韓劇《開朗少女》黃金拍檔張娜拉同張赫自早前再度合作、拍攝韓版《命中注定我愛你》再掀「雙張」效應之後,唔夠4個月,佢兩個再次第三次攜手,為MBC電視台嘅Drama Festival演出獨幕劇《久違的問候》,延續情緣。
喺《久違的問候》入面,張娜拉同張赫就大玩時光倒流,張赫喺劇中飾演秀赫,講佢喺離婚前喺老婆彩熙(張娜拉飾)屋企天台上面發現一部寶麗來相機,之後就坐住時間膠囊回到過去,努力救返將會死去嘅彩熙。
噚日劇組就先公開咗幾張張娜拉同張赫喺天台上面耍花槍嘅相,當中張娜拉同張赫一時又齊齊瞓喺張枱上面影相,一時又攬住大家,真係十足十一對真正戀人咁。
《久違的問候》預計會喺11月9日夜晚12點05分播出。另外,張赫而家正考慮演唔演出劇集《發光或販發瘋》,而张娜拉就已經確定會演出MBC新劇《Mr.白》。
![]() | ![]() | ![]() |
![]() | ![]() | ![]() |
