回覆：「記錄」一個複雜嘅家庭，另我覺得好攰，唔再玩心理戰！
講番轉頭：
老公之前咪話佢姑姐嬲咗佢嘅？我問番老公點解？原來老公初初識我嘅時候，同時佢姑姐又介紹咗個“有錢女“畀佢識，佢姑姐就係嬲佢當時唔聽佢講，揀咗我。
唉……
我終於都知道99點解當初咁心急想見我。反而唔係我老公喺度揀老婆，而係99喺度揀新抱。（對d長輩好失望……冷笑……）
我問老公點解當初唔同我講？佢話：“我決定咗同你一齊就唔會變，同你講都無用，你肯定會唔開心，所以就無講。“
其實一開始，我都feel到佢姑姐都唔多中意我，見親佢都對我黑面，畀面色我睇，原因係，佢覺得我無錢，我高攀，仲有要幫99教新抱嘅意思tim（即我）。
心諗：唔緊要，我唔係要靠佢生活，又有老公撐我，咁就够。
點知有日佢姑姐見到x姐（介紹老公畀我識嗰個，即我表嫂個朋友），佢竟然當住人哋面話：“哦，原來就係你介紹嘅……“ （佢真係好鬼得人驚）仲怪x姐一開始就講晒老公啲嘢畀我聽。（eg：有車有樓）意思即係話我貪老公啲錢，佢覺得我窮，無資格。
我知道咗好傷心，簡直係侮辱！佢以為我係佢哋？下下諗住人哋有無錢咁膚淺？我份人覺得做乜都“啱啱好“就足夠，而且都唔見得老公好富有，只係老公真係對我好好好好……😭😭😭
事後講番畀老公聽，老公話：“唔使理佢哋，以後你係同我生活，又唔係同佢哋生活，唔好因為佢哋影響到我哋之間嘅感情。“ （就係因為呢句話，我堅持到依家）
嗰晚去佢姑姐度食飯，食到差不多完場時，三姨坐埋老公度細細聲咁講咗幾句，見到三姨責怪人嘅表情，感覺到有d唔妥，我問老公乜事？佢話：“三姨話你唔叫「姑姐」，姑姐嬲咗你。“ 我同老公未正式注冊，心諗原來佢哋當正我係自己人？一切發展得好快。（咁嘅諗法，太天真）
老公安慰我話：“無嘢嘅，下次見到佢就叫「姑姐」一句，ok！“
自從嗰次之後，每次見親佢，我都會好有禮貌咁叫聲佢「姑姐」，不過我同佢真係無乜兩句，但我對住佢依然會笑笑口，如果我黑面，叫到你唔出席，會有說話聽，真係超大壓力。（續……）
5W1D，無胃口，瞓5好，肚好似M痛，體重輕咗1磅!
發表於 
毛
追
返回列表
