| 最後我係玩左尼D(聖誕節) day 1 - 台中>到左攪埋所有野到民宿都成3點 > 包車司機好好人,等我地放好行李,再車我地去自然科學園,本來尼程無包,不過太晏,入到場玩到5點人地收工,所以要走人,但訂左7點半DINNER,我地坐的士去左誠品綠園道,睇書睇到7點再去DINNER,響安徒生童話食飯,之後行埋逢甲夜市回民宿. day 2 - 一早我落樓下買早餐比D小朋友,約左司機9點黎接我地, 去左彩虹眷村 > 草莓園-好正採左好多,食左好多> 響草莓園隔離參觀竹炭藝術館> 廣興紙寮造紙廠,玩左做紙扇同印字,又去左食紙@@>18度c巧克力工房,木生昆蟲博物館,直接去日月潭,住澄園..真係好正呀~ 按摩浴缸,我囡玩泡泡浴~~ day 3 - 早上響澄園7樓睇風景食早餐,之後去左坐船遊湖,遊到12點返回民宿附近行左一陣,因為夜到好多店都收左,所以日頭行下,食埋LUNCH,包車黎接我地去左孔雀園,之後再去紙教堂,車埕,集集都唔夠時間去,所以無去了,去左花卉展覽影相就直接去清境民宿-愛力家生活村( 尼間行出去就係國民賓館,所以都算方便          ,不過民宿既職員比唔到好既印象我,但環境同房都好好既~)(早餐-D多士好好味,2個朝早都食左好多,唔好的係遇到好多強國人響度住,早餐時拎野食唔排,又霸住個多士爐整十幾塊麵包 day 4 - 合歡山睇日出> 民宿早餐> 小休 >紙相王午餐>小瑞士花園>老英格蘭下午茶,無得食,影左相,之後等極都無巴士,最後老英格蘭守門口職員幫我們CALL車, NT200,7人車返上愛力家,我中途落車同亞囡同埋朋友囡囡食TEA,其他人返民宿,之後6點出發,民宿幫忙訂車去盧山浸溫泉..最後無去我想去個間,去左司機介紹的,都唔差....食埋風味DINNER(好好食)行左一陣買野,去泉眼浸埋溫泉蛋就回去訓了...太累......... day 5 - 早餐> 青青草原(包返早一日送我地回愛力家架車NT200去青青草原)> 睇狙羊咩咩SHOW,可惜原來星期六有2場SHOW,所以3點後先放羊出草原,我地只可以隔住木柵餵羊,亞囡騎左馬 > 之後司機黎接我地送我地返民宿黎行李 > 之後車左我地去睇到碧湖既一家餐廳食LUNCH,野食OK,風景好靚> 車我地返台中,去九二一教育園,睇完都4點半就5點,所以唔去宮源眼科,直接車我朋友返第一天住既民宿,因為漏左野,返去拎,就再車我地去高鐵站, 我地買到5點半班車,順利上車到台北都6點半左右,上埋的士,我去民宿,朋友去酒店(佢遲訂唔到).之後一齊去士林食DINNER同行街,點知落雨,佢回酒店,我同亞囡繼續行左陣,之後返到民宿都12點. day 6 - 由於落雨, 落左成晚,朝早亞囡又唔肯起身,所以攪到十點半先出到門口,先行去附近SOGO 食小籠包>食飽坐捷運去台鐵站買飛去瑞芳,醒目既我響八堵落車轉平溪小火車...順利有位坐到十分,去到落雨又凍,食D野,影下相,買左野,寄埋咭,夠鐘下班火車,即上月台早D企靚位等火車到...順利上到車,不過無位坐,火車內堆滿人,月台又係,恐怖到.....亞囡唔肯響候硐落,所以直接坐回瑞芳, 追到架巴士, 上車好多人,企去九份,落車,迫到入九份老街, 好似行年宵, 食左D野,買左野,行到一半掉頭走人,搵巴士返台北市 > 又去迫巴士,好彩上到車有位坐,尼程好遠下,落車響SOGO附近,即我住個度附近,即時返去放低D野,再出去同朋友DINNER,再西門町行街. day 7 - 亞囡又唔肯起身,我自己都訓返,醒既時候都10點,噢~我要去上引架,拿拿林換衫出門,今日凍但無雨, 順利去到上引11點幾,入去排隊立食,叫緊8號,我張飛25號  mouth:咁行一陣返去睇,開始叫得快,叫我點野落單先.落單未夠12點,已經無海膽啦~~一場黎到食唔到 亞囡食左好正既鮭魚卵, 我都整返隻長腳蟹先啦,食飽去左BABY BOSS,到場已1點半,即玩左一樣野,之後發生不快事件,最後退錢走人........咁未夠鐘上機,又去左西門町行多次.....再買野,之後送我地去機場司機黎西門町車我返民 宿取行李直接出機場,到機場6點半CHECK埋IN仲有大把時間....................... |
12312 發表於 13-1-15 11:18
今次台中，台北7天行，點玩呀?
發表於 
返回列表
