吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 各位..教下我點做...理智上叫我去, 感情上叫我唔好想.. ...

夫婦情感今日: 4|主題: 42742

收藏本版

發帖

返回列表

跳至頁

樓主: carly.c

各位..教下我點做...理智上叫我去, 感情上叫我唔好想.. [複製鏈接]

1 234

TVmama

大宅

積分: 1486

41^#

發表於 08-4-11 18:44 |只看該作者

你的故事真的像極了粵語殘片呀……..我開始睇的時候, 還以為他已經過了身或知道自己有絕症…..但….哼, 容我說一句, 此人很無恥呀當初被那女人迷惑的時候, 可以不顧一切, 拋下一個女人, 不留下一分一文, 也沒有住的地方, 要她帶著三個年幼的孩子, 無助地活下去. 一個男人, 即使不念惜日夫妻之愛, 也要念及子女的親情吧!! 在一個父親出走了的家庭長大, 孩, 咁無人性, 我真係搵唔到理由去原諒佢, 更何況見佢.
雖然人總有做錯事而有感後悔的時候, 但很多事情往往恨錯難返. 每個人都需要為自己做過的事負責任, 唔能夠而家比人 "握" 哂所有家當就似住年幾老邁就回來找子女.......

私人傳訊

wife

子爵府

積分: 14859

42^#

發表於 08-4-12 00:35 |只看該作者

我覺得你老豆可能良心發現!佢想見吓你咪比佢見吓囉,不過同佢講明只會見一次,同以後都吾好再搵你同你家人,當還佢心願又好,比自己個心安樂d又好(免得佢咩咗自己後悔)!
不過你都要比心理準備自己,呢個老豆又吾知會攪d 咩?會吾會令你同家人有麻煩呢?
順便想讚吓你媽咪,佢好叻呀(一個女人養大三個,真係好偉大),而且佢心胸好廣闊(比你去見你老豆),希望你媽咪身體健康,可以享福享到一百二十歲(享埋子孫福)

私人傳訊

crystaltochan

男爵府

積分: 6296

43^#

發表於 08-4-12 08:32 |只看該作者

你爸爸真係好衰,害到你地咁慘,唔好心軟,唔洗可憐佢.望都唔洗望佢一眼.
我有個同事經歷同你都一樣,佢爸爸有待二個女人,佢亞媽入左青山,跟住佢爸~帶埋個女人返屋企,就趕左佢兩姊妹出黎.仲要報曬警話佢偷野.親生骨肉黎架,點解可以咁無情.

http://tn5.cn3.yahoo.com/image/3f7/b41fbbff9e4a8ee75e.jpeg

私人傳訊

yucopooh

禁止訪問

積分: 4584

44^#

發表於 08-4-12 09:09 |只看該作者

提示: 作者被禁止或刪除內容自動屏蔽

私人傳訊

carly.c

子爵府

積分: 14633

45^#

發表於 08-4-12 09:23 |只看該作者

各位, 我今日心情平服左好多啦~

琴日放工, 返到屋企一直唸打唔打俾..後尾都係冇打俾佢, 因為我唸唔到同佢講乜事同埋..點叫佢.. 我叫唔出佢做"爸or老豆"又唔可以叫佢全名.. 之後我再打去姑姐度睇下佢有冇老豆多d消息...姑姐都同我講返

原來係之前佢 (老豆), 係深圳係有三層樓, 一層自住,2層租俾人..都算係富有,.. 呢後其實佢就成日同個大6女人去玩, 又返鄉下曬命, 又供人地個女係深圳乜國際學校讀書, 呢d野睇到我姑姐好嬲, 最來到我婆 (老豆個媽)過身, 佢景然冇返到去上一支香, 佢係大仔來嫁!! 所以我地姑姐亞叔都1男呢個大佬, 佢都唔再理佢同搵佢, 直到我琴日打去叫姑姐搵佢睇乜事時, 姑姐先再搵返佢, 佢喊得好勁, 原來d樓佢賣曬啦..同個女人係深圳開公司同店..但因為個女人佢話個女要出外國讀書, 要佢賣埋個店幫個女~ 老豆唔肯, 個女人就叫離婚 (我而家先知佢地結左婚), 要同佢分身家... 佢好嬲又好驚, 佢話佢而家乜都冇啦~ 話個女人有預謀

私人傳訊

carly.c

子爵府

積分: 14633

46^#

發表於 08-4-12 09:38 |只看該作者

我聽完真係係個心冷笑左聲..
唔係抵佢完心態..係無奈!!
佢同個女人結婚我唔理啦~供人地個女讀國際學校...果個女唔係佢親生嫁!!我地3個先係呀!!佢咩腦!!對同佢一齊"吃苦"個老婆, 自己親生的仔女就絕! 而對個大陸女人, 人地個女咁好!!
我知後好嬲.. 我媽我細佬妹好辛苦咁過日子時, 佢地過多咁開心..佢仲要絕到地方都唔俾我地住!! 個女人個女讀國際學校..我細佬妹呢~ 興趣班都唔多個!!! 仲要出去同我同媽賣街邊,!
我好嬲

私人傳訊

carly.c

子爵府

積分: 14633

47^#

發表於 08-4-12 09:53 |只看該作者

傾完我打算唔同我媽講, 因為呢d對佢太太太太過唔公平啦!!!

呢個男人窮既時候我媽對佢不離不氣, 有錢時就唔要我媽! 令到我媽到差唔到50啦要自己一個人背起一頭家, 令到佢個人好自碑!

私人傳訊

carly.c

子爵府

積分: 14633

48^#

發表於 08-4-12 10:25 |只看該作者

琴晚我回想左好好以前既回憶, 我細個時同老豆既回憶,再想想唔知佢而家係唔係一個孤獨老人咁坐係度獨自唔開心呢..佢而家係咩樣唸~~唸左好多日, 不過自問, 我唔會原諒佢, 因為佢太錯啦, 再唸我細佬好細個既每每..覺得佢地比我少太多野啦~ 特別係父愛, 佢地比我少好多同老豆去公園玩, 去飲茶, 去游水, 去慶祝父親節, 佢地細個大部分時間都係賣街邊, 以前應該係走左後1-2年啦,, 我地開始收入穩定少少時, 我媽係元朗租左個跳蚤市場, 以前係元朗錦繡花園果邊..唔知而家仲有冇呢~~ 我每星期六日都會同細佬妹去開檔,,,唔知大家有冇行過呢, 個時有個小朋友k2~3左右, 細細個, 但好大聲係咁叫"10蚊一個散子包~~10蚊一個散子包~~" 果個應該係我細佬啦~ 哈哈, 我妹就次次自己計~ 賣到200蚊, 就問我令錢去買雪條食, 一到中午我就用d紙皮放係地下俾細佬訓~到5點幾我媽先返來同我收野走.. 佢自己就去第度賣街邊, 雖然生過得唔係話好好, 但我地起碼係靠自己, 同過得開心, !! 咁因為係咁唸下以前d野, 我個心情冇啦啦平助左好多~

私人傳訊

boey

男爵府

積分: 8888

49^#

發表於 08-4-12 10:43 |只看該作者

你哋一家4口好叻呀

私人傳訊

KATRINE

子爵府

積分: 11902

50^#

發表於 08-4-12 11:26 |只看該作者

ｓｏ，我只覺得你老豆好幼稚，真唸個個女人會周佢做人細咩？
供便宜女讀書而唔理自己親生子女，呢喲男人就算係你屋企面前喊我都會報警唔應呢喲老豆，佢真好意思打電話俾你．
如是我，我唔會再見呢個人，因所有的事都係自己攞來賤！

私人傳訊

ChuChu0808

子爵府

積分: 14017

51^#

發表於 08-4-12 12:09 |只看該作者

自作孽, 不可活.
以前造落嘅孽, 今日要自己面對報應. 呢種人唔值得享子女褔的.
樓主唔好花咁多時間去諗呢個人, 佢已一早響你生命中消失, 由佢繼續消失落去... 好好孝順媽媽吧!

私人傳訊

celery

男爵府

積分: 7257

醒目開學勳章

52^#

發表於 08-4-12 12:51 |只看該作者

其實每個人都是愛自己父母的.
但係因為好多時有d父母傷害過仔女,
所以仔女會好矛盾....

樓主要開開心心同媽媽好好生活~:)

私人傳訊

~仔仔媽咪~

水晶宮

積分: 51912

53^#

發表於 08-4-12 14:48 |只看該作者

如果係我,我係唔會見囉!喊都無用,佢依家既眼淚都唔及當初你媽咪既痛苦既十分一,佢真係好人一個唔會立壞心腸既話,咁當初就唔會背叛唔要你亞媽不特只,仲要唔俾你地住,由得你地做乞衣啦!呢d咁既人,唔值得為佢心軟,由得佢啦!既然你姑姐話佢未死得咪得囉!大家至擔心都係呢條友死唔死得啫,依家都有答案,我覺得唔需要見佢,免得過就免,費時自找麻煩.

私人傳訊

babypiglet

民房

積分: 11

54^#

發表於 08-4-12 14:55 |只看該作者

樓主，聽完都覺得好唔公平，

我都好佩服你咁堅強！你對爸爸的矛盾都明白…亦反映你係一個好善良的人！接下來你要好好生活，以前的就當欠落佢還清晒，唔好比以前的事牽著走，過自己快樂人生

私人傳訊

fishyvette

大宅

積分: 4409

55^#

發表於 08-4-12 15:09 |只看該作者

樓主, 萛啦
你聽完佢地咁多年的生活多富足
有樓有鋪; 有頭有面...
唔駛理佢喎
如果唔係同個女人鬧離婚; 佢又點會來搵你丫
咪又係繼續擴張鋪頭呀; 住好食好~
叫佢留返D錢好好做返個孤獨老人就萛啦~~

私人傳訊

ilmom

別墅

積分: 632

56^#

發表於 08-4-12 21:45 |只看該作者

看完樓主的經歷, 覺得你媽媽很偉大, 而你幾姐弟都好生性, 現在你幾個咁團結, 你地的親情, 相信好多有父親的家庭都不及你們.
希望你們以後都生活幸福.

至於你如何再面對你老豆, 我會覺得你有這些掙扎, 可能你還放不低. 宽恕他吧, 不是為了他, 而是為了你自己. 我相信你還很年輕, 難道你想背著這仇恨過這一生?

當你一日心中還有仇恨, 同時也是在惩罸自己, 雖然你說已當他C左, 難道這不是自欺欺人? 因為他是一個真實的存在.

他已得到應有的報應, 他很沒人性, 但不要因為他, 而令自己善良的本性蒙污.

恨人也是很痛苦的. 原諒他吧, 為了你自己.

私人傳訊

我愛Corina

瑪瑙宮

積分: 137857

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

57^#

發表於 08-4-12 23:07 |只看該作者

回覆 #28 Melody_Che 的文章

完全認同你...我覺得見下佢,自己唔會有咩蝕!唔見可能會有遺憾..
我舅父同舅母係廿幾年前離左婚,佢地當時有對女(好細個,1yr同3yr),我果個舅母一走了之,直至約3-4年前,我舅母打電話比佢對女,叫佢地見面,廿幾年來都冇見過面,我對表姐好憎佢亞媽,覺得佢好不負責任,因為佢亞媽走左,佢daddy同第2個大6人一齊左,佢地係英國,個大6人趕佢地3婆孫走,唔比佢地住係我舅父間屋,我外婆咁老,又唔係係hk,佢地當時好慘..佢地兩個覺得,如果唔係自己親生亞媽咁衰(其實離婚仲有個原因,就係為左d婆媳問題,我外婆唔係一個好99),走左去,咁佢地就唔會咁慘(當然冇亞媽既小朋友仲有好多好慘既事啦,直到而家佢地成30歲,都唔信婚姻呢樣野)....
佢地當時好15,16..問我媽咪應唔應該去見佢地個亞媽,我亞媽叫佢地去,因為佢地好想知自己亞媽咩樣..佢地最後去左睇佢亞媽,佢亞媽同佢地講左好多野(但係我表姐心中,全部都係癈話),之後佢地個亞媽話想見多佢地幾次,但我表姐s唔去,無幾耐...佢亞媽因為生cancer死左.....
我表姐s有遺憾,覺得佢地亞媽可能死得唔瞑目,得唔到自己對女既原諒,畢竟果個都係自己既亞媽,有幾憎佢都好,都係血濃於水....