吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 徘徊離婚路上的我, 點算好

夫婦情感今日: 3|主題: 42712

收藏本版

發帖

返回列表

跳至頁

樓主: ~唉~

徘徊離婚路上的我, 點算好 [複製鏈接]

1 234 5...7

~唉~

洋房

積分: 63

41^#

發表於 07-9-4 07:54 |只看該作者

原文章由 yoko_hau 於 07-9-4 02:50 發表
我今年２２歲～係一個好貪玩既人～
旦我老公是一個悶蛋～工作狂～
拍拖果陣一個禮拜見一次～當然覺得ＳＷＥＥＴ啦～
跟住過左一年～終於知道佢原來係個工作狂～
之後就日日嘈～覺得佢呢樣唔好～果樣唔好～
旦冇辦法～鬼叫自己愛佢咩～
仲傻 ...

我就係覺得兩個人成世流流長, 唔可以單向付出, 就當係我自私唔願意都好~ 我覺得我不斷為佢改變, 佢唔會覺得欣慰不特止, 仲經常潑我冷水, 我好無癮~ 久而久之, 我唔想再為佢改變任何野~

每次鬧交, 都要冷戰, 最少冷戰一日一夜! 一係我唔記得嬲乜、一係鬧到離婚! 我唔明點解次次都要將隻杯差d敲碎時先至收手, 如果你珍惜隻杯的話, 就唔應該差d敲碎佢~

我地段婚姻已經滿佈裂痕~

私人傳訊

onon1022

子爵府

積分: 12589

好媽媽勳章

42^#

發表於 07-9-4 07:59 |只看該作者

其實可能對你老公黎講...有d男人...無論有錢或者無錢...如果唔顧家或者其他...唔會比錢返屋企...就算比錢返屋企...都唔會比得多...或者試下寫封信比你老公...講出你既感受...

[url=http://lilypie.com][img]

私人傳訊

~唉~

洋房

積分: 63

43^#

發表於 07-9-4 08:03 |只看該作者

原文章由 onon1022 於 07-9-4 07:59 發表
其實可能對你老公黎講...有d男人...無論有錢或者無錢...如果唔顧家或者其他...唔會比錢返屋企...就算比錢返屋企...都唔會比得多...或者試下寫封信比你老公...講出你既感受... ...

寫信......都試過了~ 我知道佢差不多放工返到屋企, 於是寫哂我的感受同諗法等等, 放在電腦枱上, 然後上床訓教, 其實唔係訓, 係想睇下佢咩反應~
結果, 佢返到黎坐埋電腦枱, 睇封信, 睇完就咁擺放, 然後繼續上網, 之後當無件事, 大家繼續冷戰~

私人傳訊

MINIBEAN

大宅

積分: 2328

好媽媽勳章

44^#

發表於 07-9-4 09:06 |只看該作者

身在福中不知福,要慘大把人慘過你,你話食涼瓜佢話你,之後幾日佢自己話要食,其實可能係佢已經後悔自己之前講的話,唔係一定要講對唔住你至知呀,同埋你話佢唔同你睇醫生,講真連我都覺得半年冇bb,唔洗睇不育呀,更何況你老公係男人,請你多d從男人角度看事情啦,如果唔係亂叫離婚,遺憾終生,你又點保證下一個老公會更好呢??慢慢長路要過,點解要咁呢?
p.s.小貼士:我的仔仔係冇避五年先有的,你半年o者,試下放鬆d,唔好成日諗住生bb,自自然然就會有ga喇....不過生bb前,記得要修補好同老公d關係呀,祝你成功!!

私人傳訊

小紅

子爵府

積分: 14201

醒目開學勳章畀面勳章大廚勳章 BK Milk勳章

45^#

發表於 07-9-4 10:14 |只看該作者

原文章由 ~唉~ 於 07-9-3 18:31 發表
小紅,
你是過來人?? 可否講多少少比我參考一下? 謝謝~ 因為我都唔想魯莽決定, 我都唔想太衝動而令自己後悔~

其實我昨天對你的答複好長好祥細, 但電腦突然死機. 我想講的全部都沒有了.
只是直覺你可能是同我是同一類人, 受的是同一種氣.而且無法對旁人解釋.

私人傳訊

~唉~

洋房

積分: 63

46^#

發表於 07-9-4 12:20 |只看該作者

其實到現在, 我仲未有任何決定, 因為你地所提議的, 同我身邊所有人所提議的不同~

唔知係咪因為從文字上, 好難打哂出黎令大家明白, 我身邊d朋友、屋企人、父母........都覺得我老公有問題~

佢地個個都睇到我付出耐性、時間、用心, 對老公軟硬兼施都無效, 我由向佢地討教至今日心淡, 非一朝一夕~

唔開心, post上黎想大家比提議我, 等我可以參考一下, 睇下仲有咩方法係我無試過而又可以修補關係, 並非想搵人支持我離婚, 亦唔想搵人鬧我~
只有同路人先可以感受到果種唔開心~

我明白每個人都總有優點/缺點, 就係因為佢仲有某d優點, 就叫幸福嗎?? 就係因為佢仲會洗衫煮飯, 咁佢的冷淡我就必須要忍受嗎?? 有d人會覺得我身在福中不知福, 但我想問, 如果有天你老公十分爛賭, 你極唔開心, 但你老公爛賭之餘, 會買d小禮物tum你的話, 而你開post話因為佢的爛賭你徘徊在離婚邊緣~ 我可唔可以話你, 你身在福中不知福啦! 你老公仲會買小禮物tum你!!!!!!!!! 可以嗎??????

生BB呢樣野, 到今日已經唔止一年了~ 身體係自己的, 有無需要睇醫生, 自己知~ 以前墮過胎, 我擔心~ 所以我想睇, 老公都知道, 但佢始終都話無需要睇! 就算而家去醫院見醫生, 佢都會問係咪可以唔去!

[ 本文章最後由 ~唉~ 於 07-9-4 12:26 編輯 ]

私人傳訊

AllyChan

男爵府

積分: 8090

47^#

發表於 07-9-4 12:39 |只看該作者

原文章由 ~唉~ 於 07-9-4 12:20 發表
只有同路人先可以感受到果種唔開心~
...

我了解你的境況, 所以bb不要生了.

我也是你所講的同路人 .
小紅都是啊.

一切就看你自己的選擇, 活得開心才重要.

[ 本文章最後由 AllyChan 於 07-9-4 12:40 編輯 ]

私人傳訊

~唉~

洋房

積分: 63

48^#

發表於 07-9-4 12:43 |只看該作者

再講, 之前鬧離婚, 我話我家姐提議我地去搵婚姻輔導, 我老公話好~ 之後我搵左婚姻輔導, 佢又唔想去, 我真係好嬲, 當初覺得佢都想去見輔導係因為大家都想繼續維繫, 但而家我搵左, 你又話唔洗見~ (梗係啦, 因為果刻已經剛剛冷戰完)

之後佢迫於無奈同我一齊去見婚姻輔導, 見完第一次, 佢都無乜野, 隔左差不多一個月再見第二次, 見完第二次佢又話其實大家都無問題啦! 唔洗再見啦~ 最終兩個月前佢一直拖....一直拖...., 而我無再催佢約見輔導員了, 因為我知我心淡了~

[ 本文章最後由 ~唉~ 於 07-9-4 12:46 編輯 ]

私人傳訊

~唉~

洋房

積分: 63

49^#

發表於 07-9-4 12:51 |只看該作者

原文章由 AllyChan 於 07-9-4 12:39 發表

我了解你的境況, 所以bb不要生了.

我也是你所講的同路人 .
小紅都是啊.

一切就看你自己的選擇, 活得開心才重要.

你都係同路人?
咁你選擇左乜野?
而家的生活好嗎?
有後悔嗎?

私人傳訊

banana18

洋房

積分: 79

50^#

發表於 07-9-4 12:56 |只看該作者

樓主不用生氣,針唔拮到肉是不知痛的,各人有各人的難處,亦每個人都有接受唔到的地方...so...take it easy la...我奉勸一句,好認真,離婚要趁早,一切可以盡快從新來過,只要唔好後悔就好了.

原文章由 ~唉~ 於 07-9-4 12:20 發表
其實到現在, 我仲未有任何決定, 因為你地所提議的, 同我身邊所有人所提議的不同~

唔知係咪因為從文字上, 好難打哂出黎令大家明白, 我身邊d朋友、屋企人、父母........都覺得我老公有問題~

佢地個個都睇到我付出耐 ...

我希望世界上每個mama都美麗,健康,快樂!!!

私人傳訊

20020116

公爵府

積分: 27766

51^#

發表於 07-9-4 13:00 |只看該作者

有人性格係咁，冇計，唔好想對方改變，咁係不設實際。
我老公同你老公性格都幾似，惟一唔同就係佢從來唔管我用錢。
我以前都試過頂唔住想離婚，後尾突然有左，個b出世之後會好好多，因為你唔會將注意力集中係佢身上。
多年之後，我又開始頂唔順，但今次唔會諗離婚，因為有亞b。
我只會選擇的兩條路：一、繼續忍。二、在適當的時候找到適當的人選我就出去找自己的開心囉！跟住返歸繼做賢妻良母囉！
拿，一家唔知一家事，其他人咪丙我呀。

私人傳訊

~唉~

洋房

積分: 63

52^#

發表於 07-9-4 13:04 |只看該作者

原文章由 banana18 於 07-9-4 12:56 發表
樓主不用生氣,針唔拮到肉是不知痛的,各人有各人的難處,亦每個人都有接受唔到的地方...so...take it easy la...我奉勸一句,好認真,離婚要趁早,一切可以盡快從新來過,只要唔好後悔就好了.

...

我都唔知自己係咪生氣, 唉~ 淨係覺得好似無人明白我咁><
我好驚只係自己要求過高~ 其實有邊個女人想離婚丫, 我接受婚後生活平淡, 但不等如接受婚後生活冷淡~

私人傳訊

雲妮彭

伯爵府

積分: 19437

好媽媽勳章

53^#

發表於 07-9-4 13:05 |只看該作者

~唉~

我有d體會,想同你分享.

我諗你依家需要既唔係別人既意見同睇法,而係靜心聆聽自己內心既聲音!你嘗試問自己,你對你老公心淡之餘,仲有無愛?如果佢肯改變自己,回復拍拖時一樣,你會唔會再愛佢?唔會諗離婚?如果佢依家有事,可能永遠再見唔到佢,你會唔會傷心?........

家人同朋友既意見,一定係會比較切合你既情況,因為佢地認識你地兩公婆,知道你地既性格......所以比意見一定全面d既.

而我地既意見,因為唔識你地,只能靠文字,再加上個人既睇法,經驗去講,例如,有個人岩岩發現老公有第二個女人,甘佢既情況一定係比你慘,佢可能會話你,你老公甘好,真係唔知足喇....但問題係,每個人既接受程度唔同,有d人打針都會喊既,莫講話趺親流血啦.......窮人飲水,冷暖自知!

講真,你再尋找其他人既意見,你只會越來越心煩,越諗越亂.你明明已經唔多愛老公,但因為佢仲有優點,所以你猶豫不決,徘徊十字路口.....其實你只要搵出一個字就已經可以解決問題了~~~就係"愛"字.

如果你唔知自己愛唔愛佢,甘你可能需要一d時間,無論用咩方法都好,都要搵出答案.只要你搵到"我唔再愛我老公",無論佢有幾多優點,都蓋唔過佢既致命傷,甘你就可以爽快甘做決定了.

無人會比自己更清楚自己既內心.希望你早日走出十字路口!

私人傳訊

20020116

公爵府

積分: 27766

54^#

發表於 07-9-4 13:05 |只看該作者

但我想有少少補充，咁分開黎講，公平d，呢種男人應該好顧家，你會生活冇憂。

私人傳訊

AllyChan

男爵府

積分: 8090

55^#

發表於 07-9-4 13:06 |只看該作者

原文章由 ~唉~ 於 07-9-4 12:51 發表
咁你選擇左乜野?
而家的生活好嗎?
有後悔嗎?

最後選擇離開,我的問題比你還複雜,所以徘徊2-3年去想,現在生活算好罷,沒有後悔.
夫妻間沒有溝通,不聞不問,我最後忍受不了.

你老公覺得大家沒有問題,亦不去了解你的感受,不是愛的表現,他只顧自己是自私的表現, 你比我早發現另一半的問題,應該恭喜你, 現在看你的忍耐力有多大.

私人傳訊

~唉~

洋房

積分: 63

56^#

發表於 07-9-4 13:13 |只看該作者

尋日朝早個死佬send message比我話出門口上大陸打保齡~ 佢就係send呢一句比我, 我完全唔知佢幾點返~ 不過我無理佢, 放工返左媽媽度食飯,晚飯後返到屋企一開門, 原來佢已經返到~ 我淨係開門一刻望左佢一眼, 之後無再望佢~ 而佢竟然又係當我透明!

大家無講過野、無眼神接觸, 各自各上床訓~ 到今朝佢起身返工, 其實我醒左, 但無擘大眼, 佢臨出門口前錫左我一啖(基本上佢一向返工前都會錫我一啖, 即使呢一啖佢係錫得幾咁求其) 我知道佢想tum番我了~

我唔明.....千千萬萬個唔明, 點解次次都要不斷循環!! 次次都要冷戰最少一日一夜先可以和好!! 所謂和好, 好一日半日, 跟住又再冷冷淡淡~

私人傳訊

~唉~

洋房

積分: 63

57^#

發表於 07-9-4 13:21 |只看該作者

原文章由 20020116 於 07-9-4 13:00 發表
有人性格係咁，冇計，唔好想對方改變，咁係不設實際。
我老公同你老公性格都幾似，惟一唔同就係佢從來唔管我用錢。
我以前都試過頂唔住想離婚，後尾突然有左，個b出世之後會好好多，因為你唔會將注意力集中係佢身上。
多年之後，我又 ...

如果今日無阿b, 比你再選擇, 你會點?

私人傳訊

~唉~

洋房

積分: 63

58^#

發表於 07-9-4 13:25 |只看該作者

原文章由 雲妮彭 於 07-9-4 13:05 發表
~唉~

我有d體會,想同你分享.

我諗你依家需要既唔係別人既意見同睇法,而係靜心聆聽自己內心既聲音!你嘗試問自己,你對你老公心淡之餘,仲有無愛?如果佢肯改變自己,回復拍拖時一樣,你會唔會再愛佢?唔會諗離婚?如果佢依 ...

nggg.....你講得岩~
而家個問題應該演變成係我仲愛唔愛佢, 而唔係佢愛唔愛我~
或者我需要多少少時間考慮清楚~

私人傳訊

jacquesau

珍珠宮

積分: 35573

59^#

發表於 07-9-4 13:44 |只看該作者

我都唔明點解啲男人去街總係最後一分鐘先話俾個女人知......有時真係好激氣......

其實我個家都係好靜好靜....大家都唔講嘢....好在有個女如果唔係真係死城一樣......:-(

原文章由 ~唉~ 於 07-9-4 13:13 發表
尋日朝早個死佬send message比我話出門口上大陸打保齡~ 佢就係send呢一句比我, 我完全唔知佢幾點返~ 不過我無理佢, 放工返左媽媽度食飯,晚飯後返到屋企一開門, 原來佢已經返到~ 我淨係開門一刻望左佢一眼, 之後無再 ...

[ 本文章最後由 jacquesau 於 07-9-4 13:45 編輯 ]

好好過每一天......

私人傳訊

hkfcpt

民房

積分: 8

60^#

發表於 07-9-4 13:50 |只看該作者

我近年都成日諗離婚呢個問題, 但我地之間有個仔, 所以一直都唔知應該點, 應該做個偉大定自私的媽媽

我同我老公識左好多年, 大家性格一直都唔岩, 經常性鬧交, 事無大小都鬧一餐, 拍左拖7年分手, 分開gei時候我諗其實大家亙相遷就下咪得lor, 跟住就再一起仲結婚添, 結婚初期大家都好開心, 因為大家會亙相遷就, 無幾耐仲生埋亞b

但近呢幾年我覺得好唔開心, 我同佢完全溝通唔到, 我同佢唔會傾心事,有咩都唔會講, 我試過主動send sms, msn, e-mail同佢傾, 都無用, 因為佢心中覺得無問題, 有問題只係我

另一個問題係結婚7年黎, 每次都係我主動攬佢, 錫佢, 同xx, 1年前我同自己講, 我唔會再主動去做xx, 結果呢1年黎佢都無要求過, 我問過佢好多次到底點解會無需要, 佢都無正面答我, 只話好倦, 咁我仲可以點?? 我唔係出黎做, 我都有尊嚴, 每次都要我去乞求, 我已經受夠la, 但如果離婚, 咁亞仔點??