吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 教教我如何

婆媳關係今日: 0|主題: 27773

收藏本版

發帖

返回列表

跳至頁

樓主: 憐星公主

教教我如何 [複製鏈接]

1 234 5...6

juicypig

珍珠宮

積分: 30278

環保接龍勳章 hashtag影視迷勳章

41^#

發表於 08-7-16 16:43 |只看該作者

又真係幾煩吓喎

一個人之所以快樂,不是因為她擁有得多, 而是因為她計較得少

私人傳訊

candy_benny

大宅

積分: 3465

42^#

發表於 08-7-16 16:47 |只看該作者

原文章由 Melody_Che 於 08-7-16 16:24 發表
我只想講, 你甘大個男人, 仔女都有埋, 都唔識分是非黑白, 無人幫到你, 明明自己阿媽多口話你地既, 俾我都補住老婆仔女先啦!! 似女家就不孝咩?? 唔覺wor!! 孫仔兩家都有份, 唔係跟男家性就男家大晒既!! 你地男家要羅 ...

你老婆吓嫁俾你,而唔吓嫁俾男家,點解事事要以男家為先

樓主同老婆結婚,吓自己同太太組織一個家,只屬於你們的.
這個家的事,最緊要同老婆商量,而唔吓你阿媽

私人傳訊

MK2006

伯爵府

積分: 17387

醒目開學勳章

43^#

發表於 08-7-16 16:49 |只看該作者

女家咩都搶住做有咩唔好? 又唔洗佢理..除非佢諗住做有錢收啦, 兩邊擺滿月bb仲多禮物.
八多句? 男家擺滿月邊個俾錢先? 係咪你俾錢架? 如果係, 可能你媽以為女家果邊又擺係要問你攞錢喎..
講真你咁大個人, 老婆同仔都有, 下下都要聽你媽說話好辛苦傘. 你要聽阿媽話, 但唔俾老婆聽佢阿媽話, 即係自己要做孝順仔, 個老婆就要做不孝女...你都要係你老婆立場諗下先得架.

私人傳訊

GTT

複式洋房

積分: 194

44^#

發表於 08-7-16 16:49 |只看該作者

原文章由 siuwa 於 08-7-16 15:51 發表

我覺得你阿媽根本唔識做阿媽就真，　你唔識做都係真．　有時呢ｄ說話你唔去反駁，　佢唔會覺得你孝順，　反而覺得你好蝦，　連帶蝦你老婆仔女同外家．　　錯既係你．　你唔覺得你阿媽都唔尊重你同愛惜你既咩，　如果係點會咁既嘢都講 ...

講得媽啱,好彩我老公識做,所以往往奶奶都趁老公唔喺度先蝦我,然後我就順利成張咁告狀,所以我牙力通常都大過奶奶,因為以前一齊住時咩嘢都比老公睇到哂.........

私人傳訊

CAT0112

大宅

積分: 1415

45^#

發表於 08-7-16 16:50 |只看該作者

一家唔知一家事，內裡情況係點我地唔知，不過照你所講既情況，你媽媽真係霸道咗啲喎，既然大家關係唔好，啲野唔可以一齊做，咁各自分開做係最唔傷和氣既，但係你地男家就完全唔畀人地做，只有你好先可以做、先可以去興，未免太唔尊重人喇。

你老婆嫁咗你唔代表好似妹仔賣身畀你地咁，佢嫁咗都係人地既女，咁返外家有咩唔啱呢?佢又唔係搵你地男家著計貼女家，又唔係做啲咩害你地男家，點解要咁計較?

再講你阿媽都冇企喺你立場幫你諗，淨係識得畀壓力你要你聽晒佢話，都唔會諗唔想個仔難做而去讓吓步，隻眼開隻眼閉。其實我覺得你自己都要反醒一下，你地要人地個女去你男家，咁你做女婿既去返女家好公平喎，你唔可以阿媽話乜就乜，你都要有自己既原則先得，其實大家唔係有心鬧你 & 畀壓力你，不過你真係要好好諗清楚個問題喺邊個度，你都話已經4年都係咁，你再唔解決個問題，長期都會係咁，同埋你唔好諗得太灰，其實凡事都冇可能一次過就解決得到，你慢慢同佢地傾吓啦，今次傾唔掂下次再傾，傾到掂為止，只要你肯畀時間耐性，一定有辦法既。

私人傳訊

A.C.C.

大宅

積分: 3786

46^#

發表於 08-7-16 16:57 |只看該作者

原文章由 憐星公主 於 08-7-16 15:34 發表
我媽成日都覺得女家咩都搶住做....覺得女家樣樣野都要第一先...其實有時又唔係我媽想得太過激...
分開擺..我媽一定打電話check住我...我一唔在家..佢就一定會估我同女家食飯啦 ...

mouth:mouth:" /> 樓主呀~你唔駛下下話俾阿媽聽，你地分開兩邊擺"滿月酒"，阿媽CHECK到，咪話出街同朋友食便飯囉。

你同老婆先係BB嘅父母，BB先係滿月酒嘅主角，所以點擺"滿月酒"，其實你兩個就可以揸主意......

已經結咗婚做咗人老豆，好多時，係無可奈何就要唔再順從阿媽嘅意思。

莫講話"滿月酒"咁小事，之後俾家用、湊BB、讀幼稚園......如果外母同奶奶又有不同意見，你仲有排煩，依家應該係開始俾你外母同奶奶知道，你兩夫妻已經成為獨立嘅家庭啦，好多事情可以自己試下揸主意，佢地兩家有意見，你地會聽，但未必照做。

另外，D婆婆媽媽嘅嘢，例如薑醋，你可以當唔知，乜都唔好講俾兩邊知，咁就會耳根清靜好多。

[ 本文章最後由 A.C.C. 於 08-7-16 17:00 編輯 ]

私人傳訊

憐星公主

民房

積分: 25

47^#

發表於 08-7-16 17:00 |只看該作者

你地都覺得我太聽我媽講野而沒有理會我太太?

私人傳訊

A.C.C.

大宅

積分: 3786

48^#

發表於 08-7-16 17:03 |只看該作者

原文章由 憐星公主 於 08-7-16 17:00 發表
你地都覺得我太聽我媽講野而沒有理會我太太?

你又想做孝順仔,又想做好女婿,最後兩邊都會得罪

阿媽同老婆始終唔係一家人,要點取捨,樣樣都要諗架~

[ 本文章最後由 A.C.C. 於 08-7-16 17:05 編輯 ]

私人傳訊

memema

洋房

積分: 96

49^#

發表於 08-7-16 17:03 |只看該作者

還原基本步，你問心你鐘意你老婆乜野？如果你老婆變到完全無自專，聽唒你呀媽話，話不還口，仲要你搬返去同你呀媽住，唔返工每日照顧你呀媽，日頭６點起做家務同照顧個ｂ，一日３餐服侍週到，以後唔返外家，直情段六親無朋友，你放假亦只係同你呀媽去飲下茶，行下街，返到屋企又幫你呀媽洗腳按摩，做一個完全無左自己既ｃ９，你估你呀媽仲有無投訢？但呢個仲係唔係你鐘意嘅老婆？如果你覺得你娶個老婆返嚟係要黎氹你呀媽開心嘅，你不如娶個奴隸啦！乜你地唔係兩個人一齊開心先結婚咩？做乜結左婚要加個６２９９响你地２個中間？

你地想點過下半世洗乜其他人管？又唔係叫你完全唔埋你呀媽，咁你地放假同呀ｂ去探下佢地，比足家用，過時過節又去食下飯仲唔夠孝順咩？

如果你仲執迷不誤，到個煲爆嘅時候，你只可以攬住你至專無上嘅呀媽同你男家個神主牌過世囉．

私人傳訊

cherry1498

大宅

積分: 3008

50^#

發表於 08-7-16 17:05 |只看該作者

樓主…請問你日後個BB俾邊個湊呢…
如果你係好搵到既…勸你都係俾個老婆自己湊好啦…俾是旦一個湊你頭家都好危LOR！
你咁大個人…咩都聽阿媽話…阿媽岩就話姐…阿媽咁都幫！我只係覺得你老婆好慘…嫁俾你係種屈辱！
真係需要幫既係你老婆…但老公下下都幫個阿媽恰自己屋企人！換轉係你…你老婆當住你面成家人恰你阿媽…我諗你打人都似…可憐我地D女人…生完仔個傷口都未好…自己阿媽黎陪我煮野俾我補身都唔岩…要靠個只會幫99既老公？

私人傳訊

alphabetagamma

珊瑚宮

積分: 108855

環保接龍勳章

51^#

發表於 08-7-16 17:09 |只看該作者

其實好少事之嘛...

唔洗樣樣野, 一五一十講晒俾兩邊親家聽. 學會修飾一下. 點解你父母會覺得你親女家, 咪就係你地兩公婆做得唔好囉.....
你要做就係令到男家覺得你親男家, 女家覺得你親女家. 大家開開心心過一世, 是真是假無所謂架, 又唔係叫你又呃又騙, 唔係立心去做壞事, 善意的大話是okay的.

你話你外母成日上來食晚飯. 作為女人, 我十分appreciate我媽咪等人上來探我, 陪我. 因為生完, 我最free就係對住我家人, 你要我對住奶奶, 唔係唔鍾意佢, 係無咁free囉. 正如你對住女家的人唔free的感覺. 你咪忍下囉... 大家一下子未去到好熟. 十年廿年后, 大家先去到親人feel. 但現在女人都係女家親人一起才沒壓力. 你想你老婆同你媽咪好, 係要漸進式的. 你媽咪都係要漸進式的去接受第二個陌生的家庭.

其實我眼中, 都係你地男家唔好囉.... 因為你仲未講到你外母有幾唔好. 就算爭第一, 咁又點??? 你媽咪如果唔係想算第一, 又點會咁hard feeling. 我一向都有老二性格, 人地想威咪俾人威囉....在我眼中, 只係想威但又威唔到才會咁嬲人. 人地話好女兩頭瞞, 我話好仔都要兩頭暪.
我差不多日日都返媽咪到食飯. 我老公都好接受, 因為佢咁會食得健康d, 唔通我媽咪又話佢痴過來食咩? 口就係係人到, 想點講都得, 幾立壞心腸話人都得.
你有一句好唔掂"個女係人地媳婦", 咁人地又唔係人地個女咩?
我好記得我同我老公講過好多次, """你要我返男家食飯要出聲, 因為我係我父母生的, 我好想回家陪佢地食飯. 你自己有自己的父母, 你想返去陪佢地食飯要出聲, 要同我講, 我才會陪你一切食飯. 你唔講, 大家唔配合, 你以為找特登唔返去食"""""" 其實, 我個心想回女家好人之常情... 正如他也有想回家的感覺, 大家配合囉....
如果老人家唔識做, 問三問四, 問你是否回娘家(打死都唔好十次講十次真話)??? 咁問就係佢mind啦. 我奶奶成日問我老公是否回我媽家食, 我教過我老公話俾佢媽聽, 佢日日都放好夜, 食餐正常都好難. 上次母親節, 我奶奶問我正日是否同我媽慶祝, 我話佢知我媽自己約左人(而事實都係), 我地只會同佢後補. 但我媽好少問, 知情識趣的人應該唔好問. 想證明d咩啫.... 大家心照啦.... 你咪答d佢想聽, 又無傷大雅的答案.

你話你阿媽會check你. 咁好明顯你媽咪過左火位囉. 咁大個人都要咁做.

私人傳訊

cherry1498

大宅

積分: 3008

52^#

發表於 08-7-16 17:10 |只看該作者

原文章由 憐星公主 於 08-7-16 17:00 發表
你地都覺得我太聽我媽講野而沒有理會我太太?

單單睇你話你外母好多事去煲薑醋同埋怕你阿媽嬲唔同女家食滿月飯…我覺得你絕對係太聽阿媽話…至於冇理會太太…一半一半啦…起碼你都會知你太太唔開心！

私人傳訊

MK2006

伯爵府

積分: 17387

醒目開學勳章

53^#

發表於 08-7-16 17:12 |只看該作者

你再咁落去兩邊都難做人, 你唯一可以改變就係唔好樣樣都匯報俾你媽知, 就算佢問你都唔講, 佢冇你乎

你太太生完未夠一個月俾多d關心佢, 幫手湊b啦, 理阿b好過理你媽.

原文章由 憐星公主 於 08-7-16 17:00 發表
你地都覺得我太聽我媽講野而沒有理會我太太?

私人傳訊

vickym

男爵府

積分: 8096

54^#

發表於 08-7-16 17:17 |只看該作者

原文章由 alphabetagamma 於 08-7-16 17:09 發表
其實好少事之嘛...

唔洗樣樣野, 一五一十講晒俾兩邊親家聽. 學會修飾一下. 點解你父母會覺得你親女家, 咪就係你地兩公婆做得唔好囉.....
你要做就係令到男家覺得你親男家, 女家覺得你親女家. 大家開開心心過一世, ...

total agree!!
人地個女=男家既新抱...咁你係人地個仔=女家既女婿wor...點解要攪到人地個女咁唔開心呢?!

私人傳訊

GTT

複式洋房

積分: 194

55^#

發表於 08-7-16 17:18 |只看該作者

原文章由 憐星公主 於 08-7-16 17:00 發表
你地都覺得我太聽我媽講野而沒有理會我太太?

其實唔係話你聽你亞媽講嘢唔啱,係最緊要係你識分黑白是非,你亞媽有咩唔啱你要出聲,你唸吓,陪你過下半世同埋晚晚瞓喺你隔離嗰個係邊個???

私人傳訊

袁太

大宅

積分: 1397

56^#

發表於 08-7-16 17:38 |只看該作者

其實你如果係有心做真係唔係咁難解決.

首先, 實在唔使講咁多野俾雙方家長知, 呢D唔係騙佢, 只係唔講. 你都話佢地反左面, 咁即係無溝通, 咁亦即係有人在中間傳是非佢地至知對方做咩啦, 咁你唔講就無事啦, 真係發現左咪話你唔知囉, eg, 你唔講你阿媽點知外母煲薑醋呢, 俾佢知道你就話外母無講你知.

滿月同結婚晤同. 滿月係BB父母請客, 你絕對係揸fit人, 唔使任何人同意, 食2餐都無問題. 或者一家做滿月, 一家做百日, 咁隔遠D咪無咁覺, 呢D叫變通.

女人生完BB係好需要人幫忙同陪伴, 生完辛苦完嗰個係佢, 佢有權揾人陪, 咁對佢來講一定係媽咪親, 而且媽咪一定會幫手, 你太太都舒服D, 你地理應感激. 我生完去外家坐月我老公都無意見, 佢話有需要嗰個係我, 我覺得點最舒服就做.

只要你唔講咁多野你阿媽知, 佢就唔會話你親外家, 好多煩惱係自己攞來. 好仔兩頭瞞, 大家舒服.

你的BB係仔定女呢? 如果係女, 又或者你第日有個女, 你會唔會想佢嫁左就無左, 有朝一日你做外公, 你想唔想無薑醋無滿月酒連上去探女個女婿都唔 likey 你, 自己諗下過得自己過得人既道理啦.