吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 小朋友野蠻, 沒規格, 都是大人的錯!!!!!

自由講場今日: 120|主題: 1349258

收藏本版

發帖

返回列表

跳至頁

樓主: Doraemon_ng

小朋友野蠻, 沒規格, 都是大人的錯!!!!! [複製鏈接]

1 234

小魚兒正正

男爵府

積分: 8788

41^#

發表於 07-12-30 10:43 |只看該作者

原文章由 yingbma 於 07-12-30 10:37 發表

我個女上年返 n1 時, 我又係比佢自己揹書包, 點知一路行返學, 一路比d途人話我做乜咁無陰公要佢咁細揹書包, 又話咁慘要咁細個返學. 吹賬. :tongue:

唉依家d細路就係太保護...大個左少少錯折都受吾起
所以我吾會"中"個仔
做錯是一定話佢...有時都會打....

[

私人傳訊

均均媽

大宅

積分: 2249

好媽媽勳章

42^#

發表於 07-12-30 11:50 |只看該作者

我個仔(2歲)都俾6299縱到成個小魔怪咁...
佢地成日話小朋友唔縱得,但最縱就係佢地兩老:tongue:
我自知個仔天生百厭野蠻,佢曳時我會好惡話佢,而家唔教佢大個真係打亞媽都似...但佢地兩老又會話"亞b仲細,唔洗咁惡既"

我要返工,99湊亞仔,有時放工佢同我講個仔爬窗,又走去開煤氣爐..
嘩,我知道鬧個仔鬧到飛起啦

萬一一次真係出左事點算,99就話"細路仔係咁架啦,下次亞b唔會咁架啦可?!"我個仔又點頭喎,其實你問佢掉佢去垃圾站好冇佢都點頭架啦

,99係都要爭住晒,我仲有咩野講

一次帶亞仔去玩具反x城,去到玩具屋個度,原本亞仔一個人玩緊細間D既屋,玩玩下佢走左去一間大既玩具屋,但裡面有幾個5,6歲既小朋友,始終亞仔細咁多,我驚小朋友會唔覺意整到佢,咪唔俾佢玩囉;點知個衰B係都要開度門仔,死都要入去,裡面D小朋友就走出黎,幾個圍住我個仔(放心,唔係惡意)問佢"小朋友,你乖唔乖先?唔乖我地唔尋你玩架"由於我唔想佢玩,我就話"係囉,細b都唔乖,都唔聽媽咪話既,姐姐唔好尋佢玩喇,我地走喇"此時我仔已經叉住條腰以一敵五,用佢明人唔明既BB話鬧緊人地

,人地都冇得罪佢,但佢好似覺得人地蝦佢,唔俾佢玩咁,佢鬧到面紅耳熱,我咪話唔好意思夾硬拖佢走,點知個衰仔發難坐晌屋仔門口先扁咀後狂喊,得2歲人仔同我鬥力,拖都拖唔郁,發癲FING開我喎,我又驚整親佢,佢喊到死老母都冇咁淒涼,失禮到暈!!呢下我真係嬲到震

我咪踎晌度睥住佢囉,點知佢望住我喊得仲大聲,幾泡眼淚滴晒落地:-( 好似要俾人知道我對佢唔住咁,最後一路目擊整個過程的C6抱起亞仔,一邊呵返佢一邊同亞仔講"呢個媽咪咁衰既,係咪媽咪蝦細b呀?我地唔好睬佢姐"我個仔就博命點頭,扁住咀好憤慨咁望住我...呢件事上我可能有錯,可能真係惡,但我唔贊成縱佢縱到咁,明明係佢自己發難唔岩,點解為左哄佢而要顛倒事實,錯都變對呢?!
C6竟然話我令到個仔冇尊嚴喎,晌其他小朋友面前話佢曳好HURT個仔

成件事係我唔岩喎...我激到想嘔血~
十月懷胎生個衰B,佢係我心頭半塊肉啊(另一半係大女:loveliness: ),我見個仔喊時不知幾心痛呀,心裡一次又一次既衝動想抱返佢哄佢,但明知係佢百厭就唔可以縱,如果唔係點俾佢知是非黑白呀

點知C6一家同我唱反調

搞到我仔而家唔話得架,唔好話責怪佢啦,連嚴肅少少同佢講野佢已經垂下頭扁咀喇,死唔死

私人傳訊

Cara2006

男爵府

積分: 5949

43^#

發表於 07-12-30 11:55 |只看該作者

原文章由 wawawaiii 於 07-12-28 23:39 發表

係呀,我直頭開聲話同學個呀媽添,
得3,4本書又幫攞書包 ,一放學又奉上零食飲品 ,
一住行一住食 ,個仔起飛腳又扮睇唔到 ,
拖住人地D仔跑左去連影都無麻都唔追上去 ,
而家唔去教,將來你就自 ...

拎書包？我見過中學生都要亞媽拎書包，係男仔，起碼14歲 !

一路行一路食就真係冇禮貌兼唔衛生，d 人一驚小朋友肚餓卦，
最憎就係明知 mtr 唔可以食野都照比小朋友食。

私人傳訊

月希

珊瑚宮

積分: 119719

2024年龍年勳章好媽媽勳章畀面勳章

44^#

發表於 07-12-30 12:02 |只看該作者

真係講得岩...琴日我同朋友一齊帶仔女去圖書館
果時好早..我地以為會冇乜人架...點知..未去到圖書館門口咋...就聽到小朋友大叫亂跑聲...初初都以為係near個遊戲室嘈姐
點知入到兒童圖書館...真係救命~原來有2家人係度...2對父母都自己睇書..佢地既仔仔(起碼5歲以上,高過我仔仔的)就周圍走周圍叫...
我地一入去就話"嘩...咁嘈既!"諗住d父母聽到都會control下d小朋友啦..點知係冇反應...我地唯有揀左圖書行去圖書館對開少少既脫鞋處坐低同小朋友講故仔啦..
已經避開佢地...唔想係人地父母面前幫人教仔架啦..點知果2個細佬又走出黎想同我仔玩...我仔都話佢地好嘈丫,我睇緊書...結果我fd忍唔住話"小朋友,依度係圖書館,係睇書既地方..應該要靜架喎...如果你地要嘈就行返入去嘈~唔好係度嘈住我地睇書!"
我fd語氣都幾重..我諗小朋友知比人鬧...就即走番入圖書館...細果個重同父母講.."我好嘈丫..比人話丫~"我見佢父母之後唔係教佢..之前係佢唔岩...佢應該要安靜..而係"bea"住我地囉

私人傳訊

Cara2006

男爵府

積分: 5949

45^#

發表於 07-12-30 12:03 |只看該作者

而家好多好低下階層的人，係特別縱細路。
反而有 d 較中上的家庭，對仔女好嚴。

幾十年前，甚至亞媽細個的時代，低下層的孩子都唔會被縱，當時個個都苦，小朋友天生天養，細細個就要自己學會保護自己；當時，縱孩子係中上，甚至富裕人家先會做。

而家，好多低下階層都好縱孩子。

早兩個月去深水步黃金商場，見有一對看似草根的父子，父親起碼五六十，個仔最多7-8歲。佢地衣著都好撲素，見個爸爸幫小朋友傾緊 nds lite 的價錢，點知臨門個仔話要買 wii，個爸爸當現面有難食，因為價錢真係貴 d ，個爸爸猛講話好貴，又唉聲嘆氣；個仔就好惡咁話一定要買，又話同學都有，點解佢冇，當時都好多人望住佢； d 售貨哥哥都好好，知道個爸爸的難處，猛同個小朋友講話 nds lite 的好處，又話適合佢玩多 d，等等。後來我冇留意，佢地就走了，我以為佢地唔買喇，點知過了 20 分鐘，我地在商場兜料一個圈，去番同一檔口，又見兩父子，聽個爸爸講，好似係翻屋企拎錢，結果真係買了部 wii，個仔就開心，個爸爸就滿面愁容。

私人傳訊

Nymph_

子爵府

積分: 11684

牛年勳章

46^#

發表於 07-12-30 13:58 |只看該作者

原文章由 Cara2006 於 07-12-30 11:55 發表

拎書包？我見過中學生都要亞媽拎書包，係男仔，起碼14歲 !

一路行一路食就真係冇禮貌兼唔衛生，d 人一驚小朋友肚餓卦，
最憎就係明知 mtr 唔可以食野都照比小朋友食。 ...

我個女13歲,我都有幫佢揹書包,其他野就佢自己拎.因為佢有脊椎側彎,但都只限於我得閒先去凑佢放學.
:lol: :lol: :lol: :lol: :lol:

私人傳訊

2heiBBmama

公爵府

積分: 27067

好媽媽勳章親子達人勳章 BK Milk勳章

47^#

發表於 07-12-30 22:23 |只看該作者

我試過同個仔去上跆拳道, 我企起門口等接仔個時見到有個男仔好曳, 用條腰帶圍住另一個小朋友條頸嚟玩, 雖然呢個小朋友唔係我個仔, 係咁岩同時企係我旁家長既小朋友, 佢無出聲, 我只係同佢講咗句, 呢個小朋友真曳, 點知呢個家長一早知, 佢無嬲只係話呢個小朋友每一堂都會比教練罰, 之後我地分別接仔啦, 點知, 呢個曳男仔既媽媽走過去鬧我身旁既家長, 話佢個仔係因為多咗個妹妹, 所以性格上有所改變, 但言談間都覺得個仔無錯, 我心諗, 人地個仔比你個仔用條腰帶圍住條頸都未出聲, 你呢個媽媽竟然惡人先告狀, 鬼唔知佢個仔咁曳LU~

神未曾應許天色常藍;但衪曾應許生活有力!

私人傳訊

Doraemon_ng

伯爵府

積分: 16277

好媽媽勳章

48^#

發表於 07-12-31 00:08 |只看該作者

其實我都發現大家教子女時遇到同一d 問題:
1.) 自己管教時, 袓父母或外袓父母阻撓
2.) 路人甲乙丙多意見或出口幫小朋友

講真, 第一樣要教都唔係無計. 真係要自己同老公都要企硬, 我以前教緊我大囡時, 我奶奶都成日出口幫忙. 講甚麼: sorry 媽咪啦! 如果唔係, 媽咪就.......等類似說話.
最後, 我唔理佢like 唔like , 我一手抱起個大囡, 走入房, lock埋門單對單咁教.
初初佢好唔鍾意. 仲有檢查我有無打佢. 後來, 得知我係單獨同佢傾計, 同佢講道理. 並沒有打佢後, 奶奶每次見到佢扭計時, 都會叫: 媽咪, 的佢入房.....
所以呢一招我都算成功左.

第二樣野, 仲簡單, 如果有d 路人甲乙丙干涉, 我會

佢地. 而且仲要擺到個樣好惡, 好似想殺人咁既面口. 佢地一定會知離而退.
亦都講真0個句, 佢地至多報警告我 "弱" 待兒童; 但我打都無打個小朋友, 如果真係報警, d 差人至多會話佢地多事, 一定唔會干涉我管教的. (真係唔好出手打小朋友先可以咁咋)

最後我體法, 無錯, 而家小朋友係唔打得, 要同佢地講道理.
但有時, 適當體罰, 我都覺得啱.
不過最緊要係, 大人唔好將自己d 唔開心放左打仔既身上.

我開呢個topic 出落, 其實真係好想講下, 而家d 人點教仔女. 點過份縱容等.....
但我絕無 "其"視任何階層或國藉. 只希望大家都好好管教子女. 希望佢地會做未來有用既小棟樑.

最後, 我好想講俾d 野蠻, 無規矩, 的"生翻"的父母聽. 唔識教, 就唔好生. 生出來, 唔去教, 將來係佢地受苦, 係害左佢.

我只所以咁講, 我之前都提及過. 以我所知, 當年其中一個被縱壞左既小朋友(而家成四十幾歲咯), 而家仲係監倉道坐緊.

私人傳訊

cutiebebe

男爵府

積分: 8546

49^#

發表於 07-12-31 03:45 |只看該作者

我見到呢個topic, 真係好想講我朋友個女,
佢今年10 yrs, 喺呢個小朋友8 yrs 那年, 我同佢 & 佢老豆去吃飯,我個手袋就放在小朋友身後, 因我那個位較窄, 同時我又凑住阿b, 點知佢無 la la 剿我個袋....

我當堂 o 咀, 問佢 "你做咩呀?"
佢即刻停手,無出聲, 佢老豆代答 "佢好奇啫......." 但一句都無話過佢個女, 只是如常繼續吃......好似好理所當然咁......

嘩! 唔教佢仲要幫佢唸埋藉口, 我心唸......唉.....
之後仲有一次上來我家,佢竟然又喺我屋企剿嘢, 我個櫃桶, 睡房入面的櫃......我又問佢:你做咩? 揾咩???

佢老豆依然唔出聲, 覺得好平常咁......
都唔知呢d咩老豆.......

佢老豆到宜家都可能覺得佢仲細......
第日佢就知!!!

私人傳訊

Doraemon_ng

伯爵府

積分: 16277

好媽媽勳章

50^#

發表於 07-12-31 21:50 |只看該作者

原文章由 cutiebebe 於 07-12-31 03:45 發表
我見到呢個topic, 真係好想講我朋友個女,
佢今年10 yrs, 喺呢個小朋友8 yrs 那年, 我同佢 & 佢老豆去吃飯,我個手袋就放在小朋友身後, 因我那個位較窄, 同時我又凑住阿b, 點知佢無 la la 剿我個袋....
我 ...

有無搞錯呀! 呢d 小朋友最好少d 見面, 費事佢教壞自己個小朋友....

私人傳訊

bebesilver

複式洋房

積分: 433

51^#

發表於 07-12-31 23:04 |只看該作者

看完咁多case, 真係搖哂頭, d老母仲要咁霸道都有, 咁就祝佢地長命d, 食番今手所種既果, 同埋唔怪得咁多問題兒童, 家中都冇人教佢地是同非, 仲要唔啱都幫住哂, 呢d細路响屋企就蝦屋企人, d屋企人就心甘命抵啫, 大佬, 佢地出到去同人相處, 其他人唔使就你架麻, 冇理由受埋你咁既對待!

私人傳訊

均均媽

大宅

積分: 2249

好媽媽勳章

52^#

發表於 07-12-31 23:33 |只看該作者

有一次我晌間好細既鋪頭食飯,有一個婆婆帶住個6,7歲左右既男仔入黎坐左晌我隔離(一張長檯),一入到黎個細路已經命令式話
"我要食咸魚肉餅飯!"咁亞婆就叫俾佢啦,點知細路又發命令話
"麻麻,我食飯,你食雲吞面好喇,不過雲吞要俾晒我!你食面得啦!"
咁亞婆又真係叫左雲吞面...由頭到尾亞婆都冇出過聲話佢個孫,食食下細路講左句令到我成餐飯都頂住既說話

"你記住唔可以食雲吞呀,雲吞留返俾我呀,唔係我打死你!"

而家咩野世界

我同c6都O晒

不過亞婆依然冇反應,繼續夾雲吞俾佢個孫...c6問我,如果第時對仔女咁對我,我會點...我話我一定抽佢,我認為適當既體罰絕對收到阻嚇作用(可能我古老思想啦)
我話總之你地一家唔好再阻住我教仔就一定唔會有咁既一日

私人傳訊

kellyly

侯爵府

積分: 24623

好媽媽勳章畀面勳章

53^#

發表於 08-1-1 00:17 |只看該作者

原文章由 均均媽 於 30/12/07 11:50 發表
我個仔(2歲)都俾6299縱到成個小魔怪咁...
佢地成日話小朋友唔縱得,但最縱就係佢地兩老:tongue:
我自知個仔天生百厭野蠻,佢曳時我會好惡話佢,而家唔教佢大個真係打亞媽都似...但佢地兩老又會話"亞b仲細,唔洗咁惡既": ...

我99同你99係咪同一人黎ka.
我坐月時99佢帶埋個孫女黎.
佢孫女~~哈~~比佢地縱到唔知咩人黎.
我kitchen煮緊野,佢孫女要入去,咁我咪話你唔好入去呀,裡面2個爐都煮緊野好危險ka.
佢發我脾4 wo,呀99唔話佢由得佢.
我即話有咩事我唔理ka.
過左一陣又同我講(好似"光中耀祖)咁話佢幾勢利呀,入廁所玩廁所水

又入kitchen玩爐.
我聽完都費事理佢地.

私人傳訊

Doraemon_ng

伯爵府

積分: 16277

好媽媽勳章

54^#

發表於 08-1-4 13:27 |只看該作者

原文章由 kellyly 於 08-1-1 00:17 發表

我99同你99係咪同一人黎ka.
我坐月時99佢帶埋個孫女黎.
佢孫女~~哈~~比佢地縱到唔知咩人黎.
我kitchen煮緊野,佢孫女要入去,咁我咪話你唔好入去呀,裡面2個爐都煮緊野好危險ka.
佢發我脾4 wo,呀99唔話佢由得佢.
我 ...

呢個世界就係咁, 有好多人識生, 唔識教.
搞到d 細路無法無天.
新聞成日都有, 仔打老豆老母等. 咪係呢d 咯!

私人傳訊

Ivy07

伯爵府

積分: 19409

畀面勳章環保接龍勳章

55^#

發表於 08-1-4 15:01 |只看該作者

讚成! 就係因為小朋友仲細就要教，唔通等佢大個先教?
我曾經聽過一位媽媽叫個仔(大約12歲)唔好再打一D暴力的遊戲game咁多，但個仔回答:咁你以前又比我玩?點解而家唔比?
就係因為佢細個時，媽媽比玩，後來太沉迷，所以唔想比佢玩太多，但已經太遲。所以小朋友一定要由細教起。
不過，都要睇父母本身人品，父母都唔識分對錯，又點會教好自己的仔女呀!

私人傳訊

gjorklau

大宅

積分: 3709

好媽媽勳章

56^#

發表於 08-1-4 16:23 |只看該作者

唉~~~我果隻死仔咪又係咁,最叻就係蝦人,邊個鬧親佢就同人講:我唔要你呀~,你打人先ga~(頭髮都未郁到佢一條) 叫佢自己坐埋一邊反省吓,唔夠一陣走嚟同你講:下次唔准打我知唔知道?好啦!你乖喇,請我食粒粒(糖)啦~

真係比佢吹脹~~~ 通常呢d情況像要搵爸爸出手, 到爸爸一鬧佢,佢就打比亞婆,話比亞婆知有人打佢, 每晚都係咁, 有次爸爸真係忍佢唔到想話打佢手板仔,一見到個老豆第手,就即刻同個老豆講:你唔准打人ga~打人唔啱ga~我知道錯喇,你唔好打我啦,我下次唔會啦!
聽到d咁抵死嘅嘢,又點捨得打佢先得吖~~~
唉~~~每晚食飯兩仔爺都要開完片先食到飯.......

私人傳訊

YanYan0116

珍珠宮

積分: 36461

好媽媽勳章

57^#

發表於 08-1-4 16:41 |只看該作者

通常係老人家竉小朋友多d, 我要返工, 日頭99同工人都好少鬧我2個小朋友, 所以夜晚同假期我就好勞氣來教佢地.

私人傳訊

RAA

珍珠宮

積分: 35258

2025勳章 2025勳章蛇年勳章 2018復活節勳章好媽媽勳章醒目開學勳章

58^#

發表於 08-1-4 17:01 |只看該作者

原文章由 Doraemon_ng 於 07-12-28 22:04 發表
如題.

我在上兩個星期日, 帶個大囡去玩具反斗城(屯門分店) 度玩.
有個counter擺左副串英文子既遊戲供人試玩.

我大囡正在玩中, 不久有個六七歲小男孩過來想玩(已經開始出手要攞個隻), 我同佢講, 等我囡玩完, 你先 ...

比著係我, 雖然唔識嗰個男仔, 但都會幫手睇住, 唔比嗰個阿婆蝦個男仔.

私人傳訊

maggiejane

侯爵府

積分: 24354

59^#

發表於 08-1-4 17:21 |只看該作者

我都覺得, 要教好子女, 最大e障礙物係祖父母, 同埋先要同老公夾好, 硬起心腸.

我個仔平時好識tum亞公亞婆&工人姐姐, 所以d人勁錫佢. 佢一歲時唔記得咩事發脾氣掉野落地, 我鬧佢時亞媽話番我, 佢就覺得有人照仲喊得大聲, 結果我抱佢上房lock左度門由得佢對住我喊到停為止, 我無鬧佢無打佢, 但亞媽同工人o係門口拍門大叫, 好似我瘧兒咁, 之後個仔知道有人照我都唔驚, 收聲同我認錯, 以後就算發脾氣都唔敢掉野落地.

又有一次佢郁手打亞公仲發脾氣唔肯認錯, 我掉左佢出門口要佢反省直到知錯道歉先可再入屋, 佢即刻大喊拍門, 我唔理佢, 跟住佢赤腳由門口經sidewalk行到花園拍大廳玻璃門, o個時落緊毛毛雨, 我老豆心痛到好似割左佢忽肉, 其實我都肉痛ga~ 之後我老豆抱番佢入屋, 想乘機抱埋佢上房當無事, 但我同亞仔講, 你咁曳打公公, 我罰你公公都原諒你咁錫你, 知錯就同公公道歉, 跟住落地面壁罰企! 佢竟然真係叫公公放佢落地, 跟住道歉, 然後行埋牆壁自己罰企! even事後我老豆亞媽吟吟噚噚話我嚴, 但我覺得自己無錯, 因為亞仔自此都好錫亞公亞婆無再恰佢地~

所以細路根本好醒知訂, 要由細教起, 最緊要教埋身邊ge大人要配合.