懷孕前後 今日: 7 | 主題: 330438

積分: 384

41^#

發表於 08-8-2 18:39 |只看該作者

我奶奶一個電話都打來問候我。今天佢同我老公講明天佢放假，佢買餱上我屋企煮飯食，(佢上來都係要我煮，唔通我唔做等佢做咩)，我姑仔知到都亞媽上來，佢成家都唔客氣都上來食飯架喇(都唔係第一次)做死我啦﹗
之前我第一個b未出生時，我經常作小產於是我老公話返奶奶到安胎，點知仲死，我要煮齊佢成家飯，而我奶奶一的都唔客氣，唔係煎就炸，大肚體溫又高，天氣又熱，對住個爐咁耐，幾伸苦，都後我都頂唔順返自己屋企好過喇﹗

私人傳訊

phoebie

積分: 3104

42^#

發表於 08-8-2 18:52 |只看該作者

我99直頭個人一路都無返黎香港啦

(佢退休返左大陸住)
之前我問佢幾時煲醋好
佢仲話等我生左至開始都唔遲...
我媽又係懶理一族

我16號預產期
上星期6299終於返左黎
但而家日日要我自己行15min去佢地度食飯...
諗諗下佢地唔返黎
由得我自己仲好

mama:肥脾phoebie bb:纖腰冰(冰)

私人傳訊

蘋果批

積分: 384

43^#

發表於 08-8-2 18:56 |只看該作者

我同都係一樣奶奶費事理我，我亞媽咩都唔關佢事咁，都係自己靠自已，係都好你奶奶都會煮餐飯俾你食下﹗

原文章由 phoebie 於 08-8-2 18:52 發表
我99直頭個人一路都無返黎香港啦
(佢退休返左大陸住)
之前我問佢幾時煲醋好
佢仲話等我生左至開始都唔遲...
我媽又係懶理一族
我16號預產期
上星期6299終於返左黎
但而家日日要我自己行15min去佢地 ...

私人傳訊

quoquo

積分: 1266

44^#

發表於 08-8-2 23:44 |只看該作者

我奶奶雖然隔日就來我到湊女, 但係一句都無問過, 無煲過湯, 無問我地食咩 (佢晚晚係我度煮飯比自己食, 但係我兩公婆就食外賣). 我老爺直情好似消失左咁. 我叫我老公生得都吾駛通知佢地.

私人傳訊

monsterhunter

積分: 2780

畀面勳章大廚勳章

45^#

發表於 08-8-3 02:55 |只看該作者

我99...哈哈,佢經典啦,一個電話都無打黎,我生完,係醫院果四日,探都無黎探我,扮哂野話傷風,唔黎得喎,,煲豬腳薑....我女家煲,佢無意欲會煲,我囡囡宜家四個月,乜都無送過比個孫添....

私人傳訊

小千

積分: 6846

好媽媽勳章畀面勳章叻叻勳章貢獻勳章環保接龍勳章親子達人勳章育兒性格勳章

46^#

發表於 08-8-3 08:30 |只看該作者

原文章由 monsterhunter 於 08-8-3 02:55 發表
我99...哈哈,佢經典啦,一個電話都無打黎,我生完,係醫院果四日,探都無黎探我,扮哂野話傷風,唔黎得喎,,煲豬腳薑....我女家煲,佢無意欲會煲,我囡囡宜家四個月,乜都無送過比個孫添.... ...

我拕第一胎既時候就成日打電話黎問候我，都好關心嫁。
不過衣嫁拕第二胎就問都冇問囉。可能始終第一胎個時會緊張d呱。

私人傳訊

yiuki

積分: 9041

2025勳章 2025勳章蛇年勳章

47^#

發表於 08-8-3 13:46 |只看該作者

尋晚返奶奶道食飯，佢叫我食多D蟹呀，保鈣喎。
我忍唔到話佢，食蟹BB皮膚唔好的，佢話我陀BB果時都成日食，我話你睇下我老公成日生暗瘡咪係囉佢話呢D係青春豆

我話我媽叫左我唔好食。之後加多句我都誡左好多野唔食。

私人傳訊

joeywongmy

禁止訪問

積分: 24953

好媽媽勳章畀面勳章環保接龍勳章陪月勳章

48^#

發表於 08-8-3 21:26 |只看該作者

提示: 作者被禁止或刪除內容自動屏蔽

私人傳訊

Wongpuinok

積分: 1586

49^#

發表於 08-8-3 22:38 |只看該作者

原文章由 yiuki 於 08-8-3 13:46 發表
尋晚返奶奶道食飯，佢叫我食多D蟹呀，保鈣喎。
我忍唔到話佢，食蟹BB皮膚唔好的，佢話我陀BB果時都成日食，我話你睇下我老公成日生暗瘡咪係囉佢話呢D係青春豆我話我媽叫左我唔好食。之後加多句我都誡左好多野唔食。 ...

My 99 said I could not eat crab and "Yeung Yuk"
Its not good for BB's skin.

My big daughter (Tavy) : 2003-09-24 (3.14 kg)
My second son (Nok Nok) : 2007-07-25 (3.56 kg)
My third son (Yu Yu) : 2008-08-21 (3.46 kg)

私人傳訊

gdmorning

積分: 277

50^#

發表於 08-8-4 16:22 |只看該作者

見到呢個post, 不得不講幾句…

我上一胎一發現有咗既同時,食錯嘢又瀉又嘔嚴重脫水,入咗院吊水,我老公話比我99知我剛check到有咗但入咗院, 問我99可唔可以煲d白粥比我,佢就煲咗兩次比我,我以為佢ok 啦,點知佢之後同我老公個阿e(佢個妹)講話我當佢工人,要佢煲粥比我食...

喺我懷胎十月期間,當然冇煮嘢比我食啦(佢冇嘢做,仲好後生-40+yr old,同佢分開住,但佢有我屋企key,成日上嚟).最大貢獻就係煲咗煲薑醋(因佢要派比人).我呀媽唔喺hk,生之前我契媽話可以嚟幫我坐月,但由於要尊重99,所以老公先問吓佢,我99一口話ok會嚟幫,咁我契媽咪唔嚟…

到我生完第二朝喺醫院,由於佢之前分附我唔好叫醫院嘢食,話會帶比我,我就等佢, 點之,佢煮完唔肯出嚟,話d嘢好重,要等我老公揸車車佢,但我老公又要返公司做埋d手尾同請假,結果我由之前一日食完lunch,晚上生埋仔(順產-用好多力!!),到第二日下午兩點先有得食…跟住晚飯係用microwave “ding”返一樣既飯(佢一次過cook兩餐),眼見隔離床個媽媽有62,99同阿媽一共三人分工輪更帶唔同既新鮮飯菜比佢,我都覺得自己好慘.之後佢只係帶咗兩日飯比我,都係一次過cook兩餐…

我阿妹見我冇啖好食,咪買嘢比我食law,佢見到又話冇益, 話唔應該食,我一邊食佢一邊哦,好煩, 我阿妹都差d發火.到出院嗰日,佢影都唔見,當時我心諗:仲好,可以叫契媽去屋企幫我.我一call契媽,佢即刻去我屋企,煮飯比我同我老公(我老公放假),又教我哋點同bb沖涼…加上我有兩個朋友嚟探我,我先覺得生咗個b以來開心番小小…突然,我99喺無通知下殺到嚟,仲比面色我契媽睇...

<再續>

[ 本文章最後由 gdmorning 於 08-8-4 16:25 編輯 ]

私人傳訊

gdmorning

積分: 277

51^#

發表於 08-8-4 16:26 |只看該作者

<續前面>

咁契媽費事一屋有兩個女人揸fit,佢就走先.嗰晚我99喺度過夜(其實以前佢差唔多隔個星期就嚟過夜), 夜晚bb成晚喊,我成晚冇訓,99有間中醒吓,但只係睇同用口指揮,冇help…終於到天光, 我老公返咗工,99喺10點幾話去飲茶(佢日日都要飲)出咗去,點知到下午兩點都唔見人, 我就call老公話佢知,我老公call佢,原來佢返咗屋企,話阿b成晚喊嘈到佢好頭痛,要返屋企訓…結果佢唔再返嚟陪我坐月,但又間中嚟吓,扮吓幫過吓手就走…唔嚟果幾日,電話都冇,有次有電話嚟,問我: “點呀,bb點呀,你有冇得訓呀”, 我以為佢咁好問候我,原來係想分附我幫佢煮熱d薑醋,仲話: “要煮兩個鐘, 要不停咁攪喎”,果刻我唔識比反應,收線後,就大喊咗出嚟…
事隔五年,而家提番都想喊…

私人傳訊

chowhui97

積分: 5873

52^#

發表於 08-8-4 19:07 |只看該作者

原文章由 gdmorning 於 08-8-4 16:26 發表

咁契媽費事一屋有兩個女人揸fit,佢就走先.嗰晚我99喺度過夜(其實以前佢差唔多隔個星期就嚟過夜), 夜晚bb成晚喊,我成晚冇訓,99有間中醒吓,但只係睇同用口指揮,冇help…終於到天光, 我老公返咗工,99喺10點幾話去飲 ...

唉... 聽到你個故事都真係...

算啦, 經一事, 長一智, 咁你咪當認清楚佢份人law! 老實講, 佢係你奶奶啫, 又唔係你阿媽, 得閒咪招呼佢二句, 又唔係同佢做人世!! 咪鬼理佢啦!! 第時教阿b唔駛同佢玩tim ar!!

私人傳訊

chowhui97

積分: 5873

53^#

發表於 08-8-4 19:15 |只看該作者

依家好多時奶奶都係整一啲佢個仔鍾意食的餸出離, (係我唔鍾意食的), 佢只係會話有益, 咩都要食, 但係就好似無理會我感受law!

咁都好, 我成日去佢屋企啲嘢都唔啱食, 我阿媽原本想離同我坐月老公麻麻地, 依家佢都好似覺得佢啲媽啲口味同我唔係好夾!!

仲有呀, 上次奶奶話, 你依家可以食燕窩啦, 你可以叫你阿媽煮你食! ... 咁佢唔識買俾我食咩??? 我老公個個月俾家用都俾好多架!

私人傳訊

doubletone

積分: 202

54^#

發表於 08-8-4 19:42 |只看該作者

其實你哋都好幸福呢! 我老公的父母都不在, 雖然外人覺得好似仲好, 少咗麻煩。而我本身父母都在去年退休, 原本計劃好由父母幫我照顧BB, 所以今年年初便計劃生育, 但當成功懷孕後, 我媽媽竟然反口, 話擔心自己揍唔掂BB, 又話BB不可以在她家過夜, 因為怕辛苦, 又話我阿妹話嘈住佢睡, 影響她的工作 (但我妹已經決定明年結婚, 就算嘈都係四、五個月的時間, 我的預產期係12月中), 跟住我真係晚晚都因為此事已哭, 覺得好無助。自從此事發生後, 我媽媽沒有再打電話問候我, 沒有見面啦 (差不多三個星期了)。你哋話點算?

現在我正在預備請工人, 原本想著可以慳一些錢儲起俾BB日後用的, 現在又要重新預算過呢!

私人傳訊

saumanwai