吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 真心求教...... (很長)

夫婦情感今日: 2|主題: 42799

收藏本版

發帖

返回列表

跳至頁

樓主: 我的歌聲裡

真心求教...... (很長) [複製鏈接]

1 234 5

bongbongpatty

水晶宮

積分: 73602

BK Milk勳章

41^#

發表於 15-5-10 16:51 |只看該作者

回覆：真心求教...... (很長)

个女仔吾適合你
結婚吾結婚咁大个人
都受其他人影響
如果你係好鍾意佢
咁
再拍下拖
比到信心對方家人朋友先再講結吾結
如果个女仔吾等得就算
為結婚而結婚無好結果架

私人傳訊

我的歌聲裡

複式洋房

積分: 145

42^#

發表於 15-5-11 12:59 |只看該作者

本帖最後由我的歌聲裡於 15-5-11 13:05 編輯

首先補祝咁多位 JM 母親節快樂...

多謝妳地咁多補貴既意見, 有正有反, 衷心多謝各位.....

有些少補充,
1. 我離婚並唔係因為第三者
2. 我知我搵既錢唔算多, 但我諗, 扣除俾小朋友既生活費用, 都仲可以生活到既.
3. 由於我自己搞小生意(真的很小),但都算係專業人仕,之後收入應該會再慢慢增加
4. 對於感情, 我明白要講生活, 但我無認為我係喺度害人

我聽咗咁多位 JM 既回覆, 妳們真心的幫我不小, 這兩天想得比較通
其實到呢一刻, 我都無質疑佢既愛, 我相信佢真心愛我的...
只係可能, 佢想要另一半俾佢既生活, 我暫時無法提供....
同埋, 佢係好錫佢父母既, (孝順都係其中一個我好鍾意佢既原因), 佢唔想佢父母唔開心, 我諗都好正常.... 我一開始就係鍾意佢夠孝順, 呢一刻無可能輸打嬴要, 叫佢唔好理佢父母.....
而我明白年紀, 往往係女仕最大既敵人....

有一位 JM 講得好啱, 唔需要轉牛角尖, 雖然無法一齊, 但我哋依然可以好似朋友咁關心對方.
我想特別多謝呢位 JM, 好似剎那點醒我咁....

雖然佢應該唔會上呢個版, 我都想喺度衷心祝佢幸福快樂, 搵到一個照顧到佢, 愛錫佢, 以佢感受為先, 同埋可以俾到生活上佢所需要既嘢既男人, 亦希望呢個男人要一生一世咁愛錫佢....

最後, 祝各位 JM 生活愉快, 工作順利, 仔囡精乖伶俐, 家庭幸福, 老公乖乖...

私人傳訊

wing1388

珍珠宮

積分: 47023

開心吸收勳章

43^#

發表於 15-5-11 14:47 |只看該作者

我的歌聲裡發表於 15-5-9 16:40
各位, 我之前係CD ROM, 但呢輪心情極度低落,想大家俾下意見
我係男仕, 大約 36歲, 同 EX-WIFE 分居加離婚三 ...

不如等我以一個過來人嘅身份同你講下。

我同前妻分開咗都有12年啦，佢一直都因為情緒病問題所以冇做嘢，囡囡跟佢住，而佢住緊層樓都係我嘅，贍養費亦從冇少過一個崩，我自己亦住緊自置嘅物業。

其實我同妳嘅情況都好相似，唯一唔同嘅係我想見個女係難過登天的。我今年40幾歲啦，分開嗰一段時間亦出現過自以為合適嘅人，有年紀比我細嘅，亦有相近嘅，但最後都係放棄了。其實如果作為一個有負擔嘅失婚男人，我覺得最理想嘅伴侶，應該係搵一個大家有差不多經歷嘅異性，因為大家思想會比較接近；所以一啲正常人家都好難搵到合適嘅伴侶㗎啦，除非佢嘅家人好開通或者都有過經歷啦，否則真係好難成事，況且新歡亦要接受妳同前妻同仔女見面，到時你夾係中間都幾煩㗎，你一定要有心理準備，而且女人口不對心係事實嚟，到時候俾說話妳聽就唔好啦！

而家以你呢個CASE，個女仔其實睇落唔係咁愛妳㗎咋，因為佢本身都未有決心同太多計算啦，我覺得冇乜好結果的，如果你真係想有第二春，我諗佢唔係適合嘅人選啦！況且一個人都唔錯吖！何必又再搵煩惱俾自己？

百花叢裡過，片葉不沾身。

私人傳訊

Woomingling

大宅

積分: 3178

44^#

發表於 15-5-11 15:33 |只看該作者

回覆：wing1388 的帖子

完全認同。如果對方冇類似經歷，根本唔會理解單親嘅感受。我同前夫分開差唔多十年喇，最初仔跟佢嘅，但後來發覺功課，行為上都有問題，所以我主動提出自己帶番。但之後佢係經濟上只俾好少，少倒等同交通費。好彩我自己有份工，經濟尚可以。至於對搵另一半，我絕對冇信心，年紀差唔多就多數結咗婚，未結又通常性格比較難夾，最大問題係邊個會接受我有個仔，所以我都唔會強求，一切以仔仔為先。就算有人追都怕怕喇！

私人傳訊

Woomingling

大宅

積分: 3178

45^#

發表於 15-5-11 15:49 |只看該作者

回覆：真心求教...... (很長)

其實都試過拍拖，但他只叫我唔好理個仔，試問我又點忍心，所以搵倒明白我嘅人係超難。

私人傳訊

kathylhk

大宅

積分: 2237

46^#

發表於 15-5-11 17:13 |只看該作者

我都覺得樓主唔算差, 供完樓比埋膳養費仲有兩萬剩...仲想點?!有大把人兩千都冇啦。

個女仔唔會係岩岩先知你個背景掛? 就算離過婚又有仔女又點? 好平常啫, 真係愛你既又點會介意。其他人講乜洗乜理佢地, 意見可以參考但決定權喺佢自己度囉。最緊要佢對自己既決定負責任。

我C9都係離過婚, 同得佢一齊就要接受佢既過去同MOVE ON, 唔係只會永遠活喺過去既陰影裡面。

私人傳訊

tansyneko

琥珀宮

積分: 152982

47^#

發表於 15-5-11 17:37 |只看該作者

我月入穏定但唔多, 四萬零蚊.....扣除供樓同俾小朋友, 自己淨兩萬....

->其實好多人就算無結過婚,都未必有四萬收入,仲遑論供樓啦,只要你可以俾到信心佢,唔會同前妻關係糾纏不清(即係可能有機會復合同藕斷絲連,我估佢係驚依樣多啫),照顧兩個小朋友係會盡責既,但將來同佢組織家庭後生咗小朋友唔會偏心以前的小朋友,俾多D信心依個女仔,當佢有信心企係你依邊,就同佢一齊向佢家人表達你的誠意,多D同女仔父母食下飯傾下偈俾D機會佢哋認識你,對你改觀

私人傳訊

mini1204

翡翠宮

積分: 79228

48^#

發表於 15-5-11 17:51 |只看該作者

做人無必要取難不取易

私人傳訊

tszyin1015

大宅

積分: 3731

49^#

發表於 15-5-11 18:15 |只看該作者

回覆：真心求教...... (很長)

如果個女仔真係好愛你，就算其他人俾任何意見佢都唔會聽..

私人傳訊

EudyptulaMinor

男爵府

積分: 9263

50^#

發表於 15-5-11 19:01 |只看該作者

我的歌聲裡發表於 15-5-9 16:40
各位, 我之前係CD ROM, 但呢輪心情極度低落,想大家俾下意見
我係男仕, 大約 36歲, 同 EX-WIFE 分居加離婚三 ...

如果嫁一個結過婚有小朋友的男人，感覺會好似同人分享左個老公…… 純粹我自己覺得啦，但有時愛情唔可以只睇客觀條件～

私人傳訊

qee

大宅

積分: 4263

51^#

發表於 15-5-11 19:06 |只看該作者

回覆：真心求教...... (很長)

我同我bf情況同你有d似
我有時都會埋怨佢o既過去令我地人生計劃慢o左
bf會耐心地氹我
而且我無諗住生bb
我地都算係夾到
睇下大家有幾大決心一齊
好彩我屋企阻力唔大
呢樣都幫我好多

或者你日後會遇到個又夾又中意o既女仔
隨緣and gd luck

私人傳訊

sameow

複式洋房

積分: 210

52^#

發表於 15-5-11 22:13 |只看該作者

回覆：真心求教...... (很長)

我係半個過來人。

22歲時認識37歲分居中嘅男朋友。父母知道後冇同我講野成兩個星期。但我太喜歡佢，繼續一齊。而男朋友都做得好好，叫我多D陪父母。

拍咗拖3年我父母先肯同佢食第一餐飯。一年後，佢同前妻亦正式離婚，分了他差不多一半身家。但唔緊要，我不用靠他的錢，我自己養得起自己。

拍拖第五年，他向我求婚。一年後，他賣了自己原有物業，用作首期，買過間更大，地點更好的物業。裝修後，很快便結婚。

宜家我有咗2個月，對我無微不至。我父母知道他多疼我，當正佢係仔咁錫。

其實想講呢，好多野好睇你有幾爭取，有幾為對方設想。供樓，有限數，但供養子女，可能對她影響太大。如果你想和她發展，首先理應讓她有安全感。就算你不能停止供養，但至少讓她feel到你們是有將來。

加油啊！單身與失婚嘅人係可以幸福地走在一起的！

私人傳訊

一嚿大番薯

大宅

積分: 2225

53^#

發表於 15-5-11 22:19 |只看該作者

引用：我係半個過來人。22歲時認識37歲分居中嘅男

原帖由 sameow 於 15-05-11 發表
我係半個過來人。

22歲時認識37歲分居中嘅男朋友。父母知道後冇同我講野成兩個星期。但我太喜歡佢，繼續一 ...

講得好好希望你地一直幸福

私人傳訊

六月之星

公爵府

積分: 27735

54^#

發表於 15-5-11 22:33 |只看該作者

回覆：真心求教...... (很長)

其實係女人角度講，你目前既情況點都會有缺少安全感⋯如果你愛佢就要俾佢安全感喇

私人傳訊

我的歌聲裡

複式洋房

積分: 145

55^#

發表於 15-5-14 15:29 |只看該作者

回覆 sameow 的帖子

恭喜妳......

其實我都好肯定, 如果我同佢能夠喺埋一齊, 我都會超錫佢, 令佢感受到佢既幸福, 亦會令佢既家人都感受到果份幸福既....

可能有好多JM覺得我咁既條件, 無謂去害人, 絶對俾唔到幸福下一位.... 呢一點, 我諗我都要好好諗下....希望會諗得通...

至於我女友, 可能有D JM 覺得佢唔夠愛我, 其實我諗唔係..... 一來我知佢係好重視佢屋企人既感受, 二來可能我未俾到個好 FIRM 既未來令佢堅定...... 但我無質疑過佢對我既愛.....以佢性格, 就算同佢屋企人開口, 經已需要好大勇氣了.......

Update 一吓, 佢仲係好亂, 所以都再有搵其他朋友傾, 但我諗作為佢哋既朋友, 講既, 多數都係負面.....
多數係會講我既責任會令到大家生活上有問題, 或者
令到屋企人唔開心, 我女友都唔方開心
其實我明白作為朋友, 佢哋全部都只不過係想我女友揀個好 D 既......並無惡意....
但當我冷靜下來, 我既感覺係, 佢每搵一個朋友傾, 佢會愈行遠我一步...... 直至某一刻, 佢鐵了心, 就會抽身離開.....
而我, 亦都好自私, 由於好鍾意佢, 成日喺佢想冷靜既時候, 我仲會打俾佢, TEXT 吓佢...令到佢好亂....所以, 我都好對唔住...從來無令佢有個好好既思考空間.....

我諗....可能走到呢步, 大家再無辦法再跨一步......咁退返後, 做返一對好朋友....對我嚟講, 又未嘗唔係一個好選擇...... 起碼我有 D 咩生活或工作上既唔開心, 都可以繼續同佢分享..... 而佢又會搵到一個俾到幸福生活佢既人......

多謝咁多位抽時間回覆我同俾意見我....令我感到並不孤單......十分感激...

私人傳訊

6566735678

大宅

積分: 2463

56^#

發表於 15-5-14 16:03 |只看該作者

yaubb2014 發表於 15-5-10 15:10
女仔有條件使乜揾你……不要害人了

會否前妻人望高處呢，說話不要太盡

一無所有

笨小孩

私人傳訊

爸爸豬

珍珠宮

積分: 42809

57^#

發表於 15-5-14 16:03 |只看該作者

回覆：我的歌聲裡的帖子

如果自問條件唔差，我不會搵離開婚的男人

私人傳訊

6566735678

大宅

積分: 2463

58^#

發表於 15-5-14 16:06 |只看該作者

樓主加油，我身為男人，欣賞你供樓供養子女的態度

一無所有

笨小孩

私人傳訊

Nancy20090615

瑪瑙宮

積分: 139783

59^#

發表於 15-5-14 16:15 |只看該作者

命裏有時終須有的, 無謂太緊張.

私人傳訊

我的歌聲裡

複式洋房

積分: 145

60^#

發表於 15-5-14 16:24 |只看該作者

爸爸豬發表於 15-5-14 16:03
如果自問條件唔差，我不會搵離開婚的男人

我明白呀....

其實我女友條件的確好好, 好多人鍾意...
佢身邊既朋友, 大多數都經濟環境好好...

所以換個角度睇...
佢竟然都仲有考慮過我, 為我而煩惱, 我其實應該係感到開心既.....
畢竟佢有更多好既選擇, 但佢依然為一個咁複雜既我而舉棋不定......
我諗佢的確好愛我既...我都要喺呢方面感恩....

"命裡無時......莫強求"