘後, 就抽完, 醫生同護士都好細心, 所以可以放心, 當然危險都會有, 不過整個過程都ok. :lol:

私人傳訊

意粉

積分: 3441

562^#

發表於 05-3-30 13:16 |只看該作者

Re: 有無將會或已經在聯合醫院生的媽媽,請進來傾下啦!

gillianchan,
睇到你update亞囡既相,,,有d似鬼妹仔呀,,對眼好大呀,,,!!

pinkychu88,
其實間間政府間醫院都有好有唔好..有時睇好唔好彩...我覺得聯合都唔差,,如果你屋企住係呢區都可以考慮下呀..

m9394pp,
我而家35wks,,仲有一個月度就到我啦,,,所以成日追住gillian問野羅..嘿嘿..
如冇記錯你好似而家4個月度係咪呀? 你頭幾個月馱得舒唔舒服呀?

MuelMuel,
你到預產期未呀? 我諗好快就到你啦,,,你到時都試下餵人奶先..同囝囝講等佢明白我諗佢仲會幫你一齊照顧bb添...

私人傳訊

積分: 1876

563^#

發表於 05-3-30 13:36 |只看該作者

Re: 有無將會或已經在聯合醫院生的媽媽,請進來傾下啦!

意粉,

我就黎夠三個月, 可能年紀大d, 所以呢胎好唔自然,
個肚又大得快, 我宜家已經重左十磅; 妳仲有一個月,
心情越來越緊張? 我tor第二胎時, 最後一個月重得
好快好多, 連晚飯後洗幾隻碗都要分兩三次洗, (洗o下
又坐o下)

私人傳訊

積分: 1876

564^#

發表於 05-3-30 13:42 |只看該作者

Re: 有無將會或已經在聯合醫院生的媽媽,請進來傾下啦!

alick,

thank you! 原來o敢簡單o敢快, 係唔係一定要老公陪?
e生有無俾兩日假你呀?

私人傳訊

Justine_Ma

積分: 320

565^#

發表於 05-3-30 13:45 |只看該作者

Re: 有無將會或已經在聯合醫院生的媽媽,請進來傾下啦!

如果媽媽係聯合醫院生，都會有介紹基督教聯合那打素社康服務，專為出世後BB提供保健服務。

[size=medium]幼兒保健服務 (0至2歲):--
提供全面的嬰、幼兒身心保健計劃。
服務內容包括黃疸測試、臍帶護理、醫生檢查、成長監察、育嬰指導、視力、聽力、智能測驗、電話育嬰輔導(免費)、防疫注射(乙型肝炎、五合一、麻疹混合、水痘、乙型感冒桿菌等等)。
免費成為「幼兒保健」會員。以優惠價自由選擇「幼兒保健計劃」內之任何服務。
將獲發「幼兒健康記錄」小冊子及「幼兒保健」咭，以享其他優惠。
[size=medium]學齡前保健服務 (2至6歲):--
度高、磅重、口腔衛生檢查。
視力、聽力及智能檢查。
體格檢查。
保健期間，歡迎家長面談或致電作健康諮詢。
可安排保健護士到校提供健康教育活動。
往本機構西醫就診之保健幼童，或需醫生轉薦，可獲減費優惠。
可免費參加本機構主辦之專題講座。

[size=medium]幼兒保健及學齡前保健服務:

我兩個服務都參加左，好全面，姑娘好細心，如有小問題又可電話詢問，有問必答，唔會覺得妳阻佢時間。

[size=medium]幼兒保健及學齡前保健服務

到以下[size=medium] 家長易學站 網上報名仲可以有優惠

【有用孕婦資訊網站】

私人傳訊

意粉

積分: 3441

566^#

發表於 05-3-30 14:09 |只看該作者

Re: 有無將會或已經在聯合醫院生的媽媽,請進來傾下啦!

m9394pp,
原來你呢胎係第3胎啦? 我以為係第2胎呀,,咁我諗你今胎既生產過程需時一定好短..唔駛痛咁耐..因為我覺得係頭一胎先最耐最痛,,
係呀..我心情越來越緊張啦..我自呢個月晚晚煮飯食後洗碗真係好鬼倦呀..企係度條腰赤到C...要不停郁下對腳先可以洗果幾隻碗碟...真係好懷念身手敏捷既時候呀..嘿嘿..
你就黎夠三個月就重左10磅啦? 好好胃口喎..嘿嘿...我頭3個月雖然冇嘔過, 但一磅都重唔到..第4個月先開始每星期一磅度..而家重左25磅啦..呢幾星期如果重多幾磅, 可能會有30磅,,嘿嘿

Justine_Ma,
唔該哂你既資料呀,,thx!!

私人傳訊

積分: 182

567^#

發表於 05-3-30 14:12 |只看該作者

Re: 有無將會或已經在聯合醫院生的媽媽,請進來傾下啦!

意粉,
我今天38weeks2days了!下個應該係我了!到時希望有精神同時間上來告訴大家!
m9394pp,
我今次2個幾月巳見肚!但重得好少,成5個月才開始重,頭幾個月仲輕左!現在才重了約20-22lbs!

係呢!生第2個係咪生得快D架!

私人傳訊

alick

積分: 289

568^#

發表於 05-3-30 14:37 |只看該作者

Re: 有無將會或已經在聯合醫院生的媽媽,請進來傾下啦!

Hi M9394pp

唔係一定要老公陪, 醫生只會有一天假, 當天其實同平時一樣, 只係唔可以做粗重的工作. :lol:

私人傳訊

積分: 1876

569^#

發表於 05-3-30 23:54 |只看該作者

Re: 有無將會或已經在聯合醫院生的媽媽,請進來傾下啦!

意粉,

我第一胎放左兩晚崔生藥先有反應, 痛左11個鐘,
(大女3.2kgs), 第二胎就唔洗崔生, 痛左5個鐘,
(細女就3.9kgs), 因為太大要用鉗拑出黎, 希望
呢胎真係快d易d啦。
雖然tor呢胎個人好唔自然, 但胃口又真係好好,
由朝食到晚, 唔食又成日肚餓, 食左個肚又頂住。
祝你都生得舒服d

alick,

我之前聽他其bk mama話會有兩日假, 所以我問o下你

muelmuel,

我都祝你生得舒服d

私人傳訊

SUKI_C

積分: 2589

570^#

發表於 05-3-31 13:59 |只看該作者

Re: 有無將會或已經在聯合醫院生的媽媽,請進來傾下啦!

gillianchan，

妳打咁多字唔怪之得妳屋企人叫妳快Ｄ休息

經過生ＢＢ歷程．．．妳會更加愛妳的身邊人

休息多Ｄ

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

571^#

發表於 05-3-31 20:30 |只看該作者

Re: 有無將會或已經在聯合醫院生的媽媽,請進來傾下啦!

各位媽咪~

好多謝你地既關心同祝賀呀! 我同BB而家都幾好呀!有心喇!

不過照顧BB真係一D都唔易架!令人身心都好攰呀!餵奶換片+休息,已經用左好多時間,所以都好少上網lu,就算有時間精神上黎,都去左'05年3月媽咪會'果邊,同D媽咪講生BB既經歷,照顧BB同餵人奶既'緊要'事

搞到今日先得閒再過黎尼邊,要你地久等真係唔好意思!

MuelMuel~ & m9394pp~

再簡短咁話你知喇!因為我BB出世果晚零晨開始發燒,驗血結果話佢有一種叫做'感染指數'既野超標,高出一般BB,為左怕佢出院後受到感染,所以要出院前打7日療程既針囉! 每日四支打落手背既'插喉針位' :-(
至於我放既催生藥丸(放於陰道內) 係唔同架!只係好似醫生檢查咁,放一隻手指'推'粒藥丸入去

正常黎講D藥力係會加快子宮收縮(令陰道口快D開到) 加快產程,不過我就2 日都開唔到度數(一度都冇:-|) 而且連宮縮都唔係好規律....
BB出左院,我心情已經好番好多架喇!我會努力咁照顧BB,盡量令自己開心D架喇!

希望你地既BB都快D出世!平平安安喇!

labelle~

我就覺得'聯合'常算OK喇! D醫護人院都比想像中好

咁你呢?有D乜事發生左呀?

意粉~

係呀!我諗BB就係因為係肚內在歎,所以唔想自己出黎,要我辛苦多9日

唉!...雖然老公陪唔到我入去產房,見証BB出世真係好可惜,不過我覺得佢反而好開心,可以鬆一口氣(因為佢其實好驚架!不過要面死撐 :evil: )

回住咁多先我要去餵BB喇!遲D再傾喇! CU~

私人傳訊

積分: 182

572^#

發表於 05-4-1 10:18 |只看該作者

Re: 有無將會或已經在聯合醫院生的媽媽,請進來傾下啦!

m9394pp,
你話今次'tor呢胎個人好唔自然',係點唔自然呀?係咪個人成日好唔舒服咁!
我都好想生得舒服d呀!今次第2次反而仲驚過上次!唔知有什麼方法可以好似有媽咪話由痛到生埋都係2-3個鐘!我都好想怏d搞掂!

私人傳訊

積分: 1876

573^#

發表於 05-4-1 10:35 |只看該作者

Re: 有無將會或已經在聯合醫院生的媽媽,請進來傾下啦!

MuelMuel,

我tor之前兩胎都好自然ga, 成四五個月先見肚,
從未嘔過, 連作嘔都無, 行路飛o敢快都無事,
個胸同個肚都唔痛,總之tor得好happy, 個人又
越tor越靚, d朋友個個話我生多幾個都唔洗驚;
但今次樣樣都唔同, 兩個月就見肚, 個胸又痛,
又成日作嘔作悶, 心情又差, 成日搵人鬧, 行得
多或者行得快, 個肚就痛, 又試過幾次有啡色野
流出黎(e生話作少產), 又唔知自己驚乜, 又唔
想俾人知, 總之好煩好煩 :cry:

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

574^#

發表於 05-4-1 17:00 |只看該作者

Re: 有無將會或已經在聯合醫院生的媽媽,請進來傾下啦!

各位新手媽咪~
你地可以叫'意粉'教你整個'BB出世倒數表'係下面呀!(我都係叫細佬幫手整,所以唔識教人

) 咁大家都可以睇到各位BB幾時係預產期喇!

m9394pp~

好多謝你呀!我都覺得識到你地既班朋友好開心呀! :lol:

你同 MuelMuel~ 都要放鬆D呀!唔好咁緊張喎!順其自然喇!你地之前都有經驗,應該可以應付得到,希望你地到時都快D'搞掂'BB乖乖快D出黎

MuelMuel~

聽完其他聯合媽咪講既'經歷',我都覺得自己算係好好彩,唔駛經歷晒陣痛同開刀

BB無事我先開心番D咋!之前真係好擔心,好心痛哦!所以為左佢身体好D,我辛苦D都要餵人奶,希望佢抵抗力會好D,小D病痛喇!:wink: 至於會餵幾耐我都唔知呀!媽咪話餵到一歲左右,D姑娘又話可以餵到2歲,到時再睇情況囉! 聯合 3月份會食' 愛他美' ---之前都未聽過

因為我諗住BB會唔夠飽要'補奶',所以想買一罐,但出院後去幾過幾間藥房都話冇,而且姑娘話如果BB腸胃好,轉第二隻都冇問題,所以我出院第一日就全部餵人奶,第二日,就俾一餐'A+'佢試,冇肚疴,第三日就食2次'A+',而家日日食2-3次(補奶)都OK呀! 你第日都可以同BB試下轉奶 :wink:

因為我之前'廿幾週'已經開始腳腫,之後仲全身水腫添!好在而家都開始慢慢退緊腫...而且人人情況都唔同,所以我都唔知你係咪就生得呢?不過你都38w幾喇!應該好快到你,希望你生個肥肥白白既健康BB喇!

到時休息完,記住上黎報料

意粉~

我都係第一次聽到有人話我囡囡似'鬼妹仔'咋! 哈哈!我老公話BB成個樣都似我,尤其個鼻,不過我就覺得隻眼,面形同個咀似我多D,如果佢個鼻似爸爸就真係似'鬼妹'囉!因為佢爸爸個鼻好高好直架!佢全身最靚就係個鼻,哈哈!而我就相反個鼻最唔靚

好快就會到你生BB喇!希望你順順利利喇!

Justine_Ma ~

點解我剛剛係聯合醫院生完BB,但都冇聽過尼2個服務既? 你點知道有架?收費係幾多呢?有冇參加既限制? 只係去'家長易學站'報名就得? ?-( 你係幾時參加架?因為你BB已經7個月了?

SUKI_C~

係呀!要一次過打咁多字真係好辛苦,不過你地咁關心我,為左要報喜,當然要詳細D咁講你地知喇!

(好在可以copy去其他'題目'果度,唔駛次次打過咋!哈哈!)
我會好好珍惜及愛護身邊既家人,朋友,希望佢地都會咁對我喇!

我會好好休息,得閒就上黎搵你地傾計

私人傳訊

積分: 182

575^#

發表於 05-4-2 17:57 |只看該作者

Re: 有無將會或已經在聯合醫院生的媽媽,請進來傾下啦!

各位媽咪,
聯合的孕婦新症登記好似係29/3開始改左新措施呀!

m9394pp,
你要好好保重身體!唔好炆憎啦!影響到bb,要成日開心笑多d!

bb先開心架!

gillianchan,
聽到你話開心返真好!不過我知你見住你囡囡就一定開心架啦!

私人傳訊

積分: 182

576^#

發表於 05-4-3 18:14 |只看該作者

Re: 有無將會或已經在聯合醫院生的媽媽,請進來傾下啦!

呢幾日咳,昨日開始喉嚨痛,今天仲有燒,好驚呀?我無睇醫生,因為我唔想食藥!我驚感冒會影響生bb呀!希望快d好返啦! :-(

私人傳訊

積分: 1876

577^#

發表於 05-4-3 23:03 |只看該作者

Re: 有無將會或已經在聯合醫院生的媽媽,請進來傾下啦!

MuelMuel,

我已經咳左三個星期, 呢幾日就好d, 咳少左,
我同你一様, 始終都唔想睇e生食藥, 我驚有
問題。
另外, 我已經嘗試放鬆自己, 但都只係好少少,
今日我又發左老公同兩個女一場好大既皮氣,
發完之後仲想cry。

私人傳訊

gillianchan

穜穜一歲網頁-->李的Baby兩歲網頁-李家Baby~

積分: 3489

578^#

發表於 05-4-4 17:27 |只看該作者

Re: 有無將會或已經在聯合醫院生的媽媽,請進來傾下啦!

各位將入院生BB的媽咪們~~~請留意!

以下物品真係好有用,記住帶埋入院喇!

陰道沖洗器, 網褲, 床頭鎖仔, 紙杯 (我入院時護士派左一隻,一直keep住冇掉,不過唔知係咪人人都會有?) 乾洗頭髮粉, 廁紙 (產前 /產後房廁所都係冇廁紙架!所以記住每次都要帶定入去) 扣裝衛生巾一包(只係用一日) 及貼裝衛生巾一至兩包(預一包又平又細既去'印尿'同遮傷口,真係幾好用)
因為我BB住左7日,大約用左50條片,你地自己考慮下帶幾多入院喇!
廁所既洗手盆係'自動開關架!不過冇時'準',時得時唔得,好唔方便,有時冇端端仲會自己開關(尤其半夜果時好得人驚架!

) 所以最好就用第一個洗手盆喇!(手動開關既洗頭盆水龍頭) 因為可調較熱水!---尤其生完BB,用凍水洗手會手痺架!好易入風,記住留意喇!

產前房因為有埋心臟科同X光部會有好多儀器,所以房內最好唔好俾人見到你打手提,唔係會俾人鬧

就算係廁所都最好唔好用,因為D儀器都受影o向架!對其他病人都唔好,如果打就去電梯大堂打喇!

不過產後房就好好多,全部都係產後媽咪,俾姑娘見到都唔會鬧

其實大部份姑娘同'姐姐'(阿嬸)都幾好既,係個別有D面口黑D,語氣粗D咁o者!都未至於發脾氣,所以你地就要自己'執生'喇!見到面口好D,好人D既,就傾多幾句,有時多D問佢地,搵佢地幫手,黑口黑面既就講少幾句,冇必要都唔好'惹'佢地....其實佢地真係有D'歧視'大陸媽咪架!(不過都係因為佢太煩,太蠢,講極都唔明,所以D姑娘同阿嬸先咁惡對佢地) 至於對我地'香港人'態度當然會好D喇!佢地怕我地會投訴嘛!哈哈!....我個人覺得咁多日我所見的醫生都好好人(5-6個) 產前房既'潘姑娘'最好人(其他人都麻麻地) 產後房D人就好D(大部份)希望你地好彩,遇到D好既姑娘同嬸嬸喇!　

仲有呀!走佬袋清單上既'小盆仔',姑娘話而家已經唔駛再帶架喇!不過將'清單'冇改到,所以完全冇用,我地個個帶左去都要拎番屋企

每日時間表撮要~ (產前同產後房都係差唔多)

姑娘7:00開始探熱,量血壓 (最好果時起身刷牙洗面去廁所,唔駛同人逼)
大約7:30 派早餐
8:30-9:30 醫生檢查 (因為得一個醫生,所以有排等,有時佢會由第一張床睇起,有時由最後一張床開始睇)
10:00 -11:00 (產後餵奶講座)
12:00-12:30 派午餐
2:00 - 3:00 (產後運動講座)
3:00 - 4:00 (產後BB領出世紙及出院事項講座)
5:15 - 6:00 (派晚餐)
5:15 - 8:00 (探病時間)
9:00 有餅乾小食,牛奶派 (唔食都拎左先呀!俾隔離床都好,而且咁早食晚餐,半夜肚餓好慘架!

)

放心喇各位!產前產後房都可以'自己'開關電視架! 而且每晚都可以睇完'大長今'先熄燈瞓覺

MuelMuel, m9394pp

係呀!見到囡囡真係幾開心架!雖然佢有時都幾扭計

你地2個如果有唔舒服都係早D去睇醫生食藥會好D,因為如果你地繼續病,抵抗力就會差,吸收營養都冇咁好,對BB唔好架!(尤其臨近生BB既時候,生BB果日更加要留意,好多時媽咪發燒/唔舒服,BB出世時都一樣會感染到架!---我生BB前一晚都有少少燒,所以BB出世時体溫都係偏高,佢第二日仲發燒添!:cry:) 所以你地可以同醫生講明有BB,請佢開D適當既藥俾你地咪得囉!病向淺中醫呀!

祝你地早日康復!

你地都要放鬆心情呀!有事慢慢同家人傾下,商量下,咁對大家都好丫嘛!

私人傳訊