吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 打人係咪一定唔岩?

自由講場今日: 675|主題: 1353757

收藏本版

發帖

返回列表

跳至頁

樓主: cjessjess

打人係咪一定唔岩? [複製鏈接]

1 23

~仔仔媽咪~

水晶宮

積分: 51912

41^#

發表於 08-7-25 15:35 |只看該作者

原文章由 sarahyukhob 於 08-7-25 01:21 發表
李亞鵬出手打人就係一定唔啱mouth:

但佢事後既表白真係是為了保護女兒...唉那位記者真的太過份超越了李亞鵬既底線

有時唔係人地無好好努力去禁住自己情緒同行為,人地係有,仲要係咁拉低自己條底線係咁往後退,但d人係要犯賤係咁挑戰你睇你忍得幾耐幾時會爆,係咁DUMP埋嚟踩人條線,咁人地已經好退讓都俾人踩到條底線,咁要人有咩辦法唔失控?打人都撩人兩邊都要教,但無奈現今社會淨係教打人嗰個,嗰D口賤行為賤既撩人者,就無人覺得要教...係,無錯係人地講咩我地係控制唔到,但係你只顧撲熄D火,但點火既人仍然肆無忌憚咁係咁繼續點火/又或者嗰度好大機會成日着火,但你由得嗰度擺滿易燃物品同火種嗰度,但你又唔俾佢着火,咁係咪好謬論?着唔着到火都好睇環境因素啦,唔係火要自己着,係睇有無人專登點着仲要加油撥行盆火佢等佢爆之嘛...咁火警發生會唔會唔拉點火個人,而走去拉走個爐同舊火???如果點火嗰個無罪唔駛教,又做咩拉佢罰佢要佢坐監受教?

私人傳訊

ha8mo

禁止訪問

積分: 25495

42^#

發表於 08-7-25 15:35 |只看該作者

提示: 作者被禁止或刪除內容自動屏蔽

私人傳訊

麟媽媽

王國長老

積分: 89048

好媽媽勳章王國長老

43^#

發表於 08-7-25 15:38 |只看該作者

呢兩個雌雄娛記都好紅啦，
不如叫其他狗隊追訪佢地，
叫佢地講吓打交過程，
仲要幫佢地影大頭！！
追佢地十條街，
相機篤住佢地個鼻孔。

原文章由 ha8mo 於 08-7-25 15:26 發表
我睇過一期乜周刊
佢話陳法拉拎番相機影狗仔隊係「犯眾憎」
我真係覺得笑爆

不過簡單總括一下
愚落圈係狗賊聚腳地
倚賴靠愚落圈班狗賊混飯吃既報紙佬就狗屎都不如 ...

私人傳訊

~仔仔媽咪~

水晶宮

積分: 51912

44^#

發表於 08-7-25 15:38 |只看該作者

原文章由 十月變形記 於 08-7-25 15:27 發表

教小朋大真係要好小心, 你講呢個做法好似好正路, 大人好多時都係咁樣做, 但係原來教俾小朋友係唔好o架.

原來從兒童心理學角度, 一個俾人搶玩具嘅小朋友, 如果唔去反抗, 唔出聲, 其實唔係因為佢乖(我以前都以為係! ...

但如果好似我仔响學校日日俾同學追住嚟打,專登搶我仔D筆黎咬斷等我仔無得用,日日畫花我仔D功課同書,或者言語上挑釁,呢D點教...以上或仲有好多事情都令我好困擾,唔知點教至好,個仔又唔開心,覺得所有人都蝦佢,老師唔幫佢,媽咪又唔理解佢感受又幫唔到佢...我仔係有過度活躍的.有食葯黎控制情緒同行為,但作用不大.

私人傳訊

十月變形記

大宅

積分: 2703

45^#

發表於 08-7-25 15:53 |只看該作者

原文章由 ~仔仔媽咪~ 於 08-7-25 15:38 發表

但如果好似我仔响學校日日俾同學追住嚟打,專登搶我仔D筆黎咬斷等我仔無得用,日日畫花我仔D功課同書,或者言語上挑釁,呢D點教...以上或仲有好多事情都令我好困擾,唔知點教至好,個仔又唔開心,覺得所有人都蝦佢,老師唔 ...

咁嘅情況真係好頭痛加心痛.

如果有過度活躍症, 就更加要教令佢學識控制自己情緒, 因為佢一出手就唔係人咁品, 但係教佢避又真係治標唔治本.

我之前有個教f1嘅同事班裡面又係有一個學生(女仔)係咁, 我同事就好有心機, 同個家長配合一齊教, 每次個小朋友一控制唔同情緒, 佢會叫佢企出balcony(有窗花嘅

)冷靜吓, 然後同成班同學講 "佢有呢個病佢都好唔開心, 要日日食藥, 你地都有病過, 都想返屋企休息, 但係佢冇, 佢仍然嚟返學上堂, 呢個係好堅強嘅表現, 做同班同學應該體諒同關心佢, 支持佢." 冇幾耐, 佢d同班同學仔就好錫呢個同學.

或者你約佢班主任同學校社工一齊傾吓, 睇吓有冇方法可以大家配合嚟改善呢個情況, 因為長期咁樣, 對你小朋友心理都有負面影響, 希望班主任同學校社可以幫到手喇.

十月變形記: http://hk.myblog.yahoo.com/bibu-fish

私人傳訊

~仔仔媽咪~

水晶宮

積分: 51912

46^#

發表於 08-7-25 19:26 |只看該作者

原文章由 十月變形記 於 08-7-25 15:53 發表

咁嘅情況真係好頭痛加心痛.

如果有過度活躍症, 就更加要教令佢學識控制自己情緒, 因為佢一出手就唔係人咁品, 但係教佢避又真係治標唔治本.

我之前有個教f1嘅同事班裡面又係有一個學生(女仔)係咁, 我同事就好有心 ...

查實以往我仔前兩年讀咗兩年小一,兩年D班主任同老師都好好,好主動亦好願意咁同我溝通,一齊去搞掂個仔D問題,最緊要係個仔都唔係咁嚴重,仲好鐘意間學校,D班主任甚至同我交換msn或者直接打電話同我傾,甚至乎夜晚或者wkend都打黎同我傾,仲傾咗成大半粒鐘,我係好感激架!(始終嗰D係老師放工後既私人時間嚟)...但今年小二就唔係,無錯,我承認今年個班主任係好嚴,如果細路無呢D問題,實情會鍛鍊到小朋友好多野,但係我仔既問題個班主任唔理會,不單只唔同我有任何溝通,每次佢都係打黎投訴我仔,仲要態度好差,我想回應佢想同佢傾番少少我仔既問題(咁我都想了解下件事,亦想睇下大家有咩可以配合到,一齊搞掂個仔),但佢次次講完佢要講既野就趕住收線,唔聽亦唔俾我再講落去,甚至cut線(我把口仲郁緊未講完架),唔覺受到任何尊重,但個仔一出事,個班主任就發哂癲咁鬧,仲捉埋我仔一齊打電話俾我,同我講完我仔衰乜,跟住迫我仔喊住咁响電話度同我解釋,我仔一講D佢(班主任)唔覺得啱既野,佢就响我仔隔離係咁兇我仔:"係咪事實呀?係咪咁呀!!!?"嚇到我仔驚到乜都講唔到(咁叫我仔嚟聽電話黎做乜呢?),我好心痛架,嗰陣番番下工咁樣接呢D電話,我傷心痛心咁當眾响公司狂喊都喊咗幾次,嚇到我老細都走出黎安慰我又問我駛唔駛休息下...結果呢年我同個仔直頭落咗地獄咁唔單只無開心過仲好痛苦!

我都係早上個月至得到社工幫助,原本我一直都死忍,又叫個仔死忍,點知有次協康會社工嚟學校搞活動,佢同我講開我仔問題,原本好小事,但唔知係咪忍得太耐頂唔順,我當住社工同校工面前喪喊囉!嚇親個社工,咁至開始同社工傾心事同個仔D問題,之後呢個社工好好心,主動响同我仔學校開會時講起我仔,個訓導主任至知我一路以黎係咁忍,有咩都唔同學校講(班主任問題,同我仔嗰班D壞同學欺凌問題),結果兩個社工(協康會社工同埋學校社工)加埋訓導主任同我傾,查實我聽到學校無放棄我仔,係想幫我仔,只要聽到學校咁講,我已經好感激,even實際上做唔到D咩成效(講真我唔會旨意哂學校老師幫手囉,個仔始終係我既),只要佢地接受我仔唔係討厭我仔,我已經好夠...我都唔知之後學校對我地既態度係咪真係會好番,不過都係希望啦...

但依家最令我頭痛既就係,唔知好無俾我仔調班,原先我係覺得我仔咁易受人影響同刺激,佢嗰班又係全級最差嗰班,所有曳人壞學生嗰哂嗰度(訓導主任同我講我仔嗰班小二已經有童黨,上上下堂可以成班走出課室入廁所玩捉!),諗住要求學校同我仔調番去中間嗰班,諗住至少中間嗰班D人仔都係讀書既(佢地以英文程度分班),會搞少好多野...但之後又見佢地學校精英班或者頭兩班D學生又係唔見得有品,又係好無禮貌(話我仔嗰班係傻仔班,中間嗰班係蘿底橙)...咁我又諗會唔會升咗上去又係一樣?同埋個仔依家嗰班衰極都有個固定既好朋友(亞氏保加症小朋友,好smart,讀書好又好保護我仔)陪住佢肯同我仔玩吖...咁我又諗我仔呢年幾衰都已經適應咗呢一班同學同老師,,,咁係咪唔調班反而會好D呢?我怕調咗班,個仔又要重新適應新同學又要重新適應新同學對佢既排擠同欺負,佢又是癲一年...仲惡搞...如果比着你,你會幫個仔調班定係唔郁好呢...聽講我仔下年小三又係小二呢一個班主任做番班主任...我仔一聽到即刻無哂心機...坦白講,我都係...

私人傳訊

十月變形記

大宅

積分: 2703

47^#

發表於 08-7-29 00:58 |只看該作者

回覆 #46 ~仔仔媽咪~ 的文章

咁呢個班主任真係唔得喎, 咁嘅方法對任何小朋友都有反效果喇! 佢有冇degree o架?!

我諗咁嘅情況今年唔好轉住, 學你話齋, 你個仔有個固定朋友喺同一班係精神支柱嚟o架, 不過下年就唔好喇, 個班主任根本就冇心機去處理小朋友嘅問題, 唔係要佢額外用私人時間, 但係學校入面發生嘅事, 佢竟然可以咁"不人道"迫個小朋友响電話度同媽咪講, 仲要响隔離施加壓力, 真係正常人都俾佢迫癲!!

慶幸間學校同社工有心幫你, 咁樣你個小朋友感受到佢冇就孤立, 有人關心佢, 下年應該好番好多.

呢個係長期抗爭, 唔好沮喪, 支持你o架!!

十月變形記: http://hk.myblog.yahoo.com/bibu-fish

私人傳訊