夫婦情感 今日: 7 | 主題: 42724

積分: 9474

41^#

發表於 15-10-4 12:40 |只看該作者

引用：已揭發，真係有外遇

原帖由阿紀於 15-10-04 發表
已揭發，真係有外遇

佢自首定你點發現?已發生好耐?

私人傳訊

阿紀

積分: 6602

42^#

發表於 15-10-4 14:07 |只看該作者

引用：Quote:原帖由阿紀於 15-10-04 發表已揭發

原帖由 tungtung12 於 15-10-04 發表
佢自首定你點發現?已發生好耐?

發生唔耐，懷疑再搜証，佢地最長應該唔多過1個月，但去到咩程度唔知!

私人傳訊

阿紀

積分: 6602

43^#

發表於 15-10-4 14:13 |只看該作者

引用：Quote:原帖由阿紀於 15-10-04 發表我地灘

原帖由 jlam 於 15-10-04 發表
冷靜下，諗下自想點先，唔好同佢討論住，浪費時間，自己冷靜下，問下自己，再行落去，能夠唔多疑嗎？能夠原 ...

唉～我而家都好亂，自己未發生時見朋友咁，覺得佢傻點解仲要俾機會個賤人，而家到我，我竟然想去原諒佢只要佢肯回頭，離婚兩字好易講，但呢刻我想再努力一下，係咪真係無得救呢？
而家我要努力穩定自己，唔好俾情緒折磨…

私人傳訊

Wwb1221

大宅

積分: 2252

44^#

發表於 15-10-4 14:39 |只看該作者

回覆：jlam 的帖子

私人傳訊

Wwb1221

大宅

積分: 2252

45^#

發表於 15-10-4 14:43 |只看該作者

回覆：阿紀的帖子

同個外遇一個月唔夠，就話同你返唔到轉頭？佢個心真係灰成咁？

私人傳訊

jlam

積分: 18248

好媽媽勳章

46^#

發表於 15-10-4 15:09 |只看該作者

阿紀發表於 15-10-4 14:13
唉～我而家都好亂，自己未發生時見朋友咁，覺得佢傻點解仲要俾機會個賤人，而家到我，我竟然想去原諒佢只要 ...

佢絕情地覺得佢就算繼續同我一齊都唔會返到轉頭!

係呢句，我覺得暫時挽救唔到。唔好去估佢同外面隻野真定假，有幾深，問題係，呢個係佢「藉口」叫自己離開你，根本係，佢已經對呢個家疲憊，佢想逃走，佢睇唔到當中的好，唔好話你的努力睇唔到，連幾個小朋友的可愛成長都睇唔到，佢只係想將佢覺得的「不快」擴大，然後搵個藉口走。既然咁有決心走，又點留？我知道咁直接講你會難受，但是，我的確覺得係咁。

我想你堅強，為著自己，為著子女，一個人變了心，好難挽回，花咁多努力響呢個「陌生人」身上，不如愛錫下自己先。我心痛你。

諗下，佢損失比你大架，你失去左一個唔愛你的人，但，佢就失去左一個愛佢的人，其實，係佢損失大過你架。呢一刻，佢既然連隱瞞你都費事，我睇唔到佢想挽回。

我唔知自己咁講啱唔啱，但，呢個真係我的諗法。講真，如果一直，佢澎湃到有好足夠的愛給你，浸住你，你的情緒，已經要好轉，唔能夠好轉，並將你陷於懷疑與絕望當中，呢種人，唔值得你珍惜。我同你素未謀面，但尚且心痛你前路崎嶇，佢呢？佢竟然忍心咁樣，你要愛惜自己，很愛很愛。

私人傳訊

jlam

積分: 18248

好媽媽勳章

47^#

發表於 15-10-4 15:40 |只看該作者

阿紀發表於 15-10-4 14:13
唉～我而家都好亂，自己未發生時見朋友咁，覺得佢傻點解仲要俾機會個賤人，而家到我，我竟然想去原諒佢只要 ...

但呢刻我想再努力一下

如果呢個「努力」唔太艱辛，你可以試，但，記得好似上面有位姊妹講，唔好講及之間感情，講其他野，唔好再討論呢個暫時解決唔到的話題。

錢都係，盡量要佢比大份錢，因為，將來，要是真的分開，法庭會以「維持你現有的生活標準」去判決，所以，你要懂得保障自己。

當佢係business partner，得就繼續，唔得就唔好忍，要愛惜自己。

私人傳訊

wai4919

侯爵府

積分: 21191

開心吸收勳章

48^#

發表於 15-10-4 21:38 |只看該作者

引用：Quote:原帖由阿紀於 15-10-03 發表一直以

原帖由 eggpudding 於 15-10-03 發表
一個人變心
人力都無法挽回
係呢版，我自己

對，夫妻關係是大家互相維繫，不是單方

私人傳訊

eggpudding

積分: 14327

49^#

發表於 15-10-4 22:30 |只看該作者

回覆：婚姻是甚麼

講真
十個出軌十個都係講果堆野
所以佢真係出軌都唔難估
其實你可以做的實在不多
唔好成日同佢嘈令佢討厭呢個家
去到邊個位你會死心到時會知
總之要keep住自己食得訓得
唔好影響健康

未經本人同意,請勿轉載內容!

私人傳訊

阿紀

積分: 6602

50^#

發表於 15-10-8 15:34 |只看該作者

jlam 發表於 15-10-4 15:09
佢絕情地覺得佢就算繼續同我一齊都唔會返到轉頭!

係呢句，我覺得暫時挽救唔到。唔好去估佢同外面隻野真定 ...

經過幾次同佢傾, 佢態度都好差, 似住食住我咁, 不斷將我缺點放大去合理化自己的行為, 總之就係我嘅問題令到佢出軌, 仲問回頭我可以俾到咩佢......就係呢幾次傾, 我睇到佢有幾自私, 有幾可恥, 然後心死了..... 我提出了離婚....
即使我提出了離婚, 佢開頭都仍然係咁嘅態度, 然後我風狅爆炸佢..... 我在家中只付出亦從來無要求甚麼, 今日你同佢有熱情係因為你已將心思花在佢身上, 而你已沒有花在我身上! 就算你回頭, 都要諗清楚, 唔定性, 就唔好勉強!
唔知係佢驚離婚, 定我有鬧醒到佢少少, 佢話回頭, 會和她斷, 然後, 現在對我如拍拖時咁對我.......
但我心, 已經重傷, 已經唔知佢對我好係咪另有居心... 但佢回來對我好我是受的, 所以我會享受他給我的愛, 而心底仍要有離婚嘅預備.....

如果出軌呢件事係不能避免, 係呢個時候發生都算啱timing, 由懷疑到現在, 只係好短時間, 我見到自己由一個係接受唔到出軌嘅人, 去到只要佢留低我咩都唔介意, 到而家我隨時為離婚作準備, 只睇你識唔識做.... 人, 已經成熟了!

私人傳訊

biloveu

積分: 10305

51^#

發表於 15-10-8 16:59 |只看該作者

引用：Quote:jlam 發表於 15-10-4 15:09 佢絕情地

原帖由阿紀於 15-10-08 發表
經過幾次同佢傾, 佢態度都好差, 似住食住我咁, 不斷將我缺點放大去合理化自己的行為, 總之就係我嘅問題令到 ...

加油！就算佢真係回頭，也要由而家開始好好為自己同細路打算！

但同時也可同c6一齊努力，希望佢真係回頭！

私人傳訊

littlemuffin

積分: 8392

52^#

發表於 15-10-8 17:04 |只看該作者

努力

私人傳訊

eggpudding

積分: 14327

53^#

發表於 15-10-8 17:13 |只看該作者

回覆：阿紀的帖子

每個人都係自私
大家都唔承認自己做錯將錯推係對方身上
如果你諗住同對方再一齊
你唔好成日諗住佢點數你，話你，嫌棄你
其實個個人出軌都係講A,B，C 餐果堆野
可能我自己聽過，都唔再覺得出奇
佢熱戀中自己講乜都唔知
可能時間耐左你問番佢記唔記得自己講過乜
我相信真係亂up推缷責任唔會記得
不過佢講得出，你都考慮一下係咪有你地當中有需要改善的地方
時間去證明佢有無講大話
最緊要錫自己！

未經本人同意,請勿轉載內容!

私人傳訊

凍奶茶少奶

積分: 10155

54^#

發表於 15-10-8 17:18 |只看該作者

你好叻

私人傳訊

Lovelovebear

珍珠宮

積分: 31483

55^#

發表於 15-10-8 17:19 |只看該作者

引用：Quote:阿紀發表於 15-10-4 14:13 唉～我而

原帖由 jlam 於 15-10-04 發表
佢絕情地覺得佢就算繼續同我一齊都唔會返到轉頭!

係呢句，我覺得暫時挽救唔到。唔好去估佢同外面隻野真定 ...

真係唔知講咩好… 鄧你心痛
祝福樓主
要加油呀！

私人傳訊

jlam

積分: 18248

好媽媽勳章

56^#

發表於 15-10-8 17:33 |只看該作者

阿紀發表於 15-10-8 15:34
經過幾次同佢傾, 佢態度都好差, 似住食住我咁, 不斷將我缺點放大去合理化自己的行為, 總之就係我嘅問題令到 ...

嗱, 男人係咪犯賤呢, 你求佢, 就唔吃香, 你話離婚, 佢先識回頭, 真係攞黎賤
我一直都咁睇, 你地生左三個, 呀細都仲係細, 即係唔係遠古時代的事, 而當中, 佢都有幫手家頭細務, 花心機時間, 如果話佢 [唔愛], 我又覺得冇可能, 但佢果D一句句 [再一齊都唔會好似以前咁], [回頭你比到乜野我], 呢堆幼稚說話和REQUEST, 好似好絕, 但其實係大下你, 兇下你, 為左對你日常的不滿提出指控, 點知就兇你唔到囉.

好似一個無理上司, 的個下屬入房, 一輪咀話佢要有邊方面改善, 要佢應承D乜乜乜, 點知, 個STAFF 聽都費事[唔好講, 我辭工], 好啦, 個上司先發現[唔得喎, 冇佢, 公司RUN 唔到, 冇佢, 請過個仲貴, 而呢個, 要出長糧添喎]然後上司先淆底 ......

佢搞唔清楚, 佢唔係上司, 從來, 都唔係上司下屬, 係BUSINESS PARTNER, 家庭係一門生意, 一個LIFE TIME PROJECT, 大家要WORK OUT 一個合作方式, 跟著需要和時期變化而RUN 落去, 並非由你去落ORDER 比我, 何況, 能夠出ORDER 的, 向來是更醒更快更準的一位, 呀先生一拖三從未搞得掂過, 且不能獨力養育我一家大細, 佢點可能有落ORDER 的資格? 係佢搞錯左.

從呢件事, 你睇到佢連出走的勇氣都冇, 佢根本係幼稚架, 所以, 對佢, 你要求唔可以太[成熟], 你唔可以妄想佢話頭醒尾, 你都唔可以妄想佢可以好細心, 諗到你諗到的事, 或者, 好堅咁, 在你生活或者工作上給你指導, 佢唔得, 唔係呢個LEVEL, 你只能希望佢[唔好做錯], 就係咁架咋, 然後, 慢慢, 你就會哦少左佢, 佢都唔會有[娶左個呀媽]呢種惡劣感覺.

你要硬淨, 為著子女, 比一次機會佢, 記住係你一個[SPECIAL OFFER], 唔係你乞求佢, 自自然然, 你就流露到一股氣, 係[大方,高貴,唔顛狗], 你要用呢度氣震住佢, 唔好軟弱, 唔係心死, 心係你架, 唔洗為別人死, 係要硬起來, 堅起來, 為著子女, 為著自己.

男人何其低B, 有一定年紀, 三名子女, 打工仔一名, 竟然相信除了老婆外, 會有另一位可以收留佢, 痴痴地

JM 你真係要加油, 興幸你暫時收佢皮, 祝你一切順利, 你一定要開心, 唔好比任何人影響到, 儲一股氣出來, 任何人都做得到架, 加油.

私人傳訊

jlam