吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 請左個菲傭返黎，攪到心情好差

論盡家傭今日: 3|主題: 134084

收藏本版

發帖

返回列表

跳至頁

樓主: stella789

請左個菲傭返黎，攪到心情好差 [複製鏈接]

1 234 5

yauyau08

大宅

積分: 1273

41^#

發表於 07-12-27 22:36 |只看該作者

但係佢湊nb 一流喎,,,, 為左個baby 係咪忍下佢好呢, 慢慢改善大家的關係

私人傳訊

stella789

大宅

積分: 1472

42^#

發表於 07-12-27 22:42 |只看該作者

原文章由 sunnyfyma 於 07-12-27 20:58 發表

If her attitude is so bad, I will fire her imdly and find a new one urgently thru another reliable agent. At the meantime, you can search a part time to help take care new born baby. Attitude is no ...

其實我都知，如果佢既態度係咁，應該早d換左佢，俗語講:"江山易改，品性難移"。不過如果而家炒佢，換過一個，我要等2個月嘛，問題係我就黎生bb，仲有個零月，我怕到時無同陪我坐月。就算搵part-time都未必咁快搵到，加上而家開始成日都好攰，都唔多想出街，希望呢次經過我咁狠狠地"省"佢一獲，佢會改善啦，如果真係唔得，坐完月就馬上炒左佢。

私人傳訊

stella789

大宅

積分: 1472

43^#

發表於 07-12-27 22:43 |只看該作者

原文章由 yauyau08 於 07-12-27 22:36 發表
但係佢湊nb 一流喎,,,, 為左個baby 係咪忍下佢好呢, 慢慢改善大家的關係

就係o羅....我阿嫂都話如果佢湊阿b好好既，咪當佢"將功補過"，睇下佢有無改善先算啦!!

私人傳訊

靚太太

禁止訪問

積分: 1842

44^#

發表於 07-12-28 01:32 |只看該作者

提示: 作者被禁止或刪除內容自動屏蔽

私人傳訊

stella789

大宅

積分: 1472

45^#

發表於 07-12-28 21:02 |只看該作者

原文章由 靚太太 於 07-12-28 01:32 發表
其實講真你工人都未至於好差,就睇下佢湊BB好唔好先決定點呀,因為以家請個識湊nb工人真係好渴市!:-P

今日又有新野啦!!!

其實響佢黎既第一日，我都發覺成日去廁所，次數比我呢d大肚婆還要多....好多好多!!!!

今晚佢去完廁所，連洗手間個水龍頭都比佢整爛埋....真係對住呢個人，我會死好多細胞!!!!

又想問一下，佢整爛野，可以扣錢嗎???

私人傳訊

labelle

禁止訪問

積分: 13047

46^#

發表於 07-12-29 13:42 |只看該作者

提示: 作者被禁止或刪除內容自動屏蔽

私人傳訊

pollybell

子爵府

積分: 14001

47^#

發表於 07-12-29 14:07 |只看該作者

可以扣上限每次疏忽扣三舊一個月最多扣人工既四份一即八舊幾唔洗同佢客氣你唔扣佢下次佢唔會知道自己既問題,拾多幾劑比你嘆.佢中意同你講法例你咪依法例去做羅.

原文章由 stella789 於 07-12-28 21:02 發表

今日又有新野啦!!!

其實響佢黎既第一日，我都發覺成日去廁所，次數比我呢d大肚婆還要多....好多好多!!!!

今晚佢去完廁所，連洗手間個水龍頭都比佢整爛埋....真係對住呢個人，我會死好多細胞!!!!

又想問一下，佢整爛野，可 ...

私人傳訊

stella789

大宅

積分: 1472

48^#

發表於 07-12-29 14:56 |只看該作者

原文章由 pollybell 於 07-12-29 14:07 發表
可以扣上限每次疏忽扣三舊一個月最多扣人工既四份一即八舊幾唔洗同佢客氣你唔扣佢下次佢唔會知道自己既問題,拾多幾劑比你嘆.佢中意同你講法例你咪依法例去做羅. ...

多謝指引!!!

不過岩岩同agent通完電話，佢都係話可以扣佢人工，不過唔可以多過三舊水。

其實我而家響你度都學左好多野，你真係講得好岩，橫掂佢咁鍾意講法例，拎合約出黎晒我，我都係應該"以牙還牙"，用番呢套對付佢!!!

不過，響聖誕節25/12果日佢比我狠狠咁"丙"左一大獲，呢幾日d態度又好似好番d啵，無咁自把自為啦，希望佢一直keep住落去啦!! 如果佢有咩特別野發生，我會第一時間響呢度發表一下比大家參考。

私人傳訊

stella789

大宅

積分: 1472

49^#

發表於 07-12-29 15:02 |只看該作者

原文章由 labelle 於 07-12-29 13:42 發表
可以扣錢, 不過一期糧 max 可以扣 $300

不過我用咗我工人兩年幾都未扣過佢錢 ... 咁佢當然有整爛 / lost 過我 / BB 野我只係覺得佢唔係有心 & 一次半次咪算囉 ... 自己都會整爛 / lost 野啦

...

我都知每個人都會有機會去整爛野，不過我真係好懷疑佢可以點整得爛個水龍頭??? 因為我屋企係岩岩裝修完，係全屋翻新果隻，所有野都換過新架，仲有係今年6月底先至搬番黎住架，咁新既野都會整得爛，我真係好奇怪o羅!!!! 如果我d野係用左一段長時間，我都會考慮到，可能已經用左好耐，我都未必要佢賠錢，不過而家先至半年咋，有無咁快爛呀!!!!

私人傳訊

stella789

大宅

積分: 1472

50^#

發表於 08-1-7 13:46 |只看該作者

原文章由 stella789 於 07-12-26 23:06 發表

我仲同佢講，一個星期只可以用洗衣機一次，之前佢好似隻雀咁，日日換唔同既衫(包括外套)，因為可以比佢無限次用洗衣機嘛，擒晚同佢講完，今日件外套就唔敢換啦!!

我響聖誕節果晚同佢講左一星期只可以用洗衣機洗佢自己d衫，之後呢個幾禮拜都ok，不過其實上星期一我都有d懷疑，因為佢洗好多衫，基本上整個窗台都放滿晒佢已經洗左既衫，我懷疑佢唔只洗一機，而係洗左兩機，只不過我係無證據證明啫!!!!

真係好衰唔衰，我地d大肚婆係經常去廁所小解，今朝一早6:30，我見有點急，起身去洗手間啦，當時天仲未光，全屋又無著燈，因為賓賓佢習慣係7:00先起身洗面刷牙，所以我估佢都未起身，去完洗手間之後，準備返入房再睡，但聽到廚房傳來一陣一陣"軍軍"聲音，因為得我同賓賓2個人，於是我走去廚房看過究竟，原來部洗衣機正在使用中，睇真d，只剩下27分鐘就洗完這機衫........我心諗，真奇怪，本來預先調較好洗衣程序的時間為1小時17分鐘，咁即係話呢機衫已經洗左差不多50分鐘，亦即是由5:40分開始洗。

點解佢會咁早開機洗衫???? 5:40喎???????

我心中起了猜疑，可能佢真係想洗兩機，但又唔想比我知，所以響我未起身之際先洗左佢d衫，到時我見到窗台d衫時，佢會覺得我奈佢唔何。點知...佢阿mum我又會咁橋踢爆左佢，到左8:30我起身，我就問佢"你到底今日洗左幾多機衫???" 佢猶豫左一陣，先至答我"2機"，我再問佢"我之前已經同你講左你一星期只可以用洗衣機洗自己衣服一次，點解你會咁做???" 佢話佢d fd比左d衫佢同埋因為深淺色衫，分開左洗......佢都好叻喎!!!! 佢d衫就識得分開深淺色洗，而我果d...........

話說上星期六，我發現我穿的睡衣染左d深色上去，我就問佢，洗衫時有沒有分開顏色先至洗，佢話"冇"，怪不得d衫會有d深色染左上去啦，好彩......只係睡衣啫!!!! 之後我都叮囑佢以後洗我d衫要分開深淺色洗!!!

真係嬲嬲地，所以我就同佢講，由今日起，你d衫請你自己用手洗，以後你都不可再用洗衣機洗你自己d衫。

我這樣做是對嗎???? 還是有點不仁道???

私人傳訊

mtqueenie

大宅

積分: 1482

好媽媽勳章

51^#

發表於 08-1-7 16:07 |只看該作者

你做得好，我以前個賓重會幫Ｄ冇洗衣机用嘅friends攞Ｄ衫番來洗，賺外快！一於唔好比佢用！:tongue:

私人傳訊

yumiwan

大宅

積分: 1007

52^#

發表於 08-1-7 16:46 |只看該作者

算啦! 你都係抄左佢換個新工人喇. 你唔like佢, 佢都一樣唔like你架咋. 點會用心幫你湊BB, 生左BB仲多野做, 到時你仲激氣咋. 一陣有產後抑鬱就唔好喇.

私人傳訊

stella789

大宅

積分: 1472

53^#

發表於 08-1-7 18:07 |只看該作者

原文章由 yumiwan 於 08-1-7 16:46 發表
算啦! 你都係抄左佢換個新工人喇. 你唔like佢, 佢都一樣唔like你架咋. 點會用心幫你湊BB, 生左BB仲多野做, 到時你仲激氣咋. 一陣有產後抑鬱就唔好喇.

我都想而家炒鬼左佢，但係就黎要生，我想坐完月先，因為申請過新既要成二個幾月，即係話我而家去申請定先比較好????

其實一路都係比緊機會佢，但佢好似唔係好珍惜咁.....因為見佢好似無乜heart!!! 可能仲差緊agent錢啦，佢而家就吞聲忍氣，我都好驚到時阿b出左世，佢會揸住呢樣野同我玩。

唉.....到時炒佢又要洗一筆，點解香港政府咁無能架，乜野著數都比外地人，好似呢d外勞，一批visa想炒佢地要補一個月代通知金。又好似d大陸人黎香港生bb，比39000元就父母不是香港人都可能黎生，並且可以享有香港人福利。呢d係乜野政策?????

真激氣!!!!

私人傳訊

vic-wing

男爵府

積分: 6949

54^#

發表於 08-1-8 00:40 |只看該作者

佢咁估惑,深夜起身開機

你做得岩呀,以後乜都叫佢自己手洗

你比佢用洗衣機其實都唔衛生丫,第時你bb出世,bb床單、衣物都會有機會用洗衣機,所以唔比佢用真係岩架！不過你趁未生得,好盡量管教好佢呀,起碼冇野忌住佢,大不了咪即炒

第時你有初生bb,真係會忌個工人幾分架,雖然你係全職媽咪,但個工人總有機會接觸bb,佢想報復真係話咁易架

私人傳訊

stella789

大宅

積分: 1472

55^#

發表於 08-1-8 01:03 |只看該作者

原文章由 vic-wing 於 08-1-8 00:40 發表
佢咁估惑,深夜起身開機你做得岩呀,以後乜都叫佢自己手洗你比佢用洗衣機其實都唔衛生丫,第時你bb出世,bb床單、衣物都會有機會用洗衣機,所以唔比佢用真係岩架！不過你趁未生得,好盡量管教好佢呀,起碼 ...

係呀, 佢真係好估惑架，不過佢阿mum唔係白痴呢!!!! 由今日起，佢d衫真係要用手洗架，對佢好，佢唔領情，抵佢c......

我已經決定左聽日就去agent度睇下有冇新妹妹.....而家搵左先，入左紙申請左佢，計下時間，例如新妹妹要3月10日左右先至到，我就2月11日通知佢唔再用佢，雖然到時我係坐緊月，不過我已經搵左個fd黎我家幫手(會過夜)，同埋有個鐘點陪月，屋企都夠多人，唔怕賓賓作怪!!!

講真，應該係即炒佢，比一個月代通知金佢叫佢即刻走，不過我成日覺得佢好似要我屈服，我一定唔肯，我寧願將d錢比我個fd好過，唔係成日以為我地香港僱主真係怕左佢，要比埋錢送佢地走....休想!!!

私人傳訊

hoiyi6695

複式洋房

積分: 439

56^#

發表於 08-1-8 09:04 |只看該作者

原文章由 stella789 於 08-1-8 01:03 發表

係呀, 佢真係好估惑架，不過佢阿mum唔係白痴呢!!!! 由今日起，佢d衫真係要用手洗架，對佢好，佢唔領情，抵佢c......

我已經決定左聽日就去agent度睇下有冇新妹妹.....而家搵左先，入左紙申請左佢，計下時間，例如新妹妹要3月10 ...

Stella:我支持你,我覺的工人其實做得那麼差是博抄,如果即刻賠一個月人工給她們,實在是益了她們.我上一個工人也是一個月通知抄她的.記得如再請工人時記緊入加快信,之後你給了一個月通知信給你的工人時,也可將該信一起fax給入境處.

私人傳訊

birdbird

水晶宮

積分: 61629

57^#

發表於 08-1-9 20:44 |只看該作者

stella729,
你quote工人的 '錯', 在我黎講, 我覺得唔係咩大錯,
無需要出warning letter什至係請佢走.

1) 洗衣機
你唔需要規定佢一星期先至洗一次衫 (我覺得有d mean). 你只需要話每次開機起碼要3/4 機 full 先至開, 因為慳水慳電. 你自己d衫都係咁做, 工人冇理由唔聽, 佢亦會 'kur'.
況且, 佢一星期先至洗一次衫, 即係話佢要買好多衫先至有得替換, 佢買得o野多, 你仲煩. 又或者佢玩o野, 3日都唔換衫, 話因為一星期先至洗一次衫佢冇衫換, 你到時就嫌佢污糟, 咪仲煩.
其實你叫佢手洗自己d衫, 盞自添麻煩, 一來用得多水, 2來你個toilet就成日水 'dick dick', 3來佢大條道理話要洗衫, 冇時間睇bb..... 真係你諗你.

2)針茶比客人唔用隻碟
各有喜好, 佢覺得冇問題, 我都覺冇問題. 你鐘意用碟, 咪叫佢用囉, 佢用番就得, 唔需要覺得呢個係大問題.

3) 工人keep起d菜.
佢以為你食少少菜就夠, 我工人初黎時都係咁, 佢以為我好似佢咁細食, 我唯有同佢講我係鍾意食送多過食飯, 叫佢煮番大碟d 送. 呢個問題好易解決.

4)用爛 o野.
我話你知, 有工人在家, 所有家電及其他物品, 壽命係會短. 唔係你呢個工人特別係咁, 個個工人都係.

你呢個工人係 'Jan' 架喇, 蝦你係新手僱主. 你大番佢都應該. 你 '大' 過佢之後, 佢都好知 'dan', 我覺得可以繼續用wor. 如果你連呢d小事都咁勞氣, 我可以話, 你以後就算換新工人, 會仲勞氣. 尤其你係 stay home mom, 對住個工人24小時.

我地要跟唔同文化背景的陌生人住埋同一間屋, 係要時間去適應. (做人老闆, 都唔係話咁易架!) 我工人初黎時, 我都覺得佢有好多地方唔合我心意, 但係時間長o左, 大家知道相方脾性, 我又化o左 (我只求佢湊得掂我仔), 咪少o左 complaint 囉..... 希望你明我講咩啦.

[ 本文章最後由 birdbird 於 08-1-9 20:53 編輯 ]

私人傳訊

stella789

大宅

積分: 1472

58^#

發表於 08-1-9 21:25 |只看該作者

回覆 #57 birdbird 的文章

birdbird,

非常多謝你既意見!!! 不過，佢所做既野，似係挑戰我底線多d。

1) 洗衣機
你唔需要規定佢一星期先至洗一次衫 (我覺得有d mean). 你只需要話每次開機起碼要3/4 機 full 先至開, 因為慳水慳電. 你自己d衫都係咁做, 工人冇理由唔聽, 佢亦會 'kur'.
況且, 佢一星期先至洗一次衫, 即係話佢要買好多衫先至有得替換, 佢買得o野多, 你仲煩. 又或者佢玩o野, 3日都唔換衫, 話因為一星期先至洗一次衫佢冇衫換, 你到時就嫌佢污糟, 咪仲煩.
其實你叫佢手洗自己d衫, 盞自添麻煩, 一來用得多水, 2來你個toilet就成日水 'dick dick', 3來佢大條道理話要洗衫, 冇時間睇bb..... 真係你諗你.

*****佢開機既次數比我呢個做阿mum既還要頻密，仲有，佢諗住家有洗衣機，佢可以大洗特洗，再講，我都已經warning左佢一星期只批准佢用一次洗衣機，而佢都仲要天未光開始洗佢d衫，擺到明係"當我冇到"啦!! 既然佢都唔尊重我，我要比錢佢洗既咁使唔使尊重佢???

2)針茶比客人唔用隻碟
各有喜好, 佢覺得冇問題, 我都覺冇問題. 你鐘意用碟, 咪叫佢用囉, 佢用番就得, 唔需要覺得呢個係大問題.

******斟茶要與碟一併提供給客人，其實birdbird，響第一次發生時我已經好客氣同佢講左，要比埋碟客人架，當時佢仲駁我咀話"that's ok, that's ok"，但係我都堅持要佢拎埋要碟出黎比客人。到左第二次又淨係拎隻杯比客人，我先至鬧佢上次已經同佢講左，又再次犯錯???? (呢d自我中心太強了吧!!!)

3) 工人keep起d菜.
佢以為你食少少菜就夠, 我工人初黎時都係咁, 佢以為我好似佢咁細食, 我唯有同佢講我係鍾意食送多過食飯, 叫佢煮番大碟d 送. 呢個問題好易解決.

******佢keep起d菜目的係for佢next day早餐豐富d啵..........唔係因為以為我細食定係無胃口，出於咁既心態你都可以接受???

4)用爛 o野.
我話你知, 有工人在家, 所有家電及其他物品, 壽命係會短. 唔係你呢個工人特別係咁, 個個工人都係.

*******呢點我都明白!!!!

私人傳訊

fattumtum

複式洋房

積分: 174

59^#

發表於 08-1-9 22:54 |只看該作者

Stella 789
喂你幾時生易呀?休息多d, 千其唔好激親自己&阿b

你個工人又真係好鬼煩!俾著我係你都會激鬼死! 我下個月要生la, 個工人今個星期開始返工, so far ok 啦! 但今晚佢開始有d唔舒服, 我真係怕佢病!我又大肚,個大b又容易病, 真要買佢怕!!!:cry:
洗衣問題: 我個人覺得, 你最好都係叫佢用返洗衣機洗, 重要叫佢用消毒水一齊洗,尤其,你個bb出世後,你一定要要求個衰bun用,因為我覺得d工人wai生意識都係差d!!經常要提佢洗手,唔好著屋企slippers出外...

anyways, 你自己take　ｃａｒｅ　啦！！:)

私人傳訊

birdbird

水晶宮

積分: 61629

60^#

發表於 08-1-9 22:58 |只看該作者

stella789,

1) 洗衣機

*****佢開機既次數比我呢個做阿mum既還要頻密，仲有，佢諗住家有洗衣機，佢可以大洗特洗，再講，我都已經warning左佢一星期只批准佢用一次洗衣機，而佢都仲要天未光開始洗佢d衫，擺到明係"當我冇到"啦!!
我有唔同睇法. 工人知道你限佢一星期只洗一機衫, 而佢需要洗多過一機. 佢趁你未起身, 寧願5點幾唔訓, 起身去開洗衣機, 佢似係怕你知道佢 '違例' 多過想挑戰你.
至於何以工人要洗咁多衫, 你反而要 '調查' 下. 會唔會係佢幫人洗衫? 至緊要係佢唔可以拎屋企d資源貼街外人.

既然佢都唔尊重我，我要比錢佢洗既咁使唔使尊重佢???
有咁ge心態, 好工人都唔會做得長. 做老闊唔係淨係識得指指點點, 有好多人情世故都要顧及, 尤其係呢個 employee係同你住埋一間屋, 幫你湊b呀.

2)針茶比客人唔用隻碟
******斟茶要與碟一併提供給客人，其實birdbird，響第一次發生時我已經好客氣同佢講左，要比埋碟客人架，當時佢仲駁我咀話"that's ok, that's ok"，但係我都堅持要佢拎埋要碟出黎比客人。到左第二次又淨係拎隻杯比客人，我先至鬧佢上次已經同佢講左，又再次犯錯???? (呢d自我中心太強了吧!!!)
普遍黎講, 菲傭係有呢個特點, 自己覺得ok ge 野, 佢會做. 對於一d working mom 又或者係比較 carefree的媽咪, 呢類工人會夾到佢地, 因為工人會 take initiative 去solve problems, 而唔係等指令去解決問題. 但係對於一些比較強 & 做事講求條理的的媽咪, 呢類工人就未必夾到佢地...... 人夾人.

3) 工人keep起d菜.
******佢keep起d菜目的係for佢next day早餐豐富d啵..........唔係因為以為我細食定係無胃口，出於咁既心態你都可以接受???
哈, 我冇諗過工人有呢個心態. 我會叫工人以後買多d菜, 大家食到夠為止..... 菜, 而家都仲算食得起.

最後,
1) 我作為一個菲傭的僱主4年幾 (我幾好彩, 個工人算幾好),
2) 在呢個forum 睇o左幾年的留言, 加上
3) 見到身邊的同事 & 朋友請工人的 case,

領唔到, 而家請工人, 只要工人湊得掂個b (係用心咁湊), 老實 (唔偷o野 or 唔帶外人返屋企), 做家務尚可, 已經叫做請到個 '好' 工人. 其他o野.... 做僱主的要睇開d, 唔好咁執著, 先至會有安樂日子過.

bb出世之後, 你跟現時, 或者新工人, 仲有排磨合.

祝你早日搵到個好幫手.

[ 本文章最後由 birdbird 於 08-1-9 23:14 編輯 ]