吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 佢愈來愈嚴重，直頭絕食.......(續)多謝關心！佢情況已 ...

心聲留言今日: 4|主題: 17571

收藏本版

發帖

返回列表

跳至頁

樓主: marieyuen

佢愈來愈嚴重，直頭絕食.......(續)多謝關心！佢情況已經好轉！ [複製鏈接]

1 23

charis

別墅

積分: 535

41^#

發表於 04-5-25 08:03 |只看該作者

Re: 好唔忍心...但真係要送個女去幼兒園托管先掂....

Dear Marie,
最近比較少上bk，今早才看到你的情況，真的嚇了一跳，太辛苦你了﹗
我雖然只有一個兒子，但他自小已經很貼身，膽小，整天都怕媽媽不見了云云。我回想，他和你大女兒一樣，都是要求媽媽無限的愛啊﹗

有少許意見，希望有用：
1.不如多點和大女兒傾計，告訴她你的感受：媽媽見到你不吃東西，很心痛，很想哭...你不開心的話，媽媽更是不開心...
小朋友雖然會扭計，但見到她心愛的媽媽，原來會不開心和心痛的話，多數會想辦法，令媽媽開心起來。

2.用更多更多的言語，告訴大女兒：我愛你，什麼情況都愛。你乖，愛；你不乖，也愛﹗女人不是很愛甜言蜜語的嗎﹖小朋友也一樣的啊，不要怕說得太多，真的三歲，又未完全懂事，愛她的說話，真的一點也不會嫌多的呢﹗

3.也要控制自己的脾氣，不要再責罵大女兒了，就算她真的有做錯事。多點想：這不是故意扭計，而是「被動失靈」，值得原諒的啊﹗

4.個人也不贊同給大女兒上幼兒園。我的兒子當年兩歲入幼兒園，足足哭了一年半﹗不要再為女兒加添變數了。

你自己也要多多保重，記著：黑暗的日子，是一定會過去的﹗只是要忍耐好一些日子。要對你自己好啊﹗媽媽多笑容，女兒也會開心些的。:)

Charis.

私人傳訊

fannyyeung

複式洋房

積分: 222

42^#

發表於 04-5-25 09:49 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

Marieyuen,
如果係咁嚴重, 我諗你囡囡唔係驚番學 or 驚你唔要佢囉!係因為你成日 :-x 佢, :-x 到佢無晒安全感,心靈受到傷害呀,係你比左一種壓力佢:(要佢 - 你大個囡喇,做姐姐喇要怎樣照顧妹妹喇,......等等) 教仔教囡係爸爸媽媽做既,要比佢開開心心去迎接這消息: (她多了個妹妹她升級做了姐姐喇,但並不是要求佢去分擔什麼), 3歲小朋友咁細個,應該係鍾意同父母玩,同小朋友玩及講野be li ba la,開開心心,當然要賞罰分明, 等佢慢慢明白,迫唔嚟ga.
你個大囡得個3歲人仔,仲係要爸媽(鍚)既日子,唔好迫佢長大喇! 我之前講過我大囡同bb相處好好,係因為我大囡已經6歲o家喇!好多野都明白!所以才好d !!!!

恕我直言 : *我覺得你比左好大壓力你大囡呀* :-(

私人傳訊

麟媽媽

王國長老

積分: 89584

好媽媽勳章王國長老

43^#

發表於 04-5-25 10:31 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

其實3歲對我來講還只是個大BB，我發現很多父母有了一個比她小的就要她一下子變大，要她懂事、生性、自動自覺...我見朋友常對孩子說:"你是大姐姐喇！要讓細佬呀！點解唔比細佬呀？咁大個仲同細佬爭？！"好替大的慘，她可嘗不是一個小孩子呢...

私人傳訊

小BMom

伯爵府

積分: 16977

44^#

發表於 04-5-25 17:44 |只看該作者

Re: (續)佢愈來愈嚴重，直頭絕食，昨日至今日只飲了3oz奶！

如果比我簡,我反而會係9月姐姐返學前呢幾個月放個細去育嬰園law,用呢段時間好好修補同姐姐的關係~我會覺得唔係放姐姐去幼兒園就可以解決呢個問題,反而仲會比佢覺得屋企唔鐘意佢.解鈴還須繫鈴人麻~ :-(

私人傳訊

marieyuen

別墅

積分: 816

45^#

發表於 04-5-26 18:03 |只看該作者

佢愈來愈嚴重，直頭絕食.......(續)多謝關心！佢情況已經好轉！

我個女的情況算是穩定了，起碼肯食o野，但每日只是食很少的份量，一餐十一點幾半碗，另一餐要等到晚上十點幾或十一點幾先再食半碗，而且常常有作嘔的情況，食奶是一日日，有時肯食，有時不肯。要食得很慢，又不可以迫佢。
佢現在無見到o野食就喊了！不過一提起食都會掩住個咀，於是我們都唔敢再講了，總之佢話唔想食就算了。

我昨日已同佢報了托兒，我同佢講我的情況是好急，又寫了一封信請佢可幫我盡快安排，不過我無話比佢聽佢唔肯食o野的事，因為我驚佢唔收呀！明日去面試了，希望快些可以有一個新的環境，令佢可以好o的。

BB200200：
多謝你的意見，其實獎星星這個方法我們很早已經用了，但後來因為妹妹出世後，她經常都做些壞事，所以很久沒有給星星給她了。

chuchumui：
你講得好o岩！我覺得做女人真是很慘！呀媽工人湊唔掂，最終都係比番你攪，老公又唔緊唔緊，自己又要番工，覺得壓力好大！有時自己谷到躲入廁所喊，都唔敢講比老公知，驚佢話你煩，又驚佢唔體諒。
不過好彩可以在BK講出來，又有o甘多好的媽媽提供方法及意見！真是好多謝大家！

鯨魚媽媽：
多謝你的意見！我會多些灌輸你這些相親相愛的觀念給我個女的了！不過我個大女都沒有做出唔錫妹妹的表現，她見到佢都是很錫佢的，不過就唔比我照顧佢o羅！

Charis：

很多謝你的關心和意見！我很同意你話佢需要我無限的愛，佢真情係需要我全程的同佢一齊，及所有的時間！這可能都係呷醋的表現。
我聽了你講有關你兒子的經歷後，我都有些驚，不過我想如果過了一個星期，她仍是很不著慣的話，我會考慮放棄的，可能送入幼兒園的方法未必會適合所有的小朋，不過我都想試試。多謝你的意見和關心！

fannyyeung：
你所講的，真是一擊即中！
因為妹妹未出世時，佢是很乖的，食o野又好好，從來唔o西我擔心，那時我差不多每日都同老公講一次『有個o甘o既女，我真是好滿意！好感謝神！』
於是之後佢o甘樣，我就會覺得佢係明明做到，都唔做，我最初都試過

私人傳訊

mimimor

民房

積分: 78

46^#

發表於 04-5-27 11:25 |只看該作者

Re: 佢愈來愈嚴重，直頭絕食.......(續)多謝關心！佢情況已經好轉！

marieyuen,
見到妳個女有進步, 真替妳高興. 慢慢o黎, 只要佢肯食就得, 佢唔食就唔好監佢食. 去托兒所係一件好事, d老師個個都受過幼兒專業訓練, 對小朋友有一定程度了解及辦法, 而且小朋友很受其他小朋友影響, 見到其他小朋友做到既野, 自己唔衰得, 通常都會跟住做到. 至於話唔話比老師聽你個女唔肯食野, 我覺得唔好向個女面前講, 私底下同老師講, 話有時個女耍花樣時會玩唔食野, 而唔係常常, 等老師諗定d方法. 我大女未夠兩歲時去左一間私人托兒所兩個月(因我媽要離港兩個月), 個度d姐姐對佢唔好, 每次返去都喊, 但冇辦法, 冇人幫我. 到左兩歲時, 同佢安排政府托兒所, 一同佢講就喊到唔收聲, 唯有同老師講佢有咁既陰影, 初初老師會安排妳同佢一齊返兩個鍾, 睇佢上課, 然後慢慢由兩個鍾加到半日全日, 要預兩個星期比小朋友適應. 當佢有自己既校園生活, 佢依然會好跟住你, 但妳會發現佢係獨立左, 自我照顧能力提高左.

其實d小朋友係好鍚自己既弟弟或妹妹, 只係一時間接受唔到多一個人同佢爭媽咪. 我細女頭頭個幾個月好乖, 自己訓覺, 自己玩, 肚餓先喊, 點知到左五個月時就開始't'身, 要成日抱住, 又要抱住訓, 又唔肯跟我老公, 老公抱住都要喊餐死. 大女又呷醋, 諗住叫老公幫手, 同大女沖涼, 點知個衰妹又係度喊, 又話爸爸搵水淋佢塊面同個頭, 唔中意爸爸, 我老公落唔到台, 又話唔同佢沖, 搵我o黎玩, 唯有將架手推車搬入廁所, 放細女向手推車, 跟住同大女一齊沖涼, 總之細女望到媽咪同大女就唔喊. 好啦! 以為冇事, 點知大女同又同我玩唔訓覺, 細女十點食最後一餐奶, 通常我會叫大女訓覺, 而我就向度餵妹妹, 到左十點半見大女重未訓就問佢做咩唔訓, 佢話媽咪:我想妳陪我訓覺, 我話媽咪抱住妹妹坐向妳隔離一樣陪妳訓覺, 佢話唔係ga, 要放抵妹妹, 剩係我同佢訓先算, 試過唔理佢, 佢等等下訓左, 但有一次佢等到我十一點半都唔訓, 我就控制唔到自己發火咁鬧佢, 趕左佢出去, 唔比佢入o黎訓, 佢向出便喊到又咳又嘔, 我老公抱番大女入o黎, 叫佢同我say sorry, 我都唔理佢, 但其實我好憎自己點解會咁.

有時靜左落o黎, 都會係度諗, 生多一個小朋友攪到自己咁辛苦, 又唔能夠全面照顧大女, 老公又幫唔到手, 為咩呢, 諗諗就好心酸, 就會喊. :cry: