（5）妄想症99
想當年拍緊拖未見過佢呀媽，有一次聖誕節我同當時男朋友嘅c6番外國玩，順便留兩晚佢屋企當見下家長。
到步第一朝5點機，99預備早餐俾我吔食，起碼有10個餸，分別有叉燒，焼鵝，碗仔翅，油菜兩三款，炒蛋，干燒伊面，炸豬排，lap腸六七條冇切，膶腸六七條冇切。全部餸隔死兼是𣲙涷的。請問各位啱啱坐完10幾個鐘頭機，見到呢堆野，你食得落嗎？
雖然我知道全部都係外賣，我都求其扮下野話auntie 好勁喎，佢話你呀媽平時整咩俾你食，我就老實講我媽唔識煮，佢竟然話\'唔識煮野點做人呀媽\'
我對佢嘅仇恨從此展開！！
之後我嬲嬲地返房關門睇雜誌，佢就狂拍門門我做緊咩，又話睇書可以開住門睇㗎下嗎？
又同我c6講我好熟口面，係咪喺敦皇做？你XX,我除左夜總會或酒樓推點心外，我真係諗唔倒敦皇可以係咩公司！總之我一早講過我係五年內都冇去過佢地住的地方，我以前住係第二個省，坐飛機都要4個鐘，所以佢冇可能見過我，擺明就是想look down on me and give me 下馬威！
佢又同我講我c6大學畢業好叻，問我咩學位，我話master degree, 佢竟然話大學叻啲，叫我比心機？我忍唔住笑爆嘴。c6同佢解釋完碩士高級過大學後，佢就話C6大學叻啲，我地最後放棄同佢爭論（事實上我大學是全國排名第一，c6嗰間第三）
仲有，超攪笑，佢話佢讀英文同學個個未移民前係專業人士，有會計師，醫生，測量師。請問為什麼咩師要同你一齊讀beginner English level 1?
發表於 
返回列表
