自由報料今日: 49|主題: 298341

收藏本版

發帖

返回列表

跳至頁

樓主: tanping

千其千其唔好用和記家居固網 [複製鏈接]

1 23

gn01724229

大宅

積分: 3014

41^#

發表於 14-4-2 12:19 |只看該作者

我最初係流動電話用和記...後來有線寬頻個邊太過份...成日斷線等等...咁我就連寬頻都轉埋和記...點知仲勞氣...

佢最初sell我老豆用佢地個Andriod機頂盒...(本身我地已經有齊WIFI同寬頻，都係和記既，佢咁搞一搞，我屋企而家有兩個WIFI)話會送無限數據比佢個囡我...點知到期...我問佢地...佢地話寬頻唔係我個名，要轉左名先得...咁好...我寄左申請表連身份證副本比佢...過左兩星期...無聲無氣...又要我打返去問...佢先話寄失左...收唔到...明明已經有專人follow up我個case...明明知我寄出左，收唔到呀...個d咩都唔通知...

算...佢後來叫我傳真比佢...都未傳真呀...佢個客戶關注組就同我講...其實唔關事，係個sales誤解左...係冇呢個offer既...不過基於佢個sales誤導左我地...所以佢私下送返比我...好炆...煩足我三個月...

都算...成件事我以為解決左啦...

上個月，我阿爸突然間拎我阿媽D信用咭單出黎check...發覺佢地每個月收多我地百幾蚊...咁我阿爸就打電話上去問...個CS 話唔係佢個名登記，我阿爸都打足左半個月，之後要我阿爸講曬全家人D名比佢聽...(因為上面件事都兩年前度，我阿爸又唔太好記性...唯有逐個撞...)個CS仲以私隱為理由...咩都唔同我阿爸講...

okay...我收到我老豆既電話，收工九秒九返左去...打左成個鐘...係得技術支援個邊有人聽...CS個邊長響...叫技術支援幫我駁去CS都駁唔到...之後我同技術支援講...我要你地CS聽日12點前覆，個晚就同老豆去差館報案，D警察話冇證據...叫我第二日去3門市個邊拎證據...okay...fine...第二日我請埋假陪我老豆去3門市...

私人傳訊

gn01724229

大宅

積分: 3014

42^#

發表於 14-4-2 12:29 |只看該作者

本帖最後由 gn01724229 於 14-4-2 12:32 編輯

去到3門市，佢D人話佢地唔可以check到寬頻個邊，佢地係冇寬頻個邊既資料...佢地幫到我地既...就只有...用佢地公司電話打返上佢地CS個邊...

最終...竟然又係要我打返去...個時都已經過左十二點...又等左幾耐佢地班大爺聽電話...佢地話個百幾蚊係增值服務...按道理...會係賬單度顯示...大哥呀...你連寬頻個邊轉埋我個名...都冇人通知我...而你地張賬單係send去我個名名下既e-mail...我連轉左名都唔知既話...我點知你地公司咁好幫我開左個電郵...我同個CS講: 即係咁...唔通你地公司話租層樓比我...但係唔通知我，我咩都唔知...地址係邊...鎖匙咩都冇...咁之後同我收返租呀???

仲有...你幫我轉左名...係咪要問下我需唔需要改一改付款方式...點解可以完全冇人問...係咪阿豬阿狗打黎話改名...之後都可以用我阿媽張信用咭自動過數呢...???

你連我張身份證副本都冇...你根據D咩要幫我轉名...更何況你地之前都話呢個offer係唔存在...咁你做咩要轉我名???

個度比佢地收多左成千幾蚊，佢地話今日之前會覆我，我就睇下佢會幾多點覆返我!!!